Connect with us

Culture

അണ്ടര്‍ വാട്ടര്‍ എസ്‌കേപ്പിനിറങ്ങിയ മാന്ത്രികന്‍ നദിയില്‍ മുങ്ങി മരിച്ചു

Published

on

ന്യൂഡല്‍ഹി: അണ്ടര്‍ വാട്ടര്‍ എസ്‌കേപ്പ് പ്രകടനത്തിനിടെ യുവ മാന്ത്രികന്‍ ഹൂഗ്ലി നദിയില്‍ മുങ്ങി മരിച്ചു. നാല്‍പതുകാരനായ പശ്ചിമ ബംഗാള്‍ സ്വദേശി ചഞ്ചാല്‍ ലാഹിരി എന്ന ജുഡ്ഗാര്‍ മാന്‍ഡ്രേക്ക് ആണ് അമേരിക്കന്‍ ഇതിഹാസം ഹാരി ഹുഡ്‌നിയുടെ ലോക പ്രശസ്ത മാന്ത്രിക കലയായ അണ്ടര്‍ വാട്ടര്‍ എസ്‌കേപ്പ് പുനരാവിഷ്‌കരിക്കാന്‍ ശ്രമിക്കുന്നതിനിടെ അപകടത്തില്‍പെട്ടത്. നദിയില്‍ താഴ്ത്തി ഏറെ നേരത്തിനു ശേഷവും മാന്ത്രികന്‍ തിരിച്ചുവരാതിരുന്നതോടെ കാണികളില്‍ ചിലര്‍ പൊലീസിനെ വിവരം അറിയിക്കുകയായിരുന്നു.

ഞായറാഴ്ച വൈകീട്ടായിരുന്നു സംഭവം. ഉടന്‍ തന്നെ പൊലീസും അഗ്നിശമന സേനയും സ്ഥലത്തെത്തി തെരച്ചില്‍ ആരംഭിച്ചെങ്കിലും കണ്ടെത്താനായില്ല. തുടര്‍ന്ന് രാത്രി വൈകി നടത്തിയ തെരച്ചിലില്‍ കാലത്ത് ബോഡി കണ്ടെത്തുകയായിരുന്നു.

ഏറെ അപകടം നിറഞ്ഞ ജാലവിദ്യയാണ് അണ്ടര്‍ വാട്ടര്‍ എസ്‌കേപ്പ്. കാണികള്‍ നോക്കിനില്‍ക്കെ മാന്ത്രികന്റെ കണ്ണുകള്‍ കറുത്ത തുണി കൊണ്ട് മൂടുകയാണ് ആദ്യം ചെയ്യുക. പിന്നീട് ചങ്ങലകള്‍ കൊണ്ട് ബന്ധനസ്ഥനാക്കിയ ശേഷം ആറടി ഉയരമുള്ള പെട്ടിയില്‍ അടക്കും. തുടര്‍ന്ന് പെട്ടിക്കു പുറത്തും ചങ്ങലകള്‍ കൊണ്ട് ബന്ധിച്ച് ആറു താഴുകള്‍ കൊണ്ട് പൂട്ടിയ ശേഷം ക്രെയിന്‍ ഉപയോഗിച്ച് വെള്ളത്തില്‍ താഴ്ത്തും. ഏവരേയും അത്ഭുതപ്പെടുത്തിക്കൊണ്ട് മാന്ത്രികന്‍ മറ്റെവിടെയെങ്കിലും പ്രത്യക്ഷപ്പെടുന്നതോടെയാണ് കാണികളില്‍ ശ്വാസം നേരെ വീഴുക. സമാനരീതിയില്‍ തന്നെയാണ് ലാഹിരി ജാലവിദ്യ അവതരിപ്പിക്കാന്‍ ശ്രമിച്ചത്. 2013ല്‍ ഇതേ ജാലവിദ്യ ലാഹിരി വിജയകരമായി അവതരിപ്പിച്ചിരുന്നു. കാണികള്‍ നോക്കിനില്‍ക്കെ പെട്ടിയില്‍ ചങ്ങലകള്‍ കൊണ്ട് ബന്ധിപ്പിച്ച് ഹൗറ പാലത്തിന്റെ 28ാം നമ്പര്‍ പില്ലറിനു സമീപമാണ് ക്രെയിന്‍ ഉപയോഗിച്ച് ലാഹിരിയെ താഴ്ത്തിയത്. ജാലവിദ്യ അവതരിപ്പിക്കും മുമ്പ് കൊല്‍ക്കത്ത പൊലീസിന്റെയും പോര്‍ട്ട് ട്രസ്റ്റിന്റേയും അനുമതി ലാഹിരി വാങ്ങിയിരുന്നുവെന്നാണ് റിപ്പോര്‍ട്ട്.

അണ്ടര്‍ വാട്ടര്‍ എസ്‌കേപ്പ് എന്നാണ് പേരെങ്കിലും വെള്ളവുമായി ഇതിന് യാതൊരു ബന്ധവുമില്ലെന്ന് ഇയാള്‍ അധികൃതര്‍ മുമ്പാകെ വിശദീകരിച്ചിരുന്നു. രക്ഷപ്പെട്ട് താന്‍ ബോട്ടില്‍ തിരിച്ചുവരുമെന്നായിരുന്നു കാണികള്‍ക്ക് നല്‍കിയ അറിയിപ്പ്. ഇതിനായി ഇദ്ദേഹം ബോട്ട് ക്രമീകരിച്ചിരുന്നതായും പൊലീസ് അറിയിച്ചു. എന്നാല്‍ ജാലവിദ്യക്കായി ഉപയോഗിച്ച പെട്ടിയും ചങ്ങലകളും സംഭവ സ്ഥലത്തുനിന്ന് ഏറെ മാറി നദിയില്‍നിന്ന് കണ്ടെടുത്തതോടെയാണ് ഒഴുക്കില്‍പെട്ടിരിക്കാമെന്ന നിഗമനത്തില്‍ അധികൃതര്‍ എത്തിയത്.

Film

തിയറ്ററിലിരുന്ന് കരയുകയായിരുന്നു, എന്‍റെ ജീവിതമാണത്’: നജീബ്

നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു

Published

on

കൊച്ചി: ‘ആടുജീവിതം’ സിനിമ കണ്ടപ്പോൾ ചില രംഗങ്ങൾ കണ്ട് തിയേറ്ററിനുള്ളിൽ ഇരുന്ന് കരയുകയായിരുന്നു താനെന്ന് നജീബ്. തന്റെ ജീവിതമാണ് സ്ക്രീനിലൂടെ കണ്ടതെന്നും നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു. ‘ആടുജീവിതം’ ആദ്യ ഷോ കണ്ടിറങ്ങിയപ്പോഴായിരുന്നു നജീബിന്‍റെ പ്രതികരണം.

പൃഥ്വിരാജ് വളരെ നന്നായി അഭിനയിച്ചിട്ടുണ്ട്. സിനിമ തിയേറ്ററിൽ എത്തുന്നത് കുടുംബം കാത്തിരിക്കുകയായിരുന്നു. എന്നാൽ മകന്റെ കുഞ്ഞ് മരിച്ചതോടെ എല്ലാവരും ദുഃഖത്തിലാണ്. എല്ലാവരും നിർബന്ധിച്ചത് കൊണ്ടാണ് ഇന്ന് സിനിമ കാണാൻ എത്തിയത്. ഇന്ന് തന്നെ സിനിമ കാണുമെന്ന് പറഞ്ഞ് നിരവധി പേരാണ് തന്നെ വിളിക്കുന്നത് -നജീബ് പറഞ്ഞു.

അതേസമയം, ഇന്ന് തിയറ്ററുകളിലെത്തിയ ചിത്രത്തിന് മികച്ച അഭിപ്രായമാണ് ലഭിക്കുന്നത്. ലോകോത്തര നിലവാരത്തിലുള്ള സിനിമയെന്നും, ബ്ലെസ്സി എന്ന സംവിധായകന്‍റെ 16 വർഷത്തെ കഠിനാധ്വാനം ഫലം കണ്ടിരിക്കുന്നുവെന്നുമെല്ലാം പ്രേക്ഷകർ അഭിപ്രായപ്പെടുന്നു.

Continue Reading

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Trending