Connect with us

Culture

‘കോടിയേരീ താങ്കളുടെ പാര്‍ട്ടി വധശിക്ഷ അര്‍ഹിക്കുന്നു’

Published

on

നജീബ് കാന്തപുരം

കോടിയേരീ
താങ്കളുടെ പാര്‍ട്ടി
വധശിക്ഷ അര്‍ഹിക്കുന്നു.

കണക്ക് തീര്‍ത്ത് കൊടുക്കാന്‍ പരസ്യമായി ആജ്ഞാപിച്ച്,
കൊലയാളികളുടെ കയ്യില്‍ വെട്ട് കത്തിയും കൊടുത്തയച്ച് കോടിയേരി പറയുകയാണ്..
മനുഷ്യനെ ഇങ്ങനെ വെട്ടിക്കൊല്ലരുതെന്ന്.
നാണം കെട്ട കോടിയേരി..
പിന്നെ എങ്ങിനെ
തീര്‍ത്ത് കളയാനാണ്
താങ്കള്‍ ആഹ്വാനം ചെയ്തത്?
താങ്കളുടെ പാര്‍ട്ടി തീര്‍ച്ചയായും വധശിക്ഷ അര്‍ഹിക്കുന്നു കോടിയേരി..
ഇതു വരെ താങ്കളുടെ പാര്‍ട്ടി കോടതിയാണ് അത് നടപ്പാക്കി വന്നത്.
ഇനി അത് നടപ്പാക്കാന്‍ പോകുന്നത് ജനങ്ങളാണ്.
ജനങ്ങളുടെ കോടതിയാണ്. ആ വിധി കൊണ്ട് ദുര്‍മരണങ്ങളുടെ ചോര പേറുന്ന ചെങ്കൊടി എന്നെന്നേക്കുമായി ഈ മണ്ണില്‍ നിന്ന് അപ്രത്യക്ഷമാവുക തന്നെ ചെയ്യും.

എത്ര മനുഷ്യരെയാണ് നിങ്ങള്‍ കൊന്ന് തള്ളിയത്??
എത്രയെത്ര പേരാണ് ആയുസ്സിന്റെ നീളം കൊണ്ട് മാത്രം ഇപ്പോഴും ജീവിക്കുന്നത്?
മരണത്തേക്കാള്‍ ഭയാനകമായി ജീവഛവമായി കഴിയുന്ന എത്ര ഹതാശരുണ്ട്??
ഇനിയെത്ര പേര്‍ പലയിടങ്ങളിലായി നിങ്ങളുടെ ക്വട്ടെഷനുകള്‍ ഭയന്ന് കഴിയുന്നുണ്ട്.
ഇതിന്റെയൊക്കെ ഒരു കണക്കെടുപ്പ് വേണ്ടേ??
കേരളത്തില്‍ ഏത് കൊലപാതകം നടന്നാലും എന്ത് കൊണ്ടാണ് ഒരു പക്ഷത്ത് താങ്കളുടെ പാര്‍ട്ടി ഉണ്ടാവുന്നത്??
ഏത് ആക്രമണങ്ങളിലും താങ്കളുടെ പാര്‍ട്ടിക്കാര്‍ പ്രതി ചേര്‍ക്കപ്പെടുന്നത്?
വീണ്ടും വീണ്ടും നിങ്ങള്‍ കുറ്റവാളികള്‍ക്ക് ആവേശം പകരുകയല്ലേ??
തെരെഞ്ഞെടുപ്പ് കാലത്ത് മാത്രമല്ല കോടിയേരി…
തെരെഞ്ഞെടുപ്പ് അല്ലാത്ത കാലത്തും കൊലപാതകം നടക്കരുത്.
തെരെഞ്ഞെടുപ്പ് അടുത്തില്ലാത്തപ്പോള്‍ വരമ്പത്ത് കൂലി നല്‍കാന്‍ പറഞ്ഞിട്ട് തെരെഞെടുപ്പ് കാലത്ത് കൊലയാളികളെ
വെള്ളരിപ്രാവുകളാക്കി പറത്താന്‍ശ്രമിച്ചാല്‍ നടക്കില്ല കോടിയേരീ.
ഓരോ കൊലപാതകങ്ങള്‍ കഴിയുമ്പോഴും ജനങ്ങള്‍ കരുതി. നിങ്ങള്‍ പാഠം പഠിച്ചെന്ന്. തെറ്റ് തിരുത്തിയെന്ന്. ഇനി ആവര്‍ത്തിക്കില്ലെന്ന്.
അതുണ്ടായില്ല.
അങ്ങിനെയൊരു പ്രതീക്ഷക്ക് വകയില്ലാത്ത വിധം താങ്കളുടെ പാര്‍ട്ടിയില്‍ കഴുത്തറപ്പന്മാര്‍ പിടിമുറുക്കിയിരിക്കുന്നു.
പുതു തലമുറയിലെ നേതാക്കളും കുറ്റവാളികളായി
അറിയപ്പെടുന്നതില്‍ അഭിമാനിക്കുന്നു. കുറ്റവാളികളുടെ വിരുന്നുകളിലും വിവാഹ സല്‍ക്കാരങ്ങളിലും അഭിരമിക്കുന്നു.
ചോരക്കൊതി കാമ്പസുകള്‍ മുതല്‍ നിങ്ങള്‍ ലഹരിയായി പടര്‍ത്തുന്നു.
ഒരു സഹിഷ്ണുതയുമില്ലാതെ കാമ്പസുകളില്‍ പെണ്‍കുട്ടികളെ പോലും അവര്‍ ആക്രമിക്കുന്നു. ജനാധിപത്യം താങ്കളുടെ പാര്‍ട്ടിക്ക് പറഞ്ഞതല്ലെന്നറിയാം. സ്റ്റാലിനിസ്റ്റുകളാണ് നിങ്ങള്‍. അത്തരമൊരു പാര്‍ട്ടി ജനാധിപത്യത്തില്‍ ഒരു ഭാരമാണ്.
അതു കൊണ്ട് തന്നെ ജനം കുഴിവെട്ടും. സംഘികളെപ്പോലെ ആ കുഴിയില്‍ താങ്കളുടെ പാര്‍ട്ടിയും അടക്കപ്പെടും.
ചരിത്രം അതിന് സാക്ഷി പറയുക തന്നെ ചെയ്യും.
അപ്പൊ
ലാല്‍ സലാം സഖാവെ.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

മരുഭൂമിയിൽ പെയ്ത ദുരിതമഴയിൽ നിന്ന് ഗൾഫ് ജനത കരകയറട്ടെ, ആശ്വാസവാക്കുകളുമായി മമ്മൂട്ടിയും ടോവിനോയും

ഈ ദുരിതത്തില്‍ നിന്ന് ദുബൈയിലെ ജനങ്ങള്‍ എത്രയും വേഗം കരകയറട്ടെ എന്ന ആശ്വാസ വാക്കുകളുമായെത്തിയിരിക്കുകയാണ് മോളിവുഡിലെ പ്രമുഖരായ താരങ്ങള്‍.

Published

on

കഴിഞ്ഞ ദിവസങ്ങളില്‍ ദുബൈയില്‍ പെയ്ത കനത്ത മഴയില്‍ പ്രധാന നഗരങ്ങളും ഹൈവേകളും വിമാനത്താവളങ്ങളും വെള്ളത്തിനടിയിലായിരുന്നു. കഴിഞ്ഞ ഏഴുദശകത്തിനിടയില്‍ പ്രദേശത്ത് പെയ്ത ഏറ്റവും വലിയ മഴയായിരുന്നു ഇത്. ഈ ദുരിതത്തില്‍ നിന്ന് ദുബൈയിലെ ജനങ്ങള്‍ എത്രയും വേഗം കരകയറട്ടെ എന്ന ആശ്വാസ വാക്കുകളുമായെത്തിയിരിക്കുകയാണ് മോളിവുഡിലെ പ്രമുഖരായ താരങ്ങള്‍.

‘ഗള്‍ഫ് നാടുകളിലെ പ്രകൃതിക്ഷോഭം അവിടെയുള്ള സകലമാന ജീവിതങ്ങളെയും ദുരിതത്തില്‍ ആഴ്ത്തിയിരിക്കുന്നു എന്നത് വേദനയോടെ അറിയുന്നു. ആശങ്കകള്‍ മനസിലാക്കുന്നു. പരമാവധി സുരക്ഷിതരായിരിക്കുക. എല്ലാം എത്രയും പെട്ടന്ന് ശരിയാകട്ടെ എന്നാണ് മമ്മൂട്ടി പറയുന്നത്.

‘മരുഭൂമിയില്‍ സ്വപ്നനഗരിയില്‍ പടുത്തുയര്‍ത്തിയ അതേ ആര്‍ജ്ജവത്തോടെ ഈ ദുരിതപെയ്തിയില്‍ നിന്നും എത്രയും പെട്ടന്ന് സാധാരണ ജീവിതത്തിലേക്ക് തിരിച്ചെത്തുവാന്‍ നമ്മുടെ സഹോദരര്‍ ഉള്‍പ്പടെയുള്ള ഗള്‍ഫ് ജനതയ്ക്ക് സാധിക്കട്ടെ’ എന്നാണ് ടോവിനോ തോമസ് കുറിച്ചത്. നിരവധിപേര്‍ ദുബൈയി ജനതയ്ക്ക് പിന്തുണ അറിയിച്ചിട്ടുണ്ട്.

Continue Reading

Film

തർക്കം പരിഹരിച്ചു; പിവിആറിൽ മലയാള സിനിമകൾ പ്രദർശിപ്പിക്കും

നാളെ മുതൽ പിവിആർ സിനിമാസിൽ മലയാളം സിനിമകൾ പ്രദർശിപ്പിക്കും.

Published

on

പിവിആർ സിനിമാസും – പ്രൊഡ്യൂസേഴ്സ് അസോസിയേഷനുമായുള്ള തർക്കം പരിഹരിച്ചു. നാളെ മുതൽ പിവിആർ സിനിമാസിൽ മലയാളം സിനിമകൾ പ്രദർശിപ്പിക്കും.വ്യവസായി എം എ യുസഫ് അലിയുടെ മാധ്യസ്ഥതയിൽ ഫെഫ്ക്കയും പിവിആർ അധികൃതരും നടത്തി ചർച്ചയിലാണ് തീരുമാനം.

പിവിആർ തീരുമാനം പിൻവലിച്ചില്ലെങ്കിൽ ഭാവിയിൽ മൊഴിമാറ്റ ചിത്രങ്ങൾ അടക്കം പ്രദർശിപ്പിക്കാൻ അനുമതി നൽകില്ലെന്ന് സാങ്കേതിക ഫെഫ്ക നിലപാട് എടുത്തിരുന്നു. ഇതിന് പിന്നാലെയാണ് തിരുമാനത്തിൽ നിന്നും പിവിആർ അധികൃതർ പിന്മാറിയത്.

പിവിആര്‍ കയ്യൂക്ക് കാണിക്കുകയാണെന്നും പ്രദര്‍ശനം നിര്‍ത്തിവച്ച ദിവസങ്ങളിലെ നഷ്ടപരിഹാരം നല്‍കാതെ പ്രസ്തുത മള്‍ട്ടിപ്ലെക്സ് ശൃംഖലയ്ക്ക് ഇനി മലയാള സിനിമകള്‍ നല്‍കില്ലെന്നും ഫെഫ്ക അറിയിച്ചിരുന്നു. പരിഹാരം ഉണ്ടായില്ലെങ്കിൽ പ്രതിഷേധം പിവിആർ സ്ക്രീനുകളിലേക്ക് വ്യാപിപ്പിക്കും. പിവിആറിന്‍റെ നീക്കം പുതിയ സിനിമകള്‍ക്ക് വലിയ തിരിച്ചടിയാണെന്നും ഫെഫ്ക അറിയിച്ചിരുന്നു.

പിവിആറും നിർമാതാക്കളും തമ്മിലുള്ള ഡിജിറ്റൽ കണ്ടന്റ് പ്രൊഡക്ഷൻ സംബന്ധിച്ച തർക്കമാണ് സിനിമകളുടെ പ്രദർശനം നിർത്തിവെക്കുന്നതിലേക്ക് എത്തിയത്. വൻതുക നൽകുന്നത് ഒഴിവാക്കാൻ നിർമാതാക്കൾ സ്വന്തമായി ഇതിനുള്ള സംവിധാനം ഒരുക്കിയത് അ‌ംഗീകരിക്കാൻ തയ്യാറല്ലാത്തതാണ് തർക്കത്തിന് കാരണം.

Continue Reading

Film

‘പിവിആർ സിനിമാസിനെ ബഹിഷ്ക്കരിക്കും’; മലയാള സിനിമ പ്രദർശിപ്പിക്കില്ലെന്ന നിലപാടിനെതിരെ ഫെഫ്ക

ഇന്ത്യയിലെ മുഴുവൻ സ്ക്രീനുകളിലെയും മലയാള സിനിമകളുടെ ബുക്കിങ്ങാണ് പിവിആർ ഏപ്രിൽ 11-ന് ബഹിഷ്കരിച്ചത്

Published

on

പിവിആർ– മലയാള സിനിമ തർക്കം പുതിയ തലത്തിലേക്ക്. പ്രദർശനം നിർത്തിയതിനെ തുടർന്നുണ്ടായ നഷ്ടം നികത്താതെ മലയാള സിനിമകൾ ഇനി പിവിആർ തിയറ്ററുകളിൽ പ്രദർശിപ്പിക്കില്ലെന്നു ഫെഫ്ക അറിയിച്ചു. വിർച്വൽ പ്രിന്റ് ഫീ (വിപിഎഫ്) വിഷയത്തിൽ പിവിആറും പ്രൊഡ്യൂസേഴ്സ് അസോസിയേഷനുമായുള്ള ചർച്ചകൾ നടക്കുന്നതിനിടെ ഏകപക്ഷീയമായി രാജ്യത്താകെയുള്ള പിവിആർ സ്ക്രീനുകളിൽ മലയാള സിനിമകൾ ബഹിഷ്കരിച്ചെന്നു ഫെഫ്ക ജനറൽ സെക്രട്ടറി ബി.ഉണ്ണികൃഷ്ണൻ പറഞ്ഞു.

ഇന്ത്യയിലെ മുഴുവൻ സ്ക്രീനുകളിലെയും മലയാള സിനിമകളുടെ ബുക്കിങ്ങാണ് പിവിആർ ഏപ്രിൽ 11-ന് ബഹിഷ്കരിച്ചത്. ഡിജിറ്റൽ കണ്ടന്റ് പ്രൊജക്‌ഷനെ തുടർന്നുള്ള തർക്കവുമായി ബന്ധപ്പെട്ടായിരുന്നു തീരുമാനം. 11-ന് റിലീസിനൊരുങ്ങിയ മൂന്നിലധികം മലയാള സിനിമകളുടെ പിവിആറിലെ ഷോകളാണ് ഇതോടെ മുടങ്ങിയത്. കൊച്ചി, തിരുവനന്തപുരം എന്നിവിടങ്ങളിലൊന്നും മലയാള സിനിമകളുടെ പ്രദർശനം പിവിആർ് ഇപ്പോൾ നടത്തുന്നില്ല.

ഉണ്ണികൃഷ്ണനെ കൂടാതെ സിബി മലയിൽ, രൺജി പണിക്കർ, സോഹൻ സീനുലാൽ, നിലവിൽ തിയറ്ററുകളിൽ പ്രദർശിപ്പിക്കുന്ന സിനിമകളെ പ്രതിനിധീകരിച്ച് ബ്ലെസി, വിനീത് ശ്രീനിവാസൻ, വിശാഖ് സുബ്രഹ്മണ്യം, അൻവർ റഷീദ്, സൗബിൻ ഷാഹിർ, ജിത്തു മാധവന്‍ തുടങ്ങിയവർ ചേർന്നാണു തീരുമാനങ്ങള്‍ പ്രഖ്യാപിച്ചത്. മുൻകൂറായി വിപിഎഫ് തുക അടച്ചിട്ടുപോലും ആടുജീവിതത്തിന്റെ പ്രദർശനം നിർത്തുന്നതു ഫോൺ വഴി പോലും അറിയിച്ചില്ലെന്നു ബ്ലെസി പറഞ്ഞു. മറ്റു സംസ്ഥാനങ്ങളിലെങ്കിലും പ്രദർശിപ്പിക്കണമെന്ന് ആവശ്യപ്പെട്ടിട്ടും അംഗീകരിച്ചില്ലെന്നും അദ്ദേഹം ചൂണ്ടിക്കാട്ടി.

Continue Reading

Trending