മുന്‍ ആര്‍.എസ്.എസ് പ്രവര്‍ത്തകരെ സ്വാതന്ത്ര്യസമരസേനാനികളായി പ്രഖ്യാപിക്കാന്‍ ഒരുങ്ങി മഹാരാഷ്ട്ര സര്‍ക്കാര്‍

 

മുംബൈ: മുന്‍ ആര്‍.എസ്.എസ് പ്രവര്‍ത്തകരെ സ്വാതന്ത്ര്യസമരസേനാനികളായി പ്രഖ്യാപിക്കാന്‍ ഒരുങ്ങി മഹാരാഷ്ട്ര സര്‍ക്കാര്‍. അടിയന്തരാവസ്ഥ സമയത്ത് ജയിലില്‍ കഴിഞ്ഞ ആര്‍.എസ്.എസ് പ്രവര്‍ത്തകര്‍ക്ക് സ്വാതന്ത്ര്യസമര സേനാനി പദവി നല്‍കുമെന്ന് മഹാരാഷ്ട്ര സര്‍ക്കാര്‍ നിയമസഭയില്‍ അറിയിച്ചു. മുഖ്യമന്ത്രി ദേവേന്ദ്ര ഫഡ്‌നാവിസാണ് നിയമസഭയില്‍ ഇക്കാര്യം വ്യക്തമാക്കിയാണ്. ഇതു സംബന്ധിച്ച ശുപാര്‍ശ തയ്യാറായാതായും 2018ലെ ആദ്യ മന്ത്രിസഭാ യോഗത്തില്‍ പ്രമേയം സഭയില്‍ അവതരിപ്പിക്കുമെന്നും അദ്ദേഹം പറഞ്ഞു. രാജ്യത്തിന്റെ ജനാധിപത്യം കാത്തു സൂക്ഷിക്കാനായി പോരാടിയവര്‍ക്ക് സ്വാതന്ത്ര്യസമര സേനാനി പട്ടവും കൂടാതെ പെന്‍ഷനും നല്‍കുമെന്നും അദ്ദേഹം പറഞ്ഞു

സംസ്ഥാനത്തെ വിവിധ ജില്ലകളില്‍ നിന്നും അടിയന്തരാവസ്ഥ കാലത്ത് ജയിലില്‍ കഴിഞ്ഞവരുടെ വിവരങ്ങള്‍ ശേഖരിച്ച് വരികയാണ് സര്‍ക്കാര്‍. നിരവധി പേര്‍ ഇതിനകം തന്നെ ഇതിനായി സര്‍ക്കാറിനെ സമീപിച്ചിട്ടുണ്ടെന്നും. എല്ലാവരുടെയും വിവരശേഖരണത്തിന് കുറച്ചുസമയം എടുക്കുമെന്നും ഇതു പൂര്‍ത്തിയാലുടന്‍ പ്രഖ്യാപനം ഉണ്ടാവുമെന്നും മുഖ്യമന്ത്രി അറിയിച്ചു. മഹാരാഷ്ട്രയെ കൂടാതെ ഉത്തര്‍പ്രദേശും മധ്യപ്രദേശും ഇത്തരത്തില്‍ ആര്‍.എസ്.എസ് തടവുകാരെ ആദരിക്കുന്നെണ്ടും അദ്ദേഹം പറഞ്ഞു. 19 മാസക്കാലം ജയിലില്‍ കഴിഞ്ഞലര്‍ക്ക് എട്ടോളം സംസ്ഥാനങ്ങളില്‍ ഈ പദവി നല്‍കുന്നതായും ഫഡ്‌നാവിസ് ചൂണ്ടിക്കാട്ടി.

അതേസമയം ഈ നീക്കതിനെതിരെ ആര്‍.എസ്.എസിലെ ഒരു വിഭാഗത്തിന് അതൃപ്തി പ്രകടിപ്പിച്ചിട്ടുണ്ട്. പെന്‍ഷനോ പദവിയോ കിട്ടാനല്ല അടിയന്താരാവസ്ഥക്ക്എതിരെ ആര്‍.എസ്.എസും ജനസംഘവും പേരാടിയത് എന്നാണ് ഇവരുടെ വാദം.