സൗദിയില്‍ വാഹനാപകടം; 18 തീര്‍ത്ഥാടകര്‍ക്ക് പരിക്ക്‌

ജിദ്ദ: മക്കയില്‍ കഴിഞ്ഞ ദിവസമുണ്ടായ വാഹനാപകടത്തില്‍ 18 ഉംറ തീര്‍ത്ഥാടകര്‍ക്ക് പരിക്കേറ്റു. തീര്‍ത്ഥാടകര്‍ സഞ്ചരിച്ചിരുന്ന രണ്ട് ബസുകള്‍ അറഫ റോഡില്‍ വെച്ച് ടിപ്പര്‍ ലോറിയുമായി കൂട്ടിയിടിക്കുകയായിരുന്നു. അപകടമുണ്ടായ ഉടന്‍ റെഡ് ക്രസന്റ് സംഘം സ്ഥലത്തെത്തി രക്ഷാപ്രവര്‍ത്തനം നടത്തി. പരിക്കേറ്റവരില്‍ ആറുപേരെ അല്‍ നൂര്‍ സ്‌പെഷ്യാലിസ്റ്റ് ആശുപത്രിയിലും പത്തുപേരെ കിങ് ഫൈസല്‍ ആശുപത്രിയിലും പ്രവേശിപ്പിച്ചു. നിസാര പരിക്കേറ്റവരെ സംഭവസ്ഥലത്തുവെച്ചുതന്നെ പ്രാഥമിക ശുശ്രൂഷ നല്‍കി വിട്ടയച്ചു.

SHARE