പാക് പ്രധാനമന്ത്രി ഇമ്രാന്‍ ഖാന്റെ സന്ദര്‍ശനത്തിന് പിറകെ പാകിസ്താന് എഫ്16 വിമാനങ്ങള്‍ വില്‍ക്കാന്‍ യുഎസ് തീരുമാനിച്ചതായി റിപ്പോര്‍ട്ട്. 2018 ജനുവരി മുതല്‍ പാകിസ്താന് സുരക്ഷാ സഹായം നല്‍കുന്നത് യുഎസ് നിര്‍ത്തിവെച്ചിരുന്നു. 125 ദശലക്ഷം ഡോളറിന്റെ യുദ്ധവിമാന കരാറിനാണ് ഇരുരാജ്യങ്ങളും തയ്യാറെടുക്കുന്നത്. ഈ തീരുമാനം പിന്‍വലിക്കാതെ കരാര്‍ സാധ്യമാകില്ലെന്ന് അമേരിക്ക അധികൃതര്‍ പറഞ്ഞതായി വാര്‍ത്താ ഏജന്‍സി പിടിഐ റിപ്പോര്‍ട്ട് ചെയ്തു.

ഈ ആഴ്ചയില്‍ തന്നെ പ്രസിഡന്റ് ഡോണാള്‍ഡ് ട്രംപ് നേരത്തെയുള്ള നിരോധനം നീക്കിയേക്കും. അമേരിക്കയുടെ സാങ്കേതിക സഹായം തുടരുന്നതിനായി പാകിസ്ഥാന്‍ അപേക്ഷിച്ചിരുന്നു.
പാകിസ്ഥാനിലെ ഭീകരരുടെ കേന്ദ്രങ്ങള്‍ തകര്‍ക്കാനാണ് യുഎസ് എഫ്16 യുദ്ധവിമാനങ്ങള്‍ പാകിസ്ഥാന് കൈമാറിയത്. ഫ്രാന്‍സുമായി ഇന്ത്യ റാഫേല്‍ കരാര്‍ ഒപ്പിട്ട പിന്നാലെയാണ് അമേരിക്കയില്‍നിന്ന് കൂടുതല്‍ എഫ്16 വിമാനങ്ങള്‍ വാങ്ങുന്നത്. പുല്‍വാമ ഭീകരാക്രമണത്തെ തുടര്‍ന്ന് ഇന്ത്യ നടത്തിയ വ്യോമാക്രമണങ്ങളെ പ്രതിരോധിക്കാന്‍ പാകിസ്ഥാന്‍ എഫ്16 വിമാനങ്ങളെ ഉപയോഗിച്ചിരുന്നു.