Connect with us

Video Stories

ഭക്തിയും വിനോദവും സമന്വയിച്ച സംസ്‌കാരം

Published

on

പി. മുഹമ്മദ് കുട്ടശ്ശേരി

ഭൗതിക ജീവിതത്തിലെ കളിയും തമാശയും വിനോദവും സന്തോഷ പ്രകടനങ്ങളും സുഖാസ്വാദനങ്ങളുമെല്ലാം എത്രകണ്ടു ത്യജിക്കുന്നുവോ അത്രകണ്ട് ദൈവവുമായി അടുത്ത് മരണാനന്തരം ശാശ്വത സൗഭാഗ്യത്തിനര്‍ഹത നേടുമെന്ന് ചിലര്‍ ധരിക്കുന്നു. ഇതാണ് മതമെന്ന ധാരണ എത്രയാണ് വിനോദ പ്രേമികളായ ആധുനിക തലമുറയെ തെറ്റിദ്ധാരണയില്‍ വീഴ്ത്തി മത ചിന്തയില്‍ നിന്നകറ്റി നിര്‍ത്തുന്നത്. യഥാര്‍ത്ഥത്തില്‍ മനുഷ്യന് പ്രത്യക്ഷമായോ പരോക്ഷമായോ ഏതെങ്കിലും തരത്തില്‍ ദോഷം ചെയ്യുന്നത് മാത്രമേ ദൈവം നിരോധിക്കുന്നുള്ളുവെന്ന് ഖുര്‍ആന്‍ അസന്നിഗ്ദ്ധമായി പ്രഖ്യാപിക്കുന്നു. ‘ദൈവം അവന്റെ ദാസന്മാരായ മനുഷ്യര്‍ക്ക് അനുവദിച്ചുകൊടുത്ത അലങ്കാരത്തെയും നല്ല ആഹാരത്തെയും ആരാണ് നിരോധിക്കുന്നത്. പറയുക: അവ വിശ്വാസികള്‍ക്ക് ഈ ഭൗതിക ജീവിതത്തില്‍ അനുഭവിക്കാനുള്ളതാണ്. മരണാനന്തര ജീവിതത്തില്‍ അവര്‍ക്ക് മാത്രവുമായിരിക്കും’. ‘നല്ലതെല്ലാം അവര്‍ നിങ്ങള്‍ക്ക് അനുവദിക്കുന്നു; ചീത്തയായത് നിരോധിക്കുകയും ചെയ്യുന്നു’. ഈ ഭൗതിക ജീവിതത്തില്‍ ആഹ്ലാദജന്യമായ എന്തെല്ലാം കാര്യങ്ങളുണ്ട്. രുചികരമായ ആഹാരം, വൃത്തിയും ഭംഗിയും സൗകര്യങ്ങളുമുള്ള വീട്, നല്ല വസ്ത്രങ്ങള്‍- ഇവയെല്ലാം ഭക്തി ചിന്തക്കെതിരാണെന്ന ധാരണ എത്ര അപകരമാണ്. ദൈവം മനുഷ്യന് നല്‍കിയ അനുഗ്രഹങ്ങള്‍ അവന്റെ ജീവിതത്തില്‍ പ്രകടമാകുന്നത് അവനുള്ള നന്ദിപ്രകടനമായി കാണണം. അതേ അവസരം സാമ്പത്തിക സൗകര്യങ്ങള്‍ ലഭിച്ചവര്‍ പാവങ്ങളോടുള്ള കടമകള്‍ വിസ്മരിക്കുമ്പോള്‍ അത് ദൈവത്തോട് കാണിക്കുന്ന നന്ദികേടായി കണക്കാക്കുന്നു.
മനുഷ്യ മനസ്സ് സദാ സന്തോഷവും പ്രസന്നതയും നിറഞ്ഞതായിരിക്കണം. ജീവിതത്തില്‍ ദുഃഖവും വേദനയും നിരാശയും സൃഷ്ടിക്കുന്ന എന്തെല്ലാം അവസ്ഥകള്‍ മനുഷ്യനെ അഭിമുഖീകരിക്കാറുണ്ട്. ദൈവം വ്യവസ്ഥപ്പെടുത്തിയ ഈ പ്രകൃതിയില്‍ വെളിച്ചവും ഇരുട്ടും, മന്ദമാരുതനും കൊടുങ്കാറ്റും, അത്യഷ്ണവും അതിവൃഷ്ടിയുമെല്ലാം ഉണ്ടാകും. അതുപോലെ മനുഷ്യ ജീവിതത്തിലും സന്തോഷിപ്പിക്കുന്നത് മാത്രമേ സംഭവിക്കാന്‍ പാടുള്ളു എന്ന് ആരും കൊതിച്ചിട്ട് കാര്യമില്ല. പ്രവാചകന്‍ ജീവിതത്തില്‍ എന്തെല്ലാം പ്രയാസങ്ങള്‍ അനുഭവിച്ചു. എന്നിട്ടും അദ്ദേഹം എത്ര സന്തുഷ്ടനായിരുന്നു. തിരുമേനി ചിരിച്ച സന്ദര്‍ഭങ്ങള്‍ മാത്രം വിവരിക്കുന്ന ഗ്രന്ഥങ്ങളുണ്ട്. സദാ ശുഭപ്രതീക്ഷ എന്നതായിരുന്നു അദ്ദേഹത്തിന്റെ മുഖമുദ്ര. ജീവിതത്തില്‍ തനിക്ക് ഏറ്റവും ഇഷ്ടപ്പെട്ടത് സ്ത്രീകളും സുഗന്ധദ്രവ്യങ്ങളുമാണെന്ന് അനുയായികളോട് തുറന്നുപറയുന്നതില്‍ അദ്ദേഹം ഒരു മടിയും കാണിച്ചില്ല. തനിക്ക് ഏറ്റവും അധികം ഇഷ്ടപ്പെട്ട വ്യക്തി ആഇശ (റ) ആണെന്നും അദ്ദേഹം വ്യക്തമാക്കി. അതേ അവസരം തന്റെ ഏറ്റവും വലിയ മനഃകുളിര്‍മ നമസ്‌കാരത്തിലാണെന്നും അദ്ദേഹം പ്രഖ്യാപിച്ചു. സ്വന്തം ഇണയുമൊത്ത് കാമലീലകളിലേര്‍പ്പെടുമ്പോഴും അതില്‍ പുണ്യം ദര്‍ശിക്കണമെന്ന് പ്രവാചകന്‍ നിര്‍ദ്ദേശിക്കുന്നു. നിങ്ങളുടെ ലൈംഗികാവയവത്തിലും പുണ്യമുണ്ട് എന്ന് അദ്ദേഹം പറഞ്ഞപ്പോള്‍ അനുയായികള്‍ അത്ഭുതത്തോടെ ചോദിക്കുന്നു: ‘ഞങ്ങള്‍ വികാരശമനം നടത്തുമ്പോള്‍ അതിലും പുണ്യമോ?’ തിരുമേനിയുടെ മറുപടി ഇങ്ങനെ: ‘അതെ, തെറ്റായ മാര്‍ഗത്തിലൂടെയാണ് അത് നിര്‍വഹിക്കുന്നതെങ്കില്‍ പാപമാവുകയില്ലേ. അപ്പോള്‍ അനുവദനീയ രൂപത്തിലാകുമ്പോള്‍ പുണ്യവുമാണ്’. ഈ ദുന്‍യാവില്‍ ഈ സുഖസൗകര്യങ്ങളെല്ലാം ദൈവം സൃഷ്ടിച്ചത് മനുഷ്യന് അനുഭവിക്കാനാണ്. പക്ഷേ ‘ഹലാലും ത്വയ്യിബും’ അതായത് അനുവദനീയമായതും നല്ലതും മാത്രമേ ഉപയോഗിക്കാന്‍ പാടുള്ളു. കൂടുതല്‍ ഭക്തി നേടാന്‍ വേണ്ടി രാത്രി ഉറങ്ങാതെ പ്രാര്‍ത്ഥനയില്‍ മുഴുകുമെന്നും, എന്നും നോമ്പനുഷ്ഠിക്കുമെന്നും, ഭാര്യയുമായുള്ള ശാരീരിക ബന്ധം വര്‍ജിക്കുമെന്നും ശപഥം ചെയ്ത ചില അനുയായികളുടെ ശപഥം ലംഘിക്കാന്‍ നബി നിര്‍ബന്ധിച്ച സംഭവം ചരിത്രത്തില്‍ സുപ്രസിദ്ധമാണ്. ഇത് തന്റെ ചര്യക്ക് വിരുദ്ധമാണെന്ന് പ്രഖ്യാപിച്ച നബി സ്രഷ്ടാവിനോടും സ്വന്തത്തോടും കുടുംബത്തോടുമുള്ള കടമകള്‍ നിര്‍വഹിക്കാന്‍ ഉപദേശിച്ചു.
മനസ്സ് സദാ ഉന്മേഷഭരിതവും ശുഭചിന്തകളും സ്വപ്‌നങ്ങളും നിറഞ്ഞതുമായിരിക്കണം. ശരീരത്തിന് ക്ഷീണവും മുഷിപ്പും ബാധിക്കുംപോലെ മനസ്സിനും തളര്‍ച്ച ബാധിക്കും. മനസ്സിന് അടിക്കടി ഉന്മേഷം നല്‍കാന്‍ പ്രായോഗിക മാര്‍ഗങ്ങള്‍ സ്വീകരിക്കണം. നല്ല മനുഷ്യരുമായി ഉള്ളുതുറന്ന് സംസാരിക്കുകയും പരസ്പരം ആശയങ്ങള്‍ കൈമാറുകയും ചെയ്യുമ്പോള്‍ മനസ്സിന് പുതുജീവന്‍ ലഭിക്കുന്നു. വര്‍ത്തമാനം പറയുന്നതിന് അറബിയില്‍ ‘ഹദീസ്’ എന്നാണ് പറയുക. ‘പുതിയത്’ എന്ന അര്‍ത്ഥത്തിനും ഈ പദം തന്നെയാണ് ഉപയോഗിക്കുക. ഉമറുബ്‌നു അബ്ദുല്‍ അസീസ് പറയുന്നു: ‘സംഭാഷണം ബുദ്ധിക്ക് പനര്‍ജീവന്‍ നല്‍കുകയും ദുഃഖം അകറ്റുകയും മനസ്സിന് ആശ്വാസമേകുകയും ചെയ്യും’. ഇബ്‌നുറൂമി രോഗശയ്യയിലായിരിക്കുമ്പോള്‍ അദ്ദേഹത്തെ സന്ദര്‍ശിച്ചവരോട് ഇപ്രകാരം പറഞ്ഞു: ‘എനിക്ക് എല്ലാറ്റിനോടും മടുപ്പ് തോന്നുന്നു. നല്ലതെല്ലാം ചീത്തയായി അനുഭവപ്പെടുന്നു. വര്‍ത്തമാനം പറയുന്നതൊഴികെ’. ശുദ്ധ മനസ്‌കരായ മനുഷ്യരുമായുള്ള സംഭാഷണം മനസിന് പരിപോഷണമാണ്.
തമാശകള്‍ക്ക് മനസ്സിന് കുളിര്‍മയേകുന്നതിന് എത്രമാത്രം ശക്തിയുണ്ട്. പ്രവാചകന്‍ പറഞ്ഞ തമാശകളെല്ലാം ചരിത്രത്തില്‍ രേഖപ്പെടുത്തിയിട്ടുണ്ട്. ‘ഞാന്‍ തമാശ പറയും. പക്ഷേ, സത്യമേ പറയുകയുള്ളു’- അദ്ദേഹം പ്രസ്താവിച്ചു. ആളുകളെ ചിരിപ്പിക്കാന്‍ വേണ്ടി വാസ്തവിരുദ്ധമായ കാര്യങ്ങള്‍ പടച്ചുണ്ടാക്കി പറയുന്നവര്‍ക്ക് നാശമുണ്ടാകുമെന്ന് അദ്ദേഹം താക്കീത് ചെയ്യുന്നു. ഖുര്‍ആനും പ്രവാചക വചനവും മാത്രം പോര, കവിതയും ചരിത്രവുമെല്ലാം വേണമെന്ന് ഇബ്‌നു അബ്ബാസ് പ്രസ്താവിച്ചു. പൂര്‍വികരായ പണ്ഡിതന്മാരുടെ തമാശകള്‍ പലതും ചരിത്രത്തില്‍ രേഖപ്പെടുത്തിയിട്ടുണ്ട്. ഇമാം ശഅബിയോട് ഒരാള്‍ ചോദിച്ചു: ‘ഇബ്‌ലീസിന്റെ ഭാര്യയുടെ പേര് എന്താണ്?’
ശഅബി: ‘ഞാന്‍ ആ കല്യാണത്തില്‍ പങ്കെടുത്തിട്ടില്ല’
ഖാസി അബൂയൂസുഫിനെ സന്ദര്‍ശിച്ച ഒരാള്‍ ഒന്നുംമിണ്ടാതെ മൗനിയായി ഇരിക്കുന്നു.
ശഅബി: ‘എന്താ താങ്കള്‍ ഒന്നും മിണ്ടാതെ’. ഉടനെ അയാളുടെ ചോദ്യം: ‘എപ്പോഴാണ് നോമ്പ് തുറക്കുക’
ശഅബി: ‘സൂര്യന്‍ അസ്തമിച്ചാല്‍’.
ആഗതന്‍: ‘പാതിരാവ് വരെ സൂര്യന്‍ അസ്തമിച്ചില്ലെങ്കിലോ?’
ശഅബി: ‘നീ മൗനിയായി ഇരുന്നത് ശരിയായിരുന്നു. നിന്നെ സംസാരിപ്പിച്ച ഞാന്‍ ചെയ്തത് അബദ്ധമായി.’
ഭക്തിയും സൂക്ഷ്മതയുമുള്ള മനുഷ്യര്‍ കഥയും നോവലുമൊന്നും വായിക്കുകയില്ല എന്ന് വിശ്വസിക്കുന്ന പലരും സമൂഹത്തിലുണ്ട്.
കളികളും വിനോദങ്ങളും എത്രയാണ് മനസിന് ഉന്മേഷം പകരുന്നത്. അബുദ്ദര്‍ദാഅ് പറയുന്നു: ‘മനസ് മുഷിഞ്ഞാല്‍ അത് സ്‌നേഹം നശിപ്പിക്കും. വിദ്വേഷം വളര്‍ത്തും; രസം നഷ്ടപ്പെടുത്തും.’ പ്രവാചകന്‍ പത്‌നി ആയിശയുമായി ഓട്ടമത്സരം നടത്തിയ സംഭവം സുപരിചിതമാണല്ലോ. ഒരിക്കല്‍ അദ്ദേഹം കുട്ടികളെ വരിയില്‍ നിര്‍ത്തി ഓടി തന്റെയടുത്ത് ആദ്യമെത്തുന്നവര്‍ക്ക് സമ്മാനം വാഗ്ദാനം ചെയ്യുന്നു. അവര്‍ ഓടി ചിലര്‍ നബിയുടെ പുറത്തു കയറി മറ്റു ചിലരെ നബി അണച്ചുപിടിച്ചു. കുട്ടികള്‍ പള്ളിക്കൂടം വിട്ടു വന്നാല്‍ അവരെ കളിക്കാന്‍ വിടാന്‍ ഇമാം ഗസ്സാലി ഉപദേശിക്കുന്നു. അവര്‍ക്ക് പഠനത്തിന്റെ ക്ഷീണം മാറട്ടെ. വീണ്ടും അവരെ പഠിക്കാന്‍ നിര്‍ബന്ധിച്ചാല്‍ അവരുടെ മനസ് ചത്തുപോകും. ജീവിതത്തോട് തന്നെ അവര്‍ക്ക് മടുപ്പ് തോന്നും’- അദ്ദേഹം താക്കീത് ചെയ്യുന്നു. കുട്ടികളെ കളിക്കാന്‍ വിടാത്ത രക്ഷിതാക്കള്‍ അവരോട് വലിയ അനീതിയാണ് കാണിക്കുന്നത്.
സ്‌പോര്‍ട്‌സും ഗെയിംസുകളുെമല്ലാം വളരെയേറെ വളരുകയും സാര്‍വത്രികമാവുകയും ചെയ്ത ഇക്കാലത്ത് ഭക്തിയുടെ പേരില്‍ അവയില്‍ നിന്ന് പുറംതിരിഞ്ഞ് നില്‍ക്കുന്നതിന് ന്യായീകരണമില്ല. കളികളിലും വിനോദങ്ങളിലും മതമൂല്യങ്ങള്‍ക്ക് നിരക്കുന്നവയും അല്ലാത്തവയും തമ്മില്‍ വേര്‍തിരിച്ചു കാണിക്കേണ്ടതുണ്ട്. കാരണം പലതിന്റെയും കൂടെ മതം അംഗീകരിക്കാത്ത അനാശാസ്യതകളുമുണ്ട്. തിന്മയുള്‍ക്കൊള്ളാത്തതും വഴിപിഴപ്പിക്കാത്തതുമായ പാട്ടും സംഗീതവും കലയുമൊന്നും മതത്തിന്റെ പേരില്‍ നിരോധിക്കാന്‍ മനുഷ്യന് അധികാരമില്ല. തികഞ്ഞ ദൈവഭക്തിയും പ്രാര്‍ത്ഥനയും കളിയും തമാശയും വിനോദവുമെല്ലാം സമഞ്ജസമായി സമ്മേളിച്ച ഒരു സംസ്‌കാരത്തിന്റെ ഉടമയാണ് വിശ്വാസി. ഐഹിക ജീവിതത്തിന്റെ ഹ്രസ്വതയും സമയത്തിന്റെ വിലയും സംബന്ധിച്ച ശരിയായ ബോധം അവനുണ്ടായിരിക്കണം.
തിരുത്ത്
ഫെബ്രുവരി 15ലെ വെള്ളിത്തെളിച്ചത്തില്‍ രണ്ടാം പേര പന്ത്രണ്ടാം വരിയില്‍ ‘അബൂദര്‍റുല്‍ ഗിഫാരിയുടെ’ എന്നത് ‘അബുദ്ദര്‍ദാഇന്റെ’ എന്ന് തിരുത്തി വായിക്കാന്‍ അപേക്ഷ.

india

മണിപ്പൂര്‍ കലാപം; ബി.ബി.സി റെയ്ഡ് -കേന്ദ്ര സര്‍ക്കാറിനെതിരെ രൂക്ഷവിമര്‍ശനവുമായി അമേരിക്ക

ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു.

Published

on

മണിപ്പൂരിലെ വംശീയ സംഘർഷത്തിലടക്കം കേന്ദ്ര സർക്കാറിനെതിരെ രൂക്ഷ വിമർശനവുമായി അമേരിക്കൻ വിദേശകാര്യ വകുപ്പ്. ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു. കേന്ദ്ര സർക്കാരിനെ വിമർശിക്കുന്ന മാധ്യമങ്ങൾ ഭീഷണി രാജ്യത്ത് നേരിടുകയാണെന്നും റിപ്പോർട്ടിൽ വിമർശനമുണ്ട്.

യു.എസ് സ്റ്റേറ്റ് ഡിപ്പാർട്ട്‌മെന്‍റ് തിങ്കളാഴ്ചയാണ് വാർഷിക മനുഷ്യാവകാശ വിശകലന റിപ്പോർട്ട് പ്രസിദ്ധീകരിച്ചത്. 200 രാജ്യങ്ങളിലെ മനുഷ്യാവകാശ പ്രശ്നങ്ങൾ ഉൾകൊള്ളുന്നതാണ് റിപ്പോർട്ട്. മണിപ്പൂരിലെ വംശീയ സംഘർഷം അടിച്ചമർത്തുന്നതിലെ പരാജയം, ഇന്ത്യയിലെ പ്രതിപക്ഷ പാർട്ടികൾ നേരിടുന്ന പ്രതിബന്ധങ്ങൾ, ഹർദീപ് സിങ് നിജ്ജറിന്‍റെ കൊലപാതകത്തിലെ ആരോപണം എന്നിവ ഇന്ത്യയിലെ ഗുരുതരമായ മനുഷ്യാവകാശ പ്രശ്‌നങ്ങളിൽ പെടുന്നുവെന്ന് റിപ്പോർട്ട് പറയുന്നു.

വംശീയ സംഘർഷം പൊട്ടിപ്പുറപ്പെട്ടതിന് ശേഷം മണിപ്പൂരിൽ ഗുരുതരമായ മനുഷ്യാവകാശ ലംഘനങ്ങളാണ് അരങ്ങേറിയത്. സായുധ സംഘട്ടനം, ലൈംഗിക അതിക്രമങ്ങൾ എന്നിവ മണിപ്പൂരിൽ നിന്നും റിപ്പോർട്ട് ചെയ്യപ്പെട്ടു -സ്റ്റേറ്റ് ഡിപ്പാർട്ട്‌മെന്‍റ് ചൂണ്ടിക്കാട്ടുന്നു.

രാഹുൽ ഗാന്ധിയെ അയോഗ്യാനാക്കിയ സംഭവം റിപ്പോർട്ടിൽ പറയുന്നുണ്ട്. സർക്കാരിനെ വിമർശിക്കുന്ന വീക്ഷണങ്ങൾ പ്രകടിപ്പിക്കുന്ന മാധ്യമപ്രവർത്തകരും മാധ്യമസ്ഥാപനങ്ങലും അറസ്റ്റിനും ഭീഷണികൾക്കും വിധേയരായിട്ടുണ്ടെന്ന് റിപ്പോർട്ട് പറയുന്നു. ആദായനികുതി വകുപ്പ് ബി.ബി.സിയുടെ ഡൽഹി, മുംബൈ ഓഫീസുകളിൽ 60 മണിക്കൂർ റെയ്ഡ് നടത്തിയതും റിപ്പോർട്ടിൽ പരാമർശിക്കുന്നു.

Continue Reading

crime

യു.പിയിൽ ബി.ജെ.പി സ്ഥാനാർഥിയുടെ പ്രചാരണ റാലിക്കിടെ വ്യാപക പോക്കറ്റടി

റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്.

Published

on

ഉത്തര്‍പ്രദേശിലെ മീററ്റില്‍ ബി.ജെ.പി സ്ഥാനാര്‍ഥി അരുണ്‍ ഗോവിലിന്റെ പ്രചാരണ റാലിക്കിടെ വ്യാപക പോക്കറ്റടി. റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്. മാധ്യമപ്രവര്‍ത്തകരും പോക്കറ്റടിക്ക് ഇരയായിട്ടുണ്ട്.

‘രാമായണം’ സീരിയലില്‍ ശ്രീരാമനായി അഭിനയിച്ച നടനാണ് മീററ്റിലെ ബി.ജെ.പി സ്ഥാനാര്‍ഥി അരുണ്‍ ഗോവില്‍. സീരിയലിലെ മറ്റ് കഥാപാത്രങ്ങളെ അവതരിപ്പിച്ച താരങ്ങളെ അണിനിരത്തിയായിരുന്നു മീററ്റില്‍ പ്രചാരണ റാലി നടത്തിയത്. സീതയായി അഭിനയിച്ച ദീപിക ചിഖ്‌ലിയ, ലക്ഷ്മണനായി അഭിനയിച്ച സുനില്‍ ലാഹ്രി എന്നിവര്‍ പങ്കെടുത്തിരുന്നു.

വ്യാപാരിയായ കുല്‍ഭൂഷണ്‍ എന്നയാള്‍ 36,000 രൂപ പോക്കറ്റടിച്ചതായി കാണിച്ച് പൊലീസില്‍ പരാതി നല്‍കി. റാലി കണ്ടപ്പോള്‍ കടയില്‍ നിന്നിറങ്ങി അടുത്തേക്ക് പോയതാണെന്ന് കുല്‍ഭൂഷണ്‍ പറഞ്ഞു. കടയിലെ പണം പോക്കറ്റില്‍ വെച്ചിരുന്നു. റാലി കണ്ട് തിരികെയെത്തിയപ്പോഴാണ് പോക്കറ്റിലെ പണം നഷ്ടമായത് അറിയുന്നത് -കുല്‍ഭൂഷണ്‍ പറഞ്ഞു.

https://twitter.com/i/status/1782609046484500905

ബി.ജെ.പി പ്രാദേശിക നേതാവായ അലോക് സിസോദിയയുടെ മൊബൈല്‍ ഫോണ്‍ റാലിക്കിടെ മോഷ്ടിക്കപ്പെട്ടു. റാലിയിലെ തിരക്ക് മുതലെടുത്ത് ചില മോഷ്ടാക്കള്‍ കടന്നുകയറിയെന്നാണ് ബി.ജെ.പി നേതാക്കള്‍ പറയുന്നത്.

അതേസമയം, മോഷണസംഭവങ്ങളില്‍ മൂന്ന് പേരെ പൊലീസ് അറസ്റ്റ് ചെയ്തിട്ടുണ്ട്. ഏപ്രില്‍ 26ന് നടക്കുന്ന രണ്ടാംഘട്ടത്തിലാണ് മീററ്റില്‍ തെരഞ്ഞെടുപ്പ്.

 

 

Continue Reading

Article

വിശ്രമമില്ലാതെ പാണക്കാട് കുടുംബം

വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍.

Published

on

ഇഖ്ബാല്‍ കല്ലുങ്ങല്‍

മലപ്പുറം: കേരളീയ സമൂഹത്തിന്റെ സുകൃതമാണ് പാണക്കാട് സയ്യിദ് ശിഹാബ് തങ്ങള്‍ കുടുംബം. മുസ്‌ലിം ലീഗിന്റെ നേത്യരംഗത്ത് ശോഭ വിതറുന്ന ശിഹാബ് തങ്ങള്‍ കുടുംബത്തിനു തിരഞ്ഞെടുപ്പ് കാലത്ത് തിരക്കുകള്‍ കൂടുന്ന ദിനങ്ങളാണ്. വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍. മുസ്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍, മുസ്ലിം ലീഗ് മലപ്പുറം ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍, മുസ്ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍, സയ്യിദ് റഷീദലി ശിഹാബ് തങ്ങള്‍, സയ്യിദ ്ഹമീദലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍. തുടങ്ങിയവര്‍ വോട്ട് അഭ്യാര്‍ത്ഥിച്ച് പൊതുസമ്മേളനങ്ങള്‍ മുതല്‍ കു ടുംബ സംഗമങ്ങള്‍ വരെ വിശ്രമമില്ലാതെ ഓടുകയാണ്.

പാണക്കാട് കുടുംബത്തില്‍ നിന്നും വോട്ട് അഭ്യാര്‍ത്ഥിച്ച് എത്തുന്നത് വോട്ടര്‍മാരില്‍ വലിയ സ്വാധീനമാണുളവാക്കുന്നത്. മതസാഹോദര്യത്തിനു ഊന്നല്‍ നല്‍കികൊണ്ട് രാജ്യത്തെ രക്ഷിക്കേണ്ട പോരാട്ടമാ ണിതെന്ന് പറഞ്ഞ് വോട്ട് അഭ്യര്‍ത്ഥിക്കുന്നത് വോട്ടര്‍മാര്‍ സ്‌നേഹപൂര്‍വമാണ് സ്വീകരിക്കുന്നത്. മുസ്ലിം ലീഗ് ദേശീയ രാഷ്ട്രീയകാര്യസമിതി ചെയര്‍മാന്‍ കൂടിയായ സാദിഖലി ശിഹാബ് തങ്ങള്‍ കേരളത്തിനകത്തും പുറത്തും പ്രചാരണത്തില്‍ ശ്രദ്ധകേന്ദ്രീകരിക്കുന്നു. രാഹുല്‍ ഗാന്ധിക്കൊപ്പം ഇന്ത്യമുന്നണിക്ക് സാദിഖലി ശിഹാബ് തങ്ങള്‍ പകരുന്ന ആവേശവും കരുത്തും ചെറുതല്ല. മുസ്ലിം ലീഗ് സ്ഥാനാര്‍ത്ഥികളെ പ്രഖ്യാപിച്ച സാദിഖലി ശിഹാബ് തങ്ങള്‍ തന്നെയാണ് ഇ.ടി മുഹമ്മദ് ബഷീറിന്റെയും അബ്ദുസമദ് സമദാനിയുടെയും പ്രചാരണങ്ങള്‍ക്ക് തുടക്കം കുറിച്ചതും. യുഡിഎഫിന്റെ വിവിധ സ്ഥാനാര്‍ത്ഥികളുടെ പ്രചാരണങ്ങള്‍ക്ക് സാദിഖലി ശിഹാബ്ദ് തങ്ങളുടെ സാന്നിധ്യം എന്തൊന്നില്ലാ ആത്മവിശ്വാസമാണ് പകരുന്നത്. സംസ്ഥാനത്തിന്റെ ഒരറ്റം മുതല്‍ മറ്റേയറ്റം വരെ സാദിഖലി ശിഹാബ് തങ്ങള്‍ വിശ്രമമില്ലാതെ സഞ്ചരിക്കു കയാണ്. കേരളത്തില്‍ എല്ലാ സീറ്റിലും യു.ഡി.എഫ് വിജയം വരിക്കുന്നതിനു ആവശ്യമായ കര്‍മപഥമാണ് സാദിഖലി ശിഹാബ് തങ്ങള്‍ തുറക്കുന്നത്. എല്ലായിടത്തും കുടുംബ സംഗമങ്ങളിലും തീരദേശ മലയോര മേഖലകളിലും സാദിഖലി ശിഹാബ് തങ്ങളുടെ പര്യടനങ്ങള്‍ക്ക് ഗംഭീര സ്വീകാര്യതയാണ്.

മുസ്ലിംലീഗ് സ്ഥാനാര്‍ത്ഥികള്‍ക്ക് നാമനിര്‍ദേശ പത്രികയും കെട്ടിവെക്കാനുള്ള തുകയും കൈമാറിയ ശേഷം വയനാട്ടില്‍ രാഹുല്‍ഗാന്ധിയുടെ റോഡ്‌ഷോയിലും പത്രിക സമര്‍പ്പണത്തിലും പാണക്കാട് സയ്യിദ് അബ്ബാസലി ശിഹാബ്തങ്ങള്‍ നിറസാന്നിധ്യമായിരുന്നു. തിരഞ്ഞെടുപ്പ് കണ്‍വന്‍ഷനുകളിലും പ്രചാരണ ഉദ്ഘാടനങ്ങളും കുടുംബ സംഗമങ്ങളിലും പങ്കെടുത്ത് സയ്യിദ് അബ്ബാസലി ശിഹാബ്തങ്ങള്‍ യു.ഡി.എഫിന്റെ വിജയമോതുന്നു. വിവിധ സ്ഥലങ്ങളിലെ പര്യടനത്തിലുടനീളം ജനകീയ വരവേല്‍പ്പാണ് അബ്ബാസലി തങ്ങള്‍ക്ക് ലഭിക്കുന്നത്.

സയ്യിദ് അബ്ബാസലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍,സയ്യിദ് റഷീദലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍ മുസ്ലിംയൂത്തീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ പൊന്നാനിയിലും മലപ്പുറത്തും മറ്റു ലോക്‌സഭാ മണ്ഡലങ്ങളിലും ആവേശം വിതറുന്നു. രാജ്യത്തെ ഭിന്നിപ്പിച്ച് ഭരിക്കുന്ന ഭരണകൂടത്തിനെതിരെയും ജനദ്രോഹനയങ്ങള്‍ തുടരുന്ന കേരളസര്‍ക്കാറിനെതിരെയും പ്രതികരിക്കാനുള്ള അവസരമാണിതെന്ന് ഓരോ കേന്ദ്രത്തിലും സയ്യിദ് മുനവ്വറലി ശിഹാബ് തങ്ങള്‍ പറഞ്ഞു. യംഗ് ഇന്ത്യ പരിപാടികളിലും തങ്ങള്‍ ശ്രദ്ധേയമായി. തിരൂരിലും മറ്റുമായി വിവിധ കുടുംബസംഗമങ്ങളില്‍ പങ്കെടുത്ത് മലപ്പുറം മണ്ഡലും മുസ്ലിംലീഗ് പ്രസിഡന്റു കൂടിയായ സയ്യിദ് റഷീദലി ശിഹാബ് തങ്ങള്‍ അനുഗ്രഹ സാന്നിധ്യമായി കേന്ദ്ര-സംസ്ഥാന സര്‍ക്കാറുകളുടെ ജനദ്രോഹ ഭരണം സയ്യിദ് റഷീദലി ശിഹാബ് തങ്ങള്‍ വിശദീകരിക്കുമ്പോള്‍ വോട്ടര്‍മാര്‍ അതേറ്റുവാങ്ങുന്നു.

പ്രചാരണപ്രവര്‍ത്തനങ്ങളില്‍ സജീവമാണ് മലപ്പുറം മുനിസിപ്പല്‍ മുസ്ലിംലീഗ് പ്രസിഡന്റ് കൂടിയായ സയ്യിദ് ഹമീദലി ശിഹാബ് തങ്ങള്‍, മലപ്പുറത്തും പൊന്നാനിയിലും മറ്റിടങ്ങളിലും കുടുംബസംഗമങ്ങളിലും കണ്‍വന്‍ഷനുകളിലും പ്രചാരണ ഉദ്ഘാടനങ്ങളിലും ഹമിദലി ശിഹാബ് തങ്ങള്‍ യു.ഡി.എഫ് വിജയ ത്തിന്റെ അനിവാര്യത ബോധ്യപ്പെടുത്തി.

പാണക്കാട് സയ്യിദ് ബഷീറലി ശിഹാബ് തങ്ങളും കുടുംബസംഗമങ്ങളില്‍ പങ്കെടുത്തു. പാണക്കാട് സയ്യിദ് മുഈനലി ശിഹാബ് തങ്ങള്‍ എടപ്പാളിലുള്‍പ്പെടെ തിരഞ്ഞെടുപ്പ് കാമ്പയിന്‍ നയിച്ചതും ശ്രദ്ധേയമായി. പാണക്കാട് സയ്യിദ് കുടുംബം പങ്കെടുക്കുന്ന തീരദേശ റോഡ്‌ഷോകളും കുടുംബസംഗമങ്ങളും വിജയകരമായി മുന്നേറുകയാണ്. മണ്‍മറഞ്ഞ പിഎംഎസ്എ പൂക്കോയ തങ്ങള്‍, സയ്യിദ് മുഹമ്മദലി ശിഹാബ് തങ്ങള്‍, സയ്യിദ് ഹൈദരലി ശിഹാബ് തങ്ങള്‍, സയ്യിദ് ഉമറലി ശിഹാബ് തങ്ങള്‍ എന്നിവരും തിരഞ്ഞെടുപ്പ് കാലത്ത് നയിച്ച പര്യടനങ്ങള്‍ ജനങ്ങളുടെ ഓര്‍മകളില്‍ മങ്ങാതെ നില്‍ക്കുന്ന ഹൃദ്യമായ കാഴ്ച്ചകളാണ്.

 

Continue Reading

Trending