Connect with us

Culture

നോണ്‍സ്റ്റോപ് ലിയോ; ബാര്‍സ കുതിക്കുന്നു, റയല്‍ വീണു

Published

on

ബില്‍ബാവോ: സ്പാനിഷ് ലാലിഗ ഫുട്‌ബോളില്‍ ബാര്‍സലോണയുടെ അപരാജിത കുതിപ്പ് തുടരുന്നു. ലയണല്‍ മെസ്സി സീസണിലെ 12-ാം ഗോള്‍ നേടിയ മത്സരത്തില്‍ അത്‌ലറ്റിക് ബില്‍ബാവോയെയാണ് ബാര്‍സ മുട്ടുകുത്തിച്ചത്. ബില്‍ബാവോയില്‍ കളിക്കാരനും കോച്ചുമായിരുന്ന ഏണസ്റ്റോ വല്‍വെര്‍ദെക്ക്, ബാര്‍സയുടെ പരിശീലക പദവി ഏറ്റതിനു ശേഷം പഴയ തട്ടകത്തിലേക്കുള്ള ആദ്യത്തെ യാത്ര വിജയത്തിന്റേതായി.
അതേസമയം, നിലവിലെ ചാമ്പ്യന്മാരായ റയല്‍ മാഡ്രിഡിന് ജിറോണയുടെ തട്ടകത്തില്‍ തിരിച്ചടി നേരിട്ടു. കാറ്റലോണിയന്‍ പ്രദേശത്തെ ക്ലബ്ബായ ജിറോണ ഒന്നിനെതിരെ രണ്ടു ഗോളിന് റയലിനെ വീഴ്ത്തി. ആദ്യപകുതിയില്‍ റയല്‍ ഇസ്‌കോയിലൂടെ മുന്നിലെത്തിയെങ്കിലും ക്രിസ്റ്റ്യന്‍ സ്റ്റുവാനി, പോര്‍ട്ടു എന്നിവരുടെ ഗോളുകളില്‍ ജിറോണ അട്ടിമറി ജയം നേടി.

കനത്ത വെല്ലുവിളി നേരിട്ട ശേഷമാണ് സീസണിലെ ഒമ്പതാം വിജയം മാമെസ് ബാരിയ സ്റ്റേഡിയത്തില്‍ ബാര്‍സ സ്വന്തമാക്കിയത്. 36-ാം മിനുട്ടില്‍ ജോര്‍ദി ആല്‍ബക്കൊപ്പം നടത്തിയ ഭാവനാപൂര്‍ണമായ നീക്കം മെസ്സി സമര്‍ത്ഥമായി ഗോളിലെത്തിക്കുകയായിരുന്നു. അതിവേഗ നീക്കങ്ങള്‍ക്ക് പേരുകേട്ട ബില്‍ബാവോ സമനില ഗോളിനായി അവസാന നിമിഷം വരെ പൊരുതിയെങ്കിലും ഇഞ്ചുറി ടൈമില്‍ പൗളിഞ്ഞോ പട്ടിക പൂര്‍ത്തിയാക്കി.

തുടക്കം മുതല്‍ ശക്തമായ സമ്മര്‍ദം ചെലുത്തിയ അത്‌ലറ്റികോക്കു വേണ്ടി അരിറ്റ്‌സ് അഡുരിസ് ഒന്നിലധികം തവണ ഗോളിനടുത്തെത്തിയെങ്കിലും ക്രോസ്ബാറും ബാര്‍സ കീപ്പര്‍ മാര്‍ക് ആന്ദെര്‍ ടെര്‍സ്റ്റെയ്ഗനും വിഘാതമായി. മറുവശത്ത് ഗോളെന്നുറച്ച ഒരു അവസരം മെസ്സി ബാറിലേക്ക് തട്ടിയിട്ട് പാഴാക്കുകയും ചെയ്തു. ഏതു വശത്തും ഗോള്‍ പിറന്നേക്കാമെന്ന് തോന്നിച്ച ഘട്ടത്തില്‍ അത്‌ലറ്റിക് പ്രതിരോധത്തിനിടയിലൂടെ ബോക്‌സിന്റെ ഇടതുഭാഗത്തേക്ക് ജോര്‍ദി ആല്‍ബക്ക് നല്‍കിയ പന്ത് തിരിച്ചുവാങ്ങിയാണ് മെസ്സി വലകുലുക്കിയത്. ഗോള്‍ലൈനിന്റെ തൊട്ടടുത്തു നിന്ന് ആല്‍ബ നല്‍കിയ കട്ട്ബാക്ക് പാസ് മെസ്സി ക്ഷണത്തില്‍ വഴി തിരിച്ചുവിട്ടപ്പോള്‍ അത്‌ലറ്റിക് പ്രതിരോധവും അതുവരെ മികച്ച പ്രകടനവുമായി നിന്ന ഗോള്‍കീപ്പര്‍ കെപ അരിസബലാഗയും നിസ്സഹായരായി.

രണ്ടാം പകുതിയുടെ തുടക്കത്തില്‍ റൗള്‍ ഗാര്‍ഷ്യയുടെ ഹെഡ്ഡര്‍ ബാറില്‍ തട്ടി മടങ്ങിയത് അത്‌ലറ്റിക്കിന്റെ ദൗര്‍ഭാഗ്യമായപ്പോള്‍ ഡിഫന്റര്‍ ഉനായ് നൂനസിന്റെ പ്രതിരോധം ബാര്‍സയെ ഗോള്‍ വര്‍ധിപ്പിക്കുന്നതില്‍ നിന്നു വിലക്കി. ക്ലോസ് റേഞ്ചില്‍ നിന്നുള്ള അഡുരിസിന്റെ ഹെഡ്ഡര്‍ ടെര്‍സ്‌റ്റെഗന്‍ തട്ടിയകറ്റുകയും ചെയ്തു. അവസാന ഘട്ടങ്ങളില്‍ അത്‌ലറ്റിക് സര്‍വം മറന്ന് ആക്രമണത്തിന് തുനിഞ്ഞത് ബാര്‍സയുടെ രണ്ടാം ഗോളിനുള്ള വഴിമരുന്നായി. മെസ്സി തുടങ്ങി വെച്ച പ്രത്യാക്രമണം പൗളിഞ്ഞോ ലക്ഷ്യത്തിലെത്തിക്കുകയായിരുന്നു.

കരുത്തരായ അത്‌ലറ്റികോ മാഡ്രിഡിനെ വിയ്യാറയല്‍ 1-1 സമനിലയില്‍ തളച്ചു. 61-ാം മിനുട്ടില്‍ എയ്ഞ്ചല്‍ കൊറിയ അത്‌ലറ്റികോയെ മുന്നിലെത്തിച്ചെങ്കിലും 81-ാം മിനുട്ടില്‍ കാര്‍ലോസ് ബാക്ക വിയ്യാറിന് സമനില നല്‍കുകയായിരുന്നു. അഞ്ച് മത്സരങ്ങള്‍ക്കിടെ ലീഗില്‍ അത്‌ലറ്റികോയുടെ മൂന്നാമത്തെ സമനിലയാണിത്.

ഡിപോര്‍ട്ടിവോ അലാവസിനെ അവരുടെ ഗ്രൗണ്ടില്‍ വീഴ്ത്തിയ വലന്‍സിയ സീസണിലെ പത്താം മത്സരത്തിലും അപരാജിതമായി തുടര്‍ന്നു. സിമോണെ സാസ, റോഡ്രിഗോ എന്നിവരാണ് വലന്‍സിയക്കു വേണ്ടി ലക്ഷ്യം കണ്ടത്. വിസ്സം ബെന്‍ യെദ്ദര്‍, പാബ്ലോ സറാബിയ എന്നിവരുടെ ഗോളുകളില്‍ സെവിയ്യ ലിഗാനീസിനെ 2-1 ന് തോല്‍പ്പിച്ചു. ഇതേ സ്‌കോറിന് ഗെറ്റാഫെ റയല്‍ സോഷ്യദാദിനെയും വീഴ്ത്തി.

10 റൗണ്ട് മത്സരം പിന്നിട്ടപ്പോള്‍ 28 പോയിന്റുമായി ബാര്‍സലോണയാണ് ലാലിഗയില്‍ ലീഡ് ചെയ്യുന്നത്. രണ്ടാം സ്ഥാനത്തുള്ള വലന്‍സിയക്ക് 24 പോയിന്റുണ്ട്.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

മരുഭൂമിയിൽ പെയ്ത ദുരിതമഴയിൽ നിന്ന് ഗൾഫ് ജനത കരകയറട്ടെ, ആശ്വാസവാക്കുകളുമായി മമ്മൂട്ടിയും ടോവിനോയും

ഈ ദുരിതത്തില്‍ നിന്ന് ദുബൈയിലെ ജനങ്ങള്‍ എത്രയും വേഗം കരകയറട്ടെ എന്ന ആശ്വാസ വാക്കുകളുമായെത്തിയിരിക്കുകയാണ് മോളിവുഡിലെ പ്രമുഖരായ താരങ്ങള്‍.

Published

on

കഴിഞ്ഞ ദിവസങ്ങളില്‍ ദുബൈയില്‍ പെയ്ത കനത്ത മഴയില്‍ പ്രധാന നഗരങ്ങളും ഹൈവേകളും വിമാനത്താവളങ്ങളും വെള്ളത്തിനടിയിലായിരുന്നു. കഴിഞ്ഞ ഏഴുദശകത്തിനിടയില്‍ പ്രദേശത്ത് പെയ്ത ഏറ്റവും വലിയ മഴയായിരുന്നു ഇത്. ഈ ദുരിതത്തില്‍ നിന്ന് ദുബൈയിലെ ജനങ്ങള്‍ എത്രയും വേഗം കരകയറട്ടെ എന്ന ആശ്വാസ വാക്കുകളുമായെത്തിയിരിക്കുകയാണ് മോളിവുഡിലെ പ്രമുഖരായ താരങ്ങള്‍.

‘ഗള്‍ഫ് നാടുകളിലെ പ്രകൃതിക്ഷോഭം അവിടെയുള്ള സകലമാന ജീവിതങ്ങളെയും ദുരിതത്തില്‍ ആഴ്ത്തിയിരിക്കുന്നു എന്നത് വേദനയോടെ അറിയുന്നു. ആശങ്കകള്‍ മനസിലാക്കുന്നു. പരമാവധി സുരക്ഷിതരായിരിക്കുക. എല്ലാം എത്രയും പെട്ടന്ന് ശരിയാകട്ടെ എന്നാണ് മമ്മൂട്ടി പറയുന്നത്.

‘മരുഭൂമിയില്‍ സ്വപ്നനഗരിയില്‍ പടുത്തുയര്‍ത്തിയ അതേ ആര്‍ജ്ജവത്തോടെ ഈ ദുരിതപെയ്തിയില്‍ നിന്നും എത്രയും പെട്ടന്ന് സാധാരണ ജീവിതത്തിലേക്ക് തിരിച്ചെത്തുവാന്‍ നമ്മുടെ സഹോദരര്‍ ഉള്‍പ്പടെയുള്ള ഗള്‍ഫ് ജനതയ്ക്ക് സാധിക്കട്ടെ’ എന്നാണ് ടോവിനോ തോമസ് കുറിച്ചത്. നിരവധിപേര്‍ ദുബൈയി ജനതയ്ക്ക് പിന്തുണ അറിയിച്ചിട്ടുണ്ട്.

Continue Reading

Film

തർക്കം പരിഹരിച്ചു; പിവിആറിൽ മലയാള സിനിമകൾ പ്രദർശിപ്പിക്കും

നാളെ മുതൽ പിവിആർ സിനിമാസിൽ മലയാളം സിനിമകൾ പ്രദർശിപ്പിക്കും.

Published

on

പിവിആർ സിനിമാസും – പ്രൊഡ്യൂസേഴ്സ് അസോസിയേഷനുമായുള്ള തർക്കം പരിഹരിച്ചു. നാളെ മുതൽ പിവിആർ സിനിമാസിൽ മലയാളം സിനിമകൾ പ്രദർശിപ്പിക്കും.വ്യവസായി എം എ യുസഫ് അലിയുടെ മാധ്യസ്ഥതയിൽ ഫെഫ്ക്കയും പിവിആർ അധികൃതരും നടത്തി ചർച്ചയിലാണ് തീരുമാനം.

പിവിആർ തീരുമാനം പിൻവലിച്ചില്ലെങ്കിൽ ഭാവിയിൽ മൊഴിമാറ്റ ചിത്രങ്ങൾ അടക്കം പ്രദർശിപ്പിക്കാൻ അനുമതി നൽകില്ലെന്ന് സാങ്കേതിക ഫെഫ്ക നിലപാട് എടുത്തിരുന്നു. ഇതിന് പിന്നാലെയാണ് തിരുമാനത്തിൽ നിന്നും പിവിആർ അധികൃതർ പിന്മാറിയത്.

പിവിആര്‍ കയ്യൂക്ക് കാണിക്കുകയാണെന്നും പ്രദര്‍ശനം നിര്‍ത്തിവച്ച ദിവസങ്ങളിലെ നഷ്ടപരിഹാരം നല്‍കാതെ പ്രസ്തുത മള്‍ട്ടിപ്ലെക്സ് ശൃംഖലയ്ക്ക് ഇനി മലയാള സിനിമകള്‍ നല്‍കില്ലെന്നും ഫെഫ്ക അറിയിച്ചിരുന്നു. പരിഹാരം ഉണ്ടായില്ലെങ്കിൽ പ്രതിഷേധം പിവിആർ സ്ക്രീനുകളിലേക്ക് വ്യാപിപ്പിക്കും. പിവിആറിന്‍റെ നീക്കം പുതിയ സിനിമകള്‍ക്ക് വലിയ തിരിച്ചടിയാണെന്നും ഫെഫ്ക അറിയിച്ചിരുന്നു.

പിവിആറും നിർമാതാക്കളും തമ്മിലുള്ള ഡിജിറ്റൽ കണ്ടന്റ് പ്രൊഡക്ഷൻ സംബന്ധിച്ച തർക്കമാണ് സിനിമകളുടെ പ്രദർശനം നിർത്തിവെക്കുന്നതിലേക്ക് എത്തിയത്. വൻതുക നൽകുന്നത് ഒഴിവാക്കാൻ നിർമാതാക്കൾ സ്വന്തമായി ഇതിനുള്ള സംവിധാനം ഒരുക്കിയത് അ‌ംഗീകരിക്കാൻ തയ്യാറല്ലാത്തതാണ് തർക്കത്തിന് കാരണം.

Continue Reading

Film

‘പിവിആർ സിനിമാസിനെ ബഹിഷ്ക്കരിക്കും’; മലയാള സിനിമ പ്രദർശിപ്പിക്കില്ലെന്ന നിലപാടിനെതിരെ ഫെഫ്ക

ഇന്ത്യയിലെ മുഴുവൻ സ്ക്രീനുകളിലെയും മലയാള സിനിമകളുടെ ബുക്കിങ്ങാണ് പിവിആർ ഏപ്രിൽ 11-ന് ബഹിഷ്കരിച്ചത്

Published

on

പിവിആർ– മലയാള സിനിമ തർക്കം പുതിയ തലത്തിലേക്ക്. പ്രദർശനം നിർത്തിയതിനെ തുടർന്നുണ്ടായ നഷ്ടം നികത്താതെ മലയാള സിനിമകൾ ഇനി പിവിആർ തിയറ്ററുകളിൽ പ്രദർശിപ്പിക്കില്ലെന്നു ഫെഫ്ക അറിയിച്ചു. വിർച്വൽ പ്രിന്റ് ഫീ (വിപിഎഫ്) വിഷയത്തിൽ പിവിആറും പ്രൊഡ്യൂസേഴ്സ് അസോസിയേഷനുമായുള്ള ചർച്ചകൾ നടക്കുന്നതിനിടെ ഏകപക്ഷീയമായി രാജ്യത്താകെയുള്ള പിവിആർ സ്ക്രീനുകളിൽ മലയാള സിനിമകൾ ബഹിഷ്കരിച്ചെന്നു ഫെഫ്ക ജനറൽ സെക്രട്ടറി ബി.ഉണ്ണികൃഷ്ണൻ പറഞ്ഞു.

ഇന്ത്യയിലെ മുഴുവൻ സ്ക്രീനുകളിലെയും മലയാള സിനിമകളുടെ ബുക്കിങ്ങാണ് പിവിആർ ഏപ്രിൽ 11-ന് ബഹിഷ്കരിച്ചത്. ഡിജിറ്റൽ കണ്ടന്റ് പ്രൊജക്‌ഷനെ തുടർന്നുള്ള തർക്കവുമായി ബന്ധപ്പെട്ടായിരുന്നു തീരുമാനം. 11-ന് റിലീസിനൊരുങ്ങിയ മൂന്നിലധികം മലയാള സിനിമകളുടെ പിവിആറിലെ ഷോകളാണ് ഇതോടെ മുടങ്ങിയത്. കൊച്ചി, തിരുവനന്തപുരം എന്നിവിടങ്ങളിലൊന്നും മലയാള സിനിമകളുടെ പ്രദർശനം പിവിആർ് ഇപ്പോൾ നടത്തുന്നില്ല.

ഉണ്ണികൃഷ്ണനെ കൂടാതെ സിബി മലയിൽ, രൺജി പണിക്കർ, സോഹൻ സീനുലാൽ, നിലവിൽ തിയറ്ററുകളിൽ പ്രദർശിപ്പിക്കുന്ന സിനിമകളെ പ്രതിനിധീകരിച്ച് ബ്ലെസി, വിനീത് ശ്രീനിവാസൻ, വിശാഖ് സുബ്രഹ്മണ്യം, അൻവർ റഷീദ്, സൗബിൻ ഷാഹിർ, ജിത്തു മാധവന്‍ തുടങ്ങിയവർ ചേർന്നാണു തീരുമാനങ്ങള്‍ പ്രഖ്യാപിച്ചത്. മുൻകൂറായി വിപിഎഫ് തുക അടച്ചിട്ടുപോലും ആടുജീവിതത്തിന്റെ പ്രദർശനം നിർത്തുന്നതു ഫോൺ വഴി പോലും അറിയിച്ചില്ലെന്നു ബ്ലെസി പറഞ്ഞു. മറ്റു സംസ്ഥാനങ്ങളിലെങ്കിലും പ്രദർശിപ്പിക്കണമെന്ന് ആവശ്യപ്പെട്ടിട്ടും അംഗീകരിച്ചില്ലെന്നും അദ്ദേഹം ചൂണ്ടിക്കാട്ടി.

Continue Reading

Trending