ശ്രീനഗറില്‍ ബി.എസ്.എഫ് ക്യാമ്പിനു നേരെ ചാവേറാക്രമണം; സൈനികന് വീരമൃത്യു

ശ്രീനഗര്‍: ശ്രീനഗര്‍ വിമാനത്താവളത്തിനു സമീപത്ത് ബി.എസ്.എഫ് ക്യാമ്പിനു നേരെയുണ്ടായ ചാവേറാക്രമണത്തില്‍ സൈനികന് വീരമൃത്യു. രണ്ടു ഭീകരനെ സൈന്യം വധിച്ചു. പുലര്‍ച്ചെ നാലു മണിയോടെ ബി.എസ്.എഫിന്റെ 182 ബറ്റാലിയനു നേരെയാണ് ആക്രമണമുണ്ടായത്. പരിക്കേറ്റ ജവാന്മാരെ സൈനികാസ്പത്രിയില്‍ പ്രവേശിപ്പിച്ചു. നാലു ഭീകരരാണ് ക്യാമ്പിലേക്ക് ഇരച്ചു കയറിയത്. ഭീകരരും സുരക്ഷാ സേനയും തമ്മിലുള്ള കനത്ത വെടിവെപ്പ് ഇപ്പോഴും തുടരുകയാണ്.
ചാവേറാക്രമണത്തെത്തുടര്‍ന്ന് ശ്രീനഗര്‍ വിമാനത്താവളം താല്‍ക്കാലികമായി അടച്ചു. വിമാനത്താവളത്തിലേക്കുള്ള റോഡുകള്‍ അടച്ചു. ചില വിമാന സര്‍വീസുകളും റദ്ദാക്കിയിട്ടുണ്ട്. ശ്രീനഗര്‍ സിവില്‍ ആന്റ് ടെക്‌നിക്കല്‍ വിമാനത്താവളത്തിനു സമീപമാണ് ബി.എസ്.എഫിന്റെ 182 ബറ്റാലിയന്‍ സ്ഥിതി ചെയ്യുന്നത്.