കോഴിക്കോട്ട് രണ്ട് വാഹനാപകടങ്ങളില്‍ മൂന്ന് മരണം

death-kollam-1 amal-accident-deathdeath-kollam

കോഴിക്കോട്: നഗരത്തില്‍ രണ്ട് വാഹനാപകടങ്ങളില്‍ മൂന്ന് മരണം. തൊണ്ടയാട് ബൈപ്പാസ് കുടില്‍തോട്ടില്‍ ലോറിക്ക് പിറകില്‍ കാറിടിച്ച് കുടുംബത്തിലെ രണ്ട് പേര്‍ മരിച്ചു. കൊല്ലം കടപ്പ മൈനാഗപ്പള്ളി അനീഷ് നിവാസില്‍ ശിവദാസന്‍ (69), കൊച്ചുമകള്‍ ആരാധ്യ(രണ്ട്) എന്നിവരാണ് മരിച്ചത്. ഇന്നലെ പുലര്‍ച്ചെ അഞ്ചോടെയാണ് അപകടം. കൊല്ലത്തു നിന്നും മൂകാംബികയിലേക്ക് തീര്‍ഥയാത്ര പോകുകയായിരുന്ന കുടുംബം സഞ്ചരിച്ച ഇന്നോവ കര്‍ണാടക രജിസ്‌ട്രേഷനിലുള്ള ലോറിയുമായി കൂട്ടിയിടിക്കുകയായിരുന്നു. ഒന്‍പത് പേര്‍ക്ക് പരിക്കേറ്റു.

മിനിബൈപ്പാസില്‍ സരോവരം ബയോപാര്‍ക്കിന് സമീപം ഇന്നലെ വൈകീട്ട് നടന്ന വാഹനാപകടത്തില്‍ പുതിയങ്ങാടി ചാക്കോത്ത് ഹൗസില്‍ സുനില്‍കുമാറിന്റെ മകന്‍ അമല്‍(19)മരിച്ചു. നിയന്ത്രണം വിട്ട റിക്കവറി വാനിടിച്ചാണ് സ്‌കൂട്ടര്‍ യാത്രക്കാരനായ പ്ലസ്ടു വിദ്യാര്‍ഥി അമല്‍ മരിച്ചത്. മൈത്രി കമ്പനിയുടെ റിക്കവറി വാനാണ് അപകടം വരുത്തിയത്. അമലായിരുന്നു ബൈക്ക് ഓടിച്ചത്. ഉടന്‍ ആസ്പത്രിയില്‍ എത്തിച്ചെങ്കിലും രക്ഷിക്കാനായില്ല. അനിതയാണ് അമലിന്റെ അമ്മ. സമല്‍ ഏക സഹോദരനാണ്.

 

SHARE