Video Stories

കോടതി വിധി സംശയിക്കപ്പെടുമ്പോള്‍

Published

7 years ago

May 29, 2017

വൈക്കം സ്വദേശിനിയായ ഹൈന്ദവ യുവതി ഇസ്്‌ലാം മതം സ്വീകരിച്ച ശേഷം നടത്തിയ വിവാഹം റദ്ദാക്കിയ കേരള ഹൈക്കോടതി ഡിവിഷന്‍ ബെഞ്ചിന്റെ വിധി കേരളത്തില്‍ മാത്രമല്ല രാജ്യത്താകെ നിയമപരവും നൈതികവും ദാര്‍ശനികവും മതപരവുമായ ചര്‍ച്ചകള്‍ക്ക് വഴിമരുന്നിട്ടിരിക്കുകയാണ്. മതം മാറിയ ഇരുപത്തിനാലുകാരിയുടെ ആഗ്രഹത്തിന് വിപരീതമായി അവളുടെ വിവാഹം റദ്ദാക്കി സ്വന്തം പിതാവിനോടൊപ്പം വിട്ടയക്കാനാണ് ബഹുമാനപ്പെട്ട കോടതി ഉത്തരവിട്ടിരിക്കുന്നത്. പ്രായപൂര്‍ത്തിയായ ഒരു യുവതിക്ക് ഇഷ്ടപ്പെട്ട ആശയത്തിലും മതത്തിലും വിശ്വസിക്കാനും ഇഷ്ടപ്പെട്ട വ്യക്തിയുമായി വിവാഹ ബന്ധത്തിലേര്‍പെടാനും ഇന്ത്യന്‍ ഭരണഘടന അനുവദിച്ചിരിക്കെ ആ ഭരണഘടനയുടെ വ്യാഖ്യാതാക്കളായ കോടതിക്ക് എങ്ങനെയാണ് ഇത്തരത്തിലൊരു വിധി പുറപ്പെടുവിക്കാനായത് എന്ന ചോദ്യം പ്രസക്തിയുള്ളതാണ്.

2015ലാണ് അഖില എന്ന യുവതി ഇസ്‌ലാം മതം സ്വീകരിക്കുന്നതിനായി സ്വന്തം ഇഷ്ടപ്രകാരം വീടുവിട്ടിറങ്ങിയത്. തുടര്‍ന്ന് പുത്രിയെ അന്യായമായി തടങ്കലില്‍ വെച്ചെന്നു കാട്ടി പിതാവ് കെ.എം അശോകന്‍ കോടതിയെ സമീപിക്കുകയിരുന്നു. അന്വേഷണത്തില്‍ മലപ്പുറത്ത് ഒരു സ്ഥാപനത്തില്‍ പെണ്‍കുട്ടി പഠിക്കുകയാണെന്നും അതിനാല്‍ പിതാവ് ആവശ്യപ്പെടുന്നതു പ്രകാരം കുട്ടിയെ വിട്ടുനല്‍കാനാവില്ലെന്നുമായിരുന്നു കോടതിയുടെ ഉത്തരവ്. ഇതിന് ഒരു വര്‍ഷത്തിനുശേഷം 2016 ഡിസംബര്‍ 19ന് പെണ്‍കുട്ടി പത്രത്തില്‍ കണ്ട വിവാഹ പരസ്യമനുസരിച്ച് മലപ്പുറം കോട്ടക്കല്‍ സ്വദേശിയായ 26കാരന്‍ ഷഫീന്‍ ജഹാനെ വിവാഹം ചെയ്തു. തുടര്‍ന്ന് വീണ്ടും കോടതിയില്‍ പിതാവിന്റെ കേസെത്തിയപ്പോഴാണ് കോടതിയുടെ മട്ടുമാറിയത്. മുപ്പത്തഞ്ച് ദിവസം കുട്ടിയെ പൊലീസ് കസ്റ്റഡിയില്‍ വെക്കുകയും ചെയ്തു. ഹാദിയയുടെ പരാതിയില്‍ പിന്നീട് മോചിപ്പിച്ചെങ്കിലും തീവ്രവാദ സംഘടനയായ ഐ.എസിലേക്ക് കൊണ്ടുപോകാനാണെന്ന് പറഞ്ഞ് പിതാവ് നല്‍കിയ പരാതിയിന്മേലായിരുന്നു കോടതിയുടെ മനംമാറ്റം. പൊലീസിനോട് ഇതേക്കുറിച്ച് അന്വേഷണം നടത്താനും കുട്ടിയുടെ ഭര്‍ത്താവില്‍നിന്ന് വേറിട്ട് ഹോസ്റ്റലില്‍ താമസിച്ച് പഠനം തുടരാനുമായിരുന്നു കോടതിയുടെ പിന്നീടുള്ള ഉത്തരവ്. കേസ് വീണ്ടും പരിഗണിച്ചപ്പോഴായിരുന്നു ഹൈക്കോടതി പെണ്‍കുട്ടിക്കെതിരായ വിധി പുറപ്പെടുവിച്ചത്. തന്റെ വിവാഹം ശരീഅത്ത് വിധികളനുസരിച്ച് രണ്ടു പ്രബലരായ സാക്ഷികളുടെ മുന്നില്‍വെച്ച് നടത്തിയതാണെന്നും ആയത് സാധുവാണെന്നും ഹാദിയയുടെ ഭര്‍ത്താവ് ഷഫീന്‍ ജഹാന്‍ പറയുന്നു. കഴിഞ്ഞ 156 ദിവസമായി തന്നെ കാണാനനുവദിച്ചില്ല. പക്ഷേ ഇദ്ദേഹത്തെ കേള്‍ക്കാന്‍ വിധി പ്രസ്താവിച്ച ജഡ്ജിമാര്‍ തയ്യാറായില്ല. കുട്ടിയെ ബലം പ്രയോഗിച്ച് പൊലീസ് പിതാവിന്റെ വീട്ടിലേക്ക് കൊണ്ടുപോകുകയായിരുന്നു. കരഞ്ഞു നിലവിളിച്ചുകൊണ്ടാണ് ഹാദിയ പിതാവിനോടൊപ്പം വീട്ടിലേക്ക് പോയത്.
സാധാരണയായി ഹേബിയസ് കോര്‍പസ് (അന്യായമായി തടങ്കലില്‍ വെക്കല്‍) ഹര്‍ജികളില്‍ പ്രായപൂര്‍ത്തിയാകാത്തതിനാല്‍ പെണ്‍കുട്ടിയെ ഇഷ്ടപ്പെട്ട പുരുഷനോടൊപ്പം വിടാതെ രക്ഷിതാക്കള്‍ക്കൊപ്പം വിടുക എന്ന രീതിയാണ് കോടതികള്‍ സ്വീകരിക്കാറ്. ഇത് നിയമ ദൃഷ്ട്യാ ശരിയുമാണ്. പതിനെട്ടിന് താഴെ പക്വതയില്ലാത്ത പ്രായമായതിനാലാണ് കോടതി ഇങ്ങനെ ചെയ്യാറ്. അതേസമയം ഹാദിയയുടെ കാര്യത്തില്‍ കോടതി നടത്തിയത് തികച്ചും നിയമ വിരുദ്ധവും ഭരണഘടനാ വിരുദ്ധവുമായ വിധിയാണെന്ന വാദമാണ് പ്രമുഖ അഭിഭാഷകരടക്കം മുന്നോട്ടുവെക്കുന്നത്. ചില സമയങ്ങളില്‍ പെണ്‍കുട്ടി പ്രായപൂര്‍ത്തിയായിട്ടുണ്ടെങ്കിലും മാനസികമായ തകരാറുകളോ മറ്റോ ഉണ്ടെങ്കില്‍ അപൂര്‍വമായി കോടതി രക്ഷിതാക്കള്‍ക്കനുകൂലമായി മകളെ അവരോടൊപ്പം പറഞ്ഞുവിട്ടുകൊണ്ട് വിധി പ്രസ്താവിക്കാറുണ്ടെങ്കിലും മെഡിക്കല്‍ കോഴ്‌സിന് പഠിക്കുന്ന ആരും ആരോഗ്യപരമോ മാനസികമായോ പരാതിപ്പെടാത്തതുമായ ഹാദിയയുടെ കാര്യത്തില്‍ കോടതി കാട്ടിയ രീതിയാണ് പരക്കെ ചോദ്യം ചെയ്യപ്പെടുന്നത്.
മുസ്‌ലിമായി ജീവിക്കാന്‍ തനിക്ക് മറ്റേത് രാജ്യത്തേക്കും പോകേണ്ടെന്നും തനിക്കെതിരെയുള്ള പരാതികള്‍ പിന്‍വലിക്കണമെന്നും പലതവണ ഹാദിയ പിതാവിനോട് കത്തിലൂടെ ആവശ്യപ്പെട്ടിരുന്നതാണ്. വിവാഹത്തിന് വധുവിന്റെ മാതാപിതാക്കളില്ലാതിരുന്നതാണ് വിവാഹം സാധുവല്ലാതാകാന്‍ കാരണമായി കോടതി പറയുന്നതെങ്കില്‍, വിവാഹത്തിന് മാതാപിതാക്കള്‍ വേണമെന്നത് പുതിയ നിയമ വ്യാഖ്യാനമാണ്. വിവാഹം അസാധുവാണെന്ന് തെളിയിക്കാന്‍ കോടതിക്കോ പൊലീസിനോ കഴിഞ്ഞിട്ടുമില്ല. കോടതി തന്നെ നിയോഗിച്ച പൊലീസ് ഉദ്യോഗസ്ഥന്‍ കൊടുത്ത റിപ്പോര്‍ട്ടില്‍ വിവാഹം ശരീഅത്ത് പ്രകാരം തന്നെ നിര്‍വഹിക്കപ്പെട്ടതായും പറയുന്നുണ്ട്. ഐ.എസിലേക്ക് ഹാദിയയെ വിട്ടയക്കുന്നതായാണ് പരാതിക്കാരനായ പിതാവ് ഉന്നയിച്ച വാദമെങ്കില്‍ അതും തെളിയിക്കപ്പെട്ടിട്ടില്ല. ഈ ഘട്ടത്തിലാണ് ഹൈക്കോടതിയുടെ ഉദ്ദേശ്യശുദ്ധിയെക്കുറിച്ചുള്ള സംശയങ്ങളുന്നയിക്കുന്നവരെ കുറ്റപ്പെടുത്താന്‍ കഴിയാതെ വരുന്നത്. മതംമാറ്റം തന്റെ സ്വന്തം തീരുമാനമാണെന്നാണ് ഹാദിയ പറയുന്നത്. ഇത് ചെവിക്കൊള്ളാതിരിക്കാന്‍ കോടതിക്കെങ്ങനെ കഴിഞ്ഞു. സംഘ്പരിവാരം പ്രചരിപ്പിച്ചത് അതേപടി ഏറ്റുപിടിക്കുന്നത് രീതിയാണ് വിധിയെന്ന വിമര്‍ശനമാണ് ഉയര്‍ന്നിരിക്കുന്നത്.
ഇതുസംബന്ധിച്ച് ഹാദിയ മുഖ്യമന്ത്രി പിണറായി വിജയന് കത്തെഴുതുകയും അതില്‍ ഹിന്ദുത്വ ശക്തികള്‍ തന്നെ വധിക്കുമെന്ന് ഭയപ്പെടുന്നതായും ചൂണ്ടിക്കാട്ടിയിരുന്നു. ഇതിന്മേലൊന്നും ഒരു നടപടിയും സര്‍ക്കാര്‍ സ്വീകരിച്ചില്ലെന്ന് മാത്രമല്ല, പൗരന്റെ അടിസ്ഥാന അവകാശത്തെപ്പോലും ചോദ്യം ചെയ്യുന്ന വിധി പുറത്തുവന്നിട്ട് ഇതുവരെയും ഇക്കാര്യത്തില്‍ ചെറു വിരലനക്കാന്‍ പോലും ഇക്കൂട്ടര്‍ തയ്യാറായിട്ടുമില്ല. സുപ്രീം കോടതിയില്‍ ഇതുസംബന്ധിച്ച അപ്പീലിനുള്ള നീക്കങ്ങള്‍ക്കൊപ്പം മതംമാറ്റത്തിനെതിരായ ഗൂഢനീക്കത്തിനെതിരെയും ചെറുത്തുനില്‍പുകളും ബോധവത്കരണങ്ങളും ഈ വിധിയിലൂടെ ആവശ്യമായിരിക്കുകയാണ്. വിധിക്കെതിരെ ഇന്നലെ ഹൈക്കോടതിയിലേക്ക് മുസ്്‌ലിം ഏകോപനസമിതിയുടെ ആഭിമുഖ്യത്തില്‍ നടത്തിയ മാര്‍ച്ചിനെ തദനുസൃതമായ നീക്കമായേ കാണാനാകൂ. എന്നാല്‍ ഇതിനെ പൊലീസ് നേരിട്ട രീതി ചോദ്യം ചെയ്യപ്പെടുകയാണ്. ഇതേ സര്‍ക്കാരിന്റെ ആളുകള്‍ എത്ര തവണയാണ് ഹൈക്കോടതിയിലേക്ക് മാര്‍ച്ച് നടത്തിയിട്ടുള്ളത്. എറണാകുളം ജില്ലയിലെ ഇന്നത്തെ ഹര്‍ത്താല്‍ അതുകൊണ്ടുതന്നെ ഒഴിവാക്കപ്പെടേണ്ടതായിരുന്നു. പൗരന്മാരുടെ വിശ്വാസ്യതയും ആത്മവിശ്വാസവും നിലനിര്‍ത്തിക്കൊണ്ടുമാത്രമേ ഏതൊരു ജനാധിപത്യരാഷ്ട്രത്തിനും നിലനില്‍പുള്ളൂ എന്നത് സര്‍ക്കാരിന്റെ മൂന്നുതൂണുകളും ഒരുപോലെ ഓര്‍ക്കുന്നത് നന്നായിരിക്കും.

india

മണിപ്പൂര്‍ കലാപം; ബി.ബി.സി റെയ്ഡ് -കേന്ദ്ര സര്‍ക്കാറിനെതിരെ രൂക്ഷവിമര്‍ശനവുമായി അമേരിക്ക

ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു.

Published

1 day ago

April 23, 2024

webdesk13

മണിപ്പൂരിലെ വംശീയ സംഘർഷത്തിലടക്കം കേന്ദ്ര സർക്കാറിനെതിരെ രൂക്ഷ വിമർശനവുമായി അമേരിക്കൻ വിദേശകാര്യ വകുപ്പ്. ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു. കേന്ദ്ര സർക്കാരിനെ വിമർശിക്കുന്ന മാധ്യമങ്ങൾ ഭീഷണി രാജ്യത്ത് നേരിടുകയാണെന്നും റിപ്പോർട്ടിൽ വിമർശനമുണ്ട്.

യു.എസ് സ്റ്റേറ്റ് ഡിപ്പാർട്ട്‌മെന്‍റ് തിങ്കളാഴ്ചയാണ് വാർഷിക മനുഷ്യാവകാശ വിശകലന റിപ്പോർട്ട് പ്രസിദ്ധീകരിച്ചത്. 200 രാജ്യങ്ങളിലെ മനുഷ്യാവകാശ പ്രശ്നങ്ങൾ ഉൾകൊള്ളുന്നതാണ് റിപ്പോർട്ട്. മണിപ്പൂരിലെ വംശീയ സംഘർഷം അടിച്ചമർത്തുന്നതിലെ പരാജയം, ഇന്ത്യയിലെ പ്രതിപക്ഷ പാർട്ടികൾ നേരിടുന്ന പ്രതിബന്ധങ്ങൾ, ഹർദീപ് സിങ് നിജ്ജറിന്‍റെ കൊലപാതകത്തിലെ ആരോപണം എന്നിവ ഇന്ത്യയിലെ ഗുരുതരമായ മനുഷ്യാവകാശ പ്രശ്‌നങ്ങളിൽ പെടുന്നുവെന്ന് റിപ്പോർട്ട് പറയുന്നു.

വംശീയ സംഘർഷം പൊട്ടിപ്പുറപ്പെട്ടതിന് ശേഷം മണിപ്പൂരിൽ ഗുരുതരമായ മനുഷ്യാവകാശ ലംഘനങ്ങളാണ് അരങ്ങേറിയത്. സായുധ സംഘട്ടനം, ലൈംഗിക അതിക്രമങ്ങൾ എന്നിവ മണിപ്പൂരിൽ നിന്നും റിപ്പോർട്ട് ചെയ്യപ്പെട്ടു -സ്റ്റേറ്റ് ഡിപ്പാർട്ട്‌മെന്‍റ് ചൂണ്ടിക്കാട്ടുന്നു.

രാഹുൽ ഗാന്ധിയെ അയോഗ്യാനാക്കിയ സംഭവം റിപ്പോർട്ടിൽ പറയുന്നുണ്ട്. സർക്കാരിനെ വിമർശിക്കുന്ന വീക്ഷണങ്ങൾ പ്രകടിപ്പിക്കുന്ന മാധ്യമപ്രവർത്തകരും മാധ്യമസ്ഥാപനങ്ങലും അറസ്റ്റിനും ഭീഷണികൾക്കും വിധേയരായിട്ടുണ്ടെന്ന് റിപ്പോർട്ട് പറയുന്നു. ആദായനികുതി വകുപ്പ് ബി.ബി.സിയുടെ ഡൽഹി, മുംബൈ ഓഫീസുകളിൽ 60 മണിക്കൂർ റെയ്ഡ് നടത്തിയതും റിപ്പോർട്ടിൽ പരാമർശിക്കുന്നു.

crime

യു.പിയിൽ ബി.ജെ.പി സ്ഥാനാർഥിയുടെ പ്രചാരണ റാലിക്കിടെ വ്യാപക പോക്കറ്റടി

റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്.

Published

1 day ago

April 23, 2024

webdesk13

ഉത്തര്‍പ്രദേശിലെ മീററ്റില്‍ ബി.ജെ.പി സ്ഥാനാര്‍ഥി അരുണ്‍ ഗോവിലിന്റെ പ്രചാരണ റാലിക്കിടെ വ്യാപക പോക്കറ്റടി. റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്. മാധ്യമപ്രവര്‍ത്തകരും പോക്കറ്റടിക്ക് ഇരയായിട്ടുണ്ട്.

‘രാമായണം’ സീരിയലില്‍ ശ്രീരാമനായി അഭിനയിച്ച നടനാണ് മീററ്റിലെ ബി.ജെ.പി സ്ഥാനാര്‍ഥി അരുണ്‍ ഗോവില്‍. സീരിയലിലെ മറ്റ് കഥാപാത്രങ്ങളെ അവതരിപ്പിച്ച താരങ്ങളെ അണിനിരത്തിയായിരുന്നു മീററ്റില്‍ പ്രചാരണ റാലി നടത്തിയത്. സീതയായി അഭിനയിച്ച ദീപിക ചിഖ്‌ലിയ, ലക്ഷ്മണനായി അഭിനയിച്ച സുനില്‍ ലാഹ്രി എന്നിവര്‍ പങ്കെടുത്തിരുന്നു.

വ്യാപാരിയായ കുല്‍ഭൂഷണ്‍ എന്നയാള്‍ 36,000 രൂപ പോക്കറ്റടിച്ചതായി കാണിച്ച് പൊലീസില്‍ പരാതി നല്‍കി. റാലി കണ്ടപ്പോള്‍ കടയില്‍ നിന്നിറങ്ങി അടുത്തേക്ക് പോയതാണെന്ന് കുല്‍ഭൂഷണ്‍ പറഞ്ഞു. കടയിലെ പണം പോക്കറ്റില്‍ വെച്ചിരുന്നു. റാലി കണ്ട് തിരികെയെത്തിയപ്പോഴാണ് പോക്കറ്റിലെ പണം നഷ്ടമായത് അറിയുന്നത് -കുല്‍ഭൂഷണ്‍ പറഞ്ഞു.

https://twitter.com/i/status/1782609046484500905

ബി.ജെ.പി പ്രാദേശിക നേതാവായ അലോക് സിസോദിയയുടെ മൊബൈല്‍ ഫോണ്‍ റാലിക്കിടെ മോഷ്ടിക്കപ്പെട്ടു. റാലിയിലെ തിരക്ക് മുതലെടുത്ത് ചില മോഷ്ടാക്കള്‍ കടന്നുകയറിയെന്നാണ് ബി.ജെ.പി നേതാക്കള്‍ പറയുന്നത്.

അതേസമയം, മോഷണസംഭവങ്ങളില്‍ മൂന്ന് പേരെ പൊലീസ് അറസ്റ്റ് ചെയ്തിട്ടുണ്ട്. ഏപ്രില്‍ 26ന് നടക്കുന്ന രണ്ടാംഘട്ടത്തിലാണ് മീററ്റില്‍ തെരഞ്ഞെടുപ്പ്.

Article

വിശ്രമമില്ലാതെ പാണക്കാട് കുടുംബം

വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍.

Published

3 days ago

April 22, 2024

webdesk13

ഇഖ്ബാല്‍ കല്ലുങ്ങല്‍

മലപ്പുറം: കേരളീയ സമൂഹത്തിന്റെ സുകൃതമാണ് പാണക്കാട് സയ്യിദ് ശിഹാബ് തങ്ങള്‍ കുടുംബം. മുസ്‌ലിം ലീഗിന്റെ നേത്യരംഗത്ത് ശോഭ വിതറുന്ന ശിഹാബ് തങ്ങള്‍ കുടുംബത്തിനു തിരഞ്ഞെടുപ്പ് കാലത്ത് തിരക്കുകള്‍ കൂടുന്ന ദിനങ്ങളാണ്. വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍. മുസ്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍, മുസ്ലിം ലീഗ് മലപ്പുറം ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍, മുസ്ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍, സയ്യിദ് റഷീദലി ശിഹാബ് തങ്ങള്‍, സയ്യിദ ്ഹമീദലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍. തുടങ്ങിയവര്‍ വോട്ട് അഭ്യാര്‍ത്ഥിച്ച് പൊതുസമ്മേളനങ്ങള്‍ മുതല്‍ കു ടുംബ സംഗമങ്ങള്‍ വരെ വിശ്രമമില്ലാതെ ഓടുകയാണ്.

പാണക്കാട് കുടുംബത്തില്‍ നിന്നും വോട്ട് അഭ്യാര്‍ത്ഥിച്ച് എത്തുന്നത് വോട്ടര്‍മാരില്‍ വലിയ സ്വാധീനമാണുളവാക്കുന്നത്. മതസാഹോദര്യത്തിനു ഊന്നല്‍ നല്‍കികൊണ്ട് രാജ്യത്തെ രക്ഷിക്കേണ്ട പോരാട്ടമാ ണിതെന്ന് പറഞ്ഞ് വോട്ട് അഭ്യര്‍ത്ഥിക്കുന്നത് വോട്ടര്‍മാര്‍ സ്‌നേഹപൂര്‍വമാണ് സ്വീകരിക്കുന്നത്. മുസ്ലിം ലീഗ് ദേശീയ രാഷ്ട്രീയകാര്യസമിതി ചെയര്‍മാന്‍ കൂടിയായ സാദിഖലി ശിഹാബ് തങ്ങള്‍ കേരളത്തിനകത്തും പുറത്തും പ്രചാരണത്തില്‍ ശ്രദ്ധകേന്ദ്രീകരിക്കുന്നു. രാഹുല്‍ ഗാന്ധിക്കൊപ്പം ഇന്ത്യമുന്നണിക്ക് സാദിഖലി ശിഹാബ് തങ്ങള്‍ പകരുന്ന ആവേശവും കരുത്തും ചെറുതല്ല. മുസ്ലിം ലീഗ് സ്ഥാനാര്‍ത്ഥികളെ പ്രഖ്യാപിച്ച സാദിഖലി ശിഹാബ് തങ്ങള്‍ തന്നെയാണ് ഇ.ടി മുഹമ്മദ് ബഷീറിന്റെയും അബ്ദുസമദ് സമദാനിയുടെയും പ്രചാരണങ്ങള്‍ക്ക് തുടക്കം കുറിച്ചതും. യുഡിഎഫിന്റെ വിവിധ സ്ഥാനാര്‍ത്ഥികളുടെ പ്രചാരണങ്ങള്‍ക്ക് സാദിഖലി ശിഹാബ്ദ് തങ്ങളുടെ സാന്നിധ്യം എന്തൊന്നില്ലാ ആത്മവിശ്വാസമാണ് പകരുന്നത്. സംസ്ഥാനത്തിന്റെ ഒരറ്റം മുതല്‍ മറ്റേയറ്റം വരെ സാദിഖലി ശിഹാബ് തങ്ങള്‍ വിശ്രമമില്ലാതെ സഞ്ചരിക്കു കയാണ്. കേരളത്തില്‍ എല്ലാ സീറ്റിലും യു.ഡി.എഫ് വിജയം വരിക്കുന്നതിനു ആവശ്യമായ കര്‍മപഥമാണ് സാദിഖലി ശിഹാബ് തങ്ങള്‍ തുറക്കുന്നത്. എല്ലായിടത്തും കുടുംബ സംഗമങ്ങളിലും തീരദേശ മലയോര മേഖലകളിലും സാദിഖലി ശിഹാബ് തങ്ങളുടെ പര്യടനങ്ങള്‍ക്ക് ഗംഭീര സ്വീകാര്യതയാണ്.

മുസ്ലിംലീഗ് സ്ഥാനാര്‍ത്ഥികള്‍ക്ക് നാമനിര്‍ദേശ പത്രികയും കെട്ടിവെക്കാനുള്ള തുകയും കൈമാറിയ ശേഷം വയനാട്ടില്‍ രാഹുല്‍ഗാന്ധിയുടെ റോഡ്‌ഷോയിലും പത്രിക സമര്‍പ്പണത്തിലും പാണക്കാട് സയ്യിദ് അബ്ബാസലി ശിഹാബ്തങ്ങള്‍ നിറസാന്നിധ്യമായിരുന്നു. തിരഞ്ഞെടുപ്പ് കണ്‍വന്‍ഷനുകളിലും പ്രചാരണ ഉദ്ഘാടനങ്ങളും കുടുംബ സംഗമങ്ങളിലും പങ്കെടുത്ത് സയ്യിദ് അബ്ബാസലി ശിഹാബ്തങ്ങള്‍ യു.ഡി.എഫിന്റെ വിജയമോതുന്നു. വിവിധ സ്ഥലങ്ങളിലെ പര്യടനത്തിലുടനീളം ജനകീയ വരവേല്‍പ്പാണ് അബ്ബാസലി തങ്ങള്‍ക്ക് ലഭിക്കുന്നത്.

സയ്യിദ് അബ്ബാസലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍,സയ്യിദ് റഷീദലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍ മുസ്ലിംയൂത്തീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ പൊന്നാനിയിലും മലപ്പുറത്തും മറ്റു ലോക്‌സഭാ മണ്ഡലങ്ങളിലും ആവേശം വിതറുന്നു. രാജ്യത്തെ ഭിന്നിപ്പിച്ച് ഭരിക്കുന്ന ഭരണകൂടത്തിനെതിരെയും ജനദ്രോഹനയങ്ങള്‍ തുടരുന്ന കേരളസര്‍ക്കാറിനെതിരെയും പ്രതികരിക്കാനുള്ള അവസരമാണിതെന്ന് ഓരോ കേന്ദ്രത്തിലും സയ്യിദ് മുനവ്വറലി ശിഹാബ് തങ്ങള്‍ പറഞ്ഞു. യംഗ് ഇന്ത്യ പരിപാടികളിലും തങ്ങള്‍ ശ്രദ്ധേയമായി. തിരൂരിലും മറ്റുമായി വിവിധ കുടുംബസംഗമങ്ങളില്‍ പങ്കെടുത്ത് മലപ്പുറം മണ്ഡലും മുസ്ലിംലീഗ് പ്രസിഡന്റു കൂടിയായ സയ്യിദ് റഷീദലി ശിഹാബ് തങ്ങള്‍ അനുഗ്രഹ സാന്നിധ്യമായി കേന്ദ്ര-സംസ്ഥാന സര്‍ക്കാറുകളുടെ ജനദ്രോഹ ഭരണം സയ്യിദ് റഷീദലി ശിഹാബ് തങ്ങള്‍ വിശദീകരിക്കുമ്പോള്‍ വോട്ടര്‍മാര്‍ അതേറ്റുവാങ്ങുന്നു.

പ്രചാരണപ്രവര്‍ത്തനങ്ങളില്‍ സജീവമാണ് മലപ്പുറം മുനിസിപ്പല്‍ മുസ്ലിംലീഗ് പ്രസിഡന്റ് കൂടിയായ സയ്യിദ് ഹമീദലി ശിഹാബ് തങ്ങള്‍, മലപ്പുറത്തും പൊന്നാനിയിലും മറ്റിടങ്ങളിലും കുടുംബസംഗമങ്ങളിലും കണ്‍വന്‍ഷനുകളിലും പ്രചാരണ ഉദ്ഘാടനങ്ങളിലും ഹമിദലി ശിഹാബ് തങ്ങള്‍ യു.ഡി.എഫ് വിജയ ത്തിന്റെ അനിവാര്യത ബോധ്യപ്പെടുത്തി.

പാണക്കാട് സയ്യിദ് ബഷീറലി ശിഹാബ് തങ്ങളും കുടുംബസംഗമങ്ങളില്‍ പങ്കെടുത്തു. പാണക്കാട് സയ്യിദ് മുഈനലി ശിഹാബ് തങ്ങള്‍ എടപ്പാളിലുള്‍പ്പെടെ തിരഞ്ഞെടുപ്പ് കാമ്പയിന്‍ നയിച്ചതും ശ്രദ്ധേയമായി. പാണക്കാട് സയ്യിദ് കുടുംബം പങ്കെടുക്കുന്ന തീരദേശ റോഡ്‌ഷോകളും കുടുംബസംഗമങ്ങളും വിജയകരമായി മുന്നേറുകയാണ്. മണ്‍മറഞ്ഞ പിഎംഎസ്എ പൂക്കോയ തങ്ങള്‍, സയ്യിദ് മുഹമ്മദലി ശിഹാബ് തങ്ങള്‍, സയ്യിദ് ഹൈദരലി ശിഹാബ് തങ്ങള്‍, സയ്യിദ് ഉമറലി ശിഹാബ് തങ്ങള്‍ എന്നിവരും തിരഞ്ഞെടുപ്പ് കാലത്ത് നയിച്ച പര്യടനങ്ങള്‍ ജനങ്ങളുടെ ഓര്‍മകളില്‍ മങ്ങാതെ നില്‍ക്കുന്ന ഹൃദ്യമായ കാഴ്ച്ചകളാണ്.