കൊറോണ ഭീതിയിലും അക്രമം കൈവിടാതെ സി.പി.എം; യൂത്ത് കോണ്‍ഗ്രസ് നേതാവിനെ വെട്ടിക്കൊല്ലാന്‍ ശ്രമം

കൊറോണ ഭീതിയിലും അക്രമം കൈവിടാതെ സി.പി.എം; യൂത്ത് കോണ്‍ഗ്രസ് നേതാവിനെ വെട്ടിക്കൊല്ലാന്‍ ശ്രമം

കറ്റാനം: കായംകുളത്ത് യൂത്ത് കോണ്‍ഗ്രസ് നേതാവിനെ വെട്ടിക്കൊല്ലാന്‍ സി.പി.എം ശ്രമം. യൂത്ത് കോണ്‍ഗ്രസ് മണ്ഡലം പ്രസിഡന്റിനൊപ്പം ബൈക്കില്‍ വീട്ടിലേക്ക് പോയ മണ്ഡലം സെക്രട്ടറി സുഹൈലി(23) നെയാണ് കഴുത്തിന് വെട്ടേറ്റ് ഗുരുതരാവസ്ഥയില്‍ ആസ്പത്രിയില്‍ പ്രവേശിപ്പിച്ചിരിക്കുന്നത്. ഇലിപ്പക്കുളം കോട്ടക്കകത്ത് ചൊവ്വാഴ്ച രാത്രി 9.45-ഓടെ മങ്ങാരം ജങ്ഷനില്‍ വച്ച് ബൈക്കിലെത്തിയ രണ്ടംഗസംഘമാണ് സുഹൈലിനെ വെട്ടിപ്പരിക്കേല്‍പ്പിച്ചത്.

ബൈക്ക് ഓടിച്ചിരുന്ന മണ്ഡലം പ്രസിഡന്റ് ഇക്ബാലിനെ വെട്ടിയതാണെന്നും ഒഴിഞ്ഞുമാറിയതോടെ സുഹൈലിന്റെ കഴുത്തിന് വെട്ടുകൊള്ളുകയായിരുന്നുവെന്നുമാണ് പറയുന്നത്. സുഹൈലിനെ ആദ്യം കായംകുളം താലൂക്ക് ആശുപത്രിയിലും തുടര്‍ന്ന് വണ്ടാനം മെഡിക്കല്‍ കോളേജിലും പ്രവേശിപ്പിച്ചു. സംഭവത്തിനു പിന്നില്‍ ഡി.വൈ.എഫ്.ഐ. പ്രവര്‍ത്തകരാണെന്ന് യൂത്ത് കോണ്‍ഗ്രസുകാര്‍ ആരോപിച്ചു.

NO COMMENTS

LEAVE A REPLY