Connect with us

More

കൃസ്റ്റിയോനോ ഗോളില്‍ പോര്‍ച്ചുഗല്‍

Published

on

മോസ്‌ക്കോ: സ്പാര്‍ട്ടക് സ്‌റ്റേഡിയത്തിലെ തിങ്ങി നിറഞ്ഞ റഷ്യന്‍ ആരാധകര്‍ ഒരു ഗോളിനായി അലമുറയിട്ടു… സ്വന്തം താരങ്ങളെ അവര്‍ ബഹളങ്ങളോടെ പ്രോല്‍സാഹിപ്പിച്ചു. പക്ഷേ തുറന്ന ഗോള്‍ വലയത്തെ പോലും സാക്ഷിയാക്കി റഷ്യന്‍ താരങ്ങള്‍ അവസരങ്ങള്‍ പാഴാക്കിയപ്പോള്‍ എട്ടാം മിനുട്ടില്‍ ക്യാപ്റ്റനും സൂപ്പര്‍ താരവുമായ കൃസ്റ്റിയാനോ റൊണാള്‍ഡോ നേടിയ ഏക ഗോളില്‍ പോര്‍ച്ചുഗല്‍ ഫിഫ കോണ്‍ഫെഡറേഷന്‍സ് കപ്പ് ഫുട്‌ബോളിലെ ആദ്യ വിജയം നുകര്‍ന്നു. എട്ടാം മിനുട്ടിലായിരുന്നു പറങ്കിതാരത്തിന്റെ ടിപ്പിക്കല്‍ ഹെഡ്ഡര്‍ ഗോള്‍. മാര്‍ക്കിംഗില്‍ നിന്നും മുക്തനായി ഗോള്‍ക്കീപ്പറുടെ കൈകള്‍ക്ക് മുകളിലൂടെ അധികം ശക്തിയില്ലാത്ത ഹെഡ്ഡര്‍. കളിക്കുന്ന ചാമ്പ്യന്‍ഷിപ്പുകളില്ലെല്ലാം ഗോള്‍ അടിക്കുന്ന റെക്കോര്‍ഡുള്ള റയല്‍ മാഡ്രിഡ് താരത്തിന്റെ ഗോള്‍ മാറ്റി നിര്‍ത്തിയാല്‍ പോര്‍ച്ചുഗലിന്റെ സാന്നിദ്ധ്യം മല്‍സരത്തില്‍ കുറവായിരുന്നു. ആദ്യ മല്‍സരത്തില്‍ ന്യൂസിലാന്‍ഡിനെ തോല്‍പ്പിച്ചത് വഴിയുള്ള മൂന്ന് പോയന്റാണ് നിലവില്‍ ആതിഥേയരുടെ സമ്പാദ്യം. മെക്‌സിക്കോയുമായി ആദ്യ മല്‍സരത്തില്‍ സമനില വഴങ്ങിയ പോര്‍ച്ചുഗലാണിപ്പോള്‍ ഗ്രൂപ്പ് എ യില്‍ ഒന്നാമന്മാര്‍. ഗ്രൂപ്പിലെ ആദ്യ രണ്ട് ടീമുകള്‍ക്കാണ് സെമി ബെര്‍ത്ത്. ഗ്രൂപ്പിലെ അവസാന മല്‍സരത്തില്‍ മെക്‌സിക്കോയെ പരാജയപ്പെടുത്തിയാല്‍ മാത്രമാണ് റഷ്യക്ക് സെമി സാധ്യത.

kerala

ചിന്നക്കനാലിൽ വീണ്ടും ചക്കക്കൊമ്പന്റെ ആക്രമണം; ഷെഡ‍് തകർത്തു

സംഭവ സമയത്ത് വീട്ടിൽ ആളുണ്ടായിരുന്നില്ല

Published

on

ചിന്നക്കനാൽ∙ ഇടുക്കി ചിന്നക്കനാലിൽ ചക്കക്കൊമ്പന്റെ ആക്രമണം. 301 കോളനിക്ക് സമീപം വീടിന് സമീപത്തുള്ള ഷെഡ് കാട്ടാന ആക്രമിച്ചു. ഇന്നലെ രാത്രിയാണു സംഭവം. വയൽപ്പറമ്പിൽ ഐസക് എന്നയാളുടെ ഷെഡാണ് ആക്രമിച്ചത്.

സംഭവ സമയത്ത് വീട്ടിൽ ആളുണ്ടായിരുന്നില്ല. വലിയ ദുരന്തമാണ് ഇതോടെ വഴിമാറിയത്. പിന്നീട് നാട്ടുകാർ ബഹളം വച്ച് കൊമ്പനെ തുരത്തുകയായിരുന്നു.

Continue Reading

kerala

 ഇന്ന് ദു:ഖ വെള്ളി

Published

on

യേശു ക്രിസ്‌തുവിന്റെ ജീവത്യാഗ സ്‌മരണയില്‍ ക്രൈസ്‌തവർ ഇന്ന് ദു:ഖവെള്ളിയാചരിക്കും. അന്ത്യയത്താഴ ദിവസമായ ഇന്നലെ പെസഹാ വ്യാഴം ആരാധനാലയങ്ങളില്‍ ആചരിച്ചു. യേശു ക്രിസ്തു ക്രൂശുമരണം വരിച്ചതിന്റെ ത്യാഗസ്മരണകളുയർത്തുന്നതാണ് ദു:ഖവെള്ളി.

ലോകമെമ്പാടുമുള്ള ക്രൈസ്തവ സമൂഹം ഇന്ന് ഉപവാസത്തോടെ ദേവാലയങ്ങളില്‍ പ്രാർത്ഥന ചടങ്ങുകള്‍ നടത്തും. യേശു മരണത്തിന് വിധിക്കപ്പെട്ടതിന് ശേഷം പീലാത്തോസിന്റെ ഭവനത്തില്‍ നിന്ന് ഗാഗുല്‍ത്താമലയുടെ മുകളിലേക്ക് കുരിശ് വഹിച്ച്‌ നടത്തിയ യാത്രയാണ് വിശ്വാസികള്‍ അനുസ്മരിക്കുന്നത്.

സംസ്ഥാനത്തെ വിവിധ ക്രൈസ്തവ ദേവാലയങ്ങളില്‍ ഇന്ന് പ്രത്യേക പ്രാർത്ഥനകള്‍ ഉണ്ടാകും. തിരുവനന്തപുരത്ത് വിവിധ ക്രൈസ്തവ സഭകളുടെ നേതൃത്വത്തില്‍ കുരിശിന്‍റെ വഴി നടക്കും. സംസ്ഥാനത്തെ പ്രധാന ക്രൈസ്തവ തീർത്ഥാടന കേന്ദ്രമായ മലയാറ്റൂരില്‍ ഇന്ന് വിശ്വാസികള്‍ മല ചവിട്ടും. മറ്റന്നാളാണ് ആണ് ഈസ്റ്റർ.

.

Continue Reading

kerala

സംസ്ഥാനത്ത് സ്വര്‍ണ വില പവന് അര ലക്ഷം കവിഞ്ഞു

6300 രൂപയാണ് ഒരു ഗ്രാം സ്വര്‍ണത്തിന്റെ വില

Published

on

സംസ്ഥാനത്ത് സ്വര്‍ണവില റെക്കോര്‍ഡില്‍ സംസ്ഥാന ചരിത്രത്തില്‍ ഇതാദ്യമായി സ്വര്‍ണവില 50,000 കടന്നു.1040 രൂപ വര്‍ധിച്ച്‌ ഒരു പവന് 50,400 രൂപയാണ് ഇന്ന് വിപണി വില. ഗ്രാമിന് 130 രൂപയാണ് വര്‍ധിച്ചത്. 6300 രൂപയാണ് ഒരു ഗ്രാം സ്വര്‍ണത്തിന്റെ വില.

ആഗോള വിപണിയിലെ വര്‍ധനവാണ് വില ഉയര്‍ത്തിയത്. സുരക്ഷിത നിക്ഷേപം എന്ന നിലയില്‍ സ്വര്‍ണത്തിലേക്ക് കൂടുതല്‍ പേര്‍ എത്തുന്നതാണ് വില ഉയരാന്‍ കാരണമെന്ന് വിപണി വിദഗ്ധര്‍ പറയുന്നു.ഈ മാസത്തിന്റെ തുടക്കത്തില്‍ 46,320 രൂപയായിരുന്നു സ്വര്‍ണവില.

Continue Reading

Trending