സംസ്ഥാനത്ത് വീണ്ടും കസ്റ്റഡി മരണം

സംസ്ഥാനത്ത് വീണ്ടും കസ്റ്റഡി മരണം

തൃശൂര്‍ : സംസ്ഥാനത്ത് വീണ്ടും കസ്റ്റഡി മരണം. തൃശൂര്‍ പാവറട്ടിയില്‍ എക്‌സൈസ് സ്‌പെഷ്യല്‍ സ്‌ക്വാഡ് അറസ്റ്റ് ചെയ്ത യുവാവാണ് കസ്റ്റഡിയില്‍ ഇരിക്കെ മരണമടഞ്ഞത്. മലപ്പുറം തിരൂര്‍ സ്വദേശി രഞ്ജിത് കുമാര്‍ ആണ് മരിച്ചത്. 35 വയസായിരുന്നു. രണ്ട് കിലോ കഞ്ചാവുമായി ഗുരുവായൂര്‍ ബസ്സ്റ്റാന്റില്‍ നിന്നാണ് ഇയാളെ കസ്റ്റഡിയില്‍ എടുത്തത്. രഞ്ജിത് കുമാറിന്റെ പേരില്‍ തിരൂരിലും കേസുണ്ട്. ഈ കേസില്‍ ജാമ്യത്തിലായിരുന്നു.

ഗുരുവായൂരില്‍ നിന്ന് തൃശൂരിലേക്ക് കൊണ്ടു പോകുന്നതിനിടെ വഴിമധ്യേയാണ് മരണം സംഭവിച്ചത്. പാവറട്ടിയിലെ സ്വകാര്യ ആസ്പത്രിയിലേക്ക് എത്തിക്കുമ്പോഴേക്കും മരണം സംഭവിച്ചിരുന്നു. പാവറട്ടി പൊലീസ് സ്ഥലത്തെത്തി. ഗുരുവായൂര്‍ എ.സി.പി ബിജു ഭാസ്‌ക്കറിന്റെ നേതൃത്വത്തിലുള്ള സംഘം ആസ്പത്രിയില്‍ എത്തി പ്രാഥമിക പരിശോധന നടത്തി.

NO COMMENTS

LEAVE A REPLY