Connect with us

Culture

ധോണിക്ക് ഇന്നും ആ ഗ്ലൗസ് തന്നെ… പക്ഷേ ചിഹ്നത്തിന് മുകളില്‍ ടേപ്പ് വരും

Published

on

ലണ്ടന്‍:ലോകകപ്പ് വേളയില്‍ രാജ്യാന്തര ക്രിക്കറ്റ് കൗണ്‍സിലുമായി ഏറ്റുമുട്ടലിന് ഇന്ത്യന്‍ ക്രിക്കറ്റ് ബോര്‍ഡില്ല. മഹേന്ദ്രസിംഗ് ധോണിയുടെ വിക്കറ്റ് കീപ്പിംഗ് ഗ്ലൗസിലെ സൈനീക ചിഹ്നം സംബന്ധിച്ച വിവാദത്തില്‍ അനുകൂല മറുപടി തേടി ക്രിക്കറ്റ് ബോര്‍ഡ് മേല്‍നോട്ട കമ്മിറ്റി തലവന്‍ വിനോദ് റായ് നല്‍കിയ കത്തിന് അനുകൂല മറുപടി ലഭിക്കാത്ത സാഹചര്യത്തില്‍ വിവാദത്തിന് നില്‍ക്കേണ്ടെന്നാണ് അന്തിമ തീരുമാനം. അതിനാല്‍ ഇന്ന് ഓസ്‌ട്രേലിയക്കെതിരെ നടക്കുന്ന മല്‍സരത്തില്‍ ധോണി ഇതേ ഗ്ലൗസ് തന്നെ അണിയും. പക്ഷേ ബലിദാന്‍ ചിഹ്നം മറച്ചു വെക്കും.
ചിഹ്നമുള്ള ഭാഗത്ത് ടാപ്പ് ഒട്ടിച്ചായിരിക്കും സീനിയര്‍ താരം ഇന്ന് വിക്കറ്റിന് പിറകിലുണ്ടാവുക. ധോണി അത്രം ഗ്ലൗസേ അണിയുന്നതില്‍ കുഴപ്പമില്ല എന്നാണ് ക്രിക്കറ്റ് ബോര്‍ഡിന്റെ അഭിപ്രായം. കേന്ദ്ര കായിക മന്ത്രാലയവും ഇത് തന്നെയാണ് പറഞ്ഞത്. ഇതിനെ തുടര്‍ന്നാണ് ഔദ്യോഗികമായി വിനോദ് റായ് ഐ.സി.സിക്ക് കത്ത് നല്‍കിയത്. എന്നാല്‍ കത്തിന് വലിയ പരിഗണന ഐ.സി.സി നല്‍കിയില്ല. സ്വന്തം നിലപാടില്‍ മാറ്റമില്ലെന്നും അംഗീകാരമില്ലാത്ത മുദ്ര ഒരു തരത്തിലും അനുവദിക്കില്ല എന്നുമാണ് ഐ.സി.സി അറിയിച്ചത്. ലോകകപ്പ്് വേളയായതിനാല്‍ വിവാദമുണ്ടാവുന്ന പക്ഷം അത് ഇന്ത്യയെ ബാധിക്കുമെന്ന് ക്രിക്കറ്റ് ബോര്‍ഡിനറിയാം. ലോകകപ്പിലെ ആദ്യ മല്‍സരത്തില്‍ തന്നെ ടീം മികച്ച വിജയം നേടിയ സാഹചര്യത്തില്‍ അനാവശ്യ വിവാദത്തില്‍ ചാടി ടീമിന്റെ ആത്മവിശ്വാസത്തെ നശിപ്പിക്കരുതെന്ന വാദവും ഉയര്‍ന്നിരുന്നു. ധോണിയോട് വിവരം തേടിയപ്പോള്‍ അതേ ഗ്ലൗസ് അണിയാന്‍ തന്നെയാണ് അദ്ദേഹത്തിന്റെ തീരുമാനം. ഐ.സി.സി വിലക്കിയിട്ടും ഗ്ലൗസില്‍ സൈനിക മുദ്ര ചേര്‍ത്താല്‍ അത് വലിയ അച്ചടക്ക നടപടിയിലേക്ക് പോവും. തന്റെ അവസാന ലോകകപ്പ് വേളയില്‍ അച്ചടക്ക നടപടിയുമായി പുറത്താവുന്നതും ക്ഷീണമായി മാറും.വിഷയത്തില്‍ നിലപാട് ഐ.സി.സി കടുപ്പിക്കില്ല എന്നാണ് ബി.സി.സി.ഐ പ്രതീക്ഷ. അത് കൊണ്ടാണ് അതേ ഗ്ലൗസ് അണിയാനും ചിഹ്നം മറച്ച്് വെക്കാനും നിര്‍ദ്ദേശിച്ചിരിക്കുന്നത്. എന്നാല്‍ ആ ഗ്ലൗസ് ഒരു തരത്തിലും പാടില്ല എന്ന് ഐ.സി.സി നിഷ്‌കര്‍ഷിക്കുന്ന പക്ഷം ധോണിക്ക് പുതിയ ഗ്ലൗസ് അണിയേണ്ടി വരും. അതിര്‍ത്തി സേനയിലെ പാരച്യൂട്ട് റെജിമെന്റില്‍ ഹോണററി ലഫ്റ്റനന്റാണ് ധോണി.
ഈ പദവിയിലാണ് അദ്ദേഹം സൈനീക മുദ്ര ഗ്ലൗസില്‍ അണിഞ്ഞത്. എന്നാല്‍ ക്രിക്കറ്റ് ബോര്‍ഡിന് അയച്ച ഇ-മെയില്‍ സന്ദേശത്തില്‍ ഐ.സി.സി വ്യക്തമാക്കിയത് അനുവദനീയമല്ലാത്ത ഒരു മുദ്രയും പാടില്ല എന്ന നിലപാടില്‍ ഒരു മാറ്റവുമില്ലെന്നാണ്. താരങ്ങള്‍ക്ക്് വ്യക്തിഗത മുദ്ര അനുവദിക്കില്ല. സ്‌പോണ്‍സറുടെ ലോഗോ ആവാം. പക്ഷേ അതിനും പ്രത്യേക അനുമതി വേണം.
ധോണി വിഷയം ചര്‍ച്ച ചെയ്യാന്‍ വെള്ളിയാഴ്ച്ച ക്രിക്കറ്റ് ബോര്‍ഡ് മേല്‍നോട്ട സമിതിയുടെ പൂര്‍ണ യോഗം മുംബൈയില്‍ ചേര്‍ന്നിരുന്നു. വിനോദ് റായിയെ കൂടാതെ മറ്റ് അംഗങ്ങളായ ഡയാന എദുല്‍ജി, രവീന്ദ്ര തോട്‌ഗെ എന്നിവരെ കൂടാതെ ബോര്‍ഡ് സി.ഇ.ഒ രാഹുല്‍ ജോഹ്‌റിയും യോഗത്തിനുണ്ടായിരുന്നു. അതിനിടെ സംഭവത്തില്‍ പ്രതികരിക്കവെ കേന്ദ്ര കായിക മന്ത്രി കിരണ്‍ റിജു ധോണിക്ക് അനുകൂലമായാണ് സംസാരിച്ചത്. കായിക സംഘടനകളുടെ കാര്യത്തില്‍ സര്‍ക്കാര്‍ ഇടപെടില്ല എങ്കിലും രാജ്യത്തിന്റെ വികാരം ചോദ്യം ചെയ്യപ്പെടുമ്പോള്‍ അതില്‍ ഇടപെടുമെന്ന് അദ്ദേഹം വ്യക്തമാക്കി.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

തിയറ്ററിലിരുന്ന് കരയുകയായിരുന്നു, എന്‍റെ ജീവിതമാണത്’: നജീബ്

നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു

Published

on

കൊച്ചി: ‘ആടുജീവിതം’ സിനിമ കണ്ടപ്പോൾ ചില രംഗങ്ങൾ കണ്ട് തിയേറ്ററിനുള്ളിൽ ഇരുന്ന് കരയുകയായിരുന്നു താനെന്ന് നജീബ്. തന്റെ ജീവിതമാണ് സ്ക്രീനിലൂടെ കണ്ടതെന്നും നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു. ‘ആടുജീവിതം’ ആദ്യ ഷോ കണ്ടിറങ്ങിയപ്പോഴായിരുന്നു നജീബിന്‍റെ പ്രതികരണം.

പൃഥ്വിരാജ് വളരെ നന്നായി അഭിനയിച്ചിട്ടുണ്ട്. സിനിമ തിയേറ്ററിൽ എത്തുന്നത് കുടുംബം കാത്തിരിക്കുകയായിരുന്നു. എന്നാൽ മകന്റെ കുഞ്ഞ് മരിച്ചതോടെ എല്ലാവരും ദുഃഖത്തിലാണ്. എല്ലാവരും നിർബന്ധിച്ചത് കൊണ്ടാണ് ഇന്ന് സിനിമ കാണാൻ എത്തിയത്. ഇന്ന് തന്നെ സിനിമ കാണുമെന്ന് പറഞ്ഞ് നിരവധി പേരാണ് തന്നെ വിളിക്കുന്നത് -നജീബ് പറഞ്ഞു.

അതേസമയം, ഇന്ന് തിയറ്ററുകളിലെത്തിയ ചിത്രത്തിന് മികച്ച അഭിപ്രായമാണ് ലഭിക്കുന്നത്. ലോകോത്തര നിലവാരത്തിലുള്ള സിനിമയെന്നും, ബ്ലെസ്സി എന്ന സംവിധായകന്‍റെ 16 വർഷത്തെ കഠിനാധ്വാനം ഫലം കണ്ടിരിക്കുന്നുവെന്നുമെല്ലാം പ്രേക്ഷകർ അഭിപ്രായപ്പെടുന്നു.

Continue Reading

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Trending