‘ഈ മനസ്സുമായാണോ രാജ്യത്തെ സേവിച്ചതെന്നറിയുമ്പോള്‍ ഞെട്ടലാണ്’; മേജര്‍ രവിക്കെതിരെ സംവിധായകന്‍ എം.എ നിഷാദ്

മേജര്‍ രവിയുടെ വര്‍ഗ്ഗീയ പരാമര്‍ശത്തിനും കലാപാഹ്വാനത്തിനുമെതിരെ പ്രതിഷേധങ്ങള്‍ ശക്തമാകുന്നു. സാമൂഹ്യമാധ്യമങ്ങളില്‍ കനത്ത വിമര്‍ശനമാണ് മേജര്‍രവിക്കെതിരെ ഉയരുന്നത്. സംവിധാകന്‍ എം.എ നിഷാദും മേജര്‍രവിക്കെതിരെ രംഗത്തെത്തി. രാജ്യത്തെ മതേതര,ജനാധിപത്യ മൂല്ല്യങ്ങള്‍ ഉയര്‍ത്തിപ്പിടിക്കുന്ന ഒരു ജനതയുടെ മുഖത്താണ് മേജര്‍ രവി കാര്‍ക്കിച്ച് തുപ്പിയതെന്ന് നിഷാദ് പറഞ്ഞു. ഈ മനസ്സുമായിട്ടാണല്ലോ നിങ്ങള്‍ രാജ്യത്തേ സേവിച്ചതെന്നറിയുമ്പോള്‍ ഉണ്ടാകുന്ന ഞെട്ടല്‍ ചിന്തിക്കാവുന്നതിനപ്പുറമാണെന്നും ഫേസ്ബുക്കിലെഴുതിയ കുറിപ്പില്‍ അദ്ദേഹം പറഞ്ഞു. ഇന്നലെയാണ് ആര്‍.എസ്.എസ് സീക്രട്ട് ഗ്രൂപ്പില്‍ മേജര്‍രവി നടത്തിയ കലാപാഹ്വാന പരാമര്‍ശങ്ങള്‍ പുറത്തുവരുന്നത്. ഹിന്ദുക്കള്‍ ഉണരണമെന്നും കലാപത്തിന് തയ്യാറെടുക്കണമെന്നുമായിരുന്നു ആഹ്വാനം.

പോസ്റ്റിന്റെ പൂര്‍ണ്ണരൂപം:

”ജയ് ഹിന്ദ് രവീ..ജയ് ഹിന്ദ്”………
.രവീ ..,നിങ്ങള്‍ കാര്‍ക്കിച്ച് തുപ്പിയത്,മാധ്യമപ്രവര്‍ത്തകയുടെ മുഖത്തല്ല…ഈ രാജ്യത്തെ മതേതര,ജനാധിപത്യ മൂല്ല്യങ്ങള്‍ ഉയര്‍ത്തിപ്പിടിക്കുന്ന ഒരു ജനതയുടെ മുഖത്താണ്…രാജ്യത്തിന് വേണ്ടി നിസ്വാര്‍ത്ഥ സേവനം നടത്തുന്ന നമ്മുടെ സൈനിക സഹോദരങ്ങളുടെ മുഖത്താണ്…ഒരു പക്ഷെ അവര്‍ പോലും, അപമാന ഭാരത്താല്‍ ലജ്ജിക്കുന്നുണ്ടാകും,ഒരിക്കലെന്കിലും നിങ്ങളെ സല്ല്യൂട്ട് ചെയ്ത നിമിഷങ്ങളോര്‍ത്ത്..
ഒരു യഥാര്‍ത്ത കലാകാരന്‍ ഒരിക്കലും കലാപാഹ്വാനം നടത്തുന്ന വര്‍ഗ്ഗീയവാദിയാകില്ല..
ഈ മനസ്സുമായിട്ടാണല്ലോ രവീ നിങ്ങള്‍ ഈ രാജ്യത്തേ സേവിച്ചതെന്നറിയുമ്പോള്‍ ഉണ്ടാകുന്ന ഞെട്ടല്‍…അത് ചിന്തിക്കാവുന്നതിനപ്പുറമാണ്….
രവിയുടെ ”കലാ”സൃഷ്ടികളെ പറ്റി അഭിപ്രായം പറയാന്‍ ഞാനാളല്ല,പക്ഷെ രവി വെച്ച കെണിയില്‍ യഥാര്‍ത്ത കലാകാരന്മാര്‍ വീഴില്ല എന്ന് വിശ്വസിക്കാനാണ് എനിക്കാഗ്രഹം,രവിയുടെ ചില ”പ്രിയര്‍”ഒഴിച്ച്..
രവീ നിങ്ങള്‍ക്ക് തെറ്റി..ഇത് കേരളമാണ്..ഉണരുന്നത് ഈ നാടിന്റ്‌റ മതേതരമനസ്സാണ്,ഈ നാടിന്റ്‌റെ ഐക്യമാണ്,അവിടെ,ഹിന്ദുവും,മുസഌമും,കൃസ്ത്യാനിയെന്നും,വ്യത്യാസമില്ല ….
രവീ മലര്‍ന്ന് കിടന്ന് തുപ്പാതെ,വര്‍ഗ്ഗീയ തുപ്പലുകര്‍ സ്വയം കുടിച്ചിറക്കി,രാജ്യസ്‌നേഹത്തിന്റ്‌റെ പുതിയ ”കലാ’ സൃഷ്ടിയുമായി വരുമെന്നുറച്ച വിശ്വാസത്തോടെ..ഈ കുറിപ്പിവിടെ അവസാനിപ്പിക്കട്ടേ..
ചആ.മേജര്‍,മൈനര്‍,മുതലായ ആലന്കാരിക പദവികള്‍ മനപ്പൂര്‍വ്വം ഒഴിവാക്കിയതാണ്,നിങ്ങല്‍ അതുക്കും മേലെയാണ്…ജയ് ഹിന്ദ് രവീ…ജയ് ഹിന്ദ്….#ാമിശവെമറ