ജയ്പൂര്‍: വര്‍ഗീയ പരാമര്‍ശവുമായി രാജസ്ഥാനിലെ ബി.ജെ.പി എം.എല്‍.എ ബന്‍വാരിലാല്‍ സിംഗാള്‍. മുസ്‌ലിംകളെ വീട്ടില്‍ കയറ്റരുതെന്നും കുറ്റവാസനയുള്ളവരാണ് അവരെന്നുമായിരുന്നു അല്‍വാര്‍ എം.എല്‍.എയായ ബന്‍വാരിയുടെ വിവാദ പ്രസ്താവന.
തന്റെ ഓഫീസില്‍ മുസ്‌ലിംകളെ കയറ്റാറില്ലെന്നും മുസ്‌ലിംകളില്‍ നിന്ന് ഹിന്ദു കുടുംബങ്ങള്‍ അകലം പാലിക്കണമെന്നും ബന്‍വാരി പറഞ്ഞു.
ഇന്നലെ നടന്ന സമുദായ യോഗത്തിലാണ് ബന്‍വാരിലാല്‍ വിവാദ പരാമര്‍ശങ്ങള്‍ നടത്തിയത്. മുസ്‌ലിംകള്‍ കുറ്റവാസനയുള്ളവരാണെന്നും താന്‍ അവരോട് വോട്ട് ചോദിക്കാറില്ലുമെന്നായിരുന്നു പ്രസ്താവന.
വിവാദ പരാമര്‍ശം സമൂഹമാധ്യമങ്ങളില്‍ പ്രചരിച്ചപ്പോള്‍ മാധ്യമങ്ങള്‍ വിശദീകരണം തേടിയെങ്കിലും എം.എല്‍.എ ഇതേ നിലപാട് ആവര്‍ത്തിച്ചു.
Meo sect of Muslims never votes for #BJP. I also do not go to them for votes. Asking for votes from them would mean I would be compelled to help them in getting away with crimes they regularly commit. So I always stay away from them: BL Singhal, BJP MLA from Alwar. #Rajasthan pic.twitter.com/1yAuy91AQp
— ANI (@ANI) 10 April 2018
