Video Stories

സാമ്പത്തിക സംവരണം ഗൂഢപദ്ധതി

Published

5 years ago

January 9, 2019

ഇന്ത്യന്‍ ഭരണഘടന ഉറപ്പുനല്‍കുന്ന സമുദായികാടിസ്ഥാനത്തിലുള്ള തൊഴില്‍, വിദ്യാഭ്യാസ സംവരണത്തിന് വിരുദ്ധമായി, സര്‍ക്കാര്‍തൊഴില്‍, ഉന്നതവിദ്യാഭ്യാസ മേഖലകളില്‍ ജനറല്‍ വിഭാഗത്തിലെ പത്തുശതമാനംപേര്‍ക്ക് സമ്പത്തിന്റെ അടിസ്ഥാനത്തില്‍ സംവരണം ഏര്‍പ്പെടുത്താന്‍ കേന്ദ്രസര്‍ക്കാര്‍ വിവാദപരമായ തീരുമാനമെടുത്തിരിക്കുകയാണ്. ഇന്നലെ ഇതുസംബന്ധിച്ച ഭരണഘടനാഭേദഗതിബില്‍ ലോക്‌സഭയുടെ മേശപ്പുറത്തുവെച്ചത് ഒരുവിധ മുന്നറിയിപ്പോ കൂടിയാലോചനകളോ മുന്നൊരുക്കങ്ങളോ ഇല്ലാതെയാണ്. തിങ്കളാഴ്ച പ്രധാനമന്ത്രി നരേന്ദ്രമോദിയുടെ അധ്യക്ഷതയില്‍ചേര്‍ന്ന കേന്ദ്രമന്ത്രിസഭായോഗമാണ് ഈ തീരുമാനം കൈക്കൊണ്ടത്. അതുതന്നെ കേന്ദ്രസര്‍ക്കാരിന്റെ ഗൂഢലാക്ക് തുറന്നുകാട്ടുന്നു. ബില്‍ നിയമമാകണമെങ്കില്‍ ഇരുസഭകളിലും മൂന്നില്‍രണ്ട് ഭൂരിപക്ഷം വേണമെന്നിരിക്കെ രാജ്യസഭയില്‍ ന്യൂനപക്ഷമായ സര്‍ക്കാര്‍ ഇത്തരത്തിലൊരു നിയമനിര്‍മാണത്തിന് മുന്നോട്ടുവന്നതിലെ ഔചിത്യം സംശയിക്കപ്പെടുകയാണ്. ലോക്‌സഭാതിരഞ്ഞെടുപ്പിന് നൂറുദിവസംമാത്രം ബാക്കിയിരിക്കെ മുന്നാക്ക സമുദായക്കാരടക്കമുള്ള ചില വോട്ടുബാങ്കുകളെ തൃപ്തിപ്പെടുത്താനുള്ള അടവായാണ് ബില്ല് വിലയിരുത്തപ്പെടുന്നത്. വിലക്കയറ്റം, തൊഴിലില്ലായ്മ, കര്‍ഷകപ്രക്ഷോഭം, റഫാല്‍അഴിമതി തുടങ്ങിയവ മോദിസര്‍ക്കാരിനെതിരെ കത്തിനില്‍ക്കവെ കൊണ്ടുവരുന്ന ബില്‍ എന്താണ് ലക്ഷ്യംവെക്കുന്നതെന്ന് തിരിച്ചറിയാന്‍ പ്രയാസമില്ല. ബില്ലിനെ തിരഞ്ഞെടുപ്പ് തന്ത്രമായാണ് കോണ്‍ഗ്രസ് വിശേഷിപ്പിക്കുന്നത്. മുസ്‌ലിംലീഗ്, ഡി..എം.കെ. തുടങ്ങിയ കക്ഷികളും ബില്ലിനെതിരാണ്. ഫലത്തില്‍ മുത്തലാഖ് ബില്ലിന്റെ ഗതിയാകും ഇതിനും സംഭവിക്കുക.
ബ്രാഹ്മണര്‍, ബനിയ, മുസ്‌ലിം, ക്രിസ്ത്യന്‍, ബുദ്ധ, സിഖ് മതക്കാര്‍ എന്നിവരിലെ സാമ്പത്തികമായി പിന്നാക്കം നില്‍ക്കുന്നവര്‍ക്ക് ഇതിന്റെ ആനുകൂല്യം ലഭിക്കുമെന്ന് സര്‍ക്കാര്‍ അവകാശപ്പെടുന്നു. എട്ടുലക്ഷംരൂപ വരെ വാര്‍ഷിക വരുമാനവും അഞ്ചേക്കറില്‍താഴെ ഭൂമിയുമുള്ള കുടുംബങ്ങള്‍ക്കാണ് സാമ്പത്തികസംവരണാനുകൂല്യം ലഭിക്കുകയെന്നാണ് സര്‍ക്കാര്‍ വ്യക്തമാക്കിയിട്ടുള്ളത്. ഇതുതന്നെ ഭീമാബദ്ധമോ പാവങ്ങളുടെ തൊഴിലവസരങ്ങള്‍ തട്ടാനുള്ള കുതന്ത്രമോ ആണ്. എട്ടുലക്ഷംരൂപ വാര്‍ഷിക വരുമാനം എന്ന വ്യവസ്ഥയനുസരിച്ചാണെങ്കില്‍ സമൂഹത്തിലെ പാവപ്പെട്ടവന് എങ്ങനെയാണ് ആനുകൂല്യം ലഭിക്കുക? സാമുദായികസംവരണം നടപ്പാക്കേണ്ടത് ഈ പത്തുശതമാനം കഴിച്ചുള്ളതില്‍ നിന്നാവണമെന്നതാണ് സര്‍ക്കാര്‍ലക്ഷ്യം. മതന്യൂനപക്ഷവിഭാഗങ്ങളെ ഇതില്‍ ഉള്‍പെടുത്തിയതും മറ്റൊരു തന്ത്രമായി വേണം കാണാന്‍. എത്രതുച്ഛമാണ് അക്കൂട്ടര്‍ ഇതില്‍വരികയെന്ന് സാമാന്യേന ഊഹിക്കാനാകും.
സാമൂഹികാടിസ്ഥാനത്തിലാകണം സംവരണം എന്ന ഭരണഘടനാതത്വവും, മൊത്തംസംവരണം അമ്പതുശതമാനത്തില്‍ കവിയരുതെന്ന സുപ്രീംകോടതിയുടെ 1992 നവംബര്‍16ലെ വിധിയും (ഇന്ദിരാസാഹ്നി കേസ്) പുതിയബില്ലിനെ ചോദ്യം ചെയ്യുന്നുണ്ട്. മൊത്തംസംവരണം 50 ശതമാനത്തില്‍ കവിയുന്നെങ്കില്‍ അത് സമൂഹസന്തുലിതാവസ്ഥയെ താളംതെറ്റിക്കാതെ വളരെയധികം അവധാനതയോടെ ആയിരിക്കണമെന്നാണ് കോടതി നിര്‍ദേശിച്ചിട്ടുള്ളത്. ഭരണഘടനയുടെ അടിസ്ഥാനതത്വം മാറ്റാന്‍ പാര്‍ലമെന്റിന് പോലും കഴിയില്ലെന്ന് കേശവാനന്ദഭാരതി കേസില്‍ സുപ്രീംകോടതി 1975ല്‍ വിധിച്ചിട്ടുള്ളതാണ്. ദാരിദ്ര്യ നിര്‍മാര്‍ജനമല്ല സമൂഹത്തിലെ പാര്‍ശ്വവല്‍കൃതരുടെ ഭരണപങ്കാളിത്തമാണ് സംവരണംകൊണ്ട് ഉദ്ദേശിക്കുന്നതെന്നും പലതവണ കോടതികള്‍ വ്യക്തമാക്കിയിട്ടുള്ളതാണ്. പുലിയെയും മാനിനെയും ഒരേകൂട്ടില്‍ അടയ്ക്കരുതെന്ന ന്യായമാണ് സംവരണത്തിന്റെ അന്തസ്സത്ത. നൂറ്റാണ്ടുകളായി ഭൂമിയും ഉന്നതതൊഴിലിടങ്ങളും നിഷേധിക്കപ്പെട്ട് ദാരിദ്ര്യത്തിന്റെയും ജാതി, സമുദായ വിവേചനത്തിന്റെയും ക്രൂരമായ അവഗണനയുടെയും കനത്തനുകംപേറി കഴിയേണ്ടിവന്ന വലിയൊരു മനുഷ്യസഞ്ചയത്തിനുള്ള പരിഹാരക്രിയയായാണ് അവരുടെ സമുദായത്തില്‍നിന്നുയര്‍ന്നുവന്ന ഭരണഘടനാശില്‍പി ഡോ. ഭീംറാവുഅംബേദ്കര്‍ അടക്കമുള്ള മഹത്തുക്കള്‍ സാമുദായികസംവരണം എന്ന ആശയം ഭരണഘടനയില്‍ ഉള്‍ക്കൊള്ളിച്ചത്.
മോദിസര്‍ക്കാരിനെ നിയന്ത്രിക്കുന്ന ആര്‍.എസ്.എ,സ്സിന്റെ ആശയം സാമ്പത്തികസംവരണമാണെന്ന് പരസ്യമായി പ്രഖ്യാപിച്ചിട്ടുള്ളതാണ്. സവര്‍ണതയുടെയും ഏകശിലാഹിന്ദുത്വത്തിന്റെയും ഭാഗമാണവര്‍ക്കിത്. സാമ്പത്തികസംവരണം രാജ്യത്താകെ പൂര്‍ണമായി നടപ്പാക്കുന്നതിന്റെ ആദ്യഘട്ടമായി വേണം പുതിയ നടപടിയെ കാണാന്‍. ജനസംഖ്യയിലെ വെറും മൂന്നുശതമാനംവരുന്ന ബ്രാഹ്മണര്‍ ഇതിനകം രാജ്യത്തെ സര്‍ക്കാര്‍മേഖലകളുടെ അമ്പതു ശതമാനത്തോളം ആനുകൂല്യമാണ് അനുഭവിച്ചുവരുന്നത്. ചീഫ്‌സെക്രട്ടറിമാര്‍ മുതല്‍ വൈസ് ചാന്‍സലര്‍മാര്‍വരെ ഇവരുടെ ശതമാനം 60 ശതമാനത്തോടടുത്താണ്. ഇതര ഉന്നത സിവില്‍ സര്‍വീസ് തലങ്ങളില്‍ സംഖ്യ അതിലുമപ്പുറവും. രാജ്യത്തെ ഏതൊരുപൗരനും അന്തസ്സോടെ ജീവിക്കാനുതകുന്ന തൊഴിലും വരുമാനവും വേണമെങ്കിലും ജാതീയമായി ഉയര്‍ന്നുനില്‍ക്കുന്നവര്‍ കയ്യടക്കിവെച്ചിരിക്കുന്ന സര്‍ക്കാര്‍മേഖലയെ കൂടുതല്‍ കരഗ്രസ്ഥമാക്കുന്നതിനുള്ള നീക്കമായി ഈ ബില്ലിനെ കാണേണ്ടതുണ്ട്. 1990ലാണ് മണ്ഡല്‍കമ്മീഷന്‍ റിപ്പോര്‍ട്ടനുസരിച്ച് 27ശതമാനം സംവരണം മറ്റുപിന്നാക്കവര്‍ഗക്കാര്‍ക്ക് നല്‍കുന്നതിനുള്ള നടപടികള്‍ തുടങ്ങിവെച്ചത്. 2005ല്‍ യു.പി.എ. സര്‍ക്കാര്‍ നിയോഗിച്ച ജസ്റ്റിസ് സച്ചാര്‍ കമ്മിറ്റി ശുപാര്‍ശകളില്‍ പറഞ്ഞത് പതിനായിരക്കണക്കിന് തസ്തികകള്‍ മുസ്‌ലിംകള്‍ക്ക് നഷ്ടപ്പെട്ടിരിക്കുന്നുവെന്നും ആയത് നികത്തുന്നതിന് സര്‍ക്കാരുകള്‍ പുതിയ പദ്ധതികള്‍ ആവിഷ്‌കരിച്ചു നടപ്പിലാക്കണമെന്നുമായിരുന്നു.
സംവരണനിയമമുണ്ടായിട്ടും കോടിക്കണക്കിന് പേര്‍ക്ക് തൊഴിലു ലഭിക്കാതെ വരുന്ന സമകാലപരിതസ്ഥിതിയില്‍ സാമ്പത്തികസംവരണംകൂടി വരുമ്പോള്‍ പാവപ്പെട്ട വിഭാഗങ്ങള്‍ക്ക് നിലവിലെ സംവരണാനുകൂല്യം ഒരുകാരണവശാലും നഷ്ടപ്പെടുന്ന സ്ഥിതി ഉണ്ടാവരുത്. ഏറ്റവുംകൂടുതല്‍ തൊഴിവസരങ്ങള്‍ തരുന്ന സ്വകാര്യമേഖലയില്‍കൂടി സംവരണം ഏര്‍പ്പെടുത്തണമെന്ന ആവശ്യവും സജീവമായുണ്ട്. അഞ്ചുവര്‍ഷംകൊണ്ട് പത്തുകോടി തൊഴില്‍ സൃഷ്ടിക്കുമെന്ന് പറഞ്ഞവര്‍ തലതിരിഞ്ഞ സാമ്പത്തികനടപടികളിലൂടെ കോടിക്കണക്കിന് തൊഴിലാളികളെ വഴിയാധാരമാക്കിയതുകാരണം അക്കൂട്ടരെ കറിവേപ്പിലപോലെ എടുത്തുകളയാന്‍ ജനത ദിനങ്ങളെണ്ണിയിരിക്കുമ്പോഴാണ് മോദിയുടെ ഈ പതിനെട്ടാമത്തെ പയറ്റ്. എന്തുചെയ്തും ഇത് ചെറുക്കപ്പെടുക തന്നെവേണം. കേന്ദ്രതീരുമാനത്തെ രായ്ക്കുരാമാനം സ്വാഗതംചെയ്ത സി.പി. എം മുഖ്യമന്ത്രി പിണറായിവിജയന്റെ നിലപാടല്ല പാര്‍ട്ടിയുടേതെന്ന് വ്യാഖ്യാനിക്കാന്‍ പാകത്തില്‍ ഇതൊരു തെരഞ്ഞെടുപ്പ് അജണ്ടയാണെന്ന് സി.പി.എം. പോളിറ്റ് ബ്യൂറോ പറയുന്നെങ്കിലും കേരളത്തിലെ ദേവസ്വംബോര്‍ഡുകളില്‍ പത്തുശതമാനംസംവരണം മുന്നോക്കജാതിക്കാര്‍ക്ക് കഴിഞ്ഞവര്‍ഷമാണ് പിണറായിസര്‍ക്കാര്‍ നടപ്പാക്കിയതെന്നത് കാണാതിരുന്നുകൂടാ. കെ.എ.എസിലും അത് നടപ്പാക്കാനാണ് സര്‍ക്കാര്‍ശ്രമം. ഇരുപാര്‍ട്ടികളുടെയും സമാനനിറമുള്ള തൂവലുകള്‍ മറനീക്കിവരുന്നത് ഇവിടെയാണ്.

india

മണിപ്പൂര്‍ കലാപം; ബി.ബി.സി റെയ്ഡ് -കേന്ദ്ര സര്‍ക്കാറിനെതിരെ രൂക്ഷവിമര്‍ശനവുമായി അമേരിക്ക

ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു.

Published

2 days ago

April 23, 2024

webdesk13

മണിപ്പൂരിലെ വംശീയ സംഘർഷത്തിലടക്കം കേന്ദ്ര സർക്കാറിനെതിരെ രൂക്ഷ വിമർശനവുമായി അമേരിക്കൻ വിദേശകാര്യ വകുപ്പ്. ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു. കേന്ദ്ര സർക്കാരിനെ വിമർശിക്കുന്ന മാധ്യമങ്ങൾ ഭീഷണി രാജ്യത്ത് നേരിടുകയാണെന്നും റിപ്പോർട്ടിൽ വിമർശനമുണ്ട്.

യു.എസ് സ്റ്റേറ്റ് ഡിപ്പാർട്ട്‌മെന്‍റ് തിങ്കളാഴ്ചയാണ് വാർഷിക മനുഷ്യാവകാശ വിശകലന റിപ്പോർട്ട് പ്രസിദ്ധീകരിച്ചത്. 200 രാജ്യങ്ങളിലെ മനുഷ്യാവകാശ പ്രശ്നങ്ങൾ ഉൾകൊള്ളുന്നതാണ് റിപ്പോർട്ട്. മണിപ്പൂരിലെ വംശീയ സംഘർഷം അടിച്ചമർത്തുന്നതിലെ പരാജയം, ഇന്ത്യയിലെ പ്രതിപക്ഷ പാർട്ടികൾ നേരിടുന്ന പ്രതിബന്ധങ്ങൾ, ഹർദീപ് സിങ് നിജ്ജറിന്‍റെ കൊലപാതകത്തിലെ ആരോപണം എന്നിവ ഇന്ത്യയിലെ ഗുരുതരമായ മനുഷ്യാവകാശ പ്രശ്‌നങ്ങളിൽ പെടുന്നുവെന്ന് റിപ്പോർട്ട് പറയുന്നു.

വംശീയ സംഘർഷം പൊട്ടിപ്പുറപ്പെട്ടതിന് ശേഷം മണിപ്പൂരിൽ ഗുരുതരമായ മനുഷ്യാവകാശ ലംഘനങ്ങളാണ് അരങ്ങേറിയത്. സായുധ സംഘട്ടനം, ലൈംഗിക അതിക്രമങ്ങൾ എന്നിവ മണിപ്പൂരിൽ നിന്നും റിപ്പോർട്ട് ചെയ്യപ്പെട്ടു -സ്റ്റേറ്റ് ഡിപ്പാർട്ട്‌മെന്‍റ് ചൂണ്ടിക്കാട്ടുന്നു.

രാഹുൽ ഗാന്ധിയെ അയോഗ്യാനാക്കിയ സംഭവം റിപ്പോർട്ടിൽ പറയുന്നുണ്ട്. സർക്കാരിനെ വിമർശിക്കുന്ന വീക്ഷണങ്ങൾ പ്രകടിപ്പിക്കുന്ന മാധ്യമപ്രവർത്തകരും മാധ്യമസ്ഥാപനങ്ങലും അറസ്റ്റിനും ഭീഷണികൾക്കും വിധേയരായിട്ടുണ്ടെന്ന് റിപ്പോർട്ട് പറയുന്നു. ആദായനികുതി വകുപ്പ് ബി.ബി.സിയുടെ ഡൽഹി, മുംബൈ ഓഫീസുകളിൽ 60 മണിക്കൂർ റെയ്ഡ് നടത്തിയതും റിപ്പോർട്ടിൽ പരാമർശിക്കുന്നു.

crime

യു.പിയിൽ ബി.ജെ.പി സ്ഥാനാർഥിയുടെ പ്രചാരണ റാലിക്കിടെ വ്യാപക പോക്കറ്റടി

റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്.

Published

2 days ago

April 23, 2024

webdesk13

ഉത്തര്‍പ്രദേശിലെ മീററ്റില്‍ ബി.ജെ.പി സ്ഥാനാര്‍ഥി അരുണ്‍ ഗോവിലിന്റെ പ്രചാരണ റാലിക്കിടെ വ്യാപക പോക്കറ്റടി. റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്. മാധ്യമപ്രവര്‍ത്തകരും പോക്കറ്റടിക്ക് ഇരയായിട്ടുണ്ട്.

‘രാമായണം’ സീരിയലില്‍ ശ്രീരാമനായി അഭിനയിച്ച നടനാണ് മീററ്റിലെ ബി.ജെ.പി സ്ഥാനാര്‍ഥി അരുണ്‍ ഗോവില്‍. സീരിയലിലെ മറ്റ് കഥാപാത്രങ്ങളെ അവതരിപ്പിച്ച താരങ്ങളെ അണിനിരത്തിയായിരുന്നു മീററ്റില്‍ പ്രചാരണ റാലി നടത്തിയത്. സീതയായി അഭിനയിച്ച ദീപിക ചിഖ്‌ലിയ, ലക്ഷ്മണനായി അഭിനയിച്ച സുനില്‍ ലാഹ്രി എന്നിവര്‍ പങ്കെടുത്തിരുന്നു.

വ്യാപാരിയായ കുല്‍ഭൂഷണ്‍ എന്നയാള്‍ 36,000 രൂപ പോക്കറ്റടിച്ചതായി കാണിച്ച് പൊലീസില്‍ പരാതി നല്‍കി. റാലി കണ്ടപ്പോള്‍ കടയില്‍ നിന്നിറങ്ങി അടുത്തേക്ക് പോയതാണെന്ന് കുല്‍ഭൂഷണ്‍ പറഞ്ഞു. കടയിലെ പണം പോക്കറ്റില്‍ വെച്ചിരുന്നു. റാലി കണ്ട് തിരികെയെത്തിയപ്പോഴാണ് പോക്കറ്റിലെ പണം നഷ്ടമായത് അറിയുന്നത് -കുല്‍ഭൂഷണ്‍ പറഞ്ഞു.

https://twitter.com/i/status/1782609046484500905

ബി.ജെ.പി പ്രാദേശിക നേതാവായ അലോക് സിസോദിയയുടെ മൊബൈല്‍ ഫോണ്‍ റാലിക്കിടെ മോഷ്ടിക്കപ്പെട്ടു. റാലിയിലെ തിരക്ക് മുതലെടുത്ത് ചില മോഷ്ടാക്കള്‍ കടന്നുകയറിയെന്നാണ് ബി.ജെ.പി നേതാക്കള്‍ പറയുന്നത്.

അതേസമയം, മോഷണസംഭവങ്ങളില്‍ മൂന്ന് പേരെ പൊലീസ് അറസ്റ്റ് ചെയ്തിട്ടുണ്ട്. ഏപ്രില്‍ 26ന് നടക്കുന്ന രണ്ടാംഘട്ടത്തിലാണ് മീററ്റില്‍ തെരഞ്ഞെടുപ്പ്.

Article

വിശ്രമമില്ലാതെ പാണക്കാട് കുടുംബം

വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍.

Published

3 days ago

April 22, 2024

webdesk13

ഇഖ്ബാല്‍ കല്ലുങ്ങല്‍

മലപ്പുറം: കേരളീയ സമൂഹത്തിന്റെ സുകൃതമാണ് പാണക്കാട് സയ്യിദ് ശിഹാബ് തങ്ങള്‍ കുടുംബം. മുസ്‌ലിം ലീഗിന്റെ നേത്യരംഗത്ത് ശോഭ വിതറുന്ന ശിഹാബ് തങ്ങള്‍ കുടുംബത്തിനു തിരഞ്ഞെടുപ്പ് കാലത്ത് തിരക്കുകള്‍ കൂടുന്ന ദിനങ്ങളാണ്. വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍. മുസ്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍, മുസ്ലിം ലീഗ് മലപ്പുറം ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍, മുസ്ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍, സയ്യിദ് റഷീദലി ശിഹാബ് തങ്ങള്‍, സയ്യിദ ്ഹമീദലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍. തുടങ്ങിയവര്‍ വോട്ട് അഭ്യാര്‍ത്ഥിച്ച് പൊതുസമ്മേളനങ്ങള്‍ മുതല്‍ കു ടുംബ സംഗമങ്ങള്‍ വരെ വിശ്രമമില്ലാതെ ഓടുകയാണ്.

പാണക്കാട് കുടുംബത്തില്‍ നിന്നും വോട്ട് അഭ്യാര്‍ത്ഥിച്ച് എത്തുന്നത് വോട്ടര്‍മാരില്‍ വലിയ സ്വാധീനമാണുളവാക്കുന്നത്. മതസാഹോദര്യത്തിനു ഊന്നല്‍ നല്‍കികൊണ്ട് രാജ്യത്തെ രക്ഷിക്കേണ്ട പോരാട്ടമാ ണിതെന്ന് പറഞ്ഞ് വോട്ട് അഭ്യര്‍ത്ഥിക്കുന്നത് വോട്ടര്‍മാര്‍ സ്‌നേഹപൂര്‍വമാണ് സ്വീകരിക്കുന്നത്. മുസ്ലിം ലീഗ് ദേശീയ രാഷ്ട്രീയകാര്യസമിതി ചെയര്‍മാന്‍ കൂടിയായ സാദിഖലി ശിഹാബ് തങ്ങള്‍ കേരളത്തിനകത്തും പുറത്തും പ്രചാരണത്തില്‍ ശ്രദ്ധകേന്ദ്രീകരിക്കുന്നു. രാഹുല്‍ ഗാന്ധിക്കൊപ്പം ഇന്ത്യമുന്നണിക്ക് സാദിഖലി ശിഹാബ് തങ്ങള്‍ പകരുന്ന ആവേശവും കരുത്തും ചെറുതല്ല. മുസ്ലിം ലീഗ് സ്ഥാനാര്‍ത്ഥികളെ പ്രഖ്യാപിച്ച സാദിഖലി ശിഹാബ് തങ്ങള്‍ തന്നെയാണ് ഇ.ടി മുഹമ്മദ് ബഷീറിന്റെയും അബ്ദുസമദ് സമദാനിയുടെയും പ്രചാരണങ്ങള്‍ക്ക് തുടക്കം കുറിച്ചതും. യുഡിഎഫിന്റെ വിവിധ സ്ഥാനാര്‍ത്ഥികളുടെ പ്രചാരണങ്ങള്‍ക്ക് സാദിഖലി ശിഹാബ്ദ് തങ്ങളുടെ സാന്നിധ്യം എന്തൊന്നില്ലാ ആത്മവിശ്വാസമാണ് പകരുന്നത്. സംസ്ഥാനത്തിന്റെ ഒരറ്റം മുതല്‍ മറ്റേയറ്റം വരെ സാദിഖലി ശിഹാബ് തങ്ങള്‍ വിശ്രമമില്ലാതെ സഞ്ചരിക്കു കയാണ്. കേരളത്തില്‍ എല്ലാ സീറ്റിലും യു.ഡി.എഫ് വിജയം വരിക്കുന്നതിനു ആവശ്യമായ കര്‍മപഥമാണ് സാദിഖലി ശിഹാബ് തങ്ങള്‍ തുറക്കുന്നത്. എല്ലായിടത്തും കുടുംബ സംഗമങ്ങളിലും തീരദേശ മലയോര മേഖലകളിലും സാദിഖലി ശിഹാബ് തങ്ങളുടെ പര്യടനങ്ങള്‍ക്ക് ഗംഭീര സ്വീകാര്യതയാണ്.

മുസ്ലിംലീഗ് സ്ഥാനാര്‍ത്ഥികള്‍ക്ക് നാമനിര്‍ദേശ പത്രികയും കെട്ടിവെക്കാനുള്ള തുകയും കൈമാറിയ ശേഷം വയനാട്ടില്‍ രാഹുല്‍ഗാന്ധിയുടെ റോഡ്‌ഷോയിലും പത്രിക സമര്‍പ്പണത്തിലും പാണക്കാട് സയ്യിദ് അബ്ബാസലി ശിഹാബ്തങ്ങള്‍ നിറസാന്നിധ്യമായിരുന്നു. തിരഞ്ഞെടുപ്പ് കണ്‍വന്‍ഷനുകളിലും പ്രചാരണ ഉദ്ഘാടനങ്ങളും കുടുംബ സംഗമങ്ങളിലും പങ്കെടുത്ത് സയ്യിദ് അബ്ബാസലി ശിഹാബ്തങ്ങള്‍ യു.ഡി.എഫിന്റെ വിജയമോതുന്നു. വിവിധ സ്ഥലങ്ങളിലെ പര്യടനത്തിലുടനീളം ജനകീയ വരവേല്‍പ്പാണ് അബ്ബാസലി തങ്ങള്‍ക്ക് ലഭിക്കുന്നത്.

സയ്യിദ് അബ്ബാസലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍,സയ്യിദ് റഷീദലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍ മുസ്ലിംയൂത്തീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ പൊന്നാനിയിലും മലപ്പുറത്തും മറ്റു ലോക്‌സഭാ മണ്ഡലങ്ങളിലും ആവേശം വിതറുന്നു. രാജ്യത്തെ ഭിന്നിപ്പിച്ച് ഭരിക്കുന്ന ഭരണകൂടത്തിനെതിരെയും ജനദ്രോഹനയങ്ങള്‍ തുടരുന്ന കേരളസര്‍ക്കാറിനെതിരെയും പ്രതികരിക്കാനുള്ള അവസരമാണിതെന്ന് ഓരോ കേന്ദ്രത്തിലും സയ്യിദ് മുനവ്വറലി ശിഹാബ് തങ്ങള്‍ പറഞ്ഞു. യംഗ് ഇന്ത്യ പരിപാടികളിലും തങ്ങള്‍ ശ്രദ്ധേയമായി. തിരൂരിലും മറ്റുമായി വിവിധ കുടുംബസംഗമങ്ങളില്‍ പങ്കെടുത്ത് മലപ്പുറം മണ്ഡലും മുസ്ലിംലീഗ് പ്രസിഡന്റു കൂടിയായ സയ്യിദ് റഷീദലി ശിഹാബ് തങ്ങള്‍ അനുഗ്രഹ സാന്നിധ്യമായി കേന്ദ്ര-സംസ്ഥാന സര്‍ക്കാറുകളുടെ ജനദ്രോഹ ഭരണം സയ്യിദ് റഷീദലി ശിഹാബ് തങ്ങള്‍ വിശദീകരിക്കുമ്പോള്‍ വോട്ടര്‍മാര്‍ അതേറ്റുവാങ്ങുന്നു.

പ്രചാരണപ്രവര്‍ത്തനങ്ങളില്‍ സജീവമാണ് മലപ്പുറം മുനിസിപ്പല്‍ മുസ്ലിംലീഗ് പ്രസിഡന്റ് കൂടിയായ സയ്യിദ് ഹമീദലി ശിഹാബ് തങ്ങള്‍, മലപ്പുറത്തും പൊന്നാനിയിലും മറ്റിടങ്ങളിലും കുടുംബസംഗമങ്ങളിലും കണ്‍വന്‍ഷനുകളിലും പ്രചാരണ ഉദ്ഘാടനങ്ങളിലും ഹമിദലി ശിഹാബ് തങ്ങള്‍ യു.ഡി.എഫ് വിജയ ത്തിന്റെ അനിവാര്യത ബോധ്യപ്പെടുത്തി.

പാണക്കാട് സയ്യിദ് ബഷീറലി ശിഹാബ് തങ്ങളും കുടുംബസംഗമങ്ങളില്‍ പങ്കെടുത്തു. പാണക്കാട് സയ്യിദ് മുഈനലി ശിഹാബ് തങ്ങള്‍ എടപ്പാളിലുള്‍പ്പെടെ തിരഞ്ഞെടുപ്പ് കാമ്പയിന്‍ നയിച്ചതും ശ്രദ്ധേയമായി. പാണക്കാട് സയ്യിദ് കുടുംബം പങ്കെടുക്കുന്ന തീരദേശ റോഡ്‌ഷോകളും കുടുംബസംഗമങ്ങളും വിജയകരമായി മുന്നേറുകയാണ്. മണ്‍മറഞ്ഞ പിഎംഎസ്എ പൂക്കോയ തങ്ങള്‍, സയ്യിദ് മുഹമ്മദലി ശിഹാബ് തങ്ങള്‍, സയ്യിദ് ഹൈദരലി ശിഹാബ് തങ്ങള്‍, സയ്യിദ് ഉമറലി ശിഹാബ് തങ്ങള്‍ എന്നിവരും തിരഞ്ഞെടുപ്പ് കാലത്ത് നയിച്ച പര്യടനങ്ങള്‍ ജനങ്ങളുടെ ഓര്‍മകളില്‍ മങ്ങാതെ നില്‍ക്കുന്ന ഹൃദ്യമായ കാഴ്ച്ചകളാണ്.