Connect with us

Video Stories

മുത്തലാഖിലെ ഒളിയജണ്ട

Published

on


രാജ്യം ഭരിക്കുന്ന ബി.ജെ.പിയുടെയും അതിന്റെ മാതൃസംഘടനയായ ആര്‍.എസ്.എസ്സിന്റെയും രക്തത്തിലലിഞ്ഞ മുസ്‌ലിം വിരുദ്ധതയെന്ന അജണ്ടയുടെ ബാക്കിപത്രമാണ് മുത്തലാഖ് (ഒറ്റയടിക്ക് മൂന്നുതവണ മൊഴിചൊല്ലല്‍) ബില്‍ പാസാക്കലിലൂടെ വെളിവാക്കപ്പെട്ടിരിക്കുന്നത്. മുമ്പ് മൂന്നുതവണ ലോക്‌സഭ പാസാക്കിയ മുസ്‌ലിം സ്ത്രീകളുടെ വിവാഹാവകാശ സംരക്ഷണ ബില്‍, 84നെതിരെ 99 വോട്ടുകള്‍ക്ക് രാജ്യസഭയും പാസാക്കിയതോടെ ബില്‍ നിയമമാകാന്‍ ഇനി രാഷ്ട്രപതി ഒപ്പുവെക്കുകയേ വേണ്ടൂ. രാഷ്ട്രപതി വൈകാതെ ബില്ലിന്മേല്‍ ഒപ്പ് ചാര്‍ത്തുന്നതോടെ അവരുടെ ദീര്‍ഘകാലമായുള്ള വര്‍ഗീയ അജണ്ട നടപ്പാക്കുന്നതിനുള്ള പ്രക്രിയയാണ് രാജ്യത്ത് നിലവില്‍ വരാന്‍പോകുന്നത്. ബി.ജെ.പിക്കും സംഘ്പരിവാറിനും ഇതില്‍ ആശ്വസിക്കാന്‍ യഥേഷ്ടം സംഗതിയുണ്ട്. എന്നാല്‍ രാജ്യത്തെ ഇരുപതുകോടിയില്‍പരം വരുന്ന മുസ്‌ലിംകളുടെയും ഇതര വിശ്വാസി സമൂഹത്തിന്റെയും മൗലികാവശം ഹനിക്കാനുള്ള ഭരണകൂടത്തിന്റെ നീക്കമാണ് ഇതിലൂടെ വിജയിച്ചിരിക്കുന്നത്. രാജ്യസഭയില്‍ സര്‍ക്കാരിന് വേണ്ടത്ര അംഗങ്ങളില്ലാതിരുന്നിട്ടും ബില്‍ പാസാകാനിടയായത് മതേതര പക്ഷത്ത് നില്‍ക്കേണ്ടിയിരുന്ന ചില സാമാജികരുടെ ഭാഗത്തുനിന്നുണ്ടായ വീഴ്ചയോ അവധാനതയോ കൊണ്ടുകൂടിയാണ്.
മുസ്‌ലിം വനിതകളുടെ വിവാഹമോചനം ഉയര്‍ത്തിക്കാട്ടി ബി.ജെ.പിയും നരേന്ദ്രമോദി സര്‍ക്കാരും കാടിളക്കാന്‍ തുടങ്ങിയിട്ട് വര്‍ഷങ്ങളായി. 2014ല്‍ അധികാരത്തില്‍ വന്നപ്പോള്‍ മുതല്‍ ഇവ്വിഷയം ഉയര്‍ത്തിക്കാട്ടി തെരഞ്ഞെടുപ്പുകളിലും പൊതുവേദികളിലും ബി.ജെ.പിയും മോദിയും അമിത്ഷായും മറ്റും മുസ്‌ലിം വിരുദ്ധ ചര്‍ച്ചകളെ പരമാവധി പ്രോല്‍സാഹിപ്പിച്ചു. രണ്ടുതവണ ബില്‍ ലോക്‌സഭ പാസാക്കിയെങ്കിലും ബി.ജെ.പിക്ക് വേണ്ടത്ര അംഗസംഖ്യയില്ലാത്തതിനാല്‍ രാജ്യസഭയുടെ കടമ്പ കടക്കാനായില്ല. അതിനാല്‍ മുത്തലാഖ് ഓര്‍ഡിനന്‍സ് കൊണ്ടുവന്നു. ഇത്തവണയും ബില്‍ രാജ്യസഭ കടക്കില്ലെന്നാണ് കരുതിയിരുന്നതെങ്കിലും അത് സംഭവിച്ചില്ല. കോണ്‍ഗ്രസിലെയും എന്‍.സി.പിയിലെയും യഥാക്രമം അഞ്ചും രണ്ടും എം.പിമാര്‍ സഭയില്‍ നിന്ന് വിട്ടുനിന്നതാണ് ബില്‍ രാജ്യസഭയില്‍ പാസാകുന്നതിന് ഇടയാക്കിയിരിക്കുന്നത്.
രാജ്യത്തെ വനിതകളും മുസ്‌ലിം സ്ത്രീകളും അനുഭവിക്കുന്ന ഏക പ്രശ്‌നമാണ് മുത്തലാഖ് എന്ന രീതിയിലാണ് ഏതാനും വര്‍ഷമായി മോദിയും ബി.ജെ.പിയും വിഷയത്തെ അവതരിപ്പിച്ചത്. യു.പിയിലുള്‍പ്പെടെ ബി.ജെ.പിയുടെ തെരഞ്ഞെടുപ്പുവേദികളില്‍ വിഷയം കത്തിച്ചുനിര്‍ത്താന്‍ അവര്‍ തയ്യാറായതുമൂലം ചില കോണുകളില്‍ മുസ്‌ലിം വിരുദ്ധ വികാരം ഇളക്കിവിടാന്‍ ആ പാര്‍ട്ടിക്കായി. രാമജന്മഭൂമിയില്‍ ക്ഷേത്രം പണിയാന്‍ മുസ്‌ലിംകള്‍ അനുവദിക്കുന്നില്ലെന്ന ഗൂഢമായ ആരോപണത്തിന് സമാനമായാണ് ബി.ജെ.പി മുത്തലാഖ് പ്രശ്‌നത്തെ ജനമനസ്സുകളില്‍ അവതരിപ്പിച്ചത്. ഇതുമൂലം കുറച്ചുപേരെയെങ്കിലും മുസ്‌ലിം വിരുദ്ധരും മുത്തലാഖ് വിരുദ്ധരുമാക്കാന്‍ ബി.ജെ.പിക്കും മോദി സര്‍ക്കാരിനും കഴിഞ്ഞു. യഥാര്‍ത്ഥത്തില്‍ രാജ്യത്തെ ജനങ്ങളെ മതപരമായി ഭിന്നിപ്പിച്ചും തെറ്റിദ്ധരിപ്പിച്ചും പരമാവധി വോട്ടുനേടി അധികാരത്തിന്റെ അപ്പക്കഷണം നുണയുക എന്ന ചിന്ത മാത്രമാണ് മോദിയെയും സംഘ്പരിവാറിനെയും ഇത്തരമൊരു നിയമം കൊണ്ടുവരാന്‍ പ്രേരിപ്പിച്ചത്. ഇതിനായി മുസ്‌ലിം നാമധാരികളായ വിരലിലെണ്ണാവുന്ന വനിതകളെ രംഗത്തിറക്കാനും അവര്‍ക്കുകഴിഞ്ഞു. മുത്തലാഖിനിരയായി എന്നു കാണിച്ച് പരാതി നല്‍കിയ ബംഗാള്‍ സ്വദേശിനി ഇസ്രത് ജഹാന്‍ ബി.ജെ.പിയില്‍ അംഗത്വമെടുത്തത് അവരുടെ ഒളിഅജണ്ട വ്യക്തമാക്കുന്നതാണ്.
വിവാഹം മോചനം ചെയ്യേണ്ട അനിവാര്യ സന്ദര്‍ഭമെത്തിയാല്‍ അതിന് മൂന്നു ഘട്ടമായുള്ള രീതിയാണ് ഇസ്‌ലാം പ്രോത്സാഹിപ്പിക്കന്നത്. സത്യത്തില്‍ ഇത്തരമൊരു വ്യവസ്ഥ ഇസ്‌ലാമിലുള്ളത് ആപേക്ഷികമായി മുസ്‌ലിംകളില്‍ വിവാഹമോചനം കുറയുന്നതിന് കാരണമാണ്. എന്നാല്‍ മറ്റു ചില മത വിഭാഗങ്ങളിലാണ് രാജ്യത്ത് ഏറ്റവും കൂടുതല്‍ വിവാഹമോചനം നടക്കുന്നതെന്ന യാഥാര്‍ത്ഥ്യത്തെ സര്‍ക്കാര്‍ സൗകര്യപൂര്‍വം മറച്ചുവെക്കുന്നു. എന്തിനേറെ ഭരണ തലപ്പത്തുള്ളവര്‍വരെ സ്വന്തം ഭാര്യയെ വിവാഹമോചനം ചെയ്യാതെ അവരെ വര്‍ഷങ്ങളായി അകറ്റിനിര്‍ത്തിയിരിക്കുന്നു. എന്നിട്ടാണ് മുസ്‌ലിം വിരുദ്ധത വളര്‍ത്തുകയെന്ന ലക്ഷ്യത്തില്‍ സംഘ്പരിവാരം നിയമനിര്‍മാണവുമായി കച്ചകെട്ടിയിറങ്ങിയിരിക്കുന്നത്. യഥാര്‍ത്ഥത്തില്‍ രാജ്യത്തെ മുസ്‌ലിംകളില്‍ വെറും 0.2 ശതമാനം പേര്‍ മാത്രമാണ് മുത്തലാഖ് വഴിയുള്ള വിവാഹമോചനം നടത്തിയിട്ടുള്ളതെന്നാണ് സര്‍ക്കാര്‍ കണക്കുകള്‍തന്നെ വ്യക്തമാക്കുന്നത്. ഉത്തരേന്ത്യയിലെ ഏതാനും മേഖലകളില്‍ മാത്രമാണ് ഇത് വ്യാപകമായി അനുവര്‍ത്തിക്കപ്പെടുന്നത്. കേരളം പോലുള്ള ദക്ഷിണേന്ത്യന്‍ സംസ്ഥാനങ്ങളില്‍ മുത്തലാഖ് സമ്പ്രദായം തീരേ വിരളമാണ്.
നിയമം പ്രാബല്യത്തിലായതുമുതല്‍ രാജ്യത്തെ മുസ്‌ലിം പുരുഷന്മാര്‍ മുത്തലാഖ് ചൊല്ലിയാല്‍ അവര്‍ക്ക് മൂന്നു വര്‍ഷത്തെ തടവുശിക്ഷ ലഭിക്കും. എങ്ങനെയാണ് ഇതിന് തെളിവ് ഹാജരാക്കപ്പെടുക എന്നത് ഇനിയും ദുരൂഹമാണ്. യു.എ.പി.എ കേസുകളിലേതുപോലെ ആരെയും പിടിച്ച് ജയിലിലിടാന്‍ പഴുതുളളതാണ് ബില്ലിലെ വ്യവസ്ഥ. മാത്രമല്ല, വിവാഹമോചിതയാക്കപ്പെട്ട സ്ത്രീയുടെ ചെലവ് ആരു വഹിക്കും എന്ന പ്രശ്‌നവും ബാക്കിനില്‍ക്കുന്നു. കുട്ടികളുണ്ടെങ്കില്‍ അവരുടെ ചെലവിന് കൊടുക്കണമെന്ന രാജ്യത്തെ നിയമ വ്യവസ്ഥയും പാലിക്കപ്പെടാന്‍ പോകുന്നില്ല. ഫലത്തില്‍ മുത്തലാഖിന് വിധേയയായ സ്ത്രീക്കും കുട്ടികള്‍ക്കും രാജ്യത്ത് അനുഭവിക്കാനിരിക്കുന്നത് കടുത്ത ജീവല്‍ പരീക്ഷണങ്ങളായിരിക്കും. മുസ്‌ലിംകളിലെ ജനസംഖ്യാ വര്‍ധനവിനെയും പ്രസവ നിരക്കിനെയും സംബന്ധിച്ച് അത്യുക്തിനിറഞ്ഞ പ്രചാരണങ്ങള്‍ അഴിച്ചുവിടുന്ന സംഘ്പരിവാരത്തിന്റെ വികൃതമുഖമാണ് ഇവിടെ അനാവരണം ചെയ്യപ്പെട്ടിരിക്കുന്നത്.
ബില്ലിനെ ലോക്‌സഭയില്‍ ശബ്ദവോട്ടോടെ എതിര്‍ത്ത മുസ്‌ലിംലീഗിലെയും സമാജ്‌വാദി പാര്‍ട്ടിയിലെയും തൃണമൂലിലെയും ആര്‍.എസ്.പിയിലെയും അംഗങ്ങള്‍ ആരോപിച്ചതുപോലെ, ഹിന്ദുത്വ തീവ്രവാദികളുടെ സങ്കല്‍പത്തിലേക്ക് രാജ്യത്തെ നയിക്കുന്നതിനും മുസ്‌ലിംകളാദി ന്യൂനപക്ഷങ്ങളെ പീഡിപ്പിക്കു ന്നതിനുമാണ ്‌മോദി സര്‍ക്കാര്‍ പദ്ധതിയൊരുക്കുന്നതെന്ന് വ്യക്തം. ഇതുവഴി മത ന്യൂനപക്ഷങ്ങളുടെ വിശ്വാസ സ്വാതന്ത്ര്യത്തിലുള്ള കൈകടത്തലാണ് സംഭവിക്കുന്നത്. വൈകാതെ തന്നെ രാജ്യത്ത് ഏക സിവില്‍കോഡ് നടപ്പാക്കാനുള്ള നീക്കമാവും കേന്ദ്ര സര്‍ക്കാറില്‍ നിന്നുണ്ടാകുക. ദലിതരും പിന്നാക്കക്കാരുമെല്ലാം ഇവ്വിധം മൗലികാവകാശ നിഷേധത്തിനിരയാകും. മതേതത്വത്തിന്റെയും വിശ്വാസാചാരാനുഷ്ഠാനങ്ങളുടെയും സംരക്ഷണത്തിന് രാഷ്ട്രം ഒരുമിച്ചുനില്‍ക്കേണ്ട സമയമായിരിക്കുന്നു.

Health

ജാഗ്രത വേണമെന്ന് ആരോഗ്യവകുപ്പ് വേനല്‍ കനത്തതോടെ ചിക്കന്‍ പോക്‌സ് പടരുന്നു

സ്വയം ചികിത്സ പാടില്ല. രോഗ ലക്ഷണങ്ങള്‍ ശ്രദ്ധയില്‍പ്പെട്ടാല്‍ എത്രയും വേഗം ചികിത്സ തേടണം.

Published

on

തിരുവനന്തപുരം: സംസ്ഥാനത്ത് ചൂട് തുടരുന്ന സാഹചര്യത്തില്‍ ചിക്കന്‍ പോക്സിനെതിരെ ജാഗ്രത പാലിക്കണമെന്ന് ആരോഗ്യ വകുപ്പ്. സ്വയം ചികിത്സ പാടില്ല. രോഗ ലക്ഷണങ്ങള്‍ ശ്രദ്ധയില്‍പ്പെട്ടാല്‍ എത്രയും വേഗം ചികിത്സ തേടണം. ശിശുക്കള്‍, കൗമാരപ്രായക്കാര്‍, മുതിര്‍ന്നവര്‍, ഗര്‍ഭിണികള്‍, പ്രതിരോധശേഷി കുറഞ്ഞവര്‍, കാന്‍സര്‍ ബാധിതര്‍, അവയവമാറ്റ ശസ്ത്രക്രിയ കഴിഞ്ഞവര്‍, കീമോതെറാപ്പി, സ്റ്റീറോയിഡ് മരുന്നുകള്‍ ഉപയോഗിക്കുന്നവര്‍, ദീര്‍ഘകാലമായി ശ്വാസകോശ/ ത്വക്ക് രോഗമുള്ളവര്‍ എന്നിവര്‍ക്ക് രോഗം ഗുരുതരമാകാന്‍ സാധ്യതയുള്ളതിനാല്‍ പ്രത്യേകം ശ്രദ്ധിക്കണം.

എന്താണ് ചിക്കന്‍ പോക്സ്

വേരിസെല്ലാ സോസ്റ്റര്‍ എന്ന വൈറസ് മൂലമുളള പകര്‍ച്ചവ്യാധിയാണ് ചിക്കന്‍ പോക്സ്. ഇതുവരെ ചിക്കന്‍ പോക്സ് വരാത്തവര്‍ക്കോ, വാക്സിന്‍ എടുക്കാത്തവര്‍ക്കോ ഈ രോഗം വരാന്‍ സാധ്യതയുണ്ട്.
രോഗപ്പകര്‍ച്ച

ചിക്കന്‍ പോക്സ്, ഹെര്‍പ്പിസ് സോസ്റ്റര്‍ രോഗമുളളവരുമായി അടുത്ത സമ്പര്‍ക്കത്തിലൂടെയും കുമിളകളിലെ സ്രവങ്ങളിലൂടെയും ചുമ, തുമ്മല്‍ എന്നിവയിലൂടെയുള്ള കണങ്ങള്‍ ശ്വസിക്കുന്നത് വഴിയും ചിക്കന്‍ പോക്സ് ബാധിക്കാം. ശരീരത്തില്‍ കുമിളകള്‍ പൊന്തി തുടങ്ങുന്നതിന് രണ്ട് ദിവസം മുന്‍പ് മുതല്‍ അവ ഉണങ്ങുന്നതു വരെ രോഗം പകരാം. 10 മുതല്‍ 21 ദിവസം വരെ രോഗലക്ഷണങ്ങള്‍ പ്രകടമാകും.

രോഗ ലക്ഷണങ്ങള്‍

പനി, ക്ഷീണം, ശരീരവേദന, വിശപ്പില്ലായ്മ, തലവേദന, ശരീരത്തില്‍ കുമിളകള്‍ എന്നിവയാണ് രോഗ ലക്ഷണങ്ങള്‍. മുഖം, ഉദരഭാഗം, നെഞ്ച്, പുറം, കൈകാലുകള്‍ എന്നിവിടങ്ങളില്‍ തടിപ്പുകളായി ആരംഭിച്ച് പിന്നീട് വെള്ളം കെട്ടിനില്‍ക്കുന്ന കുമിളകള്‍ വന്ന് നാലു മുതല്‍ ഏഴ് ദിവസത്തിനുള്ളില്‍ അവ പൊട്ടുകയോ ഉണങ്ങുകയോ ചെയ്യും.

കൂടുതല്‍ ശ്രദ്ധിക്കേണ്ടത്

4 ദിവസത്തില്‍ കൂടുതലുളള പനി, കഠിനമായ പനി, കുമിളകളില്‍ കഠിനമായ വേദന/ പഴുപ്പ്, അമിതമായ ഉറക്കം, ആശയകുഴപ്പം, സംഭ്രമാവസ്ഥ, നടക്കാനുള്ള ബുദ്ധിമുട്ട്, കഴുത്ത് വേദന, അടിക്കടിയുളള ഛര്‍ദ്ദില്‍, ശ്വാസംമുട്ട്, കഠിനമായ ചുമ, കഠിനമായ വയറുവേദന, രക്തസ്രാവം എന്നീ രോഗ ലക്ഷണങ്ങള്‍ കാണുന്നെങ്കില്‍ വളരെ ശ്രദ്ധിക്കണം. ഇവ ചിക്കന്‍ പോക്സിന്റെ സങ്കീര്‍ണതകളായ ന്യുമോണിയ, മസ്തിഷ്‌കജ്വരം, കരള്‍ വീക്കം, സെപ്സിസ് തുടങ്ങിയവയുടെ ലക്ഷണങ്ങളായതിനാല്‍ എത്രയും വേഗം ചികിത്സ തേടേണ്ടതാണ്.

രോഗം വന്നാല്‍ ശ്രദ്ധിക്കേണ്ടവ

വായു സഞ്ചാരമുളള മുറിയില്‍ പരിപൂര്‍ണമായി വിശ്രമിക്കുക. ധാരാളം വെളളം കുടിക്കുക. പഴവര്‍ഗങ്ങള്‍ കഴിക്കുക. മറ്റുളളവരുമായി നേരിട്ടുള്ള സമ്പര്‍ക്കം ഒഴിവാക്കുക. രോഗി ഉപയോഗിച്ച വസ്ത്രങ്ങളും മറ്റ് വസ്തുക്കളും മറ്റുളളവരുമായി പങ്കിടരുത്. അവ ബ്ലീച്ചിംഗ് ലായനി പോലുള്ള അണുനാശിനി ഉപയോഗിച്ച് അണുവിമുക്തമാക്കുക. ചൊറിച്ചിലുള്ള ഭാഗത്ത് കലാമിന്‍ ലോഷന്‍ പുരട്ടുക. ശരീരം മൃദുവായ നനഞ്ഞ തുണി കൊണ്ട് ഇടയ്ക്കിടെ ഒപ്പിയെടുക്കുക.ചിക്കന്‍ പോക്സ് ചികിത്സയിലാണെങ്കിലും സ്ഥിരമായി ഉപയോഗിച്ചു കൊണ്ടിരിക്കുന്ന മരുന്നുകള്‍ ഒന്നും തന്നെ നിര്‍ത്തരുത്.

Continue Reading

india

അരവിന്ദ് കെജ്രിവാളിന്റെ അറസ്റ്റ്: മാര്‍ച്ച് 31ന് ഇന്ത്യ മുന്നണിയുടെ മഹാറാലി

മാര്‍ച്ച് 31ന് രാംലീല മൈതാനിയിലാണ് പരിപാടിയെന്ന് ഡല്‍ഹി മന്ത്രിയും ആപ്പ് നേതാവുമായ ഗോപാല്‍ റായ് പറഞ്ഞു.

Published

on

ഡല്‍ഹി മുഖ്യമന്ത്രിയും ആം ആദ്മി പാര്‍ട്ടി നേതാവുമായ അരവിന്ദ് കെജ്രിവാളിനെ എന്‍ഫോഴ്‌സ്‌മെന്റ് ഡയറക്ടറേറ്റ് അറസ്റ്റ് ചെയ്തതില്‍ പ്രതിഷേധിച്ച് മഹാറാലിയുമായി ഇന്ത്യ മുന്നണി. മാര്‍ച്ച് 31ന് രാംലീല മൈതാനിയിലാണ് പരിപാടിയെന്ന് ഡല്‍ഹി മന്ത്രിയും ആപ്പ് നേതാവുമായ ഗോപാല്‍ റായ് പറഞ്ഞു.

രാജ്യത്ത് പ്രധാനമന്ത്രി നരേന്ദ്ര മോദിയുടെ ഏകാധിപത്യമാണ്. പ്രതിപക്ഷ പാര്‍ട്ടികളെ തകര്‍ക്കാന്‍ പ്രധാനമന്ത്രി അന്വേഷണ ഏജന്‍സികളെ ഉപയോഗിക്കുന്നു. അറസ്റ്റ് മാത്രമല്ല ബി.ജെ.പി ചെയ്തത്. ആം ആദ്മി പാര്‍ട്ടിയുടെ ഓഫീസ് സീല്‍ ചെയ്യുകയുമുണ്ടായി. നേതാക്കള്‍ക്ക് പാര്‍ട്ടി ആസ്ഥാനത്ത് എത്താന്‍ പോലും സാധിച്ചില്ല.

രണ്ട് വര്‍ഷമായി ഡല്‍ഹി മദ്യനയ അഴിമതിയില്‍ അന്വേഷണം നടത്തിയിട്ടും ഒന്നും കണ്ടെത്തിയിട്ടില്ല. ഇലക്ടറല്‍ ബോണ്ട് വിവരങ്ങള്‍ പുറത്തുവന്നപ്പോള്‍ അഴിമതി പണം എവിടെപ്പോയെന്നു വ്യക്തമായതാണ്. ബി.ജെ.പിക്കാണ് എല്ലാ അഴിമതി പണവും ലഭിച്ചത്. ബി.ജെ.പി ഇലക്ടറല്‍ ബോണ്ടിലൂടെ അഴിമതി നടത്തുകയായിരുന്നുവെന്നും അദ്ദേഹം പറഞ്ഞു.

ജനാധിപത്യത്തെ സംരക്ഷിക്കാനുള്ള പോരാട്ടമാണിതെന്ന് കോണ്‍ഗ്രസ് നേതാവ് അരവിന്ദര്‍ സിങ് ലൗലി പറഞ്ഞു. പ്രതിപക്ഷ സഖ്യത്തിലെ എല്ലാ പാര്‍ട്ടികളും ഒറ്റക്കെട്ടാണ്. ഞായറാഴ്ച നടക്കുന്ന റാലിയില്‍ ഇന്ത്യ സഖ്യത്തിലെ മുതിര്‍ന്ന നേതാക്കള്‍ പങ്കെടുക്കും. രാജ്യത്തെ സംരക്ഷിക്കാനാണ് റാലി.

ജനാധിപത്യവും സ്വാതന്ത്ര്യവും അട്ടിമറിക്കപ്പെടുകയാണ്. കോണ്‍ഗ്രസിന്റെ ബാങ്ക് അക്കൗണ്ടുകള്‍ മരവിപ്പിച്ചു. മുഖ്യമന്ത്രിമാര്‍ അറസ്റ്റിലാകുന്നു. എല്ലാ വിഭാഗം ജനങ്ങളെയും റാലിയിലേക്ക് സ്വാഗതം ചെയ്യുകയാണെന്നും അരവിന്ദര്‍ സിങ് ലൗലി കൂട്ടിച്ചേര്‍ത്തു.

Continue Reading

kerala

സ്വർണവില 50,000ലേക്ക്; പവന് 800 രൂപയാണ് ഇന്ന് വർധിച്ചത്

ഇന്ന് 800 രൂപ വര്‍ധിച്ച് ഒരു പവന്‍ സ്വര്‍ണത്തിന്റെ വില 49,440 രൂപയായി.

Published

on

സംസ്ഥാനത്ത് സ്വര്‍ണവില 50,000ലേക്ക്. ഓരോ ദിവസം കഴിയുന്തോറും റെക്കോര്‍ഡുകള്‍ ഭേദിച്ച് മുന്നേറുന്ന സ്വര്‍ണവില ഇന്ന് 49,000 കടന്നു. ഇന്ന് 800 രൂപ വര്‍ധിച്ച് ഒരു പവന്‍ സ്വര്‍ണത്തിന്റെ വില 49,440 രൂപയായി. ഗ്രാമിന് 100 രൂപയാണ് വര്‍ധിച്ചത്. 6180 രൂപയാണ് ഒരു ഗ്രാം സ്വര്‍ണത്തിന്റെ വില.

ഈ മാസത്തിന്റെ തുടക്കത്തില്‍ 46,320 രൂപയായിരുന്നു സ്വര്‍ണവില. മൂന്നാഴ്ചയ്ക്കിടെ 3000 രൂപയിലധികമാണ് വര്‍ധിച്ചത്. ഒന്‍പതിന് 48,600 രൂപയായി ഉയര്‍ന്നാണ് ആദ്യം സര്‍വകാല റെക്കോര്‍ഡിട്ടത്. ചൊവ്വാഴ്ച 48,640 രൂപയായി ഉയര്‍ന്ന് റെക്കോര്‍ഡ് തിരുത്തി. ഈ റെക്കോര്‍ഡ് മറികടന്നാണ് ഇന്ന് സ്വര്‍ണവില പുതിയ ഉയരം കുറിച്ചത്.

Continue Reading

Trending