Connect with us

Video Stories

കന്നഡിഗരുടെ ഡി.കെ

Published

on

തെക്കേഇന്ത്യ എന്ന ബാലികേറാമല പിടിച്ചടക്കാന്‍ ബി.ജെ.പിക്ക് ആരാണ് തടസ്സമെന്ന ചോദ്യത്തിനുള്ള ഒരുത്തരമാണ് കന്നഡിഗരുടെ ഡി.കെ. ചിന്തകനായ ജിദ്ദു കൃഷ്ണമൂര്‍ത്തിയെയാണ് സമാനമായ ചുരുക്കപ്പേരില്‍ -ജി.കെ- എന്ന് ആളുകള്‍ വിളിച്ചിരുന്നത്. ഇന്നിപ്പോള്‍ കര്‍ണാടകയിലെ മാത്രമല്ല, ഇന്ത്യയിലെ മുഴുവന്‍ കോണ്‍ഗ്രസ് പ്രവര്‍ത്തകരുടെയും മതേതര വിശ്വാസികളുടെയും പ്രതീക്ഷയാണ് ഡി.കെ എന്ന ദൊഡ്ഡലഹള്ളി കെമ്പെഗൗഡ ശിവകുമാര്‍. ഇക്കഴിഞ്ഞ സെപ്തംബര്‍ മൂന്നിനാണ് കേന്ദ്ര സര്‍ക്കാരിന് കീഴിലെ സാമ്പത്തിക കുറ്റാന്വേഷണവിഭാഗമായ എന്‍ഫോഴ്‌സ്‌മെന്റ് ഡയറക്ടറേറ്റ് ഡി.കെ ശിവകുമാറിനെ അറസ്റ്റ്‌ചെയ്യുന്നത്.

ആഗസ്ത് 31ന് ഡല്‍ഹിയിലേക്ക് ചോദ്യം ചെയ്യാനെന്നുപറഞ്ഞ് വിളിപ്പിച്ച് നാലാം ദിവസമാണ് അറസ്റ്റ്. നൂറുകണക്കിന് കോണ്‍ഗ്രസ് പ്രവര്‍ത്തകരാണ് തങ്ങളുടെ ഊര്‍ജസ്രോതസ്സായ ഡി.കെയുടെ അറസ്റ്റിനെതിരെ ഡല്‍ഹിയിലെ ഇ.ഡി ആസ്ഥാനത്തേക്ക് ഇരച്ചുകയറിയത്. മറ്റൊരു കോണ്‍ഗ്രസ് നേതാവിനും അടുത്തകാലത്ത് കിട്ടാത്ത പ്രതികരണമായി അത്. കാരണം മോദി-അമിത്ഷാ കാലത്ത് കര്‍ണാടകയില്‍ കോണ്‍ഗ്രസിനെ പിടിച്ചുനിര്‍ത്തുന്ന മുഖ്യശാഖയാണ് ഡി.കെ എന്ന അമ്പത്തേഴുകാരന്‍. കുര്‍ത്തയും പൈജാമയുമാണ് സാധാരണ വേഷം. ധനാഢ്യനെന്ന വിശേഷണമുണ്ടെങ്കില്‍ ആ ധനം മുഴുക്കെ ചെലവിടുന്നത് കോണ്‍ഗ്രസ് എന്ന എക്കാലത്തെയും ഇഷ്ടഭാജനമായ പാര്‍ട്ടിക്കുവേണ്ടിയാണെന്നതാണ് ഡി.കെയെ വ്യത്യസ്തനാക്കുന്നത്.

2017ല്‍ കള്ളപ്പണക്കാര്‍ക്കെതിരെ എന്ന പേരില്‍ രജിസ്റ്റര്‍ ചെയ്ത കേസുകളിലൊന്നിലാണ് മോദി സര്‍ക്കാരിന്റെ സാമ്പത്തിക കുറ്റാന്വേഷണ വിഭാഗം ശിവകുമാറിനെയും പ്രതിചേര്‍ത്ത് കേസെടുക്കുന്നത്. 2018 ജൂലൈയില്‍ കോടതിയില്‍ ഇ.ഡിയിലെ ഒരു ഡെപ്യൂട്ടി സൂപ്രണ്ടിനെകൊണ്ട് സ്വകാര്യ ഹര്‍ജി കൊടുപ്പിച്ചു. അന്ന് തുടങ്ങിയതാണ് മോദിയുടെ വേട്ടയാടല്‍. കേന്ദ്ര ധനകാര്യമന്ത്രിയായിരുന്ന പി. ചിദംബരത്തെ കുടുക്കിയ അമിത്ഷാക്ക് ശിവകുമാര്‍ വലിയ ഇരയൊന്നുമല്ലെന്ന് ബി.ജെ.പിക്കാര്‍ പറയുന്നു. പതിനാലു ദിവത്തേക്ക് ജയിലിലേക്ക് വിടാന്‍ കഴിഞ്ഞെങ്കിലും മുന്‍മുഖ്യമന്ത്രി സിദ്ധരാമയ്യയെ പോലെയല്ല, ഡി.കെയെ തൊടുന്നതെന്നത് മോദിക്കും ഷാക്കും അറിയില്ലെങ്കിലും കര്‍ണാടകയിലെ ബി.ജെ.പി നേതാക്കള്‍ക്കറിയാം. വൊക്കലിഗസമുദായാംഗമായ ശിവുകമാറിന്റെ അണികളുടെയും അനുഭാവികളുടെയും ജാതിക്കാരുടെയും വോട്ട് കര്‍ണാടക രാഷ്ട്രീയത്തില്‍ നിര്‍ണായകമാണെന്ന് മുഖ്യമന്ത്രി യെദിയൂരപ്പക്ക് നന്നായറിയാം. അതുകൊണ്ടുതന്നെ ശിവകുമാറിന്റെ അറസ്റ്റില്‍ വലുതായി സന്തോഷിച്ച് കുളമാക്കാനൊന്നും ബി.ജെ.പി നേതാക്കളെ കിട്ടില്ല.

1989 മുതല്‍ സന്താനൂരിലും കനകപുരയില്‍നിന്നുള്‍പ്പെടെ സംസ്ഥാന നിയമസഭാംഗം. വെറും ഇരുപത്തേഴാം വയസ്സില്‍. മൈസൂരിനടുത്ത ദൊഡ്ഡലഹള്ളിയിലെ ധനാഢ്യനായ കെമ്പെഗൗഡയുടെയും ഗൗരമ്മയുടെയും പുത്രന് രാഷ്ട്രീയവും ബിസിനസുമൊക്കെ കൈവെള്ളയിലെത്തിയതില്‍ അല്‍ഭുതമില്ല. 840.02 കോടിയുടെ ആസ്തി. ഖനനം, ഹൗസിംഗ് സഹകരണ സംഘം എന്നിവയില്‍ മറ്റ് കര്‍ണാടക രാഷ്ട്രീയ നേതാക്കളെ പോലെ ആരോപണപ്പെരുമഴക്ക് ഇരയായിട്ടുണ്ട്. എങ്കിലും വോട്ടിനും അധികാരത്തിനുംവേണ്ടി അവസരവാദം കാട്ടിയിട്ടില്ല.

2017 ആഗസ്തില്‍ ഗുജറാത്തിലെ കോണ്‍ഗ്രസ് നേതാവും പാര്‍ട്ടി ദേശീയ ട്രഷററുമായ അഹമ്മദ് പട്ടേലിന്റെ രാജ്യസഭാമല്‍സരത്തിനു മുന്നോടിയായി കോണ്‍ഗ്രസ് എം.എല്‍.എമാരെ മോദിയുംകൂട്ടരും കൂട്ടത്തോടെ കൂറുമാറ്റാന്‍ ശ്രമിച്ചപ്പോള്‍ അവര്‍ക്ക് ഇങ്ങ് ബംഗളൂരുവില്‍ ദിവസങ്ങളോളം അഭയംകൊടുത്തതിന് മുന്‍കൈ എടുത്തയാളാണ് ശിവകുമാര്‍. ഡി.കെയെ സോണിയയും ഇന്ത്യയിലെ കോണ്‍ഗ്രസുകാരും ശരിക്കും മനസ്സിലാക്കിയത് അന്നാണ്. കോണ്‍ഗ്രസ്-ജനതാദള്‍ സഖ്യം രൂപപ്പെടുത്തിയതിലും കഴിഞ്ഞമാസം സഖ്യം ഭരണത്തില്‍നിന്ന് വീഴാതിരിക്കാന്‍ എം.എല്‍.എമാരെ മറുകണ്ടംചാടാതെ പിടിച്ചുനിര്‍ത്തിയതിലും മുഖ്യപങ്ക് ഡി.കെക്കാണ്. മോദി-ഷാമാര്‍ പണച്ചാക്കുകെട്ടുകളുമായി ഇറങ്ങിയപ്പോള്‍ എം.എല്‍.എമാര്‍ക്ക് തുണയായി പാറപോലെനിന്നതും ഡി.കെ.

ബംഗളൂര്‍ സര്‍വകലാശാലയില്‍നിന്ന് ബിരുദാനന്തര ബിരുദം നേടി നേരെയെത്തിയതാണ് കോണ്‍ഗ്രസ് രാഷ്ട്രീയത്തില്‍. കലാലയത്തില്‍ സ്‌പോര്‍ട്‌സിനൊപ്പം ത്രിവര്‍ണ പതാകയുടെ രാഷ്ട്രീയമായിരുന്നു ശിവകുമാറിന്. ആറടി അഞ്ചിഞ്ച് ഉയരം. പുഞ്ചിരിയിലും ഗൗരവം തുടിക്കുന്ന പ്രകൃതം. ദക്ഷിണേന്ത്യയിലെ പൊന്നാപുരംകോട്ടയെ കാവിക്കോട്ടയാക്കാന്‍ പഠിച്ചപണി പതിനെട്ടും പയറ്റുന്ന ബി.ജെ.പിക്കും ആര്‍.എസ്.എസ്സിനും ഡി.കെ എന്ന രണ്ടക്ഷരങ്ങള്‍ കരടായതില്‍ അല്‍ഭുതമില്ല. കള്ളപ്പണമെന്നല്ല, ഏതുകേസും അവര്‍ക്ക് പിടിവള്ളിയാകും. കാശെറിഞ്ഞും ഭീഷണിപ്പെടുത്തിയും എം.എല്‍.എമാരെയും കോണ്‍ഗ്രസ് പ്രവര്‍ത്തകരെയും ഉദ്യോഗസ്ഥരെയുമൊക്കെ തങ്ങളുടെ ആലയിലേക്ക് ആക്കുന്ന കേന്ദ്രപ്പാര്‍ട്ടിക്ക് ഡി.കെയുടെ മുന്നില്‍ പലപ്പോഴും അടിയറവ് പറയേണ്ടിവരുന്നുവെന്നത് സഹിക്കുമോ. വിദ്യാഭ്യാസ വിചക്ഷകന്‍കൂടിയായ ഡി.കെ രണ്ടു തവണ മന്ത്രിയായത് ആഭ്യന്തരം, മെഡിക്കല്‍ വിദ്യാഭ്യാസം, ഊര്‍ജം തുടങ്ങിയ വകുപ്പുകളില്‍. ഉഷയാണ് ഭാര്യ. മൂന്ന് മക്കള്‍.

india

മണിപ്പൂര്‍ കലാപം; ബി.ബി.സി റെയ്ഡ് -കേന്ദ്ര സര്‍ക്കാറിനെതിരെ രൂക്ഷവിമര്‍ശനവുമായി അമേരിക്ക

ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു.

Published

on

മണിപ്പൂരിലെ വംശീയ സംഘർഷത്തിലടക്കം കേന്ദ്ര സർക്കാറിനെതിരെ രൂക്ഷ വിമർശനവുമായി അമേരിക്കൻ വിദേശകാര്യ വകുപ്പ്. ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു. കേന്ദ്ര സർക്കാരിനെ വിമർശിക്കുന്ന മാധ്യമങ്ങൾ ഭീഷണി രാജ്യത്ത് നേരിടുകയാണെന്നും റിപ്പോർട്ടിൽ വിമർശനമുണ്ട്.

യു.എസ് സ്റ്റേറ്റ് ഡിപ്പാർട്ട്‌മെന്‍റ് തിങ്കളാഴ്ചയാണ് വാർഷിക മനുഷ്യാവകാശ വിശകലന റിപ്പോർട്ട് പ്രസിദ്ധീകരിച്ചത്. 200 രാജ്യങ്ങളിലെ മനുഷ്യാവകാശ പ്രശ്നങ്ങൾ ഉൾകൊള്ളുന്നതാണ് റിപ്പോർട്ട്. മണിപ്പൂരിലെ വംശീയ സംഘർഷം അടിച്ചമർത്തുന്നതിലെ പരാജയം, ഇന്ത്യയിലെ പ്രതിപക്ഷ പാർട്ടികൾ നേരിടുന്ന പ്രതിബന്ധങ്ങൾ, ഹർദീപ് സിങ് നിജ്ജറിന്‍റെ കൊലപാതകത്തിലെ ആരോപണം എന്നിവ ഇന്ത്യയിലെ ഗുരുതരമായ മനുഷ്യാവകാശ പ്രശ്‌നങ്ങളിൽ പെടുന്നുവെന്ന് റിപ്പോർട്ട് പറയുന്നു.

വംശീയ സംഘർഷം പൊട്ടിപ്പുറപ്പെട്ടതിന് ശേഷം മണിപ്പൂരിൽ ഗുരുതരമായ മനുഷ്യാവകാശ ലംഘനങ്ങളാണ് അരങ്ങേറിയത്. സായുധ സംഘട്ടനം, ലൈംഗിക അതിക്രമങ്ങൾ എന്നിവ മണിപ്പൂരിൽ നിന്നും റിപ്പോർട്ട് ചെയ്യപ്പെട്ടു -സ്റ്റേറ്റ് ഡിപ്പാർട്ട്‌മെന്‍റ് ചൂണ്ടിക്കാട്ടുന്നു.

രാഹുൽ ഗാന്ധിയെ അയോഗ്യാനാക്കിയ സംഭവം റിപ്പോർട്ടിൽ പറയുന്നുണ്ട്. സർക്കാരിനെ വിമർശിക്കുന്ന വീക്ഷണങ്ങൾ പ്രകടിപ്പിക്കുന്ന മാധ്യമപ്രവർത്തകരും മാധ്യമസ്ഥാപനങ്ങലും അറസ്റ്റിനും ഭീഷണികൾക്കും വിധേയരായിട്ടുണ്ടെന്ന് റിപ്പോർട്ട് പറയുന്നു. ആദായനികുതി വകുപ്പ് ബി.ബി.സിയുടെ ഡൽഹി, മുംബൈ ഓഫീസുകളിൽ 60 മണിക്കൂർ റെയ്ഡ് നടത്തിയതും റിപ്പോർട്ടിൽ പരാമർശിക്കുന്നു.

Continue Reading

crime

യു.പിയിൽ ബി.ജെ.പി സ്ഥാനാർഥിയുടെ പ്രചാരണ റാലിക്കിടെ വ്യാപക പോക്കറ്റടി

റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്.

Published

on

ഉത്തര്‍പ്രദേശിലെ മീററ്റില്‍ ബി.ജെ.പി സ്ഥാനാര്‍ഥി അരുണ്‍ ഗോവിലിന്റെ പ്രചാരണ റാലിക്കിടെ വ്യാപക പോക്കറ്റടി. റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്. മാധ്യമപ്രവര്‍ത്തകരും പോക്കറ്റടിക്ക് ഇരയായിട്ടുണ്ട്.

‘രാമായണം’ സീരിയലില്‍ ശ്രീരാമനായി അഭിനയിച്ച നടനാണ് മീററ്റിലെ ബി.ജെ.പി സ്ഥാനാര്‍ഥി അരുണ്‍ ഗോവില്‍. സീരിയലിലെ മറ്റ് കഥാപാത്രങ്ങളെ അവതരിപ്പിച്ച താരങ്ങളെ അണിനിരത്തിയായിരുന്നു മീററ്റില്‍ പ്രചാരണ റാലി നടത്തിയത്. സീതയായി അഭിനയിച്ച ദീപിക ചിഖ്‌ലിയ, ലക്ഷ്മണനായി അഭിനയിച്ച സുനില്‍ ലാഹ്രി എന്നിവര്‍ പങ്കെടുത്തിരുന്നു.

വ്യാപാരിയായ കുല്‍ഭൂഷണ്‍ എന്നയാള്‍ 36,000 രൂപ പോക്കറ്റടിച്ചതായി കാണിച്ച് പൊലീസില്‍ പരാതി നല്‍കി. റാലി കണ്ടപ്പോള്‍ കടയില്‍ നിന്നിറങ്ങി അടുത്തേക്ക് പോയതാണെന്ന് കുല്‍ഭൂഷണ്‍ പറഞ്ഞു. കടയിലെ പണം പോക്കറ്റില്‍ വെച്ചിരുന്നു. റാലി കണ്ട് തിരികെയെത്തിയപ്പോഴാണ് പോക്കറ്റിലെ പണം നഷ്ടമായത് അറിയുന്നത് -കുല്‍ഭൂഷണ്‍ പറഞ്ഞു.

https://twitter.com/i/status/1782609046484500905

ബി.ജെ.പി പ്രാദേശിക നേതാവായ അലോക് സിസോദിയയുടെ മൊബൈല്‍ ഫോണ്‍ റാലിക്കിടെ മോഷ്ടിക്കപ്പെട്ടു. റാലിയിലെ തിരക്ക് മുതലെടുത്ത് ചില മോഷ്ടാക്കള്‍ കടന്നുകയറിയെന്നാണ് ബി.ജെ.പി നേതാക്കള്‍ പറയുന്നത്.

അതേസമയം, മോഷണസംഭവങ്ങളില്‍ മൂന്ന് പേരെ പൊലീസ് അറസ്റ്റ് ചെയ്തിട്ടുണ്ട്. ഏപ്രില്‍ 26ന് നടക്കുന്ന രണ്ടാംഘട്ടത്തിലാണ് മീററ്റില്‍ തെരഞ്ഞെടുപ്പ്.

 

 

Continue Reading

Article

വിശ്രമമില്ലാതെ പാണക്കാട് കുടുംബം

വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍.

Published

on

ഇഖ്ബാല്‍ കല്ലുങ്ങല്‍

മലപ്പുറം: കേരളീയ സമൂഹത്തിന്റെ സുകൃതമാണ് പാണക്കാട് സയ്യിദ് ശിഹാബ് തങ്ങള്‍ കുടുംബം. മുസ്‌ലിം ലീഗിന്റെ നേത്യരംഗത്ത് ശോഭ വിതറുന്ന ശിഹാബ് തങ്ങള്‍ കുടുംബത്തിനു തിരഞ്ഞെടുപ്പ് കാലത്ത് തിരക്കുകള്‍ കൂടുന്ന ദിനങ്ങളാണ്. വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍. മുസ്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍, മുസ്ലിം ലീഗ് മലപ്പുറം ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍, മുസ്ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍, സയ്യിദ് റഷീദലി ശിഹാബ് തങ്ങള്‍, സയ്യിദ ്ഹമീദലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍. തുടങ്ങിയവര്‍ വോട്ട് അഭ്യാര്‍ത്ഥിച്ച് പൊതുസമ്മേളനങ്ങള്‍ മുതല്‍ കു ടുംബ സംഗമങ്ങള്‍ വരെ വിശ്രമമില്ലാതെ ഓടുകയാണ്.

പാണക്കാട് കുടുംബത്തില്‍ നിന്നും വോട്ട് അഭ്യാര്‍ത്ഥിച്ച് എത്തുന്നത് വോട്ടര്‍മാരില്‍ വലിയ സ്വാധീനമാണുളവാക്കുന്നത്. മതസാഹോദര്യത്തിനു ഊന്നല്‍ നല്‍കികൊണ്ട് രാജ്യത്തെ രക്ഷിക്കേണ്ട പോരാട്ടമാ ണിതെന്ന് പറഞ്ഞ് വോട്ട് അഭ്യര്‍ത്ഥിക്കുന്നത് വോട്ടര്‍മാര്‍ സ്‌നേഹപൂര്‍വമാണ് സ്വീകരിക്കുന്നത്. മുസ്ലിം ലീഗ് ദേശീയ രാഷ്ട്രീയകാര്യസമിതി ചെയര്‍മാന്‍ കൂടിയായ സാദിഖലി ശിഹാബ് തങ്ങള്‍ കേരളത്തിനകത്തും പുറത്തും പ്രചാരണത്തില്‍ ശ്രദ്ധകേന്ദ്രീകരിക്കുന്നു. രാഹുല്‍ ഗാന്ധിക്കൊപ്പം ഇന്ത്യമുന്നണിക്ക് സാദിഖലി ശിഹാബ് തങ്ങള്‍ പകരുന്ന ആവേശവും കരുത്തും ചെറുതല്ല. മുസ്ലിം ലീഗ് സ്ഥാനാര്‍ത്ഥികളെ പ്രഖ്യാപിച്ച സാദിഖലി ശിഹാബ് തങ്ങള്‍ തന്നെയാണ് ഇ.ടി മുഹമ്മദ് ബഷീറിന്റെയും അബ്ദുസമദ് സമദാനിയുടെയും പ്രചാരണങ്ങള്‍ക്ക് തുടക്കം കുറിച്ചതും. യുഡിഎഫിന്റെ വിവിധ സ്ഥാനാര്‍ത്ഥികളുടെ പ്രചാരണങ്ങള്‍ക്ക് സാദിഖലി ശിഹാബ്ദ് തങ്ങളുടെ സാന്നിധ്യം എന്തൊന്നില്ലാ ആത്മവിശ്വാസമാണ് പകരുന്നത്. സംസ്ഥാനത്തിന്റെ ഒരറ്റം മുതല്‍ മറ്റേയറ്റം വരെ സാദിഖലി ശിഹാബ് തങ്ങള്‍ വിശ്രമമില്ലാതെ സഞ്ചരിക്കു കയാണ്. കേരളത്തില്‍ എല്ലാ സീറ്റിലും യു.ഡി.എഫ് വിജയം വരിക്കുന്നതിനു ആവശ്യമായ കര്‍മപഥമാണ് സാദിഖലി ശിഹാബ് തങ്ങള്‍ തുറക്കുന്നത്. എല്ലായിടത്തും കുടുംബ സംഗമങ്ങളിലും തീരദേശ മലയോര മേഖലകളിലും സാദിഖലി ശിഹാബ് തങ്ങളുടെ പര്യടനങ്ങള്‍ക്ക് ഗംഭീര സ്വീകാര്യതയാണ്.

മുസ്ലിംലീഗ് സ്ഥാനാര്‍ത്ഥികള്‍ക്ക് നാമനിര്‍ദേശ പത്രികയും കെട്ടിവെക്കാനുള്ള തുകയും കൈമാറിയ ശേഷം വയനാട്ടില്‍ രാഹുല്‍ഗാന്ധിയുടെ റോഡ്‌ഷോയിലും പത്രിക സമര്‍പ്പണത്തിലും പാണക്കാട് സയ്യിദ് അബ്ബാസലി ശിഹാബ്തങ്ങള്‍ നിറസാന്നിധ്യമായിരുന്നു. തിരഞ്ഞെടുപ്പ് കണ്‍വന്‍ഷനുകളിലും പ്രചാരണ ഉദ്ഘാടനങ്ങളും കുടുംബ സംഗമങ്ങളിലും പങ്കെടുത്ത് സയ്യിദ് അബ്ബാസലി ശിഹാബ്തങ്ങള്‍ യു.ഡി.എഫിന്റെ വിജയമോതുന്നു. വിവിധ സ്ഥലങ്ങളിലെ പര്യടനത്തിലുടനീളം ജനകീയ വരവേല്‍പ്പാണ് അബ്ബാസലി തങ്ങള്‍ക്ക് ലഭിക്കുന്നത്.

സയ്യിദ് അബ്ബാസലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍,സയ്യിദ് റഷീദലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍ മുസ്ലിംയൂത്തീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ പൊന്നാനിയിലും മലപ്പുറത്തും മറ്റു ലോക്‌സഭാ മണ്ഡലങ്ങളിലും ആവേശം വിതറുന്നു. രാജ്യത്തെ ഭിന്നിപ്പിച്ച് ഭരിക്കുന്ന ഭരണകൂടത്തിനെതിരെയും ജനദ്രോഹനയങ്ങള്‍ തുടരുന്ന കേരളസര്‍ക്കാറിനെതിരെയും പ്രതികരിക്കാനുള്ള അവസരമാണിതെന്ന് ഓരോ കേന്ദ്രത്തിലും സയ്യിദ് മുനവ്വറലി ശിഹാബ് തങ്ങള്‍ പറഞ്ഞു. യംഗ് ഇന്ത്യ പരിപാടികളിലും തങ്ങള്‍ ശ്രദ്ധേയമായി. തിരൂരിലും മറ്റുമായി വിവിധ കുടുംബസംഗമങ്ങളില്‍ പങ്കെടുത്ത് മലപ്പുറം മണ്ഡലും മുസ്ലിംലീഗ് പ്രസിഡന്റു കൂടിയായ സയ്യിദ് റഷീദലി ശിഹാബ് തങ്ങള്‍ അനുഗ്രഹ സാന്നിധ്യമായി കേന്ദ്ര-സംസ്ഥാന സര്‍ക്കാറുകളുടെ ജനദ്രോഹ ഭരണം സയ്യിദ് റഷീദലി ശിഹാബ് തങ്ങള്‍ വിശദീകരിക്കുമ്പോള്‍ വോട്ടര്‍മാര്‍ അതേറ്റുവാങ്ങുന്നു.

പ്രചാരണപ്രവര്‍ത്തനങ്ങളില്‍ സജീവമാണ് മലപ്പുറം മുനിസിപ്പല്‍ മുസ്ലിംലീഗ് പ്രസിഡന്റ് കൂടിയായ സയ്യിദ് ഹമീദലി ശിഹാബ് തങ്ങള്‍, മലപ്പുറത്തും പൊന്നാനിയിലും മറ്റിടങ്ങളിലും കുടുംബസംഗമങ്ങളിലും കണ്‍വന്‍ഷനുകളിലും പ്രചാരണ ഉദ്ഘാടനങ്ങളിലും ഹമിദലി ശിഹാബ് തങ്ങള്‍ യു.ഡി.എഫ് വിജയ ത്തിന്റെ അനിവാര്യത ബോധ്യപ്പെടുത്തി.

പാണക്കാട് സയ്യിദ് ബഷീറലി ശിഹാബ് തങ്ങളും കുടുംബസംഗമങ്ങളില്‍ പങ്കെടുത്തു. പാണക്കാട് സയ്യിദ് മുഈനലി ശിഹാബ് തങ്ങള്‍ എടപ്പാളിലുള്‍പ്പെടെ തിരഞ്ഞെടുപ്പ് കാമ്പയിന്‍ നയിച്ചതും ശ്രദ്ധേയമായി. പാണക്കാട് സയ്യിദ് കുടുംബം പങ്കെടുക്കുന്ന തീരദേശ റോഡ്‌ഷോകളും കുടുംബസംഗമങ്ങളും വിജയകരമായി മുന്നേറുകയാണ്. മണ്‍മറഞ്ഞ പിഎംഎസ്എ പൂക്കോയ തങ്ങള്‍, സയ്യിദ് മുഹമ്മദലി ശിഹാബ് തങ്ങള്‍, സയ്യിദ് ഹൈദരലി ശിഹാബ് തങ്ങള്‍, സയ്യിദ് ഉമറലി ശിഹാബ് തങ്ങള്‍ എന്നിവരും തിരഞ്ഞെടുപ്പ് കാലത്ത് നയിച്ച പര്യടനങ്ങള്‍ ജനങ്ങളുടെ ഓര്‍മകളില്‍ മങ്ങാതെ നില്‍ക്കുന്ന ഹൃദ്യമായ കാഴ്ച്ചകളാണ്.

 

Continue Reading

Trending