Video Stories

ഞാനൊന്നു നോക്കീ, അവനൊന്നു നോക്കീ

Published

7 years ago

March 4, 2017

പൂഞ്ഞാര്‍ സിങ്കം പി.സി ജോര്‍ജ് മാധ്യമങ്ങളോട് ചോദിക്കുന്നു, ഞാന്‍ ഇതു പോലെ വൃത്തികെട്ട ഒരുത്തനെ തല്ലിയെന്ന് പറഞ്ഞാല്‍ നിങ്ങള്‍ വിശ്വസിക്കുമോ എന്ന്. കെ.ആര്‍ ഗൗരിയമ്മ തന്തയില്ലായ്മ പറയുന്നുവെന്ന് പറഞ്ഞതിനെ കുറിച്ച് ചോദിച്ചപ്പോഴും ഞാനങ്ങനെ പറയുമെന്ന് നിങ്ങള്‍ കരുതുന്നുണ്ടോ എന്ന മറു ചോദ്യമായിരുന്നു പി.സിയുടെ ആവനാഴിയില്‍. സ്വന്തമായി ഒരു കേരള ജനപക്ഷം രൂപവത്കരിച്ച് ദിവസങ്ങള്‍ പിന്നിടും മുമ്പാണ് വനിതാ കാന്റീന്‍ ജീവനക്കാരനെ മര്‍ദിച്ചുവെന്ന പരാതി ഈ ജനനേതാവിനെതിരെ ഉണ്ടായിരിക്കുന്നത്. പൊലീസ് കേസ് രജിസ്റ്റര്‍ ചെയ്തിട്ടുണ്ട്.
ഈരാറ്റുപേട്ട അരുവിത്തറയില്‍ ചാക്കോച്ചന്‍ – മറിയാമ്മ ദമ്പതികളുടെ മകന്‍ പി.സി കേരള രാഷ്ട്രീയത്തിലെ അപൂര്‍വ ബഹുമതികളുടെ ഉടമയാണ്. 1980 മുതല്‍ ഇരുമുന്നണികളുടെ ഭാഗമായി കോട്ടയം പൂഞ്ഞാറില്‍ നിന്ന് ഏഴു തവണ നിയമ സഭയിലെത്തിയ ജോര്‍ജ് ഇക്കുറി ജയിച്ചത് ഇരു മുന്നണി സ്ഥാനാര്‍ഥികളെയും തോല്‍പിച്ചാണ്. 2011ല്‍ 59809 വോട്ടാണ് യു.ഡി.എഫിന്റെ ഭാഗമായിരുന്ന പി.സിക്ക് ലഭിച്ചതെങ്കില്‍ 2016ല്‍ രണ്ടു മുന്നണികളെയും ഒന്നിച്ച് നേരിട്ടപ്പോള്‍ വോട്ട് 63621 ആയി വര്‍ധിച്ചത് ശ്രദ്ധേയമാണ്. മണ്ഡലത്തിലെ ഇടതുവോട്ടിലാണ് വലിയ ചോര്‍ച്ചയുണ്ടായത്. ഇടതു സ്ഥാനാര്‍ഥി മൂന്നാം സ്ഥാനത്തേക്ക് പിന്തള്ളപ്പെട്ടു.
വിവാദങ്ങള്‍ ജോര്‍ജിന്റെ കൂടെപ്പിറപ്പെന്ന പോലെയാണ്. യൂട്യൂബില്‍ കയറി രാഷ്ട്രീയക്കാരുടെ തെറിയെന്ന് കൊടുത്തു തെരഞ്ഞാല്‍ കയറി വരുന്നതിലേറെയും ജോര്‍ജിന്റെ സാംസ്‌കാരിക ഭാഷണങ്ങളാണ്. ‘തന്ത’യാണ് പ്രധാന ദൗര്‍ബല്യം. നവതി പിന്നിട്ട പരിണതപ്രജ്ഞയായ കെ.ആര്‍ ഗൗരിയമ്മയെ തന്തയില്ലായ്മക്ക് ശിക്ഷിച്ച ജോര്‍ജ് ഗണേഷനെയും പിള്ളയെയും ഒന്നിച്ചാണ് വിളിച്ചത്. ബാര്‍ കോഴക്കേസ് ചര്‍ച്ചക്കിടയില്‍ ബിജു രമേശിന്റെ തന്തക്ക് വിളിക്കുന്നത് സാമൂഹ്യ മാധ്യമങ്ങളില്‍ ലൈവാണ്. എന്നിട്ട് കൂളായി ചോദിക്കും. ഞാനങ്ങനെ വിളിക്കുമെന്ന് തോന്നുന്നുണ്ടോ എന്ന്. കാന്റീനിലെ ജീവനക്കാരന്‍ ഊണ് വൈകിച്ചതിന് ശകാരിച്ചെന്നേയുള്ളൂവെന്നാണ് ജോര്‍ജിന്റെ വിശദീകരണം. കാന്റീനിലെ പയ്യനെ വൃത്തി കെട്ടവന്‍ എന്നും എടാ എന്നും വിളിച്ചെന്ന് ജോര്‍ജ് തന്നെ സമ്മതിക്കുന്നു.
കേരള കോണ്‍ഗ്രസിന്റെ വിദ്യാര്‍ഥി പ്രസ്ഥാനമായ കെ.എസ്.സിയിലൂടെയാണ് ജോര്‍ജും രാഷ്ട്രീയത്തിലേക്ക് വന്നത്. 1971-76 കാലത്ത് കെ.എസ്.സി എറണാകുളം ജില്ലാ കമ്മിറ്റിയിലും സംസ്ഥാന കമ്മിറ്റിയിലും ഭാരവാഹിയായി. 1980ല്‍ തന്നെ നിയമസഭയിലേക്ക് മത്സരിക്കാന്‍ അവസരം കിട്ടി. ജയിക്കുകയും ചെയ്തു. 1987ല്‍ തോല്‍ക്കുകയും 1991ല്‍ മത്സരത്തില്‍നിന്ന് മാറി നില്‍ക്കുകയും ചെയ്തതൊഴിച്ചാല്‍ പൂഞ്ഞാറില്‍ ജോര്‍ജുണ്ടായിരുന്നു. ഇടതുമുന്നണിയുടെ ഭാഗമായ പി.ജെ ജോസഫ് വിഭാഗം കേരള കോണ്‍ഗ്രസിന്റെ നേതാവും നിയമസഭാംഗവുമായിരിക്കെ സി.പി.എമ്മിലെ വി.എസ്- പിണറായി പോരില്‍ പക്ഷം പിടിച്ച ജോര്‍ജിന് മുന്നണിയില്‍ നിന്നും പാര്‍ട്ടിയില്‍ നിന്നും പുറത്തു പോകേണ്ടിവന്നു. ഇനി പുറത്തുപോകാന്‍ വേണ്ടിയാണോ പക്ഷം പിടിച്ചതെന്ന് തീര്‍ത്തു പറയാന്‍ വയ്യ. ജോസഫില്‍ നിന്ന് പുറത്തുവന്ന് സ്വന്തമായി കേരള കോണ്‍ഗ്രസ് (സെക്കുലര്‍ ) രൂപവത്കരിച്ച ജോര്‍ജ് അധികം വൈകാതെ മാണി വിഭാഗത്തില്‍ ലയിക്കുകയും അവിടെ വൈസ് ചെയര്‍മാനാകുകയും ചെയ്തു. കേരള കോണ്‍ഗ്രസ് എമ്മില്‍ ലയിച്ചുകൊണ്ട് പി.സി നടത്തിയ പ്രസംഗവും ഇപ്പോള്‍ സാമൂഹ്യ മാധ്യമങ്ങളില്‍ ലഭ്യമാണ്. മാണിയുടെ അധ്വാന വര്‍ഗ സിദ്ധാന്തത്തെ അദ്ദേഹം പുകഴ്ത്തി. മാണി പുത്രന്‍ ജോസ് കെ മാണിയെയും പുകഴ്ത്താന്‍ പി.സി മറന്നില്ല. മീനച്ചിലാറില്‍ പിന്നെയും കുറെ വെള്ളം ഒഴുകിയ ശേഷമാണ് വെളിപാടിന് ശേഷമെന്ന വണ്ണം ജോസഫ് തന്നെയും ഇടതു മുന്നണി വിടുകയും മാണി വിഭാഗത്തില്‍ ലയിക്കുകയും ചെയ്തത്. പക്ഷെ ജോര്‍ജിന്റെ വൈസ് ചെയര്‍മാന്‍ കസേരക്ക് ഇളക്കമുണ്ടായില്ല.
2011ലെ നിയമസഭാ തെരഞ്ഞെടുപ്പില്‍ ഒമ്പത് എം.എല്‍.എമാരിലേക്ക് ചുരുങ്ങിയ കേരള കോണ്‍ഗ്രസ് (എം.) രണ്ടു മന്ത്രി സ്ഥാനമാണ് ആവശ്യപ്പെട്ടത്. മാണിയും പി.ജെ ജോസഫും അവ പങ്കിട്ടു. മൂന്നു ചോദിക്കണമന്നും താങ്കള്‍ മന്ത്രിയാവണമെന്നും മാണി പാര്‍ട്ടി യോഗത്തില്‍ പറഞ്ഞെങ്കിലും രഹസ്യമായി താന്‍ മന്ത്രിയാവുന്നതിനെതിരെ കരുക്കള്‍ നീക്കിയത് മാണിയാണെന്ന് വിശ്വസിക്കാന്‍ പ്രയാസമില്ല. ഡെപ്യൂട്ടി സ്പീക്കര്‍ പദവി ഔദ്യോഗികമായി ചോദിച്ചെങ്കിലും അവസാനം ഗവ. ചീഫ് വിപ്പ് പദവി ലഭിച്ചു. കാറും സൗകര്യങ്ങളുമുള്ള ഈ പദവി വഹിച്ചുകൊണ്ടിരിക്കെയാണ് മുന്നണിയുടെ കടയ്ക്കല്‍ വാളു വെച്ചു തുടങ്ങുന്നത്. പാലക്കാട്ടെ എസ്റ്റേറ്റ് ഏറ്റെടുക്കുന്നതുമായി ബന്ധപ്പെട്ട് വനം വകുപ്പ് മന്ത്രിഗണേഷിനോട് ഏറ്റുമുട്ടിയാണ് തുടങ്ങിയത്. അത് ഗണേഷിന്റെ രാജിയിലാണ് കലാശിച്ചത്. ഉമ്മന്‍ചാണ്ടി സര്‍ക്കാറിന്റെ തുടക്കത്തില്‍ മുന്നണിയുടെ നിയമസഭയിലെ ഭൂരിപക്ഷം വര്‍ധിപ്പിക്കാന്‍ ഉതകും വിധത്തില്‍ സി.പി.എം അംഗം സെല്‍വരാജിനെ രാജി വെപ്പിച്ചത് പി.സിയാണെന്ന് വാര്‍ത്തിയുണ്ടായിരുന്നു. ഉമ്മന്‍ചാണ്ടിക്കെതിരെ വിധി നല്‍കിയ വിജിലന്‍സ് ജഡ്ജിയെ അധിക്ഷേപിച്ചതും തലവേദനയായി. ഇതിനിടയില്‍ തക്കം കിട്ടുമ്പോഴെല്ലാം ഇനി കെ.എം മാണി മുഖ്യമന്ത്രിയാവട്ടെ എന്ന പ്രചരണവും നടത്തി ഉമ്മന്‍ചാണ്ടിക്കും മറ്റും അലോസരമുണ്ടാക്കി. പെട്ടെന്നാണ് ഇടിത്തീയെന്ന പോലെ ബാര്‍ കോഴക്കേസ് ഉയര്‍ന്നുവന്നത്. ആദ്യം മാണിയെ പിന്തുണച്ച ജോര്‍ജ് പിന്നീട് പരസ്യമായി മാണിയെയും പുത്രനെയും വെല്ലുവിളിച്ചു. 2016ല്‍ ഇടതുപക്ഷത്തു നില്‍ക്കാന്‍ ജോര്‍ജ് തയ്യാറായിരുന്നെങ്കിലും പിണറായി അടുപ്പിച്ചില്ലെന്ന് മാത്രമല്ല, ജോര്‍ജ് നിയമസഭ കാണാതിരിക്കാന്‍ പൂഞ്ഞാറില്‍ രണ്ടുതവണ പ്രചാരണത്തിനെത്തുകയും ചെയ്തു പിണറായി. ജോര്‍ജിന് അതു തണലായെന്ന് വേണം കരുതാന്‍.

india

മണിപ്പൂര്‍ കലാപം; ബി.ബി.സി റെയ്ഡ് -കേന്ദ്ര സര്‍ക്കാറിനെതിരെ രൂക്ഷവിമര്‍ശനവുമായി അമേരിക്ക

ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു.

Published

5 hours ago

April 23, 2024

webdesk13

മണിപ്പൂരിലെ വംശീയ സംഘർഷത്തിലടക്കം കേന്ദ്ര സർക്കാറിനെതിരെ രൂക്ഷ വിമർശനവുമായി അമേരിക്കൻ വിദേശകാര്യ വകുപ്പ്. ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു. കേന്ദ്ര സർക്കാരിനെ വിമർശിക്കുന്ന മാധ്യമങ്ങൾ ഭീഷണി രാജ്യത്ത് നേരിടുകയാണെന്നും റിപ്പോർട്ടിൽ വിമർശനമുണ്ട്.

യു.എസ് സ്റ്റേറ്റ് ഡിപ്പാർട്ട്‌മെന്‍റ് തിങ്കളാഴ്ചയാണ് വാർഷിക മനുഷ്യാവകാശ വിശകലന റിപ്പോർട്ട് പ്രസിദ്ധീകരിച്ചത്. 200 രാജ്യങ്ങളിലെ മനുഷ്യാവകാശ പ്രശ്നങ്ങൾ ഉൾകൊള്ളുന്നതാണ് റിപ്പോർട്ട്. മണിപ്പൂരിലെ വംശീയ സംഘർഷം അടിച്ചമർത്തുന്നതിലെ പരാജയം, ഇന്ത്യയിലെ പ്രതിപക്ഷ പാർട്ടികൾ നേരിടുന്ന പ്രതിബന്ധങ്ങൾ, ഹർദീപ് സിങ് നിജ്ജറിന്‍റെ കൊലപാതകത്തിലെ ആരോപണം എന്നിവ ഇന്ത്യയിലെ ഗുരുതരമായ മനുഷ്യാവകാശ പ്രശ്‌നങ്ങളിൽ പെടുന്നുവെന്ന് റിപ്പോർട്ട് പറയുന്നു.

വംശീയ സംഘർഷം പൊട്ടിപ്പുറപ്പെട്ടതിന് ശേഷം മണിപ്പൂരിൽ ഗുരുതരമായ മനുഷ്യാവകാശ ലംഘനങ്ങളാണ് അരങ്ങേറിയത്. സായുധ സംഘട്ടനം, ലൈംഗിക അതിക്രമങ്ങൾ എന്നിവ മണിപ്പൂരിൽ നിന്നും റിപ്പോർട്ട് ചെയ്യപ്പെട്ടു -സ്റ്റേറ്റ് ഡിപ്പാർട്ട്‌മെന്‍റ് ചൂണ്ടിക്കാട്ടുന്നു.

രാഹുൽ ഗാന്ധിയെ അയോഗ്യാനാക്കിയ സംഭവം റിപ്പോർട്ടിൽ പറയുന്നുണ്ട്. സർക്കാരിനെ വിമർശിക്കുന്ന വീക്ഷണങ്ങൾ പ്രകടിപ്പിക്കുന്ന മാധ്യമപ്രവർത്തകരും മാധ്യമസ്ഥാപനങ്ങലും അറസ്റ്റിനും ഭീഷണികൾക്കും വിധേയരായിട്ടുണ്ടെന്ന് റിപ്പോർട്ട് പറയുന്നു. ആദായനികുതി വകുപ്പ് ബി.ബി.സിയുടെ ഡൽഹി, മുംബൈ ഓഫീസുകളിൽ 60 മണിക്കൂർ റെയ്ഡ് നടത്തിയതും റിപ്പോർട്ടിൽ പരാമർശിക്കുന്നു.

crime

യു.പിയിൽ ബി.ജെ.പി സ്ഥാനാർഥിയുടെ പ്രചാരണ റാലിക്കിടെ വ്യാപക പോക്കറ്റടി

റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്.

Published

8 hours ago

April 23, 2024

webdesk13

ഉത്തര്‍പ്രദേശിലെ മീററ്റില്‍ ബി.ജെ.പി സ്ഥാനാര്‍ഥി അരുണ്‍ ഗോവിലിന്റെ പ്രചാരണ റാലിക്കിടെ വ്യാപക പോക്കറ്റടി. റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്. മാധ്യമപ്രവര്‍ത്തകരും പോക്കറ്റടിക്ക് ഇരയായിട്ടുണ്ട്.

‘രാമായണം’ സീരിയലില്‍ ശ്രീരാമനായി അഭിനയിച്ച നടനാണ് മീററ്റിലെ ബി.ജെ.പി സ്ഥാനാര്‍ഥി അരുണ്‍ ഗോവില്‍. സീരിയലിലെ മറ്റ് കഥാപാത്രങ്ങളെ അവതരിപ്പിച്ച താരങ്ങളെ അണിനിരത്തിയായിരുന്നു മീററ്റില്‍ പ്രചാരണ റാലി നടത്തിയത്. സീതയായി അഭിനയിച്ച ദീപിക ചിഖ്‌ലിയ, ലക്ഷ്മണനായി അഭിനയിച്ച സുനില്‍ ലാഹ്രി എന്നിവര്‍ പങ്കെടുത്തിരുന്നു.

വ്യാപാരിയായ കുല്‍ഭൂഷണ്‍ എന്നയാള്‍ 36,000 രൂപ പോക്കറ്റടിച്ചതായി കാണിച്ച് പൊലീസില്‍ പരാതി നല്‍കി. റാലി കണ്ടപ്പോള്‍ കടയില്‍ നിന്നിറങ്ങി അടുത്തേക്ക് പോയതാണെന്ന് കുല്‍ഭൂഷണ്‍ പറഞ്ഞു. കടയിലെ പണം പോക്കറ്റില്‍ വെച്ചിരുന്നു. റാലി കണ്ട് തിരികെയെത്തിയപ്പോഴാണ് പോക്കറ്റിലെ പണം നഷ്ടമായത് അറിയുന്നത് -കുല്‍ഭൂഷണ്‍ പറഞ്ഞു.

This is a perfect example of how BJP loots nation in the name Jai Sriram!

A shop owner in Meetut lost his money when he went to greet BJP Arun Govil and his workers, listen to him 👇🏽👇🏽 pic.twitter.com/3wzHFO8e6F

— Vijay Thottathil (@vijaythottathil) April 23, 2024

ബി.ജെ.പി പ്രാദേശിക നേതാവായ അലോക് സിസോദിയയുടെ മൊബൈല്‍ ഫോണ്‍ റാലിക്കിടെ മോഷ്ടിക്കപ്പെട്ടു. റാലിയിലെ തിരക്ക് മുതലെടുത്ത് ചില മോഷ്ടാക്കള്‍ കടന്നുകയറിയെന്നാണ് ബി.ജെ.പി നേതാക്കള്‍ പറയുന്നത്.

അതേസമയം, മോഷണസംഭവങ്ങളില്‍ മൂന്ന് പേരെ പൊലീസ് അറസ്റ്റ് ചെയ്തിട്ടുണ്ട്. ഏപ്രില്‍ 26ന് നടക്കുന്ന രണ്ടാംഘട്ടത്തിലാണ് മീററ്റില്‍ തെരഞ്ഞെടുപ്പ്.

Article

വിശ്രമമില്ലാതെ പാണക്കാട് കുടുംബം

വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍.

Published

2 days ago

April 22, 2024

webdesk13

ഇഖ്ബാല്‍ കല്ലുങ്ങല്‍

മലപ്പുറം: കേരളീയ സമൂഹത്തിന്റെ സുകൃതമാണ് പാണക്കാട് സയ്യിദ് ശിഹാബ് തങ്ങള്‍ കുടുംബം. മുസ്‌ലിം ലീഗിന്റെ നേത്യരംഗത്ത് ശോഭ വിതറുന്ന ശിഹാബ് തങ്ങള്‍ കുടുംബത്തിനു തിരഞ്ഞെടുപ്പ് കാലത്ത് തിരക്കുകള്‍ കൂടുന്ന ദിനങ്ങളാണ്. വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍. മുസ്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍, മുസ്ലിം ലീഗ് മലപ്പുറം ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍, മുസ്ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍, സയ്യിദ് റഷീദലി ശിഹാബ് തങ്ങള്‍, സയ്യിദ ്ഹമീദലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍. തുടങ്ങിയവര്‍ വോട്ട് അഭ്യാര്‍ത്ഥിച്ച് പൊതുസമ്മേളനങ്ങള്‍ മുതല്‍ കു ടുംബ സംഗമങ്ങള്‍ വരെ വിശ്രമമില്ലാതെ ഓടുകയാണ്.

പാണക്കാട് കുടുംബത്തില്‍ നിന്നും വോട്ട് അഭ്യാര്‍ത്ഥിച്ച് എത്തുന്നത് വോട്ടര്‍മാരില്‍ വലിയ സ്വാധീനമാണുളവാക്കുന്നത്. മതസാഹോദര്യത്തിനു ഊന്നല്‍ നല്‍കികൊണ്ട് രാജ്യത്തെ രക്ഷിക്കേണ്ട പോരാട്ടമാ ണിതെന്ന് പറഞ്ഞ് വോട്ട് അഭ്യര്‍ത്ഥിക്കുന്നത് വോട്ടര്‍മാര്‍ സ്‌നേഹപൂര്‍വമാണ് സ്വീകരിക്കുന്നത്. മുസ്ലിം ലീഗ് ദേശീയ രാഷ്ട്രീയകാര്യസമിതി ചെയര്‍മാന്‍ കൂടിയായ സാദിഖലി ശിഹാബ് തങ്ങള്‍ കേരളത്തിനകത്തും പുറത്തും പ്രചാരണത്തില്‍ ശ്രദ്ധകേന്ദ്രീകരിക്കുന്നു. രാഹുല്‍ ഗാന്ധിക്കൊപ്പം ഇന്ത്യമുന്നണിക്ക് സാദിഖലി ശിഹാബ് തങ്ങള്‍ പകരുന്ന ആവേശവും കരുത്തും ചെറുതല്ല. മുസ്ലിം ലീഗ് സ്ഥാനാര്‍ത്ഥികളെ പ്രഖ്യാപിച്ച സാദിഖലി ശിഹാബ് തങ്ങള്‍ തന്നെയാണ് ഇ.ടി മുഹമ്മദ് ബഷീറിന്റെയും അബ്ദുസമദ് സമദാനിയുടെയും പ്രചാരണങ്ങള്‍ക്ക് തുടക്കം കുറിച്ചതും. യുഡിഎഫിന്റെ വിവിധ സ്ഥാനാര്‍ത്ഥികളുടെ പ്രചാരണങ്ങള്‍ക്ക് സാദിഖലി ശിഹാബ്ദ് തങ്ങളുടെ സാന്നിധ്യം എന്തൊന്നില്ലാ ആത്മവിശ്വാസമാണ് പകരുന്നത്. സംസ്ഥാനത്തിന്റെ ഒരറ്റം മുതല്‍ മറ്റേയറ്റം വരെ സാദിഖലി ശിഹാബ് തങ്ങള്‍ വിശ്രമമില്ലാതെ സഞ്ചരിക്കു കയാണ്. കേരളത്തില്‍ എല്ലാ സീറ്റിലും യു.ഡി.എഫ് വിജയം വരിക്കുന്നതിനു ആവശ്യമായ കര്‍മപഥമാണ് സാദിഖലി ശിഹാബ് തങ്ങള്‍ തുറക്കുന്നത്. എല്ലായിടത്തും കുടുംബ സംഗമങ്ങളിലും തീരദേശ മലയോര മേഖലകളിലും സാദിഖലി ശിഹാബ് തങ്ങളുടെ പര്യടനങ്ങള്‍ക്ക് ഗംഭീര സ്വീകാര്യതയാണ്.

മുസ്ലിംലീഗ് സ്ഥാനാര്‍ത്ഥികള്‍ക്ക് നാമനിര്‍ദേശ പത്രികയും കെട്ടിവെക്കാനുള്ള തുകയും കൈമാറിയ ശേഷം വയനാട്ടില്‍ രാഹുല്‍ഗാന്ധിയുടെ റോഡ്‌ഷോയിലും പത്രിക സമര്‍പ്പണത്തിലും പാണക്കാട് സയ്യിദ് അബ്ബാസലി ശിഹാബ്തങ്ങള്‍ നിറസാന്നിധ്യമായിരുന്നു. തിരഞ്ഞെടുപ്പ് കണ്‍വന്‍ഷനുകളിലും പ്രചാരണ ഉദ്ഘാടനങ്ങളും കുടുംബ സംഗമങ്ങളിലും പങ്കെടുത്ത് സയ്യിദ് അബ്ബാസലി ശിഹാബ്തങ്ങള്‍ യു.ഡി.എഫിന്റെ വിജയമോതുന്നു. വിവിധ സ്ഥലങ്ങളിലെ പര്യടനത്തിലുടനീളം ജനകീയ വരവേല്‍പ്പാണ് അബ്ബാസലി തങ്ങള്‍ക്ക് ലഭിക്കുന്നത്.

സയ്യിദ് അബ്ബാസലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍,സയ്യിദ് റഷീദലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍ മുസ്ലിംയൂത്തീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ പൊന്നാനിയിലും മലപ്പുറത്തും മറ്റു ലോക്‌സഭാ മണ്ഡലങ്ങളിലും ആവേശം വിതറുന്നു. രാജ്യത്തെ ഭിന്നിപ്പിച്ച് ഭരിക്കുന്ന ഭരണകൂടത്തിനെതിരെയും ജനദ്രോഹനയങ്ങള്‍ തുടരുന്ന കേരളസര്‍ക്കാറിനെതിരെയും പ്രതികരിക്കാനുള്ള അവസരമാണിതെന്ന് ഓരോ കേന്ദ്രത്തിലും സയ്യിദ് മുനവ്വറലി ശിഹാബ് തങ്ങള്‍ പറഞ്ഞു. യംഗ് ഇന്ത്യ പരിപാടികളിലും തങ്ങള്‍ ശ്രദ്ധേയമായി. തിരൂരിലും മറ്റുമായി വിവിധ കുടുംബസംഗമങ്ങളില്‍ പങ്കെടുത്ത് മലപ്പുറം മണ്ഡലും മുസ്ലിംലീഗ് പ്രസിഡന്റു കൂടിയായ സയ്യിദ് റഷീദലി ശിഹാബ് തങ്ങള്‍ അനുഗ്രഹ സാന്നിധ്യമായി കേന്ദ്ര-സംസ്ഥാന സര്‍ക്കാറുകളുടെ ജനദ്രോഹ ഭരണം സയ്യിദ് റഷീദലി ശിഹാബ് തങ്ങള്‍ വിശദീകരിക്കുമ്പോള്‍ വോട്ടര്‍മാര്‍ അതേറ്റുവാങ്ങുന്നു.

പ്രചാരണപ്രവര്‍ത്തനങ്ങളില്‍ സജീവമാണ് മലപ്പുറം മുനിസിപ്പല്‍ മുസ്ലിംലീഗ് പ്രസിഡന്റ് കൂടിയായ സയ്യിദ് ഹമീദലി ശിഹാബ് തങ്ങള്‍, മലപ്പുറത്തും പൊന്നാനിയിലും മറ്റിടങ്ങളിലും കുടുംബസംഗമങ്ങളിലും കണ്‍വന്‍ഷനുകളിലും പ്രചാരണ ഉദ്ഘാടനങ്ങളിലും ഹമിദലി ശിഹാബ് തങ്ങള്‍ യു.ഡി.എഫ് വിജയ ത്തിന്റെ അനിവാര്യത ബോധ്യപ്പെടുത്തി.

പാണക്കാട് സയ്യിദ് ബഷീറലി ശിഹാബ് തങ്ങളും കുടുംബസംഗമങ്ങളില്‍ പങ്കെടുത്തു. പാണക്കാട് സയ്യിദ് മുഈനലി ശിഹാബ് തങ്ങള്‍ എടപ്പാളിലുള്‍പ്പെടെ തിരഞ്ഞെടുപ്പ് കാമ്പയിന്‍ നയിച്ചതും ശ്രദ്ധേയമായി. പാണക്കാട് സയ്യിദ് കുടുംബം പങ്കെടുക്കുന്ന തീരദേശ റോഡ്‌ഷോകളും കുടുംബസംഗമങ്ങളും വിജയകരമായി മുന്നേറുകയാണ്. മണ്‍മറഞ്ഞ പിഎംഎസ്എ പൂക്കോയ തങ്ങള്‍, സയ്യിദ് മുഹമ്മദലി ശിഹാബ് തങ്ങള്‍, സയ്യിദ് ഹൈദരലി ശിഹാബ് തങ്ങള്‍, സയ്യിദ് ഉമറലി ശിഹാബ് തങ്ങള്‍ എന്നിവരും തിരഞ്ഞെടുപ്പ് കാലത്ത് നയിച്ച പര്യടനങ്ങള്‍ ജനങ്ങളുടെ ഓര്‍മകളില്‍ മങ്ങാതെ നില്‍ക്കുന്ന ഹൃദ്യമായ കാഴ്ച്ചകളാണ്.