ഇന്ധന ടാങ്കര്‍ ട്രെയിനിന് തീപ്പിടിച്ചു; പരിശോധനയ്ക്കിടെ വീണ്ടും ഓടി

കോട്ടയം: ഇന്ധനവുമായി പോയ ഗുഡ്‌സ് ട്രെയിനിന് തീപിടിച്ചു. ടാങ്കറില്‍ നിന്നും ഇന്ധനം ചോര്‍ന്നാണ് തീ പടര്‍ന്നത്. കൃത്യസമയത്ത് തീ അണച്ചതിനാല്‍ ഒഴിവായത് വന്‍ ദുരന്തം. വെള്ളിയാഴ്ച ഉച്ചയ്ക്ക് ഒരു മണിയോടെ കോട്ടയം റെയില്‍വെ സ്റ്റേഷന് സമീപമുള്ള മുട്ടമ്പലം റെയില്‍വെ ഗേറ്റിന് സമീപമായിരുന്നു അപകടം. തിരുവനന്തപുരത്തേയ്ക്ക് ഇന്ധനവുമായി പോയ ചരക്ക് വണ്ടിയാണ് അപകടത്തില്‍പെട്ടത്. ചോര്‍ന്നു പോയ ഇന്ധനത്തിലേക്ക് വൈദ്യുതി ലൈനിലെ തീപ്പൊരിയില്‍ നിന്ന് തീപിടിക്കുകയായിരുന്നെന്നാണ് പ്രാഥമിക വിവരം.

അതേസമയം തീപിടിത്തമുണ്ടായ ഇന്ധന ടാങ്കര്‍ ട്രെയിന്‍ അനുമതിയില്ലാതെ യാത്ര തുടരുന്നതായും റിപ്പോര്‍ട്ടുണ്ട്. കോട്ടയം മുട്ടമ്പലത്ത് നിര്‍ത്തിയിട്ട ടാങ്കര്‍ ട്രെയിന്‍ പരിശോധനയ്ക്കിടെ പുറപ്പെട്ടതയാണ് റിപ്പോര്‍ട്ട്. സ്റ്റേഷന്‍ മാസ്റ്ററുടെയും ഫയര്‍ ഫോഴ്സിന്റെയും നിര്‍ദേശം അവഗണിച്ചാണ് യാത്ര.

SHARE