ഒരുമാസം മുമ്പുതന്നെ ശരീരം ഹാര്‍ട്ട് അറ്റാക്കിന്റെ സൂചനകള്‍ നല്‍കും; അവ ഇതൊക്കെയാണ്…

ശരീരം ഹാര്‍ട്ട് അറ്റാക്ക് വരുന്നതിന് ഏതാണ്ട് ഒരു മാസം മുന്‍പു തന്നെ ചില ലക്ഷണങ്ങള്‍ കാണിച്ചു തരുന്നുവെന്നതാണ് സയന്‍സ് പറയുന്നത്. ഈ ലക്ഷണങ്ങള്‍ അറിയാതെ പോകുന്നതാണ് പലരും അപകടങ്ങളിലേക്ക് പോകുന്നതിന് കാരണം. ചില ലക്ഷണങ്ങള്‍ നാം അവഗണിയ്ക്കുകയും ചെയ്യുന്നു. ഒരുമാസം മുമ്പ് തന്നെ അനുഭവപ്പെടുന്ന ലക്ഷണങ്ങള്‍ ഇവയൊക്കെയാണ്.

ഹൃദയസ്പന്ദനങ്ങളില്‍ വരുന്ന മാറ്റങ്ങള്‍, മറ്റു കാരണങ്ങള്‍, അതായത് ബിപി പോലുള്ള കാരണങ്ങളില്ലാതെ വരുന്ന ലക്ഷണങ്ങള്‍, വല്ലാത്ത കിതപ്പ് എന്നിവയും ഇതിന്റേതായി ശരീരം തരുന്ന സ്വാഭാവിക സൂചന തന്നെയാണ്. ഹൃദയമിടിപ്പു വല്ലാതെ വര്‍ദ്ധിയ്ക്കുന്നതിനോടൊപ്പം തലചുറ്റല്‍, ശ്വാസമെടുക്കാനുള്ള ബുദ്ധിമുട്ട്, വല്ലാത്ത ക്ഷീണം എന്നിവയനുഭവപ്പെടുന്നുവെങ്കില്‍ ഹൃദയാഘാതമടുത്തെത്തിയെന്നതിന്റെ ലക്ഷണമാണ്. ഇത് പെട്ടെന്നുള്ള അറ്റാക്ക് ലക്ഷണമാകാം, അല്ലെങ്കില്‍ അരെത്തിമിയ എന്ന അവസ്ഥയും ഹൃദയാഘാതം വരുന്നതുമായിരിയ്കും. ഹൃദയതാളം കൃത്യമല്ലാത്ത അവസ്ഥയാണ് അരെത്തിമിയ എന്നറിയപ്പെടുന്നത്. മാറെല്ലിനു താഴെയായി വലതു വശത്തുണ്ടാകുന്ന വേദന, അല്ലെങ്കില്‍ നെഞ്ചിന് നടുഭാഗത്തിനു തൊട്ടിടതായി ഉണ്ടാകുന്ന വേദന ഹൃദയാഘാതത്തിന്റെ ഒരു ലക്ഷണമാണ്.

വല്ലാതെ കാരണമില്ലാതെ വിയര്‍ക്കുന്നതാണ്

വല്ലാതെ കാരണമില്ലാതെ വിയര്‍ക്കുന്നതാണ് ഒരു ലക്ഷണം. ഹൃദയത്തിന് രക്തം പമ്പു ചെയ്യുവാന്‍ കൂടുതല്‍ സമ്മര്‍ദം അനുഭവിയ്‌ക്കേണ്ടി വരുന്നതാണ് ഇതിനുള്ള മറ്റൊരു കാരണമെന്നു വേണം, പറയുവാന്‍. ഇതിനാല്‍ തന്നെ കൂടുതല്‍ വിയര്‍ക്കുന്നു. ഹൃദയത്തിന് അനുഭവപ്പെടുന്ന സമ്മര്‍ദം ശരീര്ത്തില്‍ ചൂടായി മാറുന്നു. ഈ ചൂടു കുറയ്ക്കാന്‍ ശരീരം സ്വാഭാവികമായി വിയര്‍പ്പുല്‍പാദിപ്പിയ്ക്കുന്നു. ക്ഷീണം, തളര്‍ച്ച എന്നിവ പല കാരണങ്ങളാലുമുണ്ടാകാം. ചിലത് നമുക്കറിവുള്ള കാരണങ്ങള്‍ തന്നെ. എന്നാല്‍ പ്രത്യേകിച്ചൊരു കാരണവുമില്ലാതെ തുടര്‍ച്ചയായി ക്ഷീണം, തളര്‍ച്ച അനുഭവപ്പെടുന്നുവെങ്കില്‍ ഇത് അറ്റാക്കിനു മുന്നോടിയായുള്ള ഒന്നാണെന്നു പറയാം. മാസം മുന്‍പു തന്നെ ഇത്തരം ലക്ഷണം അനുഭവപ്പെടും.

നെഞ്ചില്‍ ഉണ്ടാകുന്ന അസ്വസ്ഥത

നെഞ്ചില്‍ ഉണ്ടാകുന്ന അസ്വസ്ഥത, വേദന മാത്രമല്ല, ഒരു കനം, ഇതു വന്ന പലരും അഭിപ്രായപ്പെടുന്നത് നെഞ്ചിലൊരു ആന കയറി നില്‍ക്കു പോലെ എന്നതാണ്, ഇതെല്ലാം ഹൃദയാഘാതം സംഭവിയ്ക്കാന്‍ പോകുന്നുവെന്നതിന് ശരീരം നല്‍കും സ്വാഭാവിക സൂചനകളാണ്. നെഞ്ചിലൊരു ഇറുക്കം, പിഴിയുന്നതു പോലെ തോന്നല്‍ എന്നിവ ഏതാനും മിനിറ്‌റുകള്‍ക്കു മാത്രമേ ഉണ്ടാകൂ. സ്ത്രീകളുടെ കാര്യത്തില്‍ ഈ ലക്ഷണം 30 ശതമാനം സ്ത്രീകളില്‍ മാത്രമാണെന്നും മെഡിക്കല്‍ സയന്‍സ് പറയുന്നു. പലരും ഇത് ഗ്യാസ്, അസിഡിറ്റി തുടങ്ങിയവയായി കണക്കാക്കുകയും ചെയ്യും.

മുടി കൊഴിയുന്നതിന് കാരണങ്ങള്‍

മുടി കൊഴിയുന്നതിന് കാരണങ്ങള്‍ പലതാണ്. എന്നാല്‍ പെട്ടെന്ന് ഇതേ രീതിയില്‍ മുടി കൊഴിയുക, കഷണ്ടി പോലുള്ളവ അറ്റാക്ക് അടയാളങ്ങള്‍ കൂടിയാണ്. പുരുഷന്മാരില്‍ കഷണ്ടി വരുന്നത് ഹൃദയാരോഗ്യം നല്ലതല്ലാത്തതു കൊണ്ടാണെന്നു പറയാറുണ്ട്. കഷണ്ടിയും അറ്റാക്കും തമ്മില്‍ ബന്ധമുണ്ടെന്നും പറയുന്നു. വയറ്റില്‍ അനുഭവപ്പെടുന്ന വേദനയാണ് മറ്റൊന്ന്. വയറ്റില്‍ ഒന്നുമില്ലാത്തപ്പോള്‍ വേദന, വയറു നിറഞ്ഞാല്‍ മനം പിരട്ടല്‍, വയറുവേദന വന്ന് അല്‍പം കഴിയുമ്പോള്‍ പോയി വീണ്ടും വരിക എന്നിവ ഹൃദയാഘാത സൂചനകളാണ്. 50 ശതമാനം ഹൃദയാഘാതങ്ങളിലും ഇത്തരം ലക്ഷണം പറഞ്ഞു കേട്ടിട്ടുണ്ട്.

ശ്വസിയ്ക്കാനുള്ള ബുദ്ധിമുട്ടാണ്

ഇന്‍സോംമ്‌നിയ അഥവാ ഉറക്കക്കുറവ് ഹൃദയാഘാത മുന്നോടിയായി വരുന്ന ഒന്നാണ്. പ്രത്യേകിച്ചും സ്ത്രീകളില്‍. ഉറക്കം വരാതിരിയ്ക്കുക, അതിരാവിലെ ഉറക്കം പൂര്‍ത്തിയായില്ലെങ്കിലും ഉണരുക തുടങ്ങിയവയെല്ലാം തന്നെ ഇത്തരം ലക്ഷണങ്ങള്‍ പെടുന്നവയാണ്. ഇതു പോലെ തന്നെ ശ്വസിയ്ക്കാനുള്ള ബുദ്ധിമുട്ടാണ് മറ്റൊരു കാരണം. ശ്വാസതടസം അനുഭവപ്പെടും. ഹൃദയത്തിന് രക്തം പമ്പു ചെയ്യുവാന്‍ ബുദ്ധിമുട്ടുണ്ടാകുമ്പോള്‍ ഓക്‌സിജന്‍ സഞ്ചാരത്തെ ബാധിയ്ക്കുന്നതാണ് ഒരു കാരണം.

SHARE