Connect with us

Culture

ഹിജാബ് വിവാദം: വനിതാ ജനപ്രതിനിധികളെ അപമാനിച്ചതിനെതിരെ ഇ.ടി പാര്‍ലമെന്റില്‍

Published

on

സ്വന്തംലേഖകന്‍

ന്യൂഡല്‍ഹി: ലോകവനിതാ ദിനത്തില്‍ കേരളത്തില്‍ നിന്നു പങ്കെടുത്ത വനിതാ ജനപ്രതിനിധികള്‍ക്കുനേരെയുണ്ടായ അപമാനം രാജ്യത്തിനാകമാനം അപമാനമാണന്ന് മുസ്ലിംലീഗ് ദേശീയ സെക്രട്ടറി ഇടി. മുഹമ്മദ് ബഷീര്‍ എം.പി പാര്‍ലമെന്റില്‍. പ്രധാനമന്ത്രി നരേന്ദ്രമോദി പങ്കെടുത്ത വനിതാദിന പരിപാടിയില്‍ തന്നെ ഇത്തരത്തിലുള്ള സംഭവമുണ്ടായി എന്നത്‌ കേന്ദ്രസര്‍ക്കാര്‍ സ്ത്രീസുരക്ഷയേയും അവരുടെ അവകാശങ്ങളെയും എങ്ങനയാണു സമീപിക്കുന്നത് എന്നതിന്റെ തെളിവാണെന്ന് പാര്‍ലമെന്റില്‍ ശൂന്യവേളയില്‍ സംസാരിക്കവെ അദ്ദേഹം പറഞ്ഞു.

രാജ്യത്തെ ഭരണഘടന അനുവദിക്കുന്ന മതം ആചരിക്കാനും അനുഷ്ഠിക്കാനുമുള്ള അവകാശം നിഷേധിക്കാന്‍ ആര്‍ക്കും അവകാശമില്ല. മറിച്ചുള്ള നീക്കങ്ങള്‍ തടയേണ്ട ബാധ്യത സര്‍ക്കാറിനുണ്ട്. തങ്ങളുടെ സംസ്‌കാരത്തിന്റെ ഭാഗമായി ഹിജാബ് ധരിക്കുന്ന ക്ഷണിക്കപ്പെട്ട വനിതാജനപ്രതിനിധികളെ ഹിജാബ് അഴിക്കാതെ സദസ്സില്‍ പ്രവേശിപ്പിക്കില്ലന്നു ശഠിച്ച ഉദ്യോഗസ്ഥര്‍ക്കെതിരെ നടപടിയുണ്ടാവണം.

കേരളത്തില്‍ നിന്നുള്ള മറ്റ് ജനപ്രതിനിധികള്‍ കൂടി പ്രതിഷേധിച്ചതോടെയാണ് 45 മിനിറ്റിനു ശേഷം രണ്ട് വനിതാ പ്രതിനിധികള്‍ക്ക് സദസ്സില്‍ പ്രവേശിക്കാന്‍ അനുവാദം ലഭിച്ചത്. പിന്‍നിരയില്‍ ഇരിക്കാന്‍ മാത്രമാണ് അവരെ അധികൃതര്‍ അനുവദിച്ചത്. തികച്ചും പ്രതിഷേധാര്‍ഹമായ ഇത്തരം പ്രവൃത്തികള്‍ ആവര്‍ത്തിക്കരുത്. പ്രധാനമന്ത്രി പങ്കെടുത്ത പരിപാടിയിലുണ്ടായ സംഭവത്തിന്റെ ഉത്തരവാദിത്തം ഏറ്റടുത്ത് മോദി രാജ്യത്തോട് മാപ്പുപറയണമെന്നും അദ്ദേഹം കൂട്ടി ച്ചേര്‍ത്തു.

പ്രസംഗത്തിനിടെ ഇടപെട്ട പാര്‍ലിമന്ററികാര്യ സഹമന്ത്രി മുക്താര്‍ അബ്ബാസ് നഖ്‌വി ഇടി. സഭയെ തെറ്റിദ്ധരിപ്പിക്കുകയാണെന്നു പറഞ്ഞത് പ്രതിഷേധത്തിനിടയാക്കി. താന്‍ സഭയെ തെറ്റിദ്ധരിപ്പിക്കുകയല്ലെന്നും സര്‍ക്കാരാണ് കള്ളങ്ങള്‍ക്കു കൂട്ടുനില്‍ക്കുന്നത് എന്നും ഇ.ടി തിരിച്ചടിച്ചു. മാധ്യമങ്ങളിലല്ലാം വാര്‍ത്തയായ പ്രധാന വിഷയമാണ് താന്‍ സഭയിലുയര്‍ത്തിയതെന്നും ഇടി. മുഹമ്മദ് ബഷീര്‍ പറഞ്ഞു.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

തിയറ്ററിലിരുന്ന് കരയുകയായിരുന്നു, എന്‍റെ ജീവിതമാണത്’: നജീബ്

നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു

Published

on

കൊച്ചി: ‘ആടുജീവിതം’ സിനിമ കണ്ടപ്പോൾ ചില രംഗങ്ങൾ കണ്ട് തിയേറ്ററിനുള്ളിൽ ഇരുന്ന് കരയുകയായിരുന്നു താനെന്ന് നജീബ്. തന്റെ ജീവിതമാണ് സ്ക്രീനിലൂടെ കണ്ടതെന്നും നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു. ‘ആടുജീവിതം’ ആദ്യ ഷോ കണ്ടിറങ്ങിയപ്പോഴായിരുന്നു നജീബിന്‍റെ പ്രതികരണം.

പൃഥ്വിരാജ് വളരെ നന്നായി അഭിനയിച്ചിട്ടുണ്ട്. സിനിമ തിയേറ്ററിൽ എത്തുന്നത് കുടുംബം കാത്തിരിക്കുകയായിരുന്നു. എന്നാൽ മകന്റെ കുഞ്ഞ് മരിച്ചതോടെ എല്ലാവരും ദുഃഖത്തിലാണ്. എല്ലാവരും നിർബന്ധിച്ചത് കൊണ്ടാണ് ഇന്ന് സിനിമ കാണാൻ എത്തിയത്. ഇന്ന് തന്നെ സിനിമ കാണുമെന്ന് പറഞ്ഞ് നിരവധി പേരാണ് തന്നെ വിളിക്കുന്നത് -നജീബ് പറഞ്ഞു.

അതേസമയം, ഇന്ന് തിയറ്ററുകളിലെത്തിയ ചിത്രത്തിന് മികച്ച അഭിപ്രായമാണ് ലഭിക്കുന്നത്. ലോകോത്തര നിലവാരത്തിലുള്ള സിനിമയെന്നും, ബ്ലെസ്സി എന്ന സംവിധായകന്‍റെ 16 വർഷത്തെ കഠിനാധ്വാനം ഫലം കണ്ടിരിക്കുന്നുവെന്നുമെല്ലാം പ്രേക്ഷകർ അഭിപ്രായപ്പെടുന്നു.

Continue Reading

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Trending