Connect with us

Culture

കാല്‍പന്ത് മൈതാനത്തെ പന്ത്രണ്ടാമന്‍ !

Published

on

ദിബിന്‍ ഗോപന്‍

ഇന്ത്യയില്‍ വളര്‍ച്ചയുടെ പാതയിലാണ് കാല്‍പന്ത് കളി. 1950-60 കാലഘട്ടമായിരുന്നു ഇന്ത്യയിലെ കാല്‍പന്ത് കളിയുടെ സുവര്‍ണകാലഘട്ടം. 1950 ലെ ലോകകപ്പില്‍ കളിക്കാന്‍ അവസരം കിട്ടിയിരുന്നെങ്കിലും പലകാരണങ്ങളാല്‍ കളിക്കാന്‍ സാധിച്ചില്ല. പിന്നീട് ഇന്ത്യയില്‍ കാല്‍പന്ത് കളി നാശത്തിന്റെ പാതയിലേക്ക് വഴിമാറുകയായിരുന്നു. 1970-2000 വരെ അതായത് നീണ്ട മുപ്പത് വര്‍ഷം ഇന്ത്യയില്‍ കാല്‍പന്ത് കളി കൂട്ടിലടച്ച കടുവയെ പോലെയായിരുന്നു. 2000 മുതല്‍ ചെറിയ മാറ്റങ്ങള്‍ കാണാന്‍ തുടങ്ങിയെങ്കിലും ഇന്ന് കാണുന്ന മാറ്റത്തിലേക്കെത്തിയത് 2013 ന് ശേഷമാണ്.

ഐഎസ്എല്ലും ഇന്ത്യന്‍ ഫുട്‌ബോളും

2013 ല്‍ റിലയന്‍സ് ഗ്രൂപ്പിന്റെ നേതൃത്വത്തില്‍ ആരംഭിച്ച ഐഎസ്എല്‍ ഇന്ത്യന്‍ ഫുട്‌ബോളിന്റെ മുഖം തന്നെ മാറ്റി. ഇന്ത്യ എന്ന വൈവിധ്യങ്ങള്‍ നിറഞ്ഞ രാജ്യത്തെ് ജനത ഐഎസ്എല്ലിനെയും ഇരു കൈയ്യും നീട്ടി സ്വീകരിച്ചു എന്ന് വേണം പറയാന്‍. അഞ്ചാം സീസണിലേക്ക് ലീഗ് കടക്കുമ്പോള്‍ ഇന്ത്യന്‍ ടീമും പ്രതീക്ഷയിലാണ്. സെപ്തംബര്‍ 5 ന് ആരംഭിക്കുന്ന ഇന്ത്യയുടെ ലോകകപ്പ് യോഗ്യതാ മത്സരങ്ങള്‍ തന്നെയാണ് അതിന് കാരണം.

മൈതാനത്തെ പന്ത്രണ്ടാമന്‍

കാല്‍പന്തിനെ ഇഷ്ടപ്പെടുന്നവനെ കാല്‍പന്ത് ഭ്രാന്തനെന്ന് വിളിക്കാറുണ്ട്. അങ്ങനെ വിളിക്കുന്നത് അവര്‍ക്ക് ഇഷ്ടവുമാണ്. നിലവില്‍ ഇന്ത്യയില്‍ നിരവധി ക്ലബ്ബുകളുണ്ട് അവര്‍ക്കെല്ലാം ആരാധകരുമുണ്ട്. കേരളത്തിലെ ഐഎസ്എല്‍ ക്ലബ്ബായ കേരളാ ബ്ലാസ്‌റ്റേഴിന്റെ ഫാന്‍സ് കൂട്ടമായ മഞ്ഞപ്പട, 22 വര്‍ഷങ്ങള്‍ക്ക് ശേഷം കേരളത്തിലേക്ക് ഡ്യൂറന്റ് കപ്പ് എത്തിച്ച ഗോകുലം കേരളയുടെ ഫാന്‍സ് കൂട്ടം മലബാറിയന്‍സ്. എന്ന് തുടങ്ങി കേരളത്തിനകത്തും പുറത്തുമായി നിരവധി ആരാധക കൂട്ടങ്ങള്‍.

ഇന്ത്യയിലെ ഫുട്‌ബോളിന്റെ അടിവേരുകള്‍

ബംഗാള്‍ ,കേരളം, ഗോവ എന്നീ പ്രദേശങ്ങള്‍ എന്നും ഫുട്‌ബോളിനെ നെഞ്ചോട് ചേര്‍ത്ത് വെച്ചിരുന്നു. മോഹന്‍ ബഗാനും ,ഈസ്റ്റ് ബംഗാളും, ഡെംബോ ഗോവയും, ചര്‍ച്ചില്‍ ബ്രദേസും എന്നും ഇന്ത്യന്‍ ഫുട്‌ബോള്‍ ഭൂപടത്തില്‍ എഴുതിച്ചേര്‍ത്തിയത് ചരിത്രമായിരുന്നു.

ഇന്ത്യന്‍ ഫുട്‌ബോളിന്റെ ഭാവി

ഖത്തര്‍ ലോകകപ്പ് നേടും എന്ന അമിത ആഗ്രഹമൊന്നും ഇല്ലെങ്കിലും ഖത്തര്‍ ലോകകപ്പ് കളിക്കാനുള്ള അവസരം നേടിയെടുക്കാനുള്ള ശക്തി നമ്മുടെ ടീമിന് തീര്‍ച്ചയായും ഉണ്ട്. അണ്ടര്‍ 17,15,19 ടീമുകള്‍ നിലവില്‍ പങ്കെടുക്കുന്ന ടൂര്‍ണമെന്റുകളില്‍ കാണിക്കുന്ന പ്രകടനം ലോകകപ്പ് നേട്ടം അപ്രാപ്യമല്ല എന്ന് പ്രകടമാക്കുന്നതാണ്.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

മരുഭൂമിയിൽ പെയ്ത ദുരിതമഴയിൽ നിന്ന് ഗൾഫ് ജനത കരകയറട്ടെ, ആശ്വാസവാക്കുകളുമായി മമ്മൂട്ടിയും ടോവിനോയും

ഈ ദുരിതത്തില്‍ നിന്ന് ദുബൈയിലെ ജനങ്ങള്‍ എത്രയും വേഗം കരകയറട്ടെ എന്ന ആശ്വാസ വാക്കുകളുമായെത്തിയിരിക്കുകയാണ് മോളിവുഡിലെ പ്രമുഖരായ താരങ്ങള്‍.

Published

on

കഴിഞ്ഞ ദിവസങ്ങളില്‍ ദുബൈയില്‍ പെയ്ത കനത്ത മഴയില്‍ പ്രധാന നഗരങ്ങളും ഹൈവേകളും വിമാനത്താവളങ്ങളും വെള്ളത്തിനടിയിലായിരുന്നു. കഴിഞ്ഞ ഏഴുദശകത്തിനിടയില്‍ പ്രദേശത്ത് പെയ്ത ഏറ്റവും വലിയ മഴയായിരുന്നു ഇത്. ഈ ദുരിതത്തില്‍ നിന്ന് ദുബൈയിലെ ജനങ്ങള്‍ എത്രയും വേഗം കരകയറട്ടെ എന്ന ആശ്വാസ വാക്കുകളുമായെത്തിയിരിക്കുകയാണ് മോളിവുഡിലെ പ്രമുഖരായ താരങ്ങള്‍.

‘ഗള്‍ഫ് നാടുകളിലെ പ്രകൃതിക്ഷോഭം അവിടെയുള്ള സകലമാന ജീവിതങ്ങളെയും ദുരിതത്തില്‍ ആഴ്ത്തിയിരിക്കുന്നു എന്നത് വേദനയോടെ അറിയുന്നു. ആശങ്കകള്‍ മനസിലാക്കുന്നു. പരമാവധി സുരക്ഷിതരായിരിക്കുക. എല്ലാം എത്രയും പെട്ടന്ന് ശരിയാകട്ടെ എന്നാണ് മമ്മൂട്ടി പറയുന്നത്.

‘മരുഭൂമിയില്‍ സ്വപ്നനഗരിയില്‍ പടുത്തുയര്‍ത്തിയ അതേ ആര്‍ജ്ജവത്തോടെ ഈ ദുരിതപെയ്തിയില്‍ നിന്നും എത്രയും പെട്ടന്ന് സാധാരണ ജീവിതത്തിലേക്ക് തിരിച്ചെത്തുവാന്‍ നമ്മുടെ സഹോദരര്‍ ഉള്‍പ്പടെയുള്ള ഗള്‍ഫ് ജനതയ്ക്ക് സാധിക്കട്ടെ’ എന്നാണ് ടോവിനോ തോമസ് കുറിച്ചത്. നിരവധിപേര്‍ ദുബൈയി ജനതയ്ക്ക് പിന്തുണ അറിയിച്ചിട്ടുണ്ട്.

Continue Reading

Film

തർക്കം പരിഹരിച്ചു; പിവിആറിൽ മലയാള സിനിമകൾ പ്രദർശിപ്പിക്കും

നാളെ മുതൽ പിവിആർ സിനിമാസിൽ മലയാളം സിനിമകൾ പ്രദർശിപ്പിക്കും.

Published

on

പിവിആർ സിനിമാസും – പ്രൊഡ്യൂസേഴ്സ് അസോസിയേഷനുമായുള്ള തർക്കം പരിഹരിച്ചു. നാളെ മുതൽ പിവിആർ സിനിമാസിൽ മലയാളം സിനിമകൾ പ്രദർശിപ്പിക്കും.വ്യവസായി എം എ യുസഫ് അലിയുടെ മാധ്യസ്ഥതയിൽ ഫെഫ്ക്കയും പിവിആർ അധികൃതരും നടത്തി ചർച്ചയിലാണ് തീരുമാനം.

പിവിആർ തീരുമാനം പിൻവലിച്ചില്ലെങ്കിൽ ഭാവിയിൽ മൊഴിമാറ്റ ചിത്രങ്ങൾ അടക്കം പ്രദർശിപ്പിക്കാൻ അനുമതി നൽകില്ലെന്ന് സാങ്കേതിക ഫെഫ്ക നിലപാട് എടുത്തിരുന്നു. ഇതിന് പിന്നാലെയാണ് തിരുമാനത്തിൽ നിന്നും പിവിആർ അധികൃതർ പിന്മാറിയത്.

പിവിആര്‍ കയ്യൂക്ക് കാണിക്കുകയാണെന്നും പ്രദര്‍ശനം നിര്‍ത്തിവച്ച ദിവസങ്ങളിലെ നഷ്ടപരിഹാരം നല്‍കാതെ പ്രസ്തുത മള്‍ട്ടിപ്ലെക്സ് ശൃംഖലയ്ക്ക് ഇനി മലയാള സിനിമകള്‍ നല്‍കില്ലെന്നും ഫെഫ്ക അറിയിച്ചിരുന്നു. പരിഹാരം ഉണ്ടായില്ലെങ്കിൽ പ്രതിഷേധം പിവിആർ സ്ക്രീനുകളിലേക്ക് വ്യാപിപ്പിക്കും. പിവിആറിന്‍റെ നീക്കം പുതിയ സിനിമകള്‍ക്ക് വലിയ തിരിച്ചടിയാണെന്നും ഫെഫ്ക അറിയിച്ചിരുന്നു.

പിവിആറും നിർമാതാക്കളും തമ്മിലുള്ള ഡിജിറ്റൽ കണ്ടന്റ് പ്രൊഡക്ഷൻ സംബന്ധിച്ച തർക്കമാണ് സിനിമകളുടെ പ്രദർശനം നിർത്തിവെക്കുന്നതിലേക്ക് എത്തിയത്. വൻതുക നൽകുന്നത് ഒഴിവാക്കാൻ നിർമാതാക്കൾ സ്വന്തമായി ഇതിനുള്ള സംവിധാനം ഒരുക്കിയത് അ‌ംഗീകരിക്കാൻ തയ്യാറല്ലാത്തതാണ് തർക്കത്തിന് കാരണം.

Continue Reading

Film

‘പിവിആർ സിനിമാസിനെ ബഹിഷ്ക്കരിക്കും’; മലയാള സിനിമ പ്രദർശിപ്പിക്കില്ലെന്ന നിലപാടിനെതിരെ ഫെഫ്ക

ഇന്ത്യയിലെ മുഴുവൻ സ്ക്രീനുകളിലെയും മലയാള സിനിമകളുടെ ബുക്കിങ്ങാണ് പിവിആർ ഏപ്രിൽ 11-ന് ബഹിഷ്കരിച്ചത്

Published

on

പിവിആർ– മലയാള സിനിമ തർക്കം പുതിയ തലത്തിലേക്ക്. പ്രദർശനം നിർത്തിയതിനെ തുടർന്നുണ്ടായ നഷ്ടം നികത്താതെ മലയാള സിനിമകൾ ഇനി പിവിആർ തിയറ്ററുകളിൽ പ്രദർശിപ്പിക്കില്ലെന്നു ഫെഫ്ക അറിയിച്ചു. വിർച്വൽ പ്രിന്റ് ഫീ (വിപിഎഫ്) വിഷയത്തിൽ പിവിആറും പ്രൊഡ്യൂസേഴ്സ് അസോസിയേഷനുമായുള്ള ചർച്ചകൾ നടക്കുന്നതിനിടെ ഏകപക്ഷീയമായി രാജ്യത്താകെയുള്ള പിവിആർ സ്ക്രീനുകളിൽ മലയാള സിനിമകൾ ബഹിഷ്കരിച്ചെന്നു ഫെഫ്ക ജനറൽ സെക്രട്ടറി ബി.ഉണ്ണികൃഷ്ണൻ പറഞ്ഞു.

ഇന്ത്യയിലെ മുഴുവൻ സ്ക്രീനുകളിലെയും മലയാള സിനിമകളുടെ ബുക്കിങ്ങാണ് പിവിആർ ഏപ്രിൽ 11-ന് ബഹിഷ്കരിച്ചത്. ഡിജിറ്റൽ കണ്ടന്റ് പ്രൊജക്‌ഷനെ തുടർന്നുള്ള തർക്കവുമായി ബന്ധപ്പെട്ടായിരുന്നു തീരുമാനം. 11-ന് റിലീസിനൊരുങ്ങിയ മൂന്നിലധികം മലയാള സിനിമകളുടെ പിവിആറിലെ ഷോകളാണ് ഇതോടെ മുടങ്ങിയത്. കൊച്ചി, തിരുവനന്തപുരം എന്നിവിടങ്ങളിലൊന്നും മലയാള സിനിമകളുടെ പ്രദർശനം പിവിആർ് ഇപ്പോൾ നടത്തുന്നില്ല.

ഉണ്ണികൃഷ്ണനെ കൂടാതെ സിബി മലയിൽ, രൺജി പണിക്കർ, സോഹൻ സീനുലാൽ, നിലവിൽ തിയറ്ററുകളിൽ പ്രദർശിപ്പിക്കുന്ന സിനിമകളെ പ്രതിനിധീകരിച്ച് ബ്ലെസി, വിനീത് ശ്രീനിവാസൻ, വിശാഖ് സുബ്രഹ്മണ്യം, അൻവർ റഷീദ്, സൗബിൻ ഷാഹിർ, ജിത്തു മാധവന്‍ തുടങ്ങിയവർ ചേർന്നാണു തീരുമാനങ്ങള്‍ പ്രഖ്യാപിച്ചത്. മുൻകൂറായി വിപിഎഫ് തുക അടച്ചിട്ടുപോലും ആടുജീവിതത്തിന്റെ പ്രദർശനം നിർത്തുന്നതു ഫോൺ വഴി പോലും അറിയിച്ചില്ലെന്നു ബ്ലെസി പറഞ്ഞു. മറ്റു സംസ്ഥാനങ്ങളിലെങ്കിലും പ്രദർശിപ്പിക്കണമെന്ന് ആവശ്യപ്പെട്ടിട്ടും അംഗീകരിച്ചില്ലെന്നും അദ്ദേഹം ചൂണ്ടിക്കാട്ടി.

Continue Reading

Trending