Connect with us

Culture

ഇറ്റലി പ്രവേശനം നിഷേധിച്ചു; അഭയാര്‍ത്ഥി കപ്പല്‍ കടലില്‍ കുടുങ്ങി

Published

on

റോം: മെഡിറ്ററേനിയന്‍ കടലില്‍ കുടുങ്ങിയ 629 അഭയാര്‍ത്ഥികളുമായി വന്ന കപ്പലിന് ഇറ്റാലിയന്‍ ഭരണകൂടം പ്രവേശനം നിഷേധിച്ചു. ഡോക്ടേഴ്‌സ് വിത്തൗട്ട് ബോര്‍ഡേഴ്‌സ്(എം.എസ്.എഫ്) എന്ന അന്താരാഷ്ട്ര മെഡിക്കല്‍ സന്നദ്ധ സംഘടനയുടെ എംവി അക്വാറിയസ് കപ്പലാണ് ഇറ്റാലിയന്‍ തുറമുഖങ്ങളോട് അടുക്കാന്‍ സാധിക്കാതെ കടലില്‍ കുടുങ്ങിക്കിടക്കുന്നത്. ഒരുതരത്തിലും മനുഷ്യക്കടത്ത് അനുവദിക്കേണ്ടെന്നാണ് ഇറ്റലിയുടെ തീരുമാനമെന്ന് വലതുപക്ഷ ലീഗ് പാര്‍ട്ടി നേതാവും പുതിയ ആഭ്യന്തര മന്ത്രിയുമായ മറ്റിയോ സാല്‍വിനി വ്യക്തമാക്കി.
ഇറ്റലിയില്‍നിന്ന് 35 നോട്ടിക്കല്‍ മൈലും മാള്‍ട്ടയില്‍നിന്ന് 27 നോട്ടിക്കല്‍ മൈലും അകലെയാണ് അഭയാര്‍ത്ഥികളുമായി ഇപ്പോള്‍ കപ്പലുള്ളത്. അഭയാര്‍ത്ഥികളെ മാള്‍ട്ടയില്‍ ഇറക്കാനാണ് ഇറ്റലിയുടെ നിര്‍ദേശം. രക്ഷാപ്രവര്‍ത്തനങ്ങളുമായി തങ്ങള്‍ക്ക് ഒരു ബന്ധവുമില്ലെന്നും കപ്പലിന് പ്രവേശനം നല്‍കാന്‍ സാധ്യമല്ലെന്നും യൂറോപ്യന്‍ യൂണിയന്‍ അംഗമായ മാള്‍ട്ട വ്യക്തമാക്കിയിട്ടുണ്ട്. കപ്പലിലെ അഭയാര്‍ത്ഥികള്‍ക്കിടയില്‍ 123 കുട്ടികളും ഏഴ് ഗര്‍ഭിണികളുമുണ്ടെന്ന് എം.എസ്.എഫ് പറയുന്നു. എംവി അക്വാറിയസിന് പ്രവേശനം നല്‍കാന്‍ യു.എന്‍ അഭയാര്‍ത്ഥി ഏജന്‍സി ഇറ്റാലിയന്‍ അധികാരികളോട് ആവശ്യപ്പെട്ടു. പ്രതിസന്ധിക്ക് എത്രയും വേഗം പരിഹാരം കാണുന്നതിന് അടിയന്തരമായി ഇടപെടണമെന്ന് ഇറ്റലിയിലെ രാഷ്ട്രീയ നേതാക്കളോടും ഏജന്‍സി അഭ്യര്‍ത്ഥിച്ചു. മനുഷ്യരുടെ ജീവന്‍ വെച്ച് രാഷ്ട്രീയം കളിക്കരുതെന്ന് ഇറ്റാലിയന്‍ ഭരണകൂടത്തെ വിമര്‍ശിച്ചുകൊണ്ട് എം.എസ്.എഫ് പറഞ്ഞു. കപ്പലിലുള്ള മനുഷ്യരുടെ സുരക്ഷക്കും ക്ഷേമത്തിനുമാണ് പ്രഥമ പരിഗണന നല്‍കേണ്ടതെന്ന് സംഘടന വ്യക്തമാക്കി. അഭയാര്‍ത്ഥികളോട് വിട്ടുവീഴ്ച വേണ്ടെന്നാണ് തീവ്ര വലതുപക്ഷ പാര്‍ട്ടികളായ ലീഗ് പാര്‍ട്ടിയും ഫൈവ് സ്റ്റാര്‍ മൂവ്‌മെന്റും ചേര്‍ന്നുണ്ടാക്കിയ പുതിയ ഇറ്റാലിയന്‍ ഭരണകൂടത്തിന്റെ തീരുമാനം. യുദ്ധങ്ങളും പട്ടിണിയും പിടിമുറുക്കിയ ആഫ്രിക്കന്‍, പശ്ചിമേഷ്യന്‍ രാജ്യങ്ങളില്‍നിന്ന് ലക്ഷക്കണക്കിന് അഭയാര്‍ത്ഥികളാണ് യൂറോപ്പില്‍ എത്തിയിരിക്കുന്നത്. ലിബിയ, ടുനീഷ്യ, ഇറാഖ്, സിറിയ, അഫ്ഗാനിസ്താന്‍, ഈജിപ്ത്, യമന്‍ തുടങ്ങിയ രാജ്യങ്ങളില്‍നിന്നാണ് അഭയാര്‍ത്ഥി പ്രവാഹം ഏറെയും. കഴിഞ്ഞ വര്‍ഷം മാത്രം രണ്ടു ലക്ഷത്തോളം പേര്‍ കടല്‍ കടന്ന് യൂറോപ്പിലെത്തി. ബോട്ടുകളില്‍ പ്രക്ഷുബ്ധമായ കടല്‍ മുറിച്ചുകടക്കാനുള്ള ശ്രമത്തിനിടെ 3116 പേര്‍ മരണപ്പെട്ടു. ഈമാസം തുനീഷ്യന്‍ തീരത്തിന് സമീപം അഭയാര്‍ത്ഥി ബോട്ട് മുങ്ങി 112 പേര്‍ മരിച്ചിരുന്നു.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

തിയറ്ററിലിരുന്ന് കരയുകയായിരുന്നു, എന്‍റെ ജീവിതമാണത്’: നജീബ്

നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു

Published

on

കൊച്ചി: ‘ആടുജീവിതം’ സിനിമ കണ്ടപ്പോൾ ചില രംഗങ്ങൾ കണ്ട് തിയേറ്ററിനുള്ളിൽ ഇരുന്ന് കരയുകയായിരുന്നു താനെന്ന് നജീബ്. തന്റെ ജീവിതമാണ് സ്ക്രീനിലൂടെ കണ്ടതെന്നും നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു. ‘ആടുജീവിതം’ ആദ്യ ഷോ കണ്ടിറങ്ങിയപ്പോഴായിരുന്നു നജീബിന്‍റെ പ്രതികരണം.

പൃഥ്വിരാജ് വളരെ നന്നായി അഭിനയിച്ചിട്ടുണ്ട്. സിനിമ തിയേറ്ററിൽ എത്തുന്നത് കുടുംബം കാത്തിരിക്കുകയായിരുന്നു. എന്നാൽ മകന്റെ കുഞ്ഞ് മരിച്ചതോടെ എല്ലാവരും ദുഃഖത്തിലാണ്. എല്ലാവരും നിർബന്ധിച്ചത് കൊണ്ടാണ് ഇന്ന് സിനിമ കാണാൻ എത്തിയത്. ഇന്ന് തന്നെ സിനിമ കാണുമെന്ന് പറഞ്ഞ് നിരവധി പേരാണ് തന്നെ വിളിക്കുന്നത് -നജീബ് പറഞ്ഞു.

അതേസമയം, ഇന്ന് തിയറ്ററുകളിലെത്തിയ ചിത്രത്തിന് മികച്ച അഭിപ്രായമാണ് ലഭിക്കുന്നത്. ലോകോത്തര നിലവാരത്തിലുള്ള സിനിമയെന്നും, ബ്ലെസ്സി എന്ന സംവിധായകന്‍റെ 16 വർഷത്തെ കഠിനാധ്വാനം ഫലം കണ്ടിരിക്കുന്നുവെന്നുമെല്ലാം പ്രേക്ഷകർ അഭിപ്രായപ്പെടുന്നു.

Continue Reading

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Trending