‘തമിഴ്‌നാട്ടില്‍ വിരല്‍പതിപ്പിക്കുന്ന കാര്യം പോലും ബി.ജെ.പി മോഹിക്കേണ്ട’; ബി.ജെ.പിക്കെതിരെ ആഞ്ഞടിച്ച് കനിമൊഴി

ചെന്നൈ: ബി.ജെ.പിക്കെതിരെ ആഞ്ഞടിച്ച് ഡി.എം.കെ എം.പി കനിമൊഴി. ദ്രാവിഡ രാഷ്ട്രീയത്തിന്റെ കാലം കഴിഞ്ഞുവെന്ന് പ്രഖ്യാപിച്ചു തമിഴ്‌നാട്ടില്‍ സ്വാധീനമുണ്ടാക്കാന്‍ ശ്രമിച്ച ബി.ജെ.പി, പെരിയാറിന്റെ പ്രതിമകളെത്തൊട്ടതോടെ ദ്രാവിഡ രാഷ്ട്രീയത്തെ കൂടുതല്‍ സജീവമാക്കുകയാണു ചെയ്തതെന്ന് കനിമൊഴി പറഞ്ഞു. ബി.ജെ.പിക്ക് തമിഴ്‌നാട്ടില്‍ കൈപൊള്ളി. തമിഴ്‌നാട്ടില്‍ ഒന്നു വിരല്‍ പതിപ്പിക്കുന്ന കാര്യം പോലും അന്‍പതു വര്‍ഷത്തേക്കു ബി.ജെ.പി മോഹിക്കണ്ടന്നും കനിമൊഴി കൂട്ടിച്ചേര്‍ത്തു.

പെരിയാറിന്റെ പ്രതിമ ആക്രമിച്ചതിലൂടെ അദ്ദേഹത്തിന്റെ ഓര്‍മകള്‍ ഉണര്‍ത്തിവിടുകയാണു ബി.ജെ.പി ചെയ്തത്. പെരിയാറിനെ തൊട്ട് ബി.ജെ.പി നേതാക്കള്‍ കൈപൊള്ളിച്ചു. പെരിയാര്‍ മുന്നോട്ടുവെച്ച ദ്രാവിഡ രാഷ്ട്രീയം പറയാതെ ആര്‍ക്കും തമിഴ്‌നാട്ടില്‍ ഒരു സ്വാധീനവുമുണ്ടാക്കാന്‍ കഴിയില്ലെന്നും പറഞ്ഞ കനിമൊഴി രജനികാന്തിന്റെ ആത്മീയരാഷ്ട്രീയത്തിനു തമിഴ്‌നാട്ടില്‍ ഇടം ലഭിക്കില്ലെന്നും കൂട്ടിച്ചേര്‍ത്തു.

SHARE