Connect with us

Culture

സങ്കടം കരകവിഞ്ഞ് ഇരുവഴിഞ്ഞി; ആഷിഖ് മറ്റൊരു ‘മൊയ്തീന്‍’

Published

on

മുക്കം: ഇരുവഴിഞ്ഞിപ്പുഴയിലെ കുത്തൊഴുക്കില്‍ സ്വന്തം ജീവനേക്കാള്‍ മറ്റുള്ളവരുടെ ജീവന് വില കല്‍പ്പിച്ച് മരിക്കാത്ത ഓര്‍മ്മയായി മാറിയവരുടെ പട്ടികയില്‍ ഒരാള്‍ കൂടി, ആഷിഖ് സുഹൈല്‍. ഇരുവഴിഞ്ഞിയിലെ മറ്റൊരു ‘മൊയ്തീന്‍’. ഇരുവരുടെയും ജീവിതത്തിലും അന്ത്യയാത്രയിലും സമാനതകളേറെ. 1982 ജൂലായ് 15 ന് കൊടിയത്തൂര്‍ തെയ്യത്തുംകടവിലുണ്ടായ തോണിയപകടത്തില്‍ രക്ഷാപ്രവര്‍ത്തനത്തിനിടെയായിരുന്നു മൊയ്തീന്റെ അന്ത്യം. കൊണ്ടോട്ടി സ്വദേശിയായ ആഷിഖിന്റെ അന്ത്യവും സമാനം തന്നെ.
ജോലി ചെയ്യുന്ന സ്ഥാപനത്തിന്റെ ഉടമയും സഹപ്രവര്‍ത്തകരുമടക്കം ആറുപേര്‍ ഓണാവധിക്ക് മലനിരകള്‍ കാണാനും ഇരുവഴിഞ്ഞിപ്പുഴയുടെ ഭംഗി ആസ്വദിക്കാനും എത്തിയതായിരുന്നു. കുളി കഴിഞ്ഞു കയറുമ്പോള്‍ സ്ഥാപനത്തിന്റെ ഉടമ മുജീബ് ഒഴുക്കില്‍ പെട്ടു. ഉടനെ ആഷിഖും മറ്റു രണ്ടു പേരും എടുത്തു ചാടി. രണ്ടുപേര്‍ മുജീബിന്റെ കൈ പിടിച്ചു. ആഷിഖ് മൂവരെയും പിറകില്‍നിന്നു തള്ളി കരയിലെത്തിച്ചു. പക്ഷേ, മൂവരെയും തള്ളി നീക്കി കരയില്‍ എത്തിച്ചപ്പോഴേക്ക് പിറകിലുള്ള ആഷിഖ് കരപറ്റാന്‍ കഴിയാത്ത വിധം തളര്‍ന്നു പോയിരുന്നു. ഉറക്കെയൊന്നു നിലവിളിക്കാന്‍ പോലും കഴിയാതെ അവന്‍ വെള്ളത്തില്‍ താഴ്ന്നുപോവുകയായിരുന്നുവെന്ന് പതങ്കയത്തു വെച്ച് തെരച്ചിലിനിടെ ആഷിഖിന്റെ അമ്മാവന്‍ കരീം സങ്കടപ്പെട്ടിരുന്നു.
ആഷിഖിന്റെ മാതാവ് സാജിദ സംഭവം അറിഞ്ഞതോടെ തളര്‍ന്ന് കട്ടിലില്‍ വീണതാണ്, ഇടയ്ക്ക് ആശുപത്രിയില്‍ കൊണ്ടുപോകേണ്ടി വന്നു. പിതാവ് അബ്ദുല്‍ അസീസ് തന്റെ മകനെക്കുറിച്ച് ഇടക്കിടെ അന്വേഷിക്കുന്നുണ്ട്. കുടുംബത്തിലെ മുഴുവന്‍ ആളുകളും പ്രതീക്ഷ കൈവിടാതെ കാത്തിരിക്കുകയാണ്. എല്ലാരും പ്രാര്‍ഥിക്കുക എന്നായിരുന്നു അന്വേഷണങ്ങള്‍ക്ക് കരീമിന്റെ മറുപടി. മരണാന്തര ചടങ്ങുകള്‍ നടത്താന്‍ മയ്യത്തെങ്കിലും കിട്ടണേ എന്നായിരുന്നു അവസാന പ്രാര്‍ഥന.
അവസാനം ഇന്നലെ ആഷിഖിന്റെ മൃതദേഹം കണ്ടെത്തി. പൊട്ടിക്കരഞ്ഞുകൊണ്ടാണ് ബന്ധുക്കളും നാട്ടുകാരും മൃതദേഹം സ്വീകരിച്ചത്. സഹപ്രവര്‍ത്തകര്‍ക്കും നാട്ടുകാര്‍ക്കും ബന്ധുക്കള്‍ക്കും ഇനിയും വിശ്വസിക്കാനായിട്ടില്ല ആഷിഖിന്റെ മരണം. മൃതദേഹം കണ്ടെത്തിയതോടെ ഇരുവഴിഞ്ഞിപ്പുഴയുടെ കരയില്‍ തിങ്ങിക്കൂടിയ ജനക്കൂട്ടം ആഷിഖിന്റെ വീട്ടിലേക്ക് ഒഴുകുകയായിരുന്നു. സങ്കടങ്ങളുടെ ഒരു പുഴ ആഷിഖിനെ യാത്ര അയക്കാന്‍ കാത്തുനില്‍പ്പുണ്ടായിരുന്നു.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

മരുഭൂമിയിൽ പെയ്ത ദുരിതമഴയിൽ നിന്ന് ഗൾഫ് ജനത കരകയറട്ടെ, ആശ്വാസവാക്കുകളുമായി മമ്മൂട്ടിയും ടോവിനോയും

ഈ ദുരിതത്തില്‍ നിന്ന് ദുബൈയിലെ ജനങ്ങള്‍ എത്രയും വേഗം കരകയറട്ടെ എന്ന ആശ്വാസ വാക്കുകളുമായെത്തിയിരിക്കുകയാണ് മോളിവുഡിലെ പ്രമുഖരായ താരങ്ങള്‍.

Published

on

കഴിഞ്ഞ ദിവസങ്ങളില്‍ ദുബൈയില്‍ പെയ്ത കനത്ത മഴയില്‍ പ്രധാന നഗരങ്ങളും ഹൈവേകളും വിമാനത്താവളങ്ങളും വെള്ളത്തിനടിയിലായിരുന്നു. കഴിഞ്ഞ ഏഴുദശകത്തിനിടയില്‍ പ്രദേശത്ത് പെയ്ത ഏറ്റവും വലിയ മഴയായിരുന്നു ഇത്. ഈ ദുരിതത്തില്‍ നിന്ന് ദുബൈയിലെ ജനങ്ങള്‍ എത്രയും വേഗം കരകയറട്ടെ എന്ന ആശ്വാസ വാക്കുകളുമായെത്തിയിരിക്കുകയാണ് മോളിവുഡിലെ പ്രമുഖരായ താരങ്ങള്‍.

‘ഗള്‍ഫ് നാടുകളിലെ പ്രകൃതിക്ഷോഭം അവിടെയുള്ള സകലമാന ജീവിതങ്ങളെയും ദുരിതത്തില്‍ ആഴ്ത്തിയിരിക്കുന്നു എന്നത് വേദനയോടെ അറിയുന്നു. ആശങ്കകള്‍ മനസിലാക്കുന്നു. പരമാവധി സുരക്ഷിതരായിരിക്കുക. എല്ലാം എത്രയും പെട്ടന്ന് ശരിയാകട്ടെ എന്നാണ് മമ്മൂട്ടി പറയുന്നത്.

‘മരുഭൂമിയില്‍ സ്വപ്നനഗരിയില്‍ പടുത്തുയര്‍ത്തിയ അതേ ആര്‍ജ്ജവത്തോടെ ഈ ദുരിതപെയ്തിയില്‍ നിന്നും എത്രയും പെട്ടന്ന് സാധാരണ ജീവിതത്തിലേക്ക് തിരിച്ചെത്തുവാന്‍ നമ്മുടെ സഹോദരര്‍ ഉള്‍പ്പടെയുള്ള ഗള്‍ഫ് ജനതയ്ക്ക് സാധിക്കട്ടെ’ എന്നാണ് ടോവിനോ തോമസ് കുറിച്ചത്. നിരവധിപേര്‍ ദുബൈയി ജനതയ്ക്ക് പിന്തുണ അറിയിച്ചിട്ടുണ്ട്.

Continue Reading

Film

തർക്കം പരിഹരിച്ചു; പിവിആറിൽ മലയാള സിനിമകൾ പ്രദർശിപ്പിക്കും

നാളെ മുതൽ പിവിആർ സിനിമാസിൽ മലയാളം സിനിമകൾ പ്രദർശിപ്പിക്കും.

Published

on

പിവിആർ സിനിമാസും – പ്രൊഡ്യൂസേഴ്സ് അസോസിയേഷനുമായുള്ള തർക്കം പരിഹരിച്ചു. നാളെ മുതൽ പിവിആർ സിനിമാസിൽ മലയാളം സിനിമകൾ പ്രദർശിപ്പിക്കും.വ്യവസായി എം എ യുസഫ് അലിയുടെ മാധ്യസ്ഥതയിൽ ഫെഫ്ക്കയും പിവിആർ അധികൃതരും നടത്തി ചർച്ചയിലാണ് തീരുമാനം.

പിവിആർ തീരുമാനം പിൻവലിച്ചില്ലെങ്കിൽ ഭാവിയിൽ മൊഴിമാറ്റ ചിത്രങ്ങൾ അടക്കം പ്രദർശിപ്പിക്കാൻ അനുമതി നൽകില്ലെന്ന് സാങ്കേതിക ഫെഫ്ക നിലപാട് എടുത്തിരുന്നു. ഇതിന് പിന്നാലെയാണ് തിരുമാനത്തിൽ നിന്നും പിവിആർ അധികൃതർ പിന്മാറിയത്.

പിവിആര്‍ കയ്യൂക്ക് കാണിക്കുകയാണെന്നും പ്രദര്‍ശനം നിര്‍ത്തിവച്ച ദിവസങ്ങളിലെ നഷ്ടപരിഹാരം നല്‍കാതെ പ്രസ്തുത മള്‍ട്ടിപ്ലെക്സ് ശൃംഖലയ്ക്ക് ഇനി മലയാള സിനിമകള്‍ നല്‍കില്ലെന്നും ഫെഫ്ക അറിയിച്ചിരുന്നു. പരിഹാരം ഉണ്ടായില്ലെങ്കിൽ പ്രതിഷേധം പിവിആർ സ്ക്രീനുകളിലേക്ക് വ്യാപിപ്പിക്കും. പിവിആറിന്‍റെ നീക്കം പുതിയ സിനിമകള്‍ക്ക് വലിയ തിരിച്ചടിയാണെന്നും ഫെഫ്ക അറിയിച്ചിരുന്നു.

പിവിആറും നിർമാതാക്കളും തമ്മിലുള്ള ഡിജിറ്റൽ കണ്ടന്റ് പ്രൊഡക്ഷൻ സംബന്ധിച്ച തർക്കമാണ് സിനിമകളുടെ പ്രദർശനം നിർത്തിവെക്കുന്നതിലേക്ക് എത്തിയത്. വൻതുക നൽകുന്നത് ഒഴിവാക്കാൻ നിർമാതാക്കൾ സ്വന്തമായി ഇതിനുള്ള സംവിധാനം ഒരുക്കിയത് അ‌ംഗീകരിക്കാൻ തയ്യാറല്ലാത്തതാണ് തർക്കത്തിന് കാരണം.

Continue Reading

Film

‘പിവിആർ സിനിമാസിനെ ബഹിഷ്ക്കരിക്കും’; മലയാള സിനിമ പ്രദർശിപ്പിക്കില്ലെന്ന നിലപാടിനെതിരെ ഫെഫ്ക

ഇന്ത്യയിലെ മുഴുവൻ സ്ക്രീനുകളിലെയും മലയാള സിനിമകളുടെ ബുക്കിങ്ങാണ് പിവിആർ ഏപ്രിൽ 11-ന് ബഹിഷ്കരിച്ചത്

Published

on

പിവിആർ– മലയാള സിനിമ തർക്കം പുതിയ തലത്തിലേക്ക്. പ്രദർശനം നിർത്തിയതിനെ തുടർന്നുണ്ടായ നഷ്ടം നികത്താതെ മലയാള സിനിമകൾ ഇനി പിവിആർ തിയറ്ററുകളിൽ പ്രദർശിപ്പിക്കില്ലെന്നു ഫെഫ്ക അറിയിച്ചു. വിർച്വൽ പ്രിന്റ് ഫീ (വിപിഎഫ്) വിഷയത്തിൽ പിവിആറും പ്രൊഡ്യൂസേഴ്സ് അസോസിയേഷനുമായുള്ള ചർച്ചകൾ നടക്കുന്നതിനിടെ ഏകപക്ഷീയമായി രാജ്യത്താകെയുള്ള പിവിആർ സ്ക്രീനുകളിൽ മലയാള സിനിമകൾ ബഹിഷ്കരിച്ചെന്നു ഫെഫ്ക ജനറൽ സെക്രട്ടറി ബി.ഉണ്ണികൃഷ്ണൻ പറഞ്ഞു.

ഇന്ത്യയിലെ മുഴുവൻ സ്ക്രീനുകളിലെയും മലയാള സിനിമകളുടെ ബുക്കിങ്ങാണ് പിവിആർ ഏപ്രിൽ 11-ന് ബഹിഷ്കരിച്ചത്. ഡിജിറ്റൽ കണ്ടന്റ് പ്രൊജക്‌ഷനെ തുടർന്നുള്ള തർക്കവുമായി ബന്ധപ്പെട്ടായിരുന്നു തീരുമാനം. 11-ന് റിലീസിനൊരുങ്ങിയ മൂന്നിലധികം മലയാള സിനിമകളുടെ പിവിആറിലെ ഷോകളാണ് ഇതോടെ മുടങ്ങിയത്. കൊച്ചി, തിരുവനന്തപുരം എന്നിവിടങ്ങളിലൊന്നും മലയാള സിനിമകളുടെ പ്രദർശനം പിവിആർ് ഇപ്പോൾ നടത്തുന്നില്ല.

ഉണ്ണികൃഷ്ണനെ കൂടാതെ സിബി മലയിൽ, രൺജി പണിക്കർ, സോഹൻ സീനുലാൽ, നിലവിൽ തിയറ്ററുകളിൽ പ്രദർശിപ്പിക്കുന്ന സിനിമകളെ പ്രതിനിധീകരിച്ച് ബ്ലെസി, വിനീത് ശ്രീനിവാസൻ, വിശാഖ് സുബ്രഹ്മണ്യം, അൻവർ റഷീദ്, സൗബിൻ ഷാഹിർ, ജിത്തു മാധവന്‍ തുടങ്ങിയവർ ചേർന്നാണു തീരുമാനങ്ങള്‍ പ്രഖ്യാപിച്ചത്. മുൻകൂറായി വിപിഎഫ് തുക അടച്ചിട്ടുപോലും ആടുജീവിതത്തിന്റെ പ്രദർശനം നിർത്തുന്നതു ഫോൺ വഴി പോലും അറിയിച്ചില്ലെന്നു ബ്ലെസി പറഞ്ഞു. മറ്റു സംസ്ഥാനങ്ങളിലെങ്കിലും പ്രദർശിപ്പിക്കണമെന്ന് ആവശ്യപ്പെട്ടിട്ടും അംഗീകരിച്ചില്ലെന്നും അദ്ദേഹം ചൂണ്ടിക്കാട്ടി.

Continue Reading

Trending