Connect with us

Culture

ലാലിഗയില്‍ ബാര്‍സക്കും റയലിനും കടുപ്പം

Published

on

മാഡ്രിഡ്: സ്പാനിഷ് ലീഗ് ഫുട്‌ബോളില്‍ കരുത്തരായ ബാര്‍സലോണക്കും റയല്‍ മാഡ്രിഡിനും ഇന്ന് അഗ്നിപരീക്ഷണങ്ങള്‍. നിലവിലെ ചാമ്പ്യന്മാരായ ബാര്‍സ അത്‌ലറ്റികോ മാഡ്രിഡിനെ അവരുടെ തട്ടകത്തില്‍ നേരിടുമ്പോള്‍ എവേ മത്സരത്തില്‍ വിയ്യാറയല്‍ ആണ് റയല്‍ മാഡ്രിഡിന്റെ എതിരാളികള്‍. അത്‌ലറ്റികോ – ബാര്‍സ മത്സരം 10.45-നും വിയ്യാ റയല്‍ – റയല്‍ മത്സരം 1.15 നും ആരംഭിക്കും.

പോയിന്റ് ടേബിളില്‍ റയല്‍ മാഡ്രിഡിനു (52) തൊട്ടുപിന്നില്‍ രണ്ടാം സ്ഥാനത്തുള്ള ബാര്‍സക്കും (51) നാലാം സ്ഥാനത്തുള്ള അത്‌ലറ്റികോയ്ക്കും (45) കിരീട പോരാട്ടത്തില്‍ ഇന്നത്തെ മത്സരം നിര്‍ണായകമാണ്. ചാമ്പ്യന്‍സ് ലീഗ് പ്രീക്വാര്‍ട്ടറില്‍ പി.എസ്.ജിക്കെതിരായ ആദ്യപാദത്തില്‍ തന്നെ നാലു ഗോള്‍ വഴങ്ങി പ്രതീക്ഷകള്‍ അസ്തമിച്ച ബാര്‍സക്ക് ലാലിഗയില്‍ വിലപേശണമെങ്കില്‍ ഇനി തോല്‍ക്കാനാവില്ല. കഴിഞ്ഞ വാരം ലിഗാനീസിനെതിരെ 2-1 ന് ജയിച്ചെങ്കിലും ലൂയിസ് എന്റിക്കിന്റെ ടീമിന്റെ പ്രതിരോധ ആകുലതകള്‍ തുറന്നുകാട്ടുന്നതായിരുന്നു മത്സരം.
പ്രതിരോധത്തിലെ വിശ്വസ്തന്‍ ഹവിയര്‍ മഷരാനോയുടെ സേവനം ഇന്നും ബാര്‍സക്ക് നഷ്ടമാവും. പരിക്കുമാറിയ അര്‍ജന്റീനക്കാരന്‍ വെള്ളിയാഴ്ച പരിശീലനത്തിനിറങ്ങിയെങ്കിലും മത്സരത്തിനു മുമ്പ് പൂര്‍ണാരോഗ്യം കൈവരിക്കുമെന്ന് പ്രതീക്ഷയില്ല.

അതേസമയം, മിഡ്ഫീല്‍ഡര്‍ അര്‍ദ തുറാന്‍ തന്റെ മുന്‍ ക്ലബ്ബിനെതിരെ ബൂട്ടുകെട്ടിയേക്കും. ഇന്ന് ജയിക്കാനായാല്‍ തല്‍ക്കാലത്തേക്കെങ്കിലും പോയിന്റ് ടേബിളില്‍ റയലിനെ മറികടക്കാനുള്ള അവസരം ബാര്‍സക്ക് സ്വന്തമാവും. അതേസമയം, ചാമ്പ്യന്‍സ് ലീഗില്‍ ബയേര്‍ ലെവര്‍കുസനെ അവരുടെ ഗ്രൗണ്ടില്‍ച്ചെന്ന് മുട്ടുകുത്തിച്ച അത്‌ലറ്റികോ മാഡ്രിഡ് ആത്മവിശ്വാസത്തിന്റെ കൊടുമുടിയിലാണ്. സ്വന്തം ഗ്രൗണ്ടില്‍ നടക്കുന്ന മത്സരത്തില്‍ ബാര്‍സയെ അങ്ങേയറ്റം പരീക്ഷിക്കാന്‍ ഡീഗോ സിമിയോണിയുടെ ടീമിന് കഴിയും.

കഴിഞ്ഞയാഴ്ച വലന്‍സിയയോട് തോറ്റ റയല്‍ മാഡ്രിഡിന് വിയ്യാറയല്‍ എളുപ്പമുള്ള എതിരാളികളാവില്ല. പോയിന്റ് ടേബിളില്‍ ആറാം സ്ഥാനത്തുള്ള അവര്‍ സീസണില്‍ നാലുതവണ മാത്രമേ പരാജയം വഴങ്ങിയിട്ടുള്ളൂ. സീസണ്‍ തുടക്കത്തില്‍ സാന്റിയാഗോ ബര്‍ണേബുവില്‍ റയലിനെ സമനിലയില്‍ തളച്ച് വിയ്യ കരുത്തുകാട്ടിയിരുന്നു.

Film

തിയറ്ററിലിരുന്ന് കരയുകയായിരുന്നു, എന്‍റെ ജീവിതമാണത്’: നജീബ്

നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു

Published

on

കൊച്ചി: ‘ആടുജീവിതം’ സിനിമ കണ്ടപ്പോൾ ചില രംഗങ്ങൾ കണ്ട് തിയേറ്ററിനുള്ളിൽ ഇരുന്ന് കരയുകയായിരുന്നു താനെന്ന് നജീബ്. തന്റെ ജീവിതമാണ് സ്ക്രീനിലൂടെ കണ്ടതെന്നും നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു. ‘ആടുജീവിതം’ ആദ്യ ഷോ കണ്ടിറങ്ങിയപ്പോഴായിരുന്നു നജീബിന്‍റെ പ്രതികരണം.

പൃഥ്വിരാജ് വളരെ നന്നായി അഭിനയിച്ചിട്ടുണ്ട്. സിനിമ തിയേറ്ററിൽ എത്തുന്നത് കുടുംബം കാത്തിരിക്കുകയായിരുന്നു. എന്നാൽ മകന്റെ കുഞ്ഞ് മരിച്ചതോടെ എല്ലാവരും ദുഃഖത്തിലാണ്. എല്ലാവരും നിർബന്ധിച്ചത് കൊണ്ടാണ് ഇന്ന് സിനിമ കാണാൻ എത്തിയത്. ഇന്ന് തന്നെ സിനിമ കാണുമെന്ന് പറഞ്ഞ് നിരവധി പേരാണ് തന്നെ വിളിക്കുന്നത് -നജീബ് പറഞ്ഞു.

അതേസമയം, ഇന്ന് തിയറ്ററുകളിലെത്തിയ ചിത്രത്തിന് മികച്ച അഭിപ്രായമാണ് ലഭിക്കുന്നത്. ലോകോത്തര നിലവാരത്തിലുള്ള സിനിമയെന്നും, ബ്ലെസ്സി എന്ന സംവിധായകന്‍റെ 16 വർഷത്തെ കഠിനാധ്വാനം ഫലം കണ്ടിരിക്കുന്നുവെന്നുമെല്ലാം പ്രേക്ഷകർ അഭിപ്രായപ്പെടുന്നു.

Continue Reading

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Trending