തമാശ അതിരു കടന്നു; ലാലിനോട് ദേഷ്യപ്പെട്ട മമ്മൂട്ടി സെറ്റില്‍ നിന്നും ഇറങ്ങിപ്പോയി

Published

7 years ago

October 20, 2017

കൊച്ചി: ഇഷ്ടപ്പെട്ട കാര്യങ്ങള്‍ കണ്ടാല്‍ അപ്പപ്പോള്‍ പ്രതികരിക്കുന്ന വ്യക്തിയാണ് മമ്മൂട്ടി. അത് ആരായാലും മറിച്ചു ചിന്തിക്കാറില്ല എന്നതാണ് മമ്മൂട്ടിയുടെ രീതിയും. മമ്മൂട്ടിയുടെ ഈ പ്രകൃതത്തില്‍ ഒരു സിനിമയുടെ ചിത്രീകരണം തന്നെ മുടക്കിയ സാഹചര്യമുണ്ടായി. നടനും തിരക്കഥാകൃത്തും സംവിധായകനുമായ ലാലിനാണ് മമ്മൂട്ടിയുടെ പെട്ടെന്നു ദേഷ്യത്തില്‍ പണി കിട്ടിയത്. എക്കാലത്തെയും സൂപ്പര്‍ഹിറ്റ് ചിത്രമായ ഹിറ്റ്‌ലറിന്റെ സെറ്റിലാണ് സംഭവം. സിദ്ധിഖ് ലാല്‍ കൂട്ടുകെട്ട് പിരിഞ്ഞതിനു ശേഷം ലാല്‍ നിര്‍മിച്ച ചിത്രമായിരുന്നു ഹിറ്റ്‌ലര്‍. ഷൂട്ടിങ് സെറ്റില്‍ വെച്ച് തന്റെ പുതിയ ചിത്രത്തെക്കുറിച്ച് മമ്മൂട്ടി ലാലിനോട് പറഞ്ഞു. ഇംഗ്ലണ്ടിലെ ഒരു കമ്പനി തന്റെ ഡേറ്റിനായി സമീപിച്ചിട്ടുണ്ടെന്ന് മമ്മൂട്ടി പറഞ്ഞു. അതിനു മറുപടി ലാല്‍ പറഞ്ഞു, മമ്മൂട്ടി ആ ചിത്രത്തില്‍ അഭിനയിക്കണം. ഇക്കാര്യം കേട്ട് സന്തോഷിച്ച മമ്മൂട്ടിയോട് ലാല്‍ പറഞ്ഞു: ‘ രണ്ട് നൂറ്റാണ്ടോളം ഇന്ത്യക്കാരെ ഭരിച്ച് മടുപ്പിച്ചവരാണ് ബ്രിട്ടീഷുകാര്‍. അവരോട് ഇങ്ങനെയൊക്കെയെ പ്രതികാരം ചെയ്യാന്‍ കഴിയൂ. മമ്മൂട്ടി തീര്‍ച്ചയായും ഈ ചിത്രത്തില്‍ അഭിനയിക്കണം’. ലാലിന്റെ തമാശകേട്ട് സെറ്റിലുള്ള എല്ലാവരും പൊട്ടിച്ചിരിച്ചു. എന്നാല്‍ മമ്മൂട്ടിക്കു മാത്രം ആ തമാശ അത്ര രസിച്ചില്ല. ലാലിനോട് ദേഷ്യപ്പെട്ട മമ്മൂട്ടി അപ്പോള്‍ സെറ്റില്‍ നിന്ന് ഇറങ്ങിപ്പോയി. അതോടെ അന്നത്തെ ഷൂട്ടിങ് മുടങ്ങുകയും ചെയ്തു. പിന്നീട് ലാല്‍ തന്നെ മാപ്പു പറഞ്ഞ് ചിത്രീകരണം അടുത്ത ദിവസങ്ങളില്‍ പുനരാരംഭിക്കുകയായിരുന്നു. നിരവധി ചിത്രങ്ങളില്‍ ഇരുവരും ഒന്നിച്ചഭിനയിച്ചെങ്കിലും ഷൂട്ടിങ് ഓര്‍മകളില്‍ അത്ര നല്ല സംഭവമല്ല ഇതെന്നാണ് ലാല്‍ പറയുന്നത്.

GULF

ഒമാനിൽ ഹൃദയാഘാതം മൂലം മലയാളി മരിച്ചു

Published

1 hour ago

April 19, 2024

webdesk14

മസ്‌കറ്റ്: ഹൃദയാഘാതം മൂലം ഒമാനിൽ മലയാളി മരണപ്പെട്ടു. തലശ്ശേരി മാഹിൻ അലി സാഹിബ് റോഡിലെ ആമിനാസിൽ താമസിക്കുന്ന വയൽ പുരയിൽ ഫാറൂഖ് (76) ആണ് ഹൃദയാഘാതത്തെ തുടർന്ന് ഒമാനിലെ ബര്‍ക്കയില്‍ മരണപ്പെട്ടത്.

നേരത്തെ തലശ്ശേരിയിൽ പി.ഡബ്ല്യ.ഡി അസിസ്റ്റൻറ് എൻജിനീയർ ആയിരുന്നു. ഭാര്യ: പരേതയായ ചെറിയ പറമ്പത്ത് കൊല്ലോൻറവിട ജമീല. മക്കൾ: ഹസീന, സജീർ ( ബര്‍ക്ക), മുഹമ്മദ് ഹാറൂസ് (എ.എം സ്പോർട്സ് ഗാല). മരുകന്‍: മഖ്സൂദ് (ബില്‍ഡിങ് മെറ്റീരിയല്‍, ബര്‍ക്ക)

നടപടി ക്രമങ്ങൾ പൂർത്തിയാക്കി ഇന്ന് രാത്രി ബർക്കയിൽ മയ്യിത്ത് ഖബറടക്കുമെന്ന് ബന്ധപ്പെട്ടവർ അറിയിച്ചു.

GULF

മസ്കറ്റ് -കോഴിക്കോട് വിമാനത്തിൽ മലയാളി മരണപെട്ടു

മസ്കത്തിൽനിന്ന് വെള്ളിയാഴ്ച പുലർച്ചെ 2.30ന് കോഴിക്കോട്ടേക്ക് പുറപ്പെട്ട എയർ ഇന്ത്യ എക്സ്പ്രസ് വിമാനത്തിലാണ് മരണം നടന്നത്

Published

1 hour ago

April 19, 2024

webdesk14

മസ്‌കറ്റ്: മസ്‌കറ്റിൽനിന്നും നാട്ടിലേക്കുള്ള യാത്രക്കിടെ മലയാളി വിമാനത്തിൽ മരണപ്പെട്ടു. വടകര സഹകരണ ഹോസ്പിറ്റിലിന് സമീപം ചന്ദ്രിക ആശീർവാദ് വീട്ടിൽ സച്ചിൻ (42) ആണ് വിമാനത്തിൽ വെച്ച് മരിച്ചത്.

മസ്കത്തിൽനിന്ന് വെള്ളിയാഴ്ച പുലർച്ചെ 2.30ന് കോഴിക്കോട്ടേക്ക് പുറപ്പെട്ട എയർ ഇന്ത്യ എക്സ്പ്രസ് വിമാനത്തിലാണ് മരണം നടന്നത്. വിമാനം ലാൻഡ് ചെയ്യാൻ ഒരുമണിക്കൂർ മാത്രമുള്ളപ്പോൾ സച്ചിന് ദേഹാസ്വാസ്ഥ്യം അനുഭവപ്പെടുകയായിരുന്നു.

വിമാനം ലാൻഡ് ചെയ്തശേഷം അടിയന്തര പരിശോധന നടത്തിയ മെഡിക്കൽ സംഘമാണ് മരണം സ്ഥിരീകരിച്ചത്. അൽമറായിയുടെ സുഹാർ ബ്രഞ്ചിൽ സെയിൽസ് സൂപ്പർവൈസറായി ജോലി ചെയ്തുവരികയായിരുന്നു. രണ്ട് വർഷം മുമ്പാണ് ഒമാനിലെ സുഹാറിൽ ജോലിയിൽ പ്രവേശിച്ചത്.
നേരത്തെ സൗദിയിലായിരുന്നു.

പിതാവ്: സദാനന്ദൻ.
ഭാര്യ: ഷെർലി:
മകൻ: ആരോൺ സച്ചിൻ.

kerala

‘ഇവിഎമ്മിന്റെ വിശ്വാസ്യത ഇല്ലാതാക്കി’: എളമരം കരീമിന് എതിരെ തെരഞ്ഞെടുപ്പ് കമ്മീഷന് പരാതി

എളമരം കരീം ഇന്‍സ്റ്റഗ്രാമില്‍ പങ്കുവെച്ച ‘കാലം മാറും കാലും മാറും’ എന്ന തലക്കെട്ടിലുള്ള വീഡിയോക്കെതിരെയാണ് പരാതി

Published

2 hours ago

April 19, 2024

webdesk14

കോഴിക്കോട് ലോക്‌സഭാ മണ്ഡലം എല്‍.ഡി.എഫ് സ്ഥാനാര്‍ഥി എളമരം കരീമിന് എതിരെ യു.ഡി.എഫ് തെരഞ്ഞെടുപ്പ് കമ്മീഷന് പരാതി നല്‍കി. എളമരം കരീം ഇന്‍സ്റ്റഗ്രാമില്‍ പങ്കുവെച്ച ‘കാലം മാറും കാലും മാറും’ എന്ന തലക്കെട്ടിലുള്ള വീഡിയോക്കെതിരെയാണ് പരാതി. വീഡിയോ ഇവിഎമ്മിന്റെ വിശ്വാസ്യത ഇല്ലാതാക്കുന്നതെന്നാണ് യു.ഡി.എഫിന്റെ ആരോപണം. യു.ഡി.എഫ് കോഴിക്കോട് പാര്‍ലമെന്റ് മണ്ഡലം കമ്മിറ്റിയാണ് പരാതി നല്‍കിയത്.