Connect with us

More

‘അവള്‍ക്ക് ഈ അമ്മ എന്നും വിളിപ്പാടകലെയുണ്ട്’; മീനാക്ഷിയെക്കുറിച്ച് മഞ്ജു അന്നെഴുതിയ കുറിപ്പ് ഇന്ന് വൈറലാകുന്നു

Published

on

നടന്‍ ദിലീപുമായുള്ള വിവാഹമോചനത്തിന് ശേഷം മകള്‍ മീനാക്ഷി അച്ഛനൊപ്പം പോയത് ആരാധകര്‍ക്കിടയില്‍ മഞ്ജുവാര്യര്‍ എന്ന താരത്തിന് ഒട്ടേറെ വിമര്‍ശനങ്ങള്‍ നേടിക്കൊടുത്തതാണ്. ദിലീപിനോടുള്ള ഇഷ്ടക്കൂടുതല്‍ കൊണ്ട് മീനാക്ഷി ദിലീപിനൊപ്പം നിന്നപ്പോഴും കൂടുതലൊന്നും അവകാശ പിടിവലിക്ക് മഞ്ജുവും നിന്നില്ല. വിമര്‍ശനങ്ങള്‍ കൂടിക്കൂടി വന്നപ്പോള്‍ മഞ്ജു ഫേസ്ബുക്കിലൊരു കുറിപ്പെഴുതി. വികാരതീവ്രതയോടെ എഴുതിയ കുറിപ്പ് അന്ന് ചര്‍ച്ചയായിരുന്നു. വര്‍ഷങ്ങള്‍ക്കുശേഷം നടി ആക്രമിക്കപ്പെട്ട കേസില്‍ ദിലീപ് അറസ്റ്റിലായപ്പോള്‍ അന്ന് മഞ്ജുവിനെ കൂക്കിവിളിച്ചവര്‍ ഇന്നാ പോസ്റ്റ് ഷെയര്‍ ചെയ്യുകയാണ്.

man1-1

‘മീനൂട്ടിക്ക് അച്ഛനോടുള്ള സ്‌നേഹം മറ്റാരേക്കാളും നന്നായി എനിക്കറിയാം. അവള്‍ അദ്ദേഹത്തിന്റെ സംരക്ഷണത്തില്‍ എന്നും സന്തുഷ്ടയും സുരക്ഷിതയും ആയിരിക്കും. അതുകൊണ്ട് അവളുടെ മേലുള്ള അവകാശത്തിന്റെ പിടിവലിയില്‍ അവളെ ദു:ഖിപ്പിക്കുന്നത് എനിക്കിഷ്ടമല്ല. അവള്‍ക്ക് ഈ അമ്മ എന്നും ഒരു വിളിപ്പാടകലെയുണ്ട്. അവള്‍ അകലെയാണെന്ന് എനിക്ക് തോന്നുന്നില്ല. കാരണം, അമ്മയുടെ അടുത്ത് തന്നെയാണല്ലോ മകള്‍ എന്നും.’ -ഇതായിരുന്നു സ്വന്തം കൈപ്പടയില്‍ എഴുതിയ മഞ്ജുവിന്റെ കുറിപ്പിലുണ്ടായിരുന്നത്. ദിലീപേട്ടന്റെ വ്യക്തിജീവിതത്തില്‍ അദ്ദേഹം എടുക്കുന്ന എല്ലാ തീരുമാനങ്ങളും നല്ലതാവട്ടെയെന്നും, കലാജീവിതത്തില്‍ ഇനിയും ഉയരങ്ങള്‍ കീഴടക്കാന്‍ അദ്ദേഹത്തിന് കഴിയട്ടെ എന്നും പ്രാര്‍ത്ഥിക്കുന്നുവെന്നും മഞ്ജു ആശംസിച്ചിരുന്നു. എല്ലാം ഒന്നില്‍ നിന്ന് തുടങ്ങുകയാണ്. സമ്പാദ്യവും ജീവിതവുമെല്ലാം. ഇങ്ങനെ പറഞ്ഞായിരുന്നു ആ പോസ്റ്റ് അവസാനിച്ചിരുന്നത്. ദിലീപിനൊപ്പം മഞ്ജു വാങ്ങിയ വസ്തു മീനാക്ഷിയുടെ പേരിലേക്ക് എഴുതിനല്‍കിയതായി റിപ്പോര്‍ട്ടുണ്ട്.

നടിയുമായി ബന്ധപ്പെട്ട കേസില്‍ ദിലീപ് അറസ്റ്റിലായപ്പോള്‍ ദിലീപിന്റെ ആലുവയിലുള്ള പത്മസരോവരം വീട് അടഞ്ഞുകിടക്കുകയാണെന്നും മകള്‍ മീനാക്ഷി ദുബായിലാണെന്നും പ്രചാരണമുണ്ടായിരുന്നു. ഒരു പ്രമുഖ ജ്വല്ലറിയുടെ ഉദ്ഘാടനത്തിനായി മഞ്ജുവാര്യറും ദുബായിലാണെന്നാണ് പുറത്തുവരുന്ന വിവരം. മഞ്ജുവും മകള്‍ മീനാക്ഷിയും ദുബായില്‍ കൂടിക്കാഴ്ച്ച നടത്തുമെന്നുമൊക്കെയും നിരവധി ഓണ്‍ലൈന്‍ മാധ്യമങ്ങളിലൂടെ വാര്‍ത്തകള്‍ പ്രചരിക്കുന്നുമുണ്ട്. അതേസമയം, ദിലീപിനെ നാളെ വൈകുന്നേരം അഞ്ചുവരെ പോലീസ് കസ്റ്റഡിയിലേക്ക് കോടതി വിട്ടയച്ചു. ജാമ്യാപേക്ഷ നാളെ പരിഗണിക്കുമെന്നും കോടതി അറിയിച്ചിട്ടുണ്ട്.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

മലകയറ്റം കഴിഞ്ഞ് മടങ്ങവെ കാട്ടുപോത്തിന്റെ ആക്രമണം; ഇടുക്കിയില്‍ ഒരാള്‍ക്ക് സാരമായ പരിക്ക്

ഇന്ന് ഒരു മണിക്ക് ശേഷമാണ് സംഭവം

Published

on

ഇടുക്കി: ഇടുക്കിയില്‍ കാട്ടുപോത്തിന്റെ ആക്രമണത്തില്‍ ഒരാള്‍ക്ക് സാരമായി പരിക്കേറ്റു. സ്പ്രിങ്ങ് വാലിയില്‍ മുല്ലമല എം ആര്‍ രാജീവനാണ് പരിക്കേറ്റത്. രാജീവിനെ ആശുപത്രിയില്‍ പ്രവേശിപ്പിച്ചു.

ഇന്ന് ഒരു മണിക്ക് ശേഷമാണ് സംഭവം. കൂട്ടുകാര്‍ക്കൊപ്പം കുരിശുമല കയറി തിരികെ വരുമ്പോഴാണ് കാട്ടുപോത്തിന്റെ ആക്രമണം ഉണ്ടായത്. ഏലത്തോട്ടത്തില്‍ ഉണ്ടായിരുന്ന കാട്ടുപോത്ത് റോഡിലേക്ക് കയറി രാജീവിനെ ആക്രമിക്കുകയായിരുന്നു. കൂട്ടുകാര്‍ രാജീവിന്റെ രക്ഷയ്ക്ക് എത്തിയതോടെ, കാട്ടുപോത്ത് പിന്മാറുകയായിരുന്നു.

കഴിഞ്ഞദിവസം രാത്രിയില്‍ അടിമാലി ഇരുമ്പുപാലം പടിക്കപ്പില്‍ കാട്ടുപോത്ത് ഇറങ്ങിയത് നാട്ടുകാരെ പരിഭ്രാന്തിയിലാഴ്ത്തിയിരുന്നു.

Continue Reading

More

ഗസ്സയിലെ വംശഹത്യ തടയണം; ഇസ്രാഈലിന് കടുത്ത നിര്‍ദേശവുമായി അന്താരാഷ്ട്ര കോടതി

ഉത്തരവ് പാലിക്കുന്നെന്ന് ഉറപ്പാക്കി ഒരു മാസത്തിനകം റിപ്പോർട്ട് നൽകണമെന്നാണ് നിർദേശം

Published

on

ഗാസയിൽ തുടരുന്ന ആക്രമണത്തിന് പിന്നാലെ ഇസ്രാഈലിന് കടുത്ത നിർദേശവുമായി അന്താരാഷ്ട്ര കോടതി. ഗാസയിലെ വംശഹത്യ തടയണമെന്ന് ഇസ്രാഈലിനോട് ആവശ്യപ്പെട്ടു. ഉത്തരവ് പാലിക്കുന്നെന്ന് ഉറപ്പാക്കി ഒരു മാസത്തിനകം റിപ്പോർട്ട് നൽകണമെന്നാണ് നിർദേശം.

ഗാസയിലെ സാഹചര്യം ഹൃദയഭേദകമെന്ന് യുഎൻ സെക്രട്ടറി ജനറൽ അന്റോണിയോ ഗുട്ടറസ് പ്രതികരിച്ചു. ഗാസയിലെ ജനങ്ങളോട് മാനുഷിക പരിഗണന അനിവാര്യമെന്നും അദ്ദേഹം പറഞ്ഞു. ഗാസയിൽ 10 ആശുപത്രികൾ ഭാഗികമായി പ്രവർത്തിക്കുന്നെന്ന് ലോകാരോഗ്യ സംഘടന അറിയിച്ചു.

അതേസമയം ഇസ്രാഈൽ സൈന്യം ഗാസ നഗരത്തിലേക്ക് പ്രവേശിക്കാൻ പോവുകയാണെന്നാണ് പ്രസിഡന്റ് ബെഞ്ചമിൻ നെതന്യാഹു മുന്നറിയിപ്പ് നൽകിയത്. ഗുരുതര സാഹചര്യമാണ് ഗാസയിലേതെന്നും പട്ടിണി തടയാനാകുന്നില്ലെന്നുമാണ് ലോകാരോഗ്യ സംഘടന മുന്നറിയിപ്പ് നൽകുന്നത്.

Continue Reading

kerala

കണ്ണൂരില്‍ ഒരാള്‍ക്ക് സൂര്യാഘാതമേറ്റു

ഇന്ന് പത്ത് ജില്ലകളില്‍ ഉയര്‍ന്ന താപനില മുന്നറിയിപ്പ് പ്രഖ്യാപിച്ചിട്ടുണ്ട്

Published

on

കണ്ണൂര്‍: കണ്ണൂരില്‍ ഒരാള്‍ക്ക് സൂര്യാഘാതമേറ്റു. ടെയ്‌ലറിങ് കടയുടമ കരുവന്‍ചാല്‍ പള്ളിക്കവല സ്വദേശി എംഡി രാമചന്ദ്രനാണ് പൊള്ളലേറ്റത്. രാമചന്ദ്രന്റെ ഇരുകാലുകള്‍ക്കും പൊള്ളലേറ്റു. രാമചന്ദ്രനെ ഉടന്‍ സമീപത്തെ ആശുപത്രിയില്‍ പ്രവേശിപ്പിച്ചു. ഇരുപാദങ്ങളിലേയും തൊലി നീക്കം ചെയ്തു.

അതേസമയം, ഇന്ന് പത്ത് ജില്ലകളില്‍ ഉയര്‍ന്ന താപനില മുന്നറിയിപ്പ് പ്രഖ്യാപിച്ചിട്ടുണ്ട്. കൊല്ലം, തൃശൂർ, പാലക്കാട്, പത്തനംതിട്ട, കോട്ടയം, ആലപ്പുഴ, എറണാകുളം, കോഴിക്കോട്, കണ്ണൂർ, തിരുവനന്തപുരം ജില്ലകളിലാണ് മുന്നറിയിപ്പ്. സാധാരണയേക്കാൾ രണ്ട് മുതൽ നാല് ഡി​ഗ്രി സെൽഷ്യസ് വരെ ചൂട് കൂടും. ഈ ജില്ലകളിൽ യെല്ലോ അലർട്ട് പ്രഖ്യാപിച്ചു.

Continue Reading

Trending