Connect with us

News

ബി.ജെ.പിയെ പോലെ വാദിച്ച ഇന്ത്യാ ടുഡേ മാധ്യമപ്രവർത്തകനെ ചരിത്രം പഠിപ്പിച്ച് എഴുത്തുകാരി

Published

on

2018-ലെ അസംബ്ലി തെരഞ്ഞെടുപ്പുകളിൽ മികച്ച വിജയം നേടിയപ്പോൾ വോട്ടിങ് യന്ത്രങ്ങളെക്കുറിച്ച് കോൺഗ്രസും മറ്റു പ്രതിപക്ഷ പാർട്ടികളും പരാതി പറഞ്ഞിരുന്നില്ലെന്ന ഇന്ത്യാ ടുഡേ ആങ്കർ രാഹുൽ കൻവലിന് ശക്തമായ മറുപടിയുമായി എഴുത്തുകാരിയും കോളമിസ്റ്റുമായ നിലഞ്ജന റോയ്. ബി.ജെ.പി ചായ്‌വും മോദി ഭക്തിയും പരസ്യമായി പ്രകടിപ്പിക്കാറുള്ള കൻവലിന് ട്വിറ്ററിലാണ് നിലഞ്ജന മറുപടി നൽകിയത്.

‘2018 ഡിസംബർ ആറിന് ഒരു പ്രതിപക്ഷ പാർട്ടിയും എക്‌സിറ്റ് പോൾ തട്ടിപ്പാണെന്ന് പറഞ്ഞില്ല. മുഖ്യമന്ത്രിസ്ഥാനം പ്രതീക്ഷയുള്ള കോൺഗ്രസ് നേതാക്കളെല്ലാം ഇന്ത്യാടുഡേ ലൈവിൽ ഇരുന്ന് അവകാശവാദമുന്നയിക്കുകയായിരുന്നു. വോട്ടിങ് യന്ത്രങ്ങളിൽ കൃത്രിമമുണ്ടെന്നും ആരും പറഞ്ഞില്ല. നരേന്ദ്ര മോദി വിജയിക്കുന്നു എന്ന് കാണുമ്പോൾ മാത്രമാണ് അവർക്ക് എക്‌സിറ്റ് പോളും വോട്ടിങ് യന്ത്രവും കൃത്രിമമാകുന്നത്’ – രാഹുൽ കൻവൽ ട്വിറ്ററിൽ കുറിച്ചു.

എന്നാൽ, കോൺഗ്രസ് നേട്ടമുണ്ടാക്കി അസംബ്ലി തെരഞ്ഞെടുപ്പ് ഫലം പുറത്തുവന്നതിനു ശേഷം തന്നെ രാഹുൽ ഗാന്ധി വോട്ടിങ് യന്ത്രങ്ങളെക്കുറിച്ചുള്ള ആശങ്ക പങ്കുവെച്ചിരുന്നുവെന്ന് നിലഞ്ജന റോയ് വ്യക്തമാക്കി. രാഹുൽ ആശങ്ക പ്രകടിപ്പിച്ച വാർത്തയുടെ ലിങ്ക് സഹിതമാണ് അവർ മറുപടി നൽകിയത്. ‘പറയുന്ന കാര്യങ്ങൾ സത്യമാണെന്ന് ഉറപ്പുവരുത്താനെങ്കിലും മാധ്യമപ്രവർത്തകർ തയ്യാറാവണം.’ നിലഞ്ജന ട്വീറ്റ് ചെയ്തു.

Continue Reading
Advertisement
Click to comment

Leave a Reply

Your email address will not be published. Required fields are marked *

EDUCATION

തുല്യതാ പരീക്ഷ മാർച്ച്‌ 30 വരെ അപേക്ഷിക്കാം

പത്താം തരം തുല്യതാ പരീക്ഷയിലേക്ക് അപേക്ഷിക്കുന്നതിന് 1950 രൂപയും ഹയർ സെക്കന്ററിക്ക് 2,600 രൂപയുമാണ് ഫീസ്

Published

on

സംസ്ഥാന സാക്ഷരതാ മിഷൻ നടത്തുന്ന പത്താംതരം, ഹയർ സെക്കൻഡറി തുല്യതാ കോഴ്‌സുകളിലേക്ക് മാർച്ച്‌ 30 വരെ അപേക്ഷിക്കാം. 17 വയസ് പൂർത്തിയായ ഏഴാംതരം വിജയിച്ചവർ, 8, 9 ക്ലാസുകളില്‍ പഠനം നിർത്തിയവർ, പത്താംതരം തോറ്റവർ എന്നിവർക്ക് പത്താം തരത്തിലേക്ക് അപേക്ഷിക്കാം.

22 വയസ് പൂർത്തിയായ പത്താംതരം വിജയിച്ചവർ, പത്താംതരം തുല്യത കോഴ്‌സ് വിജയിച്ചവർ, പ്ലസ് വണ്‍, പ്ലസ് ടു ക്ലാസുകളില്‍ പഠനം നിർത്തിയവർ,തോറ്റവർ എന്നിവർക്ക് ഹയർ സെക്കൻഡറി തലത്തിലേക്ക് അപേക്ഷിക്കാം. പത്താം തരം തുല്യതാ പരീക്ഷയിലേക്ക് അപേക്ഷിക്കുന്നതിന് 1950 രൂപയും ഹയർ സെക്കന്ററിക്ക് 2,600 രൂപയുമാണ് ഫീസ്.

Continue Reading

india

‘സാമ്പത്തികമായി കോൺഗ്രസിനെ തകർക്കാന്‍ ശ്രമം, ‘നികുതി ഭീകരത’ അവസാനിപ്പിക്കണം’: കോണ്‍ഗ്രസ്

ബി.ജെ.പിയില്‍ നിന്ന് ആദായനികുതി വകുപ്പ് 4600 കോടി രൂപ പിരിച്ചെടുക്കാനുണ്ട്

Published

on

ഇന്ത്യയില്‍ ബിജെപി നടത്തുന്നത് നികുതി ഭീകരതയെന്ന് കോണ്‍ഗ്രസ്. തെരഞ്ഞെടുപ്പ് മുന്നില്‍ കണ്ട് കോണ്‍ഗ്രസിനെ സാമ്പത്തികമായി തകര്‍ക്കുകയാണ്. ബി.ജെ.പിയില്‍ നിന്ന് ആദായനികുതി വകുപ്പ് 4600 കോടി രൂപ പിരിച്ചെടുക്കാനുണ്ട്. ആദായ നികുതി നിയമങ്ങളും ജനപ്രാതിനിധ്യ നിയമങ്ങളും ബി.ജെ.പി ലംഘിക്കുകയാണ്. ഇതിനെതിരെ അടുത്തയാഴ്ച സുപ്രിംകോടതിയെ സമീപിക്കുമെന്നും കോണ്‍ഗ്രസ് നേതാക്കള്‍ അറിയിച്ചു.

Continue Reading

india

ചെന്നൈയില്‍ പബ്ബിന്റെ മേല്‍ക്കൂര തകര്‍ന്ന് വീണ് 3 പേര്‍ മരിച്ചു

ഇന്നലെ
രാത്രി 8 മണിയോടെയാണ് അപകടമുണ്ടായത്

Published

on

ചെന്നൈ ആള്‍വാര്‍പേട്ടില്‍ പബ്ബിന്റെ മേല്‍ക്കൂര ഇടിഞ്ഞ് മൂന്നുപേര്‍ മരിച്ചു. പബ്ബ് ജീവനക്കാരായ മണിപ്പൂര്‍ സ്വദേശികള്‍ മാക്‌സ്, ലാലി എന്നിവരാണ് മരിച്ചതെന്ന് തിരിച്ചറിഞ്ഞിട്ടുണ്ട്. മരണപ്പെട്ട മൂന്നാമത്തെയാളെ തിരിച്ചറിഞ്ഞിട്ടില്ല. ഇന്നലെ
രാത്രി 8 മണിയോടെയാണ് അപകടമുണ്ടായത്. ആള്‍വാര്‍പേട്ടിലെ ഷെക്‌മെറ്റ് പബ്ബിന്റെ മേല്‍ക്കൂരയാണ് ഇടിഞ്ഞുവീണത്.

അപകടത്തിന്റെ കാരണമെന്തെന്ന് ഇപ്പോഴും വ്യക്തമായിട്ടില്ല. പബ്ബിനുള്ളില്‍ ആരും തന്നെ കുടുങ്ങിക്കിടപ്പില്ലെന്ന് രക്ഷാ പ്രവര്‍ത്തകരും ഫയര്‍ ഫോഴ്‌സും അറിയിച്ചു. ഐപിഎല്‍ നടക്കുന്നതിനാലും ഇന്ന് അവധി ദിവസമായതിനാലും ധാരാളം ആളുകള്‍ പബ്ബിലുണ്ടായിരുന്നുവെന്നാണ് പൊലീസ് പറയുന്നത്. ഇതിനിടെയാണ് മേല്‍ക്കൂര പൂര്‍ണമായും തകര്‍ന്ന് താഴേക്ക് വീണത്.

Continue Reading

Trending