നിര്‍ഭയ കേസ്: വിനയ് ശര്‍മ്മയുടെ ദയാഹര്‍ജി രാഷ്ട്രപതി തള്ളി

ന്യൂഡല്‍ഹി: നിര്‍ഭയ കേസ് പ്രതി വിനയ് ശര്‍മ്മയുടെ ദയാഹര്‍ജി രാഷ്ട്രപതി രാം നാഥ് കോവിന്ദ് തള്ളി. വിനയ് ശര്‍മ്മ രാഷ്ട്രപതിയ്ക്കു മുമ്പാകെ ദയാഹര്‍ജി സമര്‍പ്പിച്ചിരുന്നു. കേസിലെ പ്രതികളായ വിനയ് ശര്‍മ്മ, മുകേഷ് സിങ്, അക്ഷയ് താക്കൂര്‍, പവന്‍ കുമാര്‍ ഗുപ്ത എന്നിവരുടെ വധശിക്ഷ ഇന്നലെ ഡല്‍ഹി കോടതി സ്‌റ്റേ ചെയ്തിരുന്നു. മുകേഷ് സിങിന്റെ ദയാഹര്‍ജി നേരത്തെ തള്ളിയിരുന്നു.

കുറ്റകൃത്യം നടന്ന സമയത്ത് താന്‍ പ്രായപൂര്‍ത്തിയായിരുന്നില്ലെന്നും അതിനാല്‍ വധശിക്ഷയില്‍ നിന്നും ഒഴിവാക്കണമെന്നും ചൂണ്ടിക്കാട്ടി പവന്‍ ഗുപ്ത നല്‍കിയ പുന:പരിശോധന ഹര്‍ജി സുപ്രീം കോടതി ഇന്നലെ തള്ളിയിരുന്നു. ഇനി പിഴവു തിരുത്തല്‍ ഹര്‍ജി സമര്‍പ്പിക്കാനുണ്ട്. ദയാഹര്‍ജികള്‍ തള്ളിയാലും 14 ദിവസങ്ങള്‍ക്കും ശേഷം മാത്രമേ വധശിക്ഷ നടപ്പാക്കാന്‍ സാധിക്കുകയുള്ളു.