കക്കട്ടില്‍: സംഭാവന നല്‍കാത്തത്തിന്റെ പേരില്‍ കക്കട്ടില്‍ ടൗണിലെ ലോട്ടറി സ്റ്റാള്‍ ഡി.വൈ.എഫ്.ഐ. പ്രവര്‍ത്തകര്‍ പൂട്ടിച്ചതായി പരാതി..വെള്ളിയാഴ്ച വൈകുന്നേരമാണ് സംഭവം. കുറ്റിയാടി പോലീസ് ഇടപെട്ട് തുറപ്പിച്ചെങ്കിലും വീണ്ടും പ്രവര്‍ത്തകര്‍ എത്തി പൂട്ടിച്ചു. സ്റ്റാളിലെ തൊഴിലാളി അരൂര്‍ സ്വദേശി ആദര്‍ശ് (18) ന് മര്‍ദ്ദനമേല്‍ക്കുകയും ചെയ്തു. പിരിവ് ചോദിച്ചെത്തിയവരെ അപമാനിക്കുകയും, റസീറ്റ് കീറി എറിയുകയും ചെയ്തതിനാലാണ് കടയടപ്പിച്ചതെന്ന് ഡി.വൈ.എഫ്.ഐ. പ്രവര്‍ത്തകര്‍ പറഞ്ഞു.