Connect with us

Culture

സിറിയക്ക് ഉത്തരകൊറിയ രാസായുധ സാമഗ്രികള്‍ നല്‍കുന്നു: യു.എന്‍

Published

on

ന്യൂയോര്‍ക്ക്: രാസായുധങ്ങള്‍ നിര്‍മിക്കാനുള്ള സാമഗ്രികള്‍ സിറിയക്ക് എത്തിച്ചുകൊടുക്കുന്നത് ഉത്തരകൊറിയയാണെന്ന് യു.എന്‍ റിപ്പോര്‍ട്ട്. 2012നും 2017നുമിടക്ക് ഉത്തരകൊറിയയില്‍നിന്ന് സിറിയയിലേക്ക് നാല്‍പതോളം കപ്പലുകള്‍ രാസായുധ സാമഗ്രികളുമായി എത്തിയിട്ടുണ്ട്. സിറിയന്‍ രാസായുധ നിര്‍മാണ കേന്ദ്രങ്ങളില്‍ ഉത്തരകൊറിയയുടെ മിസൈല്‍ വിദഗ്ധരെ കണ്ടതായും ബി.ബി.സി പുറത്തുവിട്ട രഹസ്യ റിപ്പോര്‍ട്ടില്‍ പറയുന്നു.

യു.എന്‍ ഉപരോധ പ്രമേയങ്ങള്‍ ഉത്തരകൊറിയ ലംഘിക്കുന്നതിനെക്കുറിച്ച് അന്വേഷിക്കാന്‍ യു.എന്‍ നിയോഗിച്ച വിദഗ്ധ സംഘത്തിന്റെ റിപ്പോര്‍ട്ടിലാണ് ഞെട്ടിക്കുന്ന വിവരമുള്ളത്. സിറിയയിലേക്ക് അനധികൃതമായി സാധനങ്ങള്‍ കടത്തിയതിന് വ്യക്തമായ തെളിവുണ്ട്. ചില വന്‍കിട കമ്പനികള്‍ വഴിയാണ് സിറിയ ഉത്തരകൊറിയക്ക് പണം കൈമാറിയിരുന്നത്. സയന്റിഫിക് സ്റ്റഡീസ് ആന്റ് റിസര്‍ച്ച് സെന്ററാണ് സിറിയന്‍ രാസായുധ നിര്‍മാണത്തിന് നേതൃത്വം നല്‍കുന്നത്. സിറിയയില്‍ കണ്ട ഉത്തരകൊറിയക്കാര്‍ ആരാണെന്ന് ചോദിച്ചപ്പോള്‍ സ്‌പോര്‍ട്‌സ് കോച്ചുമാരും കായിക താരങ്ങളുമാണെന്നായിരുന്നു സിറിയന്‍ ഭരണകൂടം യു.എന്‍ സംഘത്തിന് നല്‍കിയ മറുപടി. സിറിയയിലേക്കുള്ള അഞ്ച് കപ്പലുകള്‍ ഒരു ചൈനീസ് കമ്പനി വഴിയാണ് ഉത്തരകൊറിയ അയച്ചത്.

രാസായുധ നിര്‍മാണത്തിനുള്ള ആസിഡ് റെസിസ്റ്റന്റ് ടൈലുകളായിരുന്നു അതിലുണ്ടായിരുന്നതെന്ന് റിപ്പോര്‍ട്ടില്‍ പറയുന്നു. കെമിക്കല്‍ ഫാക്ടറിയുടെ ഉള്‍ഭാഗത്തെ ചുമരുകള്‍ നിര്‍മിക്കുന്നതിന് ഉപയോഗിക്കുന്ന സാമഗ്രികള്‍ യു.എന്‍ ഉപരോധ പട്ടികയില്‍ ഉള്‍പ്പെട്ടിരുന്നില്ല. യു.എന്‍ പ്രമേയം ലംഘിച്ച് കമ്പനി ഏതെങ്കിലും ഉത്തരകൊറിയന്‍ സ്ഥാപനങ്ങളുമായി പ്രവര്‍ത്തിച്ചതിന് തെളിവില്ലായിരുന്നു യു.എന്‍ സംഘത്തിന്റെ കണ്ടെത്തലിന് ചൈന മറുപടി നല്‍കിയത്. ആണവായുധ, മിസൈല്‍ പദ്ധതികളുടെ പേരില്‍ ഉത്തരകൊറിയ കടുത്ത യു.എന്‍ ഉപരോധം നേരിട്ടുകൊണ്ടിരിക്കുകയാണ്.

Continue Reading
Advertisement
Click to comment

Leave a Reply

Your email address will not be published. Required fields are marked *

Film

തിയറ്ററിലിരുന്ന് കരയുകയായിരുന്നു, എന്‍റെ ജീവിതമാണത്’: നജീബ്

നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു

Published

on

കൊച്ചി: ‘ആടുജീവിതം’ സിനിമ കണ്ടപ്പോൾ ചില രംഗങ്ങൾ കണ്ട് തിയേറ്ററിനുള്ളിൽ ഇരുന്ന് കരയുകയായിരുന്നു താനെന്ന് നജീബ്. തന്റെ ജീവിതമാണ് സ്ക്രീനിലൂടെ കണ്ടതെന്നും നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു. ‘ആടുജീവിതം’ ആദ്യ ഷോ കണ്ടിറങ്ങിയപ്പോഴായിരുന്നു നജീബിന്‍റെ പ്രതികരണം.

പൃഥ്വിരാജ് വളരെ നന്നായി അഭിനയിച്ചിട്ടുണ്ട്. സിനിമ തിയേറ്ററിൽ എത്തുന്നത് കുടുംബം കാത്തിരിക്കുകയായിരുന്നു. എന്നാൽ മകന്റെ കുഞ്ഞ് മരിച്ചതോടെ എല്ലാവരും ദുഃഖത്തിലാണ്. എല്ലാവരും നിർബന്ധിച്ചത് കൊണ്ടാണ് ഇന്ന് സിനിമ കാണാൻ എത്തിയത്. ഇന്ന് തന്നെ സിനിമ കാണുമെന്ന് പറഞ്ഞ് നിരവധി പേരാണ് തന്നെ വിളിക്കുന്നത് -നജീബ് പറഞ്ഞു.

അതേസമയം, ഇന്ന് തിയറ്ററുകളിലെത്തിയ ചിത്രത്തിന് മികച്ച അഭിപ്രായമാണ് ലഭിക്കുന്നത്. ലോകോത്തര നിലവാരത്തിലുള്ള സിനിമയെന്നും, ബ്ലെസ്സി എന്ന സംവിധായകന്‍റെ 16 വർഷത്തെ കഠിനാധ്വാനം ഫലം കണ്ടിരിക്കുന്നുവെന്നുമെല്ലാം പ്രേക്ഷകർ അഭിപ്രായപ്പെടുന്നു.

Continue Reading

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Trending