വീണ്ടും പീഡനപരാതി: 14 കാരിയെ പീഡിപ്പിച്ച കേസില്‍ സി.പി.എം പഞ്ചായത്തംഗം ഒളിവില്‍

കൊച്ചി: സി.പി.എമ്മിന് തലവേദനയായി വീണ്ടും പീഡന വാര്‍ത്ത. എറണാകുളം ഏഴിക്കരയിലെ പഞ്ചായത്തംഗവും സിപിഎം മുന്‍ ബ്രാഞ്ച് സെക്രട്ടറിയുമായ ഇ.ആര്‍. സുനില്‍രാജിനെതിരെയാണ് പരാതിയുയര്‍ന്നിരിക്കുന്നത്. 14 വയസുകാരിയുടെ കുടുംബമാണ് പരാതി നല്‍കിയിരിക്കുന്നത്. തുടര്‍ന്ന് പോക്സോ ചേര്‍ത്ത് കേസ് റജിസ്റ്റര്‍ചെയ്തതോടെ സുനില്‍രാജ് ഒളിവില്‍ പോയി. പാര്‍ട്ടിയെ വെട്ടിലാക്കി തുടര്‍ച്ചയായ പീഡന പരാതികള്‍ ഇപ്പോള്‍ പുറത്തായികൊണ്ടിരിക്കുന്നത്.

പഞ്ചായത്തംഗത്തെ പുറത്താക്കണമെന്ന് ആവശ്യപ്പെട്ട് പ്രതിപക്ഷ സംഘടനകള്‍ പ്രതിഷേധമാരംഭിച്ചിരിക്കുകയാണ്.. സുനില്‍ രാജിനെതിരെ 14 വയസുകാരിയുടെ കുടുംബമാണ് പരാതി നല്‍കിയിരിക്കുന്നത്. ശരീരത്തില്‍ കയറിപ്പിടിച്ചെന്നും അക്രമിക്കാന്‍ ശ്രമിച്ചെന്നുമാണ് ആരോപണം. പരാതിയുടെ അടിസ്ഥാനത്തില്‍ പോക്‌സോ ചുമത്തി പോലീസ് കേസെടുത്തതോടെ സുനില്‍രാജ് ഒളിവില്‍ പോയി.

അതേസമയം സുനില്‍രാജിനെ അറസ്റ്റ് ചെയ്യാതെ രക്ഷിക്കാനുള്ള ശ്രമമാണ് പോലീസ് നടത്തുന്നതെന്ന ആരോപണം ശക്തമാണ്. സുനില്‍രാജിന്റെ രാജി ആവശ്യപ്പെട്ട് ഏഴിക്കര പഞ്ചായത്ത് ഓഫീസിലേക്ക് മാര്‍ച്ച് സംഘടിപ്പിച്ചു.