Connect with us

More

കേന്ദ്രം ഭരിക്കുന്നത് മൂവര്‍ സംഘമെന്ന് രാഹുല്‍

Published

on

 

ന്യൂഡല്‍ഹി: പ്രധാനമന്ത്രി നരേന്ദ്ര മോദിക്കെതിരെ കടുത്ത വിമര്‍ശവുമായി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. മോദി ഭരിക്കുന്നത് ഏതാനും ചില കോര്‍പറേറ്റുകളുടെ താല്‍പര്യത്തിന് വേണ്ടിയാണെന്നും രാജ്യത്തെ കര്‍ഷകരെ അദ്ദേഹം മറന്നുവെന്നും രാഹുല്‍ കുറ്റപ്പെടുത്തി. 2.5 ലക്ഷം കോടി രൂപയോളം കോര്‍പറേറ്റ് കടം എഴുതി തള്ളിയ മോദി കര്‍ഷകരുടെ വായ്പകളുടെ കാര്യത്തില്‍ യാതൊരു താല്‍പര്യവും കാണിക്കുന്നില്ലെന്നും അദ്ദേഹം കുറ്റപ്പെടുത്തി. പാര്‍ട്ടി ഒ.ബി.സി വിഭാഗം സംഘടിപ്പിച്ച ചടങ്ങില്‍ സംസാരിക്കുകയായിരുന്നു അദ്ദേഹം.
തിരശ്ശീലക്കു പിന്നില്‍ കഠിനാധ്വാനം ചെയ്യുന്നവര്‍ക്ക് മോദി ഭരണത്തില്‍ യാതൊരു നേട്ടവും ലഭിക്കുന്നില്ലെന്നും കര്‍ഷകരുടെ പ്രയത്‌നത്തിന്റെ ഫലം കൊയ്യുന്നത് മറ്റു ചിലരാണെന്നും അദ്ദേഹം പറഞ്ഞു. നൈപുണ്യമുള്ളവര്‍ക്ക് രാജ്യത്ത് യാതൊരു പ്രതിഫലവും ലഭിക്കുന്നില്ല. കര്‍ഷകര്‍ കഠിനാധ്വാനം ചെയ്യുന്നു. എന്നാല്‍ ഇത്തരക്കാരെ കുറിച്ചുള്ള യാതൊന്നും തന്നെ മോദിയുടെ ഓഫീസില്‍ കാണാനാവില്ല. രാഹുല്‍ കൂട്ടിച്ചേര്‍ത്തു. ബാങ്കുകളുടെ നിഷ്‌ക്രിയ ആസ്തി 1000 കോടിയായി ഉയര്‍ന്നു കഴിഞ്ഞു. 15 വ്യവസായികള്‍ക്ക് 2.5 ലക്ഷം കോടിയാണ് നല്‍കിയിരിക്കുന്നത്. കര്‍ഷകര്‍ക്ക് ഒരു പൈസ പോലും നല്‍കാന്‍ സര്‍ക്കാര്‍ തയാറായിട്ടില്ല. കര്‍ഷക ആത്മഹത്യകള്‍ പെരുകുന്നു. കര്‍ഷകരുടെ കുട്ടികളുടെ കരച്ചില്‍ അന്തരീക്ഷത്തില്‍ അലയടിക്കുകയാണ്. രാജ്യത്ത് നൈപുണ്യമുള്ളവരുടെ കുറവുണ്ടെന്ന സര്‍ക്കാര്‍ വാദം ശരിയല്ലെന്ന് പറഞ്ഞ രാഹുല്‍ അധികൃതര്‍ ഇത് തിരിച്ചറിയാത്തതാണ് പ്രശ്‌നമെന്നും പറഞ്ഞു. സര്‍ക്കാറിലുള്ള ചിലരും ആര്‍.എസ്.എസും കാരണമാണ് ഒ.ബി.സി വിഭാഗക്കാരെ സര്‍ക്കാര്‍ തിരിഞ്ഞു നോക്കാത്തതെന്നും അദ്ദേഹം ആരോപിച്ചു. രാജ്യം ഇപ്പോള്‍ ഭരിക്കുന്നത് മോദി, അമിത് ഷാ, ആര്‍.എസ്.എസ് തലവന്‍ മോഹന്‍ ഭാഗവത് എന്നീ മൂവര്‍ സംഘമാണ്. രാജ്യം 2-3 ബി.ജെ.പി നേതാക്കളുടെ അടിമയായി മാറിയിരിക്കുകയാണ്. എം.പിമാരുള്‍പ്പെടെയുള്ളവര്‍ പ്രതികരിക്കാന്‍ ഭയക്കുകയാണ്. ആരേയും സംസാരിക്കാന്‍ അനുവദിക്കുന്നില്ല. സംസാരിച്ചാലും ബി.ജെ.പി കേള്‍ക്കാന്‍ സന്നദ്ധമല്ല. ആര്‍.എസ്.എസിന്റെ വാക്കുകള്‍ മാത്രമാണ് ഭരണകര്‍ത്താക്കള്‍ കേള്‍ക്കുന്നതെന്നും രാഹുല്‍ പറഞ്ഞു.
കേന്ദ്രം ഭരിക്കുന്നത് മൂവര്‍ സംഘത്തിനു വേ ണ്ടിയാണ്. എന്നാല്‍ ജനങ്ങള്‍ക്കു വേണ്ടി എങ്ങനെ ഭരിക്കണമെന്ന് ഐ ക്യ പ്രതിപക്ഷം ഒരു വര്‍ഷത്തിനകം ബി.ജെ.പിക്കും ആര്‍.എസ്.എസിനും മനസിലാക്കിക്കൊടുക്കുമെന്നും അദ്ദേഹം പറഞ്ഞു.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

മലകയറ്റം കഴിഞ്ഞ് മടങ്ങവെ കാട്ടുപോത്തിന്റെ ആക്രമണം; ഇടുക്കിയില്‍ ഒരാള്‍ക്ക് സാരമായ പരിക്ക്

ഇന്ന് ഒരു മണിക്ക് ശേഷമാണ് സംഭവം

Published

on

ഇടുക്കി: ഇടുക്കിയില്‍ കാട്ടുപോത്തിന്റെ ആക്രമണത്തില്‍ ഒരാള്‍ക്ക് സാരമായി പരിക്കേറ്റു. സ്പ്രിങ്ങ് വാലിയില്‍ മുല്ലമല എം ആര്‍ രാജീവനാണ് പരിക്കേറ്റത്. രാജീവിനെ ആശുപത്രിയില്‍ പ്രവേശിപ്പിച്ചു.

ഇന്ന് ഒരു മണിക്ക് ശേഷമാണ് സംഭവം. കൂട്ടുകാര്‍ക്കൊപ്പം കുരിശുമല കയറി തിരികെ വരുമ്പോഴാണ് കാട്ടുപോത്തിന്റെ ആക്രമണം ഉണ്ടായത്. ഏലത്തോട്ടത്തില്‍ ഉണ്ടായിരുന്ന കാട്ടുപോത്ത് റോഡിലേക്ക് കയറി രാജീവിനെ ആക്രമിക്കുകയായിരുന്നു. കൂട്ടുകാര്‍ രാജീവിന്റെ രക്ഷയ്ക്ക് എത്തിയതോടെ, കാട്ടുപോത്ത് പിന്മാറുകയായിരുന്നു.

കഴിഞ്ഞദിവസം രാത്രിയില്‍ അടിമാലി ഇരുമ്പുപാലം പടിക്കപ്പില്‍ കാട്ടുപോത്ത് ഇറങ്ങിയത് നാട്ടുകാരെ പരിഭ്രാന്തിയിലാഴ്ത്തിയിരുന്നു.

Continue Reading

More

ഗസ്സയിലെ വംശഹത്യ തടയണം; ഇസ്രാഈലിന് കടുത്ത നിര്‍ദേശവുമായി അന്താരാഷ്ട്ര കോടതി

ഉത്തരവ് പാലിക്കുന്നെന്ന് ഉറപ്പാക്കി ഒരു മാസത്തിനകം റിപ്പോർട്ട് നൽകണമെന്നാണ് നിർദേശം

Published

on

ഗാസയിൽ തുടരുന്ന ആക്രമണത്തിന് പിന്നാലെ ഇസ്രാഈലിന് കടുത്ത നിർദേശവുമായി അന്താരാഷ്ട്ര കോടതി. ഗാസയിലെ വംശഹത്യ തടയണമെന്ന് ഇസ്രാഈലിനോട് ആവശ്യപ്പെട്ടു. ഉത്തരവ് പാലിക്കുന്നെന്ന് ഉറപ്പാക്കി ഒരു മാസത്തിനകം റിപ്പോർട്ട് നൽകണമെന്നാണ് നിർദേശം.

ഗാസയിലെ സാഹചര്യം ഹൃദയഭേദകമെന്ന് യുഎൻ സെക്രട്ടറി ജനറൽ അന്റോണിയോ ഗുട്ടറസ് പ്രതികരിച്ചു. ഗാസയിലെ ജനങ്ങളോട് മാനുഷിക പരിഗണന അനിവാര്യമെന്നും അദ്ദേഹം പറഞ്ഞു. ഗാസയിൽ 10 ആശുപത്രികൾ ഭാഗികമായി പ്രവർത്തിക്കുന്നെന്ന് ലോകാരോഗ്യ സംഘടന അറിയിച്ചു.

അതേസമയം ഇസ്രാഈൽ സൈന്യം ഗാസ നഗരത്തിലേക്ക് പ്രവേശിക്കാൻ പോവുകയാണെന്നാണ് പ്രസിഡന്റ് ബെഞ്ചമിൻ നെതന്യാഹു മുന്നറിയിപ്പ് നൽകിയത്. ഗുരുതര സാഹചര്യമാണ് ഗാസയിലേതെന്നും പട്ടിണി തടയാനാകുന്നില്ലെന്നുമാണ് ലോകാരോഗ്യ സംഘടന മുന്നറിയിപ്പ് നൽകുന്നത്.

Continue Reading

kerala

കണ്ണൂരില്‍ ഒരാള്‍ക്ക് സൂര്യാഘാതമേറ്റു

ഇന്ന് പത്ത് ജില്ലകളില്‍ ഉയര്‍ന്ന താപനില മുന്നറിയിപ്പ് പ്രഖ്യാപിച്ചിട്ടുണ്ട്

Published

on

കണ്ണൂര്‍: കണ്ണൂരില്‍ ഒരാള്‍ക്ക് സൂര്യാഘാതമേറ്റു. ടെയ്‌ലറിങ് കടയുടമ കരുവന്‍ചാല്‍ പള്ളിക്കവല സ്വദേശി എംഡി രാമചന്ദ്രനാണ് പൊള്ളലേറ്റത്. രാമചന്ദ്രന്റെ ഇരുകാലുകള്‍ക്കും പൊള്ളലേറ്റു. രാമചന്ദ്രനെ ഉടന്‍ സമീപത്തെ ആശുപത്രിയില്‍ പ്രവേശിപ്പിച്ചു. ഇരുപാദങ്ങളിലേയും തൊലി നീക്കം ചെയ്തു.

അതേസമയം, ഇന്ന് പത്ത് ജില്ലകളില്‍ ഉയര്‍ന്ന താപനില മുന്നറിയിപ്പ് പ്രഖ്യാപിച്ചിട്ടുണ്ട്. കൊല്ലം, തൃശൂർ, പാലക്കാട്, പത്തനംതിട്ട, കോട്ടയം, ആലപ്പുഴ, എറണാകുളം, കോഴിക്കോട്, കണ്ണൂർ, തിരുവനന്തപുരം ജില്ലകളിലാണ് മുന്നറിയിപ്പ്. സാധാരണയേക്കാൾ രണ്ട് മുതൽ നാല് ഡി​ഗ്രി സെൽഷ്യസ് വരെ ചൂട് കൂടും. ഈ ജില്ലകളിൽ യെല്ലോ അലർട്ട് പ്രഖ്യാപിച്ചു.

Continue Reading

Trending