രാജേഷിന്റെ കൊലപാതകം: മുഖ്യപ്രതി അലിഭായ് കസ്റ്റഡിയില്‍

തിരുവനന്തപുരം: മുന്‍ റേഡിയോ ജോക്കി രാജേഷിന്റെ കൊലപാതകത്തില്‍ മുഖ്യപ്രതി അലിഭായ് എന്ന സാലിഹ് ബിന്‍ ജലാല്‍ പോലീസ് കസ്റ്റഡിയിലായി. ഖത്തറില്‍ നിന്നും തിരുവനന്തപുരത്ത് എത്തിയ അലിഭായിയെ വിമാനത്താവളത്തില്‍ നിന്നാണ് പോലീസ് കസ്റ്റഡിയിലെടുത്തത്. കൊലപാതകം നടത്താനായി രഹസ്യമായി നാട്ടിലെത്തിയ ഇയാള്‍ കൃത്യം കഴിഞ്ഞ ശേഷം നേപ്പാള്‍ വഴിയാണ് രക്ഷപ്പെട്ടതെന്ന് പൊലീസ് പറഞ്ഞു.

കേസില്‍ ക്വട്ടേഷന്‍ നല്‍കിയത് ഖത്തറില്‍ നിന്നുള്ളയാളാണെന്നും വിദേശത്തുള്ള സ്ത്രീയുമായുള്ള രാജേഷിന്റെ ബന്ധമാണ് കൊലപാതകത്തില്‍ എത്തിച്ചതെന്നുമാണ് പൊലീസ് നല്‍കുന്ന വിവരം.