Connect with us

Culture

കര്‍ണാടക: നാണക്കേടില്‍ നിന്ന് കരകയറാന്‍ വ്യാജപ്രചാരണങ്ങളുമായി ആര്‍.എസ്.എസ്‌

Published

on

ന്യൂഡല്‍ഹി: കര്‍ണാടകയില്‍ ഭൂരിപക്ഷം തെളിയിക്കാനാവില്ലെന്ന് മനസിലായതോടെ ബി.എസ് യെദ്യൂരപ്പ നാണം കെട്ട് ഇറങ്ങിപ്പോകേണ്ടി വന്ന സാഹചര്യത്തില്‍ ന്യായവാദങ്ങളുമായി സംഘപരിവാര്‍. കര്‍ണാടകയില്‍ അപ്രതീക്ഷിതമായി രൂപം കൊണ്ട പ്രതിപക്ഷ ഐക്യം അടുത്ത ലോക്‌സഭാ തെരഞ്ഞെടുപ്പിലും തുടര്‍ന്നാല്‍ തങ്ങളുടെ നിലനില്‍പിനെ അത് ബാധിക്കുമെന്ന തിരിച്ചറിവാണ് ആസൂത്രിത പ്രചാരണങ്ങളുമായി രംഗത്തിറങ്ങാന്‍ സംഘപരിവാറിനെ പ്രേരിപ്പിക്കുന്നത്. കര്‍ണാടകയില്‍ നടന്ന രാഷ്ട്രീയ നീക്കങ്ങളെല്ലാം യെദ്യൂരപ്പയും ബെല്ലാരി സഹോദരന്‍മാരും ശ്രീരാമലുവും ആസൂത്രണം ചെയ്തതാണ്. മോദിക്കും അമിത് ഷാക്കും ആര്‍.എസ്.എസിനും അതില്‍ ഒരു പങ്കുമില്ലെന്നതാണ് ഒന്നാമത്തെ വാദം.

എന്നാല്‍ കര്‍ണാടകയില്‍ കണ്ട നാടകങ്ങളെല്ലാം നാഗ്പൂരിലെ ആര്‍.എസ്.എസ് ആസ്ഥാനത്ത് ആസൂത്രണം ചെയ്തതാണെന്നും മോദിയും അമിത് ഷായുമാണ് അതിന് ചരട് വലിച്ചതെന്നും സമീപകാലത്ത് ബി.ജെ.പി വിവിധ സംസ്ഥാനങ്ങളില്‍ നടപ്പാക്കിയ സര്‍ക്കാര്‍ രൂപീകരണ തന്ത്രങ്ങളുമായി കര്‍ണാടകയിലെ സംഭവവികാസങ്ങളെ കൂട്ടിവായിക്കുന്നവര്‍ക്ക് വ്യക്തമാവും. നിങ്ങള്‍ എങ്ങനെ ഭൂരിപക്ഷം തെളിയിക്കുമെന്ന ചാനല്‍ അവതാരകയുടെ ചോദ്യത്തിന് ഞങ്ങള്‍ക്ക് അമിത് ഷായുണ്ട് എന്നായിരുന്നു ബി.ജെ.പി വക്താവും ആര്‍.എസ്.എസിന്റെ വിശ്വസ്തനുമായ രാം മാധവ് പരസ്യമായി മറുപടി നല്‍കിയത്. അമിത് ഷായാണ് എല്ലാ നീക്കങ്ങളും നടത്തുന്നതെന്ന് തുറന്ന് സമ്മതിക്കലായിരുന്നു ഇത്. എന്നാല്‍ കര്‍ണാടകയില്‍ അമിത് ഷായുടെ തന്ത്രങ്ങള്‍ പൊളിഞ്ഞതോടെ മോദിയുടേയും അമിത് ഷായുടേയും പ്രതിച്ഛായ വീണ്ടെടുക്കാനാണ് യെദ്യൂരപ്പയേയും ബെല്ലാരി സഹോദരന്‍മാരേയും ബലിയാടാക്കിയുള്ള ആര്‍.എസ്.എസ് നീക്കം.

കോണ്‍ഗ്രസ് നെഞ്ചുവിരിച്ച് മുന്നില്‍ നയിച്ച ഈ നീക്കങ്ങളില്‍ രാഹുല്‍ ഗാന്ധിക്കും കോണ്‍ഗ്രസ് ദേശീയ നേതൃത്വത്തിനും ഒരു പങ്കുമില്ല എന്നതാണ് മറ്റൊരു പ്രചരണം. രാഹുല്‍ ഗാന്ധിയുടെ വസതിയില്‍ നടന്ന യോഗത്തിലാണ് കര്‍ണാടകയിലെ സഖ്യരൂപീകരണം അടക്കമുള്ള കാര്യങ്ങള്‍ തീരുമാനിച്ചത് എന്നതടക്കമുള്ള കാര്യങ്ങള്‍ മറന്നുകൊണ്ടാണ് ഇത്തരമൊരു പ്രചാരണം. രാഹുല്‍ ഗാന്ധിയും കോണ്‍ഗ്രസ് ദേശീയ നേതൃത്വവും മോദിയുടേയും അമിത് ഷായുടേയും തന്ത്രങ്ങള്‍ പൊളിക്കാന്‍ മാത്രം ശേഷിയുള്ളതാണെന്ന് ജനങ്ങള്‍ക്ക് തോന്നരുതെന്ന് ആര്‍.എസ്.എസ് നേതൃത്വത്തിന് നിര്‍ബന്ധമുള്ളതുകൊണ്ടാണ് ഇത്തരമൊരു പ്രചാരണം. എന്നാല്‍ രാഹുല്‍ ഗാന്ധി നയിക്കുന്ന കോണ്‍ഗ്രസ് ദേശീയ നേതൃത്വം ഒന്നാകെ അരയും തലയും മുറുക്കി രംഗത്തിറങ്ങുകയും സുപ്രീം കോടതി മുതല്‍ കര്‍ണാടക നിയമസഭ വരെ പോരാടുകയും ചെയ്തതിന്റെ ഫലമാണ് കര്‍ണാടകയിലെ ജനാധിപത്യ ചേരിയുടെ വിജയം.

സമാനതയില്ലാത്ത പ്രതിപക്ഷ ഐക്യമാണ് കര്‍ണാകയില്‍ കണ്ടത്. യു.പി.എ അധ്യക്ഷ സോണിയാ ഗാന്ധി, ബി.എസ്.പി നേതാവ് മായാവതി, എസ്.പി അധ്യക്ഷന്‍ അഖിലേഷ് യാദവ്, ടി.ഡി.പി നേതാവ് ചന്ദ്രബാബു നായിഡു, തെലുങ്കാന മുഖ്യമന്ത്രി ചന്ദ്രശേഖര റാവു, ഡി.എം.കെ നേതാവ് സ്റ്റാലിന്‍ തുടങ്ങിയവര്‍ ഒരേ മനസ്സോടെയാണ് കര്‍ണാടകയില്‍ ബി.ജെ.പിക്കെതിരെ രംഗത്ത് വന്നത്. ലോക്‌സഭാ തെരഞ്ഞെടുപ്പിന് കേവലം ഒരു വര്‍ഷം മാത്രം ശേഷിക്കുമ്പോള്‍ ഇത്തരമൊരു സഖ്യത്തെ മോദി-അമിത് ഷാ കൂട്ടുകെട്ടും ആര്‍.എസ്.എസും ഭയക്കുന്നുണ്ട്. ഈ സാഹചര്യത്തിലാണ് തങ്ങള്‍ക്ക് പറ്റിയ നാണം കെട്ട തോല്‍വിയും കോണ്‍ഗ്രസ് സഖ്യം നേടിയ ചരിത്ര വിജയവും മറച്ചുവെക്കാന്‍ ആസൂത്രിത പ്രചാരണങ്ങളുമായി സംഘപരിവാര്‍ രംഗത്തിറങ്ങിയിരിക്കുന്നത്.

Continue Reading
Advertisement
Click to comment

Leave a Reply

Your email address will not be published. Required fields are marked *

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Film

‘പ്രതിസന്ധികളെ മറിക്കടക്കാന്‍ ഖുര്‍ആന്‍ സഹായിച്ചു’: ഹോളിവുഡ് താരം വില്‍ സ്മിത്ത്‌

മക്കള്‍ക്ക് ഖുര്‍ആനിലെ വാക്കുകള്‍ ഉപദേശങ്ങളായി പറഞ്ഞു കൊടുക്കാറുണ്ടെന്നും അദ്ദേഹം വ്യക്തമാക്കി

Published

on

വിശുദ്ധ ഖുര്‍ആന്‍ വായിച്ചതിന്റെ അനുഭവം പങ്കുവച്ച് പ്രശ്‌സ്ത ഹോളിവുഡ് താരം വില്‍ സ്മിത്ത്. മാധ്യമപ്രവര്‍ത്തകനായ അമര്‍ അദീപിന്റെ ബിഗ് ടൈം പോഡ്കാസ്റ്റ് എന്ന പരിപാടിയിലാണ് വില്‍ സ്മിത്ത് ഇക്കാര്യം പറഞ്ഞത്. തനിക്ക് ആത്മീയത ഇഷ്ടമാണെന്നും ജീവിതത്തിലെ അവസാന രണ്ട് വര്‍ഷം ബുദ്ധിമുട്ടായിരുന്നുവെന്നും അതിനെ മറികടക്കാന്‍ തനിക്ക് ഖുര്‍ആന്‍ സഹായകമായെന്നും അദ്ദേഹം പറഞ്ഞു.

‘എനിക്ക് ആത്മീയത ഇഷ്ടമാണ്, തന്റെ ജീവിതത്തിലെ അവസാന രണ്ട് വര്‍ഷം വളെര ബുദ്ധിമുട്ടേറിയ കാലമായിരുന്നു, ആ കാലഘട്ടത്തില്‍ താന്‍ ഖുര്‍ആന്‍ ഉള്‍പ്പെടെ എല്ലാ വിശുദ്ധ ഗ്രന്ഥങ്ങളും വായിച്ചിരുന്നു. ഇത് സ്വയം ചിന്തിക്കാനും ആന്തരിക സ്വഭാവത്തെക്കുറിച്ച് ചിന്തിക്കാനും പ്രേരിപ്പിച്ചു’ അദ്ദേഹം പറഞ്ഞു.

ഈ റമദാന്‍ മാസത്തില്‍ ഖുര്‍ആന്‍ ഞാന്‍ പൂര്‍ണമായും വായിച്ചു. ഈ ഘട്ടത്തില്‍ ഏവരെയും ഉള്‍ക്കൊള്ളാനാവുന്ന വിശാലതയിലേക്ക് മനസിനെ വളര്‍ത്തിയെടുക്കുകയാണ്. ഖുര്‍ആന്റെ ലാളിത്യം തനിക്ക് വളരെ ഇഷ്ടമായി. എല്ലാം വളരെ ലളിതമായും കൃത്യമായും ഖുര്‍ആനിലുണ്ട്. യാതൊരു ബുദ്ധിമുട്ടുകളോ തെറ്റിദ്ധാരണകളോ ഇല്ലാതെ വളരെ എളുപ്പത്തില്‍ വായിച്ചു തീര്‍ക്കാമെന്നും അദ്ദേഹം പറഞ്ഞു.

‘ഞാന്‍ എല്ലാ വിശുദ്ധ ഗ്രന്ഥങ്ങളും വായിച്ചു, തോറ മുതല്‍ ബൈബിളിലൂടെ ഖുര്‍ആന്‍ വരെ. എല്ലാം ഒരു പോലെയാണെന്നതില്‍ ഞാന്‍ ആശ്ചര്യപ്പെട്ടു, അവ തമ്മിലുള്ള ബന്ധം തകര്‍ന്നിട്ടില്ല.’ അദ്ദേഹം പറഞ്ഞു. മക്കള്‍ക്ക് ഖുര്‍ആനിലെ വാക്കുകള്‍ ഉപദേശങ്ങളായി പറഞ്ഞു കൊടുക്കാറുണ്ടെന്നും അദ്ദേഹം വ്യക്തമാക്കി.

Continue Reading

Trending