Connect with us

More

ലക്ഷ്യമാണ് ഷാഫിലിന്റെ വിജയമന്ത്രം

Published

on

ടി.കെ ഷറഫുദ്ദീന്‍

കോഴിക്കോട്: ജീവിതത്തില്‍ ലക്ഷ്യബോധത്തോടെ മുന്നേറാന്‍ ആഗ്രഹമുള്ളവര്‍ തീര്‍ച്ചയായും പരിചയപ്പെടേണ്ട വിദ്യാര്‍ത്ഥിയാണ് തിരൂര്‍ ബി.പി അങ്ങാടി സ്വദേശി എം. ഷാഫില്‍ മാഹിന്‍. എഞ്ചിനീയറിങ് എന്‍ട്രന്‍സ് പരീക്ഷയില്‍ തിളക്കമാര്‍ന്ന പ്രകടനത്തിലൂടെ ചരിത്രനേട്ടത്തിലേക്കുള്ള പ്രയാണത്തിലാണ് ഈ കൊച്ചുമിടുക്കന്‍. ജെ.ഇ.ഇ ഓള്‍ ഇന്ത്യ എഞ്ചിനീയറിങ് മെയിന്‍ പരീക്ഷയില്‍ എട്ടാം റാങ്ക് നേടി കേരളത്തിന്റെ അഭിമാനമായി മാറിയിരുന്നു ഷാഫില്‍. ഒ.ബി.സി വിഭാഗത്തില്‍ ഒന്നാംസ്ഥാനവും ഷാഫിലിനായിരുന്നു. കണക്കിനെ ഏറെ ഇഷ്ടപ്പെടുന്ന ഷാഫില്‍, എഞ്ചിനീയറിങ് എന്‍ട്രന്‍സ് പരീക്ഷയില്‍ ആകെയുള്ള 600 മാര്‍ക്കില്‍ 587 മാര്‍ക്ക് നേടിയാണ് സംസ്ഥാനത്ത് ഒന്നാമനായത്. ജെ.ഇ.ഇ ഓള്‍ ഇന്ത്യ എഞ്ചിനീയറിങ് പരീക്ഷയിലാവട്ടെ 360 മാര്‍ക്കില്‍ 345 മാര്‍ക്ക് ഷാഫില്‍ നേടിയിരുന്നു.

dc-cover-jnlmuktr75t64iqsrddf1uido1-20170612020707-medi

എഴുതിയ പരീക്ഷയിലെല്ലാം മിന്നും വിജയമായിരുന്നു ഈ കൊച്ചു മിടുക്കന്.
കോഴിക്കോട് റെയിസ് പബ്ലിക് സ്‌കൂളില്‍ പ്ലസ്ടുവിദ്യാര്‍ത്ഥിയായ ഷാഫില്‍ ചിട്ടയായ പഠനത്തിലൂടെയാണ് നേട്ടത്തിലേക്കുള്ള ആദ്യപടി കയറിയത്. സമയം പാഴാക്കാതെ രാവിലെ ആറുമണിമുതല്‍ പഠനം ആരംഭിക്കും. രാത്രി പതിനൊന്നുമണിവരെ തുടരും. പഠനത്തിന്റെ സമ്മര്‍ദ്ദം കുറക്കാന്‍ കമ്പ്യൂട്ടര്‍ഗെയിമാണ് ഏകവിനോദം. ഇതാണ് ഷാഫിലിന്റെ വിജയഫോര്‍മുല.
ഗണിതശാസ്ത്രജ്ഞനാകണമെന്നാണ് ഈ കൊച്ചുമിടുക്കന്റെ ആഗ്രഹം. കണക്കിനോടുള്ള അടങ്ങാത്ത ആവേശം വാക്കുകളില്‍ പ്രകടം. ജര്‍മ്മന്‍ ഗണിത ശാസ്ത്രജ്ഞന്‍ ഫെഡ്രിക് ഗോസാണ് ഇഷ്ട്ടപ്പെട്ട ശാസ്ത്രജ്ഞന്‍. ബംഗളൂരു ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സില്‍ ഉപരി പഠനം നടത്താനാണ് താല്‍പര്യം. ചെറുപ്പംമുതല്‍ പഠിക്കാന്‍ മിടുക്കനായ ഷാഫിലിനെ പൂര്‍ണ പിന്തുണയുമായി തിരൂര്‍ പോളി ടെക്‌നിക്ക് കോളജ് അധ്യാപകനായ പിതാവ് കെ.എ നാസിയും കാവന്നൂര്‍ പ്രാഥമികാരോഗ്യകേന്ദ്രത്തിലെ ഡോക്ടറായ മാതാവ് എസ് ഷംജിതയും എപ്പോഴും കൂടെയുണ്ട്. മകന്റെ പരിശീലനത്തിനുവേണ്ടി കോഴിക്കോട് മാവൂര്‍റോഡിനടുത്തുള്ള സൗഭാഗ്യ അപ്പാര്‍ട്ട്‌മെന്റിലേക്ക് താമസം മാറുകയായിരുന്നു.
പൊതുവെ വിദ്യാര്‍ത്ഥികള്‍ അകറ്റിനിര്‍ത്താറുള്ള കണക്കിനെ ഏറെ ഇഷ്ടപ്പെടുന്ന ഷാഫിലിന് എത്രബുദ്ധിമുട്ടുള്ള ചോദ്യം നല്‍കിയാലും നിമിഷനേരംകൊണ്ട് ചെയ്ത് തീര്‍ക്കുമെന്ന് സഹപഠികള്‍ പറയുന്നു. അധ്യാപകരെ എന്നും വിസ്മയിപ്പിക്കുന്ന ഈ വിദ്യാര്‍ത്ഥി റാങ്ക് നേട്ടത്തില്‍ അമിതമായ ആഘോഷമില്ലാതെയാണ് സ്വീകരിച്ചത്. ഒന്നാംറാങ്കാണ് തന്റെ ലക്ഷ്യമെന്നും അതിലേക്കുള്ള പ്രയാണത്തിലാണെന്നുമുള്ള ഷാഫില്‍ മാഹിന്റെ വാക്കുകളില്‍ സ്ഫുരിക്കുന്നത് ആത്മവിശ്വാസം മാത്രം.
ചെറിയ ക്ലാസുമുതല്‍ പഠിക്കാന്‍ മിടുക്കനായിരുന്ന വിദ്യാര്‍ത്ഥിക്ക് എസ്.എസ്.എല്‍.സിക്ക് എല്ലാവിഷയങ്ങളിലും എപ്ലസായിരുന്നു. പഠനസമയത്ത് എത്രപ്രയാസമുള്ള ചോദ്യങ്ങളും നിമിഷനേരംകൊണ്ട് പൂര്‍ത്തിയാക്കിയ മിടുക്കന്‍ നാടിന്റെ അഭിമാനമാകുമെന്ന് അധ്യാപകര്‍ അന്നുതന്നെ വിധിയെഴുതിയിരുന്നു. വളര്‍ച്ചയുടെ പാതയില്‍ കഠിനാദ്ധ്വാനം കൈമുതലാക്കി 17കാരന്‍ നിലയുറപ്പിച്ചപ്പോള്‍ പുതിയമാറ്റത്തിന്റെ തുടക്കമായാണ് എല്ലാവരും ഉറ്റുനോക്കുന്നത്. കേരള എഞ്ചിനീയറിങ് എന്‍ട്രന്‍സ് പരീക്ഷയില്‍ ആദ്യ റാങ്കില്‍ സ്ഥാനം പിടിക്കാനുള്ള തീവ്രശ്രമത്തിലാണ് ഷാഫില്‍ മാഹിന്‍.

Continue Reading
Advertisement
Click to comment

Leave a Reply

Your email address will not be published. Required fields are marked *

india

ചെന്നൈയില്‍ പബ്ബിന്റെ മേല്‍ക്കൂര തകര്‍ന്ന് വീണ് 3 പേര്‍ മരിച്ചു

ഇന്നലെ
രാത്രി 8 മണിയോടെയാണ് അപകടമുണ്ടായത്

Published

on

ചെന്നൈ ആള്‍വാര്‍പേട്ടില്‍ പബ്ബിന്റെ മേല്‍ക്കൂര ഇടിഞ്ഞ് മൂന്നുപേര്‍ മരിച്ചു. പബ്ബ് ജീവനക്കാരായ മണിപ്പൂര്‍ സ്വദേശികള്‍ മാക്‌സ്, ലാലി എന്നിവരാണ് മരിച്ചതെന്ന് തിരിച്ചറിഞ്ഞിട്ടുണ്ട്. മരണപ്പെട്ട മൂന്നാമത്തെയാളെ തിരിച്ചറിഞ്ഞിട്ടില്ല. ഇന്നലെ
രാത്രി 8 മണിയോടെയാണ് അപകടമുണ്ടായത്. ആള്‍വാര്‍പേട്ടിലെ ഷെക്‌മെറ്റ് പബ്ബിന്റെ മേല്‍ക്കൂരയാണ് ഇടിഞ്ഞുവീണത്.

അപകടത്തിന്റെ കാരണമെന്തെന്ന് ഇപ്പോഴും വ്യക്തമായിട്ടില്ല. പബ്ബിനുള്ളില്‍ ആരും തന്നെ കുടുങ്ങിക്കിടപ്പില്ലെന്ന് രക്ഷാ പ്രവര്‍ത്തകരും ഫയര്‍ ഫോഴ്‌സും അറിയിച്ചു. ഐപിഎല്‍ നടക്കുന്നതിനാലും ഇന്ന് അവധി ദിവസമായതിനാലും ധാരാളം ആളുകള്‍ പബ്ബിലുണ്ടായിരുന്നുവെന്നാണ് പൊലീസ് പറയുന്നത്. ഇതിനിടെയാണ് മേല്‍ക്കൂര പൂര്‍ണമായും തകര്‍ന്ന് താഴേക്ക് വീണത്.

Continue Reading

kerala

അനു കൊലപാതകം: പ്രതിയുടെ ഭാര്യയും പിടിയിൽ, അനുവിൻ്റെ സ്വർണം വിറ്റ പണം കൈവശം വച്ചതും ചിലവഴിച്ചതും റവീന

ഇന്നലെയാണ് കൊണ്ടോട്ടിയിലെ വീട്ടിലെത്തി റൗഫീനയെ പൊലീസ് അറസ്റ്റ് ചെയ്തത്

Published

on

കോഴിക്കോട്: കോഴിക്കോട് പേരാമ്പ്രയില്‍ അനുവിനെ തോട്ടില്‍ മുക്കിക്കൊലപ്പെടുത്തിയ കേസില്‍ ഒരാള്‍ കൂടി അറസ്റ്റില്‍. പ്രതി മുജീബ് റഹ്മാന്റെ ഭാര്യ റൗഫീനയാണ് അറസ്റ്റിലായത്. തെളിവു നശിപ്പിക്കാന്‍ ശ്രമിച്ചതിനാണ് അറസ്റ്റ്.

1,43,000 രൂപയും ഇവരുടെ കൈയിൽ നിന്ന് കണ്ടെടുത്തു. അറുപതോളം കേസുകളിൽ പ്രതിയാണ് അനുവിനെ കൊലപ്പെടുത്തിയ കേസിലെ പ്രതിയായ മുജീബ് റഹ്മാൻ. പിടികൂടാൻ ശ്രമിക്കവെ മുജീബിൻ്റെ ആക്രമണത്തിൽ ഒരു പൊലീസുകാരന് കൈയ്ക്ക് പരിക്കേറ്റിരുന്നു. പ്രതിയുടെ വീട്ടിൽ നിന്ന് മാരകായുധങ്ങളും പൊലീസ് കണ്ടെടുത്തിരുന്നു.

സ്വര്‍ണാഭരണങ്ങള്‍ വിറ്റ പണം ചീട്ടു കളിച്ച് നശിപ്പിച്ചു എന്നാണ് മുജീബ് ആദ്യം പറഞ്ഞത്. പിന്നീട് കൂടുതല്‍ ചോദ്യം ചെയ്തതോടെയാണ് പണം റൗഫീനയെ ഏല്‍പ്പിച്ചതായി വെളിപ്പെടുത്തിയത്. പൊലീസ് എത്തുമെന്ന് അറിഞ്ഞതോടെ, പണം കൂട്ടുകാരിയെ ഏല്‍പ്പിച്ചു. ഇന്നലെയാണ് കൊണ്ടോട്ടിയിലെ വീട്ടിലെത്തി റൗഫീനയെ പൊലീസ് അറസ്റ്റ് ചെയ്തത്.

Continue Reading

kerala

മഅ്ദനിയുടെ ആരോഗ്യനില അതീവ ഗുരുതരമായി തുടരുന്നു

ജീവൻ നിലനിർത്തുന്നത് വെന്റിലേറ്ററിന്റെ സഹായത്തോടെയാണ്

Published

on

പിഡിപി സംസ്ഥാന അധ്യക്ഷൻ അബ്ദുൽ നാസര്‍ മഅദനിയുടെ ആരോഗ്യനിലയിൽ പുരോഗതി ഇല്ല. അതീവ ഗുരുതരാവസ്ഥയിൽ കൊച്ചിയിലെ ആശുപത്രിയിൽ ചികിത്സയിൽ തുടരുകയാണ്. എറണാകുളം മെഡിക്കൽ ട്രസ്റ്റ് ആശുപത്രിയിൽ ചികിത്സയിൽ തുടരുന്നു. ജീവൻ നിലനിർത്തുന്നത് വെന്റിലേറ്ററിന്റെ സഹായത്തോടെയാണ്.

വിദഗ്ധ ഡോക്ടർമാരുടെ സംഘം മഅ്ദനിയെ പരിശോധിച്ച് വരികയാണ്. കഴിഞ്ഞ മാസമാണ് മഅ്ദനിയെ വൃക്ക സംബന്ധമായ അസുഖം മൂലം കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചത്. വ്യാഴാഴ്ച പുലർച്ച കടുത്ത ശ്വാസതടസം നേരിട്ടതോടെയാണ് വെന്‍റിലേറ്ററിലേക്ക് മാറ്റിയത്.

ഡയാലിസിസ് തുടരുന്നുണ്ട്. കരള്‍ രോഗത്തിന്റെ ബാധിതനായ മഅദനി ഒരു മാസത്തിലേറെയായി ആശുപത്രിയില്‍ ചികിത്സയിലായിരുന്നു. ജാമ്യവ്യവസ്ഥയില്‍ സുപ്രീംകോടതി ഇളവ് അനുവദിച്ചതിനെത്തുടര്‍ന്ന് മഅദനി കഴിഞ്ഞ വര്‍ഷം ജൂലൈ 20 നാണ് കേരളത്തിലേക്ക് എത്തിയത്.

Continue Reading

Trending