ഗാര്‍ഡിനെ കൊലപ്പെടുത്തി എട്ട് സിമി ഭീകരവാദികള്‍ ജയില്‍ ചാടി

ന്യൂഡല്‍ഹി: നിരോധിത സംഘടനയായ സിമി(സ്റ്റുഡന്റ് ഇസ്ലാമിക് മൂവ്‌മെന്റ് ഓഫ് ഇന്ത്യ)
യുടെ എട്ട് ഭീകരാവദികള്‍ വാര്‍ഡനെ കൊലപ്പെടുത്തിയ ശേഷം ജയില്‍ ചാടി. ഭോപാല്‍ സെന്‍ട്രല്‍ ജയിലില്‍ ഇന്ന് പുലര്‍ച്ചെയാണ് സംഭവം. ബെഡ് ഷീറ്റ് ഉപയോഗിച്ചാണ് ഇവര്‍ ജയില്‍ ചാടിയത്. ഗ്ലാസും സ്റ്റീല്‍ പ്ലേറ്റും ഉപയോഗിച്ച് വാര്‍ഡന്റെ കഴുത്തറുത്ത ശേഷമാണ് ഇവര്‍ ജയില്‍ ചാടിയതെന്ന് ഭോപാര്‍ ഡി.ഐ.ജി രമണ്‍ സിങ് പറഞ്ഞു. രക്ഷപ്പെട്ടവര്‍ക്ക് വേണ്ടി തെരച്ചില്‍ ഊര്‍ജ്ജിതമാക്കി. മധ്യപ്രദേശില്‍ രണ്ടാം തവണയാണ് സിമി ഭീകരവാദികള്‍ ജയില്‍ ചാടുന്നത്. 2013ല്‍ ജയില്‍ കമ്പി മുറിച്ചുമാറ്റി ഏഴ് സിമി ഭീകരവാദികള്‍ ജയില്‍ ചാടിയിരുന്നു. വാര്‍ഡനെ കൊലപ്പെടുത്തിയ ശേഷമായിരുന്നു ഇതും.

SHARE