കുല്‍ദീപം

രണ്ടാം ഏകദിനത്തിലും ഇന്ത്യക്ക് ജയം, കുല്‍ദീപ് യാദവിന് ഹാട്രിക്,
ഏകദിന റാങ്കിംഗില്‍ ഒന്നാം സ്ഥാനം
കൊല്‍ക്കത്ത: സ്വിംഗ് ചെയ്ത് മുളിപ്പറന്ന പുതിയ പന്ത്….ബാറ്റ്‌സ്മാനെ കബളിപ്പിക്കുന്ന സീം…. ഞെട്ടിപ്പിക്കുന്ന ബൗണ്‍സറുകള്‍… ഗ്ലൂഗ്ലികളും കട്ടറുകളും- സമീപകാലത്തൊന്നും കാണാത്ത രീതിയില്‍ ഇന്ത്യന്‍ സീമര്‍മാരെയും സ്പിന്നര്‍മാരെയും ഈഡന്‍ഗാര്‍ഡന്‍സും കാലാവസ്ഥയും വഴിവിട്ട് പിന്തുണച്ചപ്പോള്‍ രണ്ടാം ഏകദിനത്തിലും ഓസ്‌ട്രേലിയക്ക് പരാജയം. ഏകദിന ക്രിക്കറ്റില്‍ ഹാട്രിക് സ്വന്തമാക്കുന്ന മൂന്നാമത് ബൗളറായി മാറിയ കുല്‍ദീപ് യാദവ് അരങ്ങ് തകര്‍ത്ത ദിനത്തില്‍ കൃത്യം 50 റണ്‍സിനായിരുന്നു ഇന്ത്യന്‍ വിജയം. ഒരിക്കല്‍ കൂടി നായകന്‍ വിരാത് കോലി അരങ്ങ് തകര്‍ത്ത ബാറ്റിംഗില്‍ ഇന്ത്യ നേടിയത് 252 റണ്‍സ്. സ്റ്റോയിന്‍സ് (62), ക്യാപ്റ്റന്‍ സ്റ്റീവന്‍ സ്മിത്ത് (59) എന്നിവര്‍ പൊരുതിയിട്ടും ഭുവനേശ്വറും കുല്‍ദിപും ചാഹലും തിമിര്‍ത്താടിയ ദിനത്തില്‍ 202 ല്‍ ഓസീസ് ഇന്നിംഗ്‌സ് അവസാനിച്ചു. പരമ്പരയില്‍ ഇതോടെ ഇന്ത്യ 2-0 ത്തിന്റെ വ്യക്തമായ ലീഡ് നേടി. ഐ.സി.സി ഏകദിന റാങ്കിംഗില്‍ ഒന്നാം സ്ഥാനവും.
രാത്രിയിലെ ഈഡന്‍ ബാറ്റിംഗ് എന്നും തലവേദനയാണെന്ന സത്യം തിരിച്ചറിയുന്നതില്‍ ക്യാപ്റ്റന്‍ കോലി വിജയിച്ചപ്പോള്‍ തന്നെ കാര്യങ്ങള്‍ വ്യക്തമായിരുന്നു. ഭുവനേശ്വറും ജസ്പ്രീത് ബുംറയുമായി തുടങ്ങിയ പുതിയ പന്ത് ആക്രമണത്തില്‍ പലപ്പോഴും ഓസീസ് ഓപ്പണര്‍മാര്‍ ഞെട്ടി. വേഗതയിലായിരുന്നു ബുംറ ബാറ്റ്‌സ്മാന്മാരെ വിറപ്പിച്ചതെങ്കില്‍ സ്വിംഗിലായിരുന്നു ഭുവനേശ്വറിന്റെ മികവ്. അപകടകാരിയായ ഡേവിഡ് വാര്‍ണറെയും ഹില്‍ട്ടണ്‍ കാര്‍ട്ട് റൈറ്റിനെയും കുമാര്‍ പുറത്താക്കി. ക്യാപ്റ്റന്‍ സ്റ്റീവന്‍ സ്മിത്തും ട്രാവിസ് ഹെഡും തമ്മിലുള്ള സഖ്യം പൊരുതി നോക്കി. ചാഹല്‍ വന്നപ്പോള്‍ ഇവര്‍ക്കും പതറി. ഹെഡിനെ പുറത്താക്കി ചാഹല്‍ ടീമിനെ മല്‍സരത്തിലേക്ക് തിരിച്ചു കൊണ്ടുവന്നു. പിന്നീടായിരുന്നു കുല്‍ദിപിന്റെ മാസ്മരിക പ്രകടനവും ഓസീസ് തകര്‍ച്ചയും.
ഈഡന്‍ ഗാര്‍ഡന്‍സിലെ ഈര്‍പ്പമുള്ള പിച്ചില്‍ ടോസ് നേടിയ ഇന്ത്യന്‍ ക്യാപ്ടന്‍ വിരാട് കോഹ്്‌ലി ബാറ്റിങ് തെരഞ്ഞെടുക്കുകയായിരുന്നു. ഓപണര്‍ രോഹിത് ശര്‍മയെ (7) അഞ്ചാം ഓവറില്‍ നഷ്ടമായ ശേഷം അജിങ്ക്യ രഹാനയും (55) വിരാട് കോഹ്്‌ലിയും (92) ചേര്‍ന്ന രണ്ടാം വിക്കറ്റ് സഖ്യം സ്‌കോര്‍ 121 വരെ മുന്നോട്ടു നയിച്ചു. 64 പന്ത് നേരിട്ട് ഏഴ് ബൗണ്ടറി നേടിയ രഹാനെ 24-ാം ഓവറില്‍ റണ്ണൗട്ടാവുകയായിരുന്നു. നാലാം നമ്പറിലിറങ്ങിയ മനീഷ് പാണ്ഡെയെ (3) ആഗര്‍ പുറത്താക്കിയപ്പോള്‍ സെഞ്ച്വറിയിലേക്ക് നീങ്ങുകയായിരുന്ന കോഹ്്‌ലി കൗള്‍ട്ടര്‍നൈലിന്റെ പന്തില്‍ വിക്കറ്റ് തെറിച്ച് മടങ്ങിയത് ഇന്ത്യക്ക് തിരിച്ചടിയായി. 107 പന്ത് നേരിട്ട കോഹ്്‌ലി എട്ട് ബൗണ്ടറി നേടി.കേദാര്‍ ജാദവ് (24), ഹര്‍ദിക് പാണ്ഡ്യ (20), ‘ുവനേശ്വര്‍ കുമാര്‍ (20) എന്നിവരുടെ ‘േദപ്പെട്ട പ്രകടനമാണ് ഇന്ത്യക്ക് പൊരുതാവുന്ന സ്‌കോര്‍ നേടിക്കൊടുത്തത്. ജസ്പ്രിത് ബുംറ (10) പുറത്താകാതെ നിന്നു.
മൂന്നു വീതം വിക്കറ്റ് വീഴ്ത്തിയ കൗള്‍ട്ടര്‍നീലും കെയ്ന്‍ റിച്ചാര്‍ഡ്‌സണുമാണ് ഓസീ ബൗളിങില്‍ തിളങ്ങിയത്. പാറ്റ് കമ്മിന്‍സ്, ആഷ്ടണ്‍ ആഗര്‍ എന്നിവര്‍ ഓരോ വിക്കറ്റ് വീതം വീഴ്ത്തി.
ഹാട്രിക് കുല്‍ദീപ്

കൊല്‍ക്കത്ത: 1987 ലെ ലോകകപ്പില്‍ ചേതന്‍ ശര്‍മ്മയുടെ ഹാട്രിക്…. 1991 ല്‍ സാക്ഷാല്‍ കപില്‍പാജിയുടെ ഹാട്രിക്…. അതിന് ശേഷം പരിമിത ഓവര്‍ മല്‍സരത്തില്‍ ഇന്ത്യയുടെ ഹാട്രിക് നേട്ടം ദേശീയ ടീമിലെ പുത്തന്‍ താരം കുല്‍ദീപ് യാദവ്. ഇന്നലെ ഈഡനിലെ രാത്രിയില്‍ അക്ഷരാര്‍ത്ഥത്തില്‍ ഓസീസ്പ്പടയെ ഞെട്ടിക്കുകയായിരുന്നു 26 കാരന്‍. ഗ്ലെന്‍ മാക്‌സ്‌വെല്‍ ഓരോവറില്‍ രണ്ട് സിക്‌സറുകള്‍ നേടിയ ഘട്ടത്തില്‍ കുല്‍ദീപിനെ ആക്രമണത്തില്‍ നിന്ന് വിരാത് കോലി പിന്‍വലിച്ചിരുന്നു. മുപ്പത്തിമൂന്നാം ഓവറിലാണ് പിന്നെ അദ്ദേഹത്തെ തിരിച്ചുവിളിച്ചത്. മാത്യു വെയ്ഡാണ് ഹാട്രിക്കിലെ ആദ്യ ഇര. ഓഫ് സ്റ്റംമ്പിന് പുറത്ത് പോയ പന്തില്‍ ഞെട്ടിക്കുന്ന ധോണിയുടെ ശക്തി. ആസ്റ്റണ്‍ ആഗറിനെ വിക്കറ്റിന് മുന്നില്‍ കുരുക്കി രണ്ടാം വിക്കറ്റ്. പാറ്റ് കുമ്മിന്‍സിനെ കുരുക്കിയ ഹാട്രിക് പന്തായിരുന്നു സൂപ്പര്‍.

SHARE