ന്യൂഡല്‍ഹി:ഗുജറാത്ത് നിയമസഭാ തെരഞ്ഞെടുപ്പ് വോട്ടെണ്ണലില്‍ വിവിപ്പാറ്റും  എണ്ണണമെന്ന കോണ്‍ഗ്രസിന്റെ ഹര്‍ജി സുപ്രീം കോടതി തള്ളി. ഹര്‍ജി പരിഗണിച്ച കോടതി തെരഞ്ഞെടുപ്പ് കമ്മീഷന്റെ അധികാരത്തില്‍ കോടതിക്ക് കൈകടത്താനാകില്ലെന്നും ചൂണ്ടിക്കാട്ടിയാണ് ഹര്‍ജി തള്ളിയത്.

വോട്ടിനൊപ്പം 20 ശതമാനം വിവിപ്പാറ്റും എണ്ണണമെന്ന് ആവിശ്യപ്പെട്ടാണ് കോണ്‍ഗ്രസ് കോടതിയെ സമീപിച്ചത്. 10 ശതമാനമെങ്കിലും എണ്ണണമെന്ന ആവിശ്യവും കോടതി പരിഗണിച്ചില്ല.

കഴിഞ്ഞ ഗുജറാത്ത് നിയമസഭാ തരഞ്ഞെടുപ്പില്‍ വിവിപ്പാറ്റ് സംവിധാനം ഉപയോഗിച്ചിരുന്നു. വോട്ട് രേഖപ്പെടുത്തിയ വോട്ടര്‍മാര്‍ക്ക് താങ്ങള്‍ ആര്‍ക്കാണ് വോട്ട് രേഖപ്പെടുത്തിയതെന്ന് തിരിച്ചറിയാനുള്ള സംവിധാനമാണ് വിവിപ്പാറ്റ് (വോട്ടോഴ്‌സ് വെരിഫയബിള്‍ പേപ്പര്‍ ഓഡിറ്റ്).

കോണ്‍ഗ്രസിനുവേണ്ടി ഗുജറാത്ത് പിസിസി സെക്രട്ടറി മുഹമ്മദ് ആരിഫ് രാജ്പുതാണ് സുപ്രിം കോടതിയില്‍ ഹര്‍ജി സമര്‍പ്പിച്ചത്. കൂടാതെ ഹര്‍ജിയില്‍ ഇന്നുതന്നെ ഇടക്കാല ഉത്തരവ് പുറപ്പെടുവിക്കണമെന്നും ആവിശ്യപ്പെട്ടിടുണ്ടിരുന്നു. അതേസമയം ഹര്‍ജി പരിഗണിക്കുമെന്ന് ചീഫ് ജസ്റ്റിസ് ദീപക് മിശ്ര അറിയിച്ചിരുന്നു.തിങ്കളാഴ്ചയാണ് ഗുജറാത്തിലേയും ഹിമാചല്‍ പ്രദേശിലേയും വോട്ടെണ്ണല്‍.