‘മത്സരിക്കില്ലെന്നാണ് പറഞ്ഞത്, പൊതുപ്രവര്‍ത്തനം അവസാനിപ്പിക്കില്ല’; സുഷമാസ്വരാജ്

ന്യൂഡല്‍ഹി: പൊതുപ്രവര്‍ത്തനം അവസാനിപ്പിച്ചിട്ടില്ലെന്ന് മുതിര്‍ന്ന ബി.ജെ.പി നേതാവും കേന്ദ്ര വിദേശകാര്യ മന്ത്രിയുമായ സുഷമ സ്വരാജ്. നേരത്തെ തെരഞ്ഞെടുപ്പില്‍ ഇനി മത്സരിക്കില്ലെന്ന് സുഷമാസ്വരാജ് വ്യക്തമാക്കിയിരുന്നു. അതിന് പിന്നാലെയാണ് പൊതുപ്രവര്‍ത്തനം അവസാനിപ്പിക്കില്ലെന്ന പരാമര്‍ശം.

ഇനി തെരഞ്ഞെടുപ്പില്‍ മത്സരിക്കില്ലെന്ന് പറഞ്ഞതോടെ ഒട്ടേറെ പേരാണ് പ്രതികരണവുമായി രംഗത്തെത്തിയത്. ഇതിന് മറുപടിയായാണ് പൊതുപ്രവര്‍ത്തനം അവസാനിപ്പിക്കില്ലെന്ന തീരുമാനം സുഷമാസ്വരാജ് അറിയിച്ചത്.

നിയമസഭാ തെരഞ്ഞെടുപ്പ് നടക്കാനിരിക്കെ മധ്യപ്രദേശിലെ മാധ്യപ്രവര്‍ത്തകരോടാണ് സുഷമ ഇക്കാര്യം വ്യക്തമാക്കിയത്. ആരോഗ്യകരമായ കാരണങ്ങളാലാണ് തെരഞ്ഞെടുപ്പില്‍ നിന്ന് വിട്ടു നില്‍ക്കുന്നതെന്ന് സുഷ്മ പറഞ്ഞു. 2019- ലെ പൊതു തെരഞ്ഞെടുപ്പില്‍ മത്സരിക്കാനുള്ള മാനസികാവസ്ഥയിലല്ല താനെന്നും അവര്‍ വ്യക്തമാക്കി. പ്രമേഹ രോഗത്തെ തുടര്‍ന്ന സുഷ്മ സ്വരാജിനെ വൃക്ക മാറ്റിവെക്കല്‍ ശാസ്ത്രക്രിയക്ക് എയിംസില്‍ വിധേയമാക്കിയിരുന്നു.

SHARE