ചാമ്പ്യന്‍സ് ലീഗ് റയല്‍-ബയേണ്‍ രണ്ടാം പാദം; നിയന്ത്രിക്കാന്‍ തുര്‍ക്കിഷ് റഫറി

UEFA Şampiyonlar Ligi finalinde İspanya'nın Barcelona ile İtalya'nın Juventus takımları Berlin Olimpiyat Stadı'nda karşılaştı. Maçı hakem Cüneyt Çakır yönetti. (Fishing4 - Anadolu Ajansı)

മാഡ്രിഡ്: റയല്‍ മാഡ്രിഡും ബയേണ്‍ മ്യൂണിക്കും തമ്മിലുള്ള രണ്ടാംപാദ ചാമ്പ്യന്‍സ് ലീഗ് സെമി ഫൈനല്‍ മത്സരം തുര്‍ക്കിഷ് റഫറി കുനയ്ത് ഷാകിര്‍ നിയന്ത്രിക്കുമെന്ന് യുവേഫ അറിയിച്ചു. ബയേണിന്റെ തട്ടകമായ അലയന്‍സ് അറീനയില്‍ നടന്ന ആദ്യപാദ മത്സരത്തില്‍ റയല്‍ ഒന്നിനെതിരെ രണ്ടു ഗോളിന് ജയിച്ചിരുന്നു. സാന്റിയാഗോ ബര്‍ണേബുവില്‍ ചൊവ്വാഴ്ച രാത്രിയാണ് രണ്ടാം പാദം.
2006 മുതല്‍ അന്താരാഷ്ട്ര മത്സരങ്ങള്‍ നിയന്ത്രിക്കുന്ന ഷാകിര്‍ ചാമ്പ്യന്‍സ് ലീഗ് ക്വാര്‍ട്ടറില്‍ ബയേണും റയലും തമ്മിലുള്ള ആദ്യ ക്വാര്‍ട്ടര്‍ നിയന്ത്രിച്ചിരുന്നു. മത്സരം റയല്‍ മൂന്നു ഗോളുകള്‍ക്ക് ജയിച്ചു. 2017-ലെ ചാമ്പ്യന്‍സ് ലീഗ് ഗ്രൂപ്പ് ഘട്ടത്തില്‍ ബയേണും പി.എസ്.ജിയും തമ്മിലുള്ള മത്സരം നിയന്ത്രിച്ചിരുന്നതും ഇദ്ദേഹമാണ്. 2015 ചാമ്പ്യന്‍സ് ലീഗില്‍ ബാര്‍സലോണ ചാമ്പ്യന്മാരായ ഫൈനലിലും റഫറി ഈ തുര്‍ക്കിക്കാരനായിരുന്നു.