Connect with us

Culture

ചാമ്പ്യന്‍സ് ലീഗില്‍ യുവന്റസ് – ടോട്ടനം സമനില; മാഞ്ചസ്റ്റര്‍ സിറ്റിക്ക് വന്‍ ജയം

Published

on

ടൂറിന്‍: യുവേഫ ചാമ്പ്യന്‍സ് ലീഗില്‍ യുവന്റസും ടോട്ടനം ഹോട്‌സ്പറും തമ്മിലുള്ള മത്സരം സമനിലയില്‍. സ്വന്തം തട്ടകത്തില്‍ നടന്ന മത്സരത്തില്‍ രണ്ടു ഗോളിന്റെ ലീഡ് നേടിയ ശേഷം ഇറ്റാലിന്‍ ക്ലബ്ബ് യുവന്റസ് 2-2 സമനില വഴങ്ങിയപ്പോള്‍ ഇംഗ്ലീഷ് കരുത്തരായ മാഞ്ചസ്റ്റര്‍ സിറ്റി സ്വിസ് ക്ലബ്ബ് എഫ്.സി ബാസലിനെ അവരുടെ തട്ടകത്തില്‍ എതിരില്ലാത്ത നാലു ഗോളിന് തോല്‍പ്പിച്ചു. ഇന്ന് മാഡ്രിഡില്‍ കരുത്തരായ റയല്‍ മാഡ്രിഡും പി.എസ്ജിയും തമ്മില്‍ ഏറ്റുമുട്ടും. പോര്‍ട്ടോയും ലിവര്‍പൂളും തമ്മിലാണ് മറ്റൊരു മത്സരം. ഇന്ത്യന്‍ സമയം രാത്രി 1.15 -നാണ് കിക്കോഫ്.

പരിക്കിന്റെ പിടിയിലുള്ള പൗളോ ഡിബാല, ബ്ലെയ്‌സ് മറ്റിയൂഡി, ഹുവാന്‍ ക്വഡ്രാഡോ ആന്ദ്രേ ബാര്‍സലി തുടങ്ങിയ പ്രമുഖരില്ലാതെ ഇറങ്ങിയ യുവെക്ക് സ്വന്തം കാണികള്‍ക്കു മുന്നില്‍ സ്വപ്‌നതുല്യമായ തുടക്കമാണ് ലഭിച്ചത്. രണ്ടാം മിനുട്ടില്‍ മിരാലം പ്യാനിക്കിന്റെ പെട്ടെന്നുള്ള ഫ്രീകിക്ക് ബോക്‌സില്‍ നിന്ന് പുറങ്കാല്‍ കൊണ്ട് വലയിലെത്തിച്ചാണ് ഗോണ്‍സാലോ ഹിഗ്വയ്ന്‍ ആരാധകരെ മുന്നിലെത്തിച്ചത്. ഒമ്പതാം മിനുട്ടില്‍ ഫിലിപ്പോ ബര്‍ണാഡേഷിയെ ബെഞ്ചമിന്‍ ഡേവിസ് ബോക്‌സില്‍ വീഴ്ത്തിയതിന് ടോട്ടനം പെനാല്‍ട്ടി വഴങ്ങി. കിക്കെടുത്ത ഹിഗ്വെയ്ന്‍ ഗോള്‍കീപ്പര്‍ ഹ്യൂഗോ ലോറിസിന്റെ ഡൈവിനെ മറികടന്ന് ലക്ഷ്യം കണ്ടു.

35-ാം മിനുട്ടില്‍ ഹാരി കെയ്‌നിലൂടെയാണ് ടോട്ടനം ആദ്യ ഗോള്‍ മടക്കിയത്. മൂന്നു പ്രതിരോധക്കാര്‍ക്കിടയലൂടെ ഡെലെ അലി മുന്നോട്ടു നല്‍കിയ പാസ് സ്വീകരിച്ച് മുന്നോട്ടു കയറിയ ഗോള്‍കീപ്പര്‍ ഗ്യാന്‍ലുയ്ജി ബുഫണിനെയും കബളിപ്പിച്ച് ഇംഗ്ലീഷ് താരം ആളൊഴിഞ്ഞ പോസ്റ്റിലേക്ക് പന്ത് പ്ലേസ് ചെയ്യുകയായിരുന്നു. ഇടവേളക്കു പിരിയുന്നതിനു മുമ്പ് ലീഡുയര്‍ത്താനുള്ള സുവര്‍ണാവസരം യുവെക്ക് ലഭിച്ചെങ്കിലും ഹിഗ്വയ്ന്‍ പെനാല്‍ട്ടി ക്രോസ്ബാറിലടിച്ച് പാഴാക്കിയത് വിനയായി.

71-ാം മിനുട്ടില്‍ ക്രിസ്റ്റ്യന്‍ എറിക്‌സന്റെ തന്ത്രപരമായ ഫ്രീകിക്കിലൂടെയാണ് ടോട്ടനത്തിന്റെ സമനില ഗോള്‍ വന്നത്. ഡെലെ അലിയെ ബോക്‌സിനു തൊട്ടു പുറത്ത് ജോര്‍ജിയോ കെല്ലിനി ഡെലെ അല്ലിയെ വീഴ്ത്തിയതിനു ലഭിച്ച ഫ്രീകിക്കില്‍ നിലം പറ്റെയുള്ള ഷോട്ടിലൂടെയാണ് എറിക്‌സന്‍ വല കുലുക്കിയത്.

ഇംഗ്ലീഷ് പ്രീമിയര്‍ ലീഗില്‍ ഒന്നാം സ്ഥാനത്ത് വ്യക്തമായ ലീഡുമായി കുതിക്കുന്ന മാഞ്ചസ്റ്റര്‍ സിറ്റി ഇല്‍കേ ഗുണ്ടോഹന്റെ ഇരട്ട ഗോളുകളുടെയും അഗ്വേറോ, ബെര്‍ണാര്‍ഡോ സില്‍വ എന്നിവരുടെ ഗോളുകളിലുമാണ് ജയം കണ്ടത്. 14-ാം മിനുട്ടില്‍ കെവിന്‍ ഡിബ്രുയ്‌നെയുടെ കോര്‍ണര്‍ കിക്കില്‍ ഹെഡ്ഡറുതിര്‍ത്ത് ഗുണ്ടോഹന്‍ ആദ്യ ഗോള്‍ നേടിയപ്പോള്‍ നാലു മിനുട്ടിനു ശേഷം ബോക്‌സില്‍ നിന്നുള്ള കനത്ത ഷോട്ടിലൂടെ ബെര്‍ണാര്‍ഡോ സില്‍വ ലീഡുയര്‍ത്തി. 23-ാം മിനുട്ടില്‍ ഫെര്‍ണാണ്ടിഞ്ഞോയുടെ പാസ് സ്വീകരിച്ച് ബോക്‌സിനു പുറത്തു നിന്ന് അഗ്വേറോ തൊടുത്ത ലോങ് റേഞ്ചര്‍ ഗോള്‍കീപ്പര്‍ക്ക് അനങ്ങാന്‍ അവസരം നല്‍കാതെ പോസ്റ്റിന്റെ വലതുഭാഗത്തേക്ക് ഇടിച്ചുകയറിയപ്പോള്‍ അഗ്വേറോയില്‍ നിന്ന് പന്ത് സ്വീകരിച്ച് പോസ്റ്റിന്റെ വലതു മൂലയിലേക്ക് അടിച്ചുകയറ്റി ഗുണ്ടോഹന്‍ പട്ടിക പൂര്‍ത്തിയാക്കി.

Film

തിയറ്ററിലിരുന്ന് കരയുകയായിരുന്നു, എന്‍റെ ജീവിതമാണത്’: നജീബ്

നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു

Published

on

കൊച്ചി: ‘ആടുജീവിതം’ സിനിമ കണ്ടപ്പോൾ ചില രംഗങ്ങൾ കണ്ട് തിയേറ്ററിനുള്ളിൽ ഇരുന്ന് കരയുകയായിരുന്നു താനെന്ന് നജീബ്. തന്റെ ജീവിതമാണ് സ്ക്രീനിലൂടെ കണ്ടതെന്നും നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു. ‘ആടുജീവിതം’ ആദ്യ ഷോ കണ്ടിറങ്ങിയപ്പോഴായിരുന്നു നജീബിന്‍റെ പ്രതികരണം.

പൃഥ്വിരാജ് വളരെ നന്നായി അഭിനയിച്ചിട്ടുണ്ട്. സിനിമ തിയേറ്ററിൽ എത്തുന്നത് കുടുംബം കാത്തിരിക്കുകയായിരുന്നു. എന്നാൽ മകന്റെ കുഞ്ഞ് മരിച്ചതോടെ എല്ലാവരും ദുഃഖത്തിലാണ്. എല്ലാവരും നിർബന്ധിച്ചത് കൊണ്ടാണ് ഇന്ന് സിനിമ കാണാൻ എത്തിയത്. ഇന്ന് തന്നെ സിനിമ കാണുമെന്ന് പറഞ്ഞ് നിരവധി പേരാണ് തന്നെ വിളിക്കുന്നത് -നജീബ് പറഞ്ഞു.

അതേസമയം, ഇന്ന് തിയറ്ററുകളിലെത്തിയ ചിത്രത്തിന് മികച്ച അഭിപ്രായമാണ് ലഭിക്കുന്നത്. ലോകോത്തര നിലവാരത്തിലുള്ള സിനിമയെന്നും, ബ്ലെസ്സി എന്ന സംവിധായകന്‍റെ 16 വർഷത്തെ കഠിനാധ്വാനം ഫലം കണ്ടിരിക്കുന്നുവെന്നുമെല്ലാം പ്രേക്ഷകർ അഭിപ്രായപ്പെടുന്നു.

Continue Reading

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Trending