Connect with us

More

രാജ്യം മുമ്പെങ്ങുമില്ലാത്ത വിധം ഭയപ്പാടിലും ആശങ്കയിലുമെന്ന് ഉമ്മന്‍ചാണ്ടി

Published

on

 

 
കെ.പി.സി.സി പ്രസിഡന്റ് എം.എം ഹസന്‍ ഇന്ദിരാഭവനില്‍ നടത്തിയ 24മണിക്കൂര്‍ ഉപവാസ സമരം മുന്‍മുഖ്യമന്ത്രി ഉമ്മന്‍ചാണ്ടി നാരങ്ങാനീര് നല്‍കി അവസാനിപ്പിച്ചു. രാജ്യത്തെ ഭിന്നിപ്പിക്കാനുള്ള ശ്രമങ്ങള്‍ക്കെതിരെ സ്വാതന്ത്ര്യ സമരകാലത്തെപോലുള്ള പോരാട്ടങ്ങള്‍ ഉയര്‍ന്നുവരണമെന്ന് ഉമ്മന്‍ചാണ്ടി പറഞ്ഞു. ദളിത്, പിന്നാക്ക, ന്യൂനപക്ഷ വിഭാഗങ്ങള്‍ക്ക് നേരെ നടക്കുന്ന ആക്രമണങ്ങളെ ശക്തമായി ചെറുക്കണം.
എഴുപതാം സ്വാതന്ത്ര്യദിനത്തില്‍ അഭിമാനത്തോടൊപ്പം മുമ്പെങ്ങുമില്ലാത്ത വിധം ആശങ്കയും ഭയപ്പാടും ഉയരുന്നുണ്ട്. രാജ്യത്തെ ജനങ്ങളെ ഭിന്നിപ്പിക്കാന്‍ മോദി സര്‍ക്കാര്‍ നടത്തുന്ന ശ്രമങ്ങളാണ് ആശങ്കുയുണ്ടാക്കുന്നത്. വ്യത്യസ്ത രാഷ്ട്രീയ പാര്‍ട്ടികളും വിശ്വാസങ്ങളും നിലനില്‍ക്കുമ്പോഴും ഇന്ത്യയിലെ ജനങ്ങള്‍ പരസ്പരധാരണയോടെ പ്രവര്‍ത്തിക്കുന്നത് ലോകത്തിന് തന്നെ അത്ഭുതമായിരുന്നു. ബി.ജെ.പി അടക്കം പല രാഷ്ട്രീയ പാര്‍ട്ടികളും മാറിമാറി ഭരിച്ചിട്ടുണ്ട്. എന്നാല്‍ അന്നൊന്നുമില്ലാത്ത ആശങ്കയാണ് ഇന്നുള്ളത്. ആര്‍.എസ്.എസ്, ബി.ജെ.പി വിഭാഗീയത നേരിടാന്‍ ഗാന്ധിമാര്‍ഗത്തിലൂടെ സാധിക്കുമെന്ന കാര്യത്തില്‍ തര്‍ക്കമില്ലെന്നും ഉമ്മന്‍ചാണ്ടി പറഞ്ഞു. ജനാധിപത്യ, മതേതര ശക്തികള്‍ ഒറ്റക്കെട്ടായി നില്‍ക്കേണ്ട സാഹചര്യമാണ് ഇപ്പോഴുള്ളതെന്ന് ഉപവാസം അവസാനിപ്പിച്ചുകൊണ്ട് എം.എം ഹസന്‍ പറഞ്ഞു. ജാതിമതവികാരം ആളിക്കത്തിക്കാന്‍ പശുവിനെപ്പോലും ഉപാധിയാക്കുന്നു. ഇത്തരം പ്രവണതകളെ ചെറുത്തു തോല്‍പിക്കാനുള്ള ബാധ്യത കോണ്‍ഗ്രസിനുണ്ടെന്നും ഹസന്‍ പറഞ്ഞു. മുസ്‌ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി എം.പി ഇന്ദിരാഭവനിലെത്തി ഹസന് അഭിവാദ്യമര്‍പിച്ചു.
ചൊവ്വാഴ്ച രാവിലെ 9.30ന് ഇന്ദിരാഭവനില്‍ കെ.പി.സി.സി പ്രസിഡന്റ് ദേശീയ പതാക ഉയര്‍ത്തി സ്വാതന്ത്ര്യദിന ആഘോഷ പരിപാടികള്‍ക്ക് തുടക്കം കുറിച്ചു. തുടര്‍ന്ന് 11 മണിക്കാണ് ഉപവാസം ആരംഭിച്ചത്. പ്രതിപക്ഷ നേതാവ് രമേശ് ചെന്നിത്തല ഉപവാസ സത്യഗ്രഹം ഉദ്ഘാടനം ചെയ്തു. സ്വാതന്ത്ര്യ ദിനാഘോഷ സമ്മേളനവും പ്രതിപക്ഷ നേതാവ് ഉദ്ഘാടനം ചെയ്തു. ദളിതര്‍ക്കും പിന്നോക്ക ന്യൂനപക്ഷ വിഭാഗങ്ങള്‍ക്കും സി.പി.എം ഭരിക്കുന്ന കേരളത്തിലും ബി.ജെ.പിയുടെ നേതൃത്വത്തില്‍ ഭരണം നടക്കുന്ന ഭാരതത്തിലും ജീവിക്കാന്‍ കഴിയാത്ത അവസ്ഥയാണുള്ളതെന്ന് ചെന്നിത്തല അഭിപ്രായപ്പെട്ടു.
ബി.ജെ.പി നേതാക്കള്‍ വര്‍ഗീയ പ്രസംഗം നടത്തിയാല്‍ പോലും കേസെടുക്കില്ല. എന്നാല്‍ മുസ്‌ലിം മതപണ്ഡിതന്മാര്‍ സംഘപരിവാര്‍ ശക്തികളുടെ ദുഷ്പ്രവര്‍ത്തികളെ വിമര്‍ശിച്ചാല്‍ കേസെടുക്കുകയും ചെയ്യുന്നു. ദളിത് പീഢനങ്ങളുടെ കാര്യത്തില്‍ പ്രധാനമന്ത്രി നരേന്ദ്ര മോദിയും മുഖ്യമന്ത്രി പിണറായി വിജയനും ഒരേ തൂവല്‍ പക്ഷികളാണ്. ഇന്ത്യയില്‍ ബി.ജെ.പി ഭരിക്കുന്ന സംസ്ഥാനങ്ങളിലാണ് ഏറ്റവും കൂടുതല്‍ ദളിത് ന്യൂനപക്ഷ പീഡനങ്ങള്‍ നടക്കുന്നതെന്നും ചെന്നിത്തല പറഞ്ഞു.
ഗാന്ധിയന്‍ പി. ഗോപിനാഥന്‍ നായര്‍ സ്വാതന്ത്ര്യദിന സന്ദേശം നല്‍കി. കെ.പി.സി.സി മുന്‍പ്രസിഡന്റുമാരായ തെന്നല ബാലകൃഷ്ണപിള്ള, സി.വി. പത്മരാജന്‍, വി.എം സുധീരന്‍, കെ.മുരളീധരന്‍, മുന്‍ഗവര്‍ണര്‍ വക്കം പുരുഷോത്തമന്‍, കെ.പി.സി.സി വൈസ് പ്രസിഡന്റ് ഭാരതിപുരം ശശി, തമ്പാനൂര്‍ രവി, ശരത് ചന്ദ്രപ്രസാദ്, കെ.പി കുഞ്ഞിക്കണ്ണന്‍, മണ്‍വിള രാധാകൃഷ്ണന്‍, എം.പിമാരായ ശശിതരൂര്‍, കൊടിക്കുന്നില്‍ സുരേഷ്, എം.എല്‍എ മാരായ വി.എസ് ശിവകുമാര്‍, കെ.എസ്.ശബരീനാഥന്‍, കെ.പി.സി.സി ട്രഷറര്‍ ജോണ്‍ എബ്രഹാം, ഡി.സി.സി പ്രസിഡന്റ് നെയ്യാറ്റിന്‍കര സനല്‍ തുടങ്ങിയവരും പങ്കെടുത്തു.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

മോദി-പിണറായി ഭരണത്തിനെതിരെയുള്ള താക്കീതും തിരിച്ചടിയുമാവും ജനവിധിയെന്ന് രമേശ് ചെന്നിത്തല

ഇന്ത്യ എന്ന അഖണ്ഡ രാജ്യം നിലനിര്‍ത്തുന്നതിനും അതിന്റെ മതേതര ജനാധിപത്യ മൂല്യങ്ങള്‍ അതേപടി സംരക്ഷിക്കുന്നതിനും കേന്ദ്രത്തില്‍ പുതിയൊരു ഭരണകൂടം വരേണ്ടതുണ്ട് ചെന്നിത്തല പറഞ്ഞു

Published

on

തിരുവനന്തപുരം: പതിനെട്ടാം ലോക്‌സഭയിലേക്കുള്ള രണ്ടാംഘട്ട വോട്ടെടുപ്പ് ദിവസമായ നാളെ കേരളത്തിലെ വോട്ടര്‍മാര്‍ക്ക് ചരിത്രപരമായ കടമയാണു നിര്‍വഹിക്കാനുള്ളതെന്നു കോണ്‍ഗ്രസ് പ്രവര്‍ത്തക സമിതി അംഗം രമേശ് ചെന്നിത്തല. ഇന്ത്യ എന്ന അഖണ്ഡ രാജ്യം നിലനിര്‍ത്തുന്നതിനും അതിന്റെ മതേതര ജനാധിപത്യ മൂല്യങ്ങള്‍ അതേപടി സംരക്ഷിക്കുന്നതിനും കേന്ദ്രത്തില്‍ പുതിയൊരു ഭരണകൂടം വരേണ്ടതുണ്ട്.

മതേതര ജനാധിപത്യ കക്ഷികളുടെ കൂട്ടായ്മയായ ഇന്ത്യാ സഖ്യം ഈ ദൗത്യം ഏറ്റെടുക്കുമെന്ന ഉറപ്പാണ് ജനങ്ങള്‍ക്കു നല്‍കുന്നത്. അതിനു നേതൃത്വം നല്‍കാന്‍ കോണ്‍ഗ്രസിനു മാത്രമേ കഴിയൂ. ഈ യാഥാര്‍ഥ്യം തിരിച്ചറിഞ്ഞ് വോട്ടര്‍മാര്‍ വിവേകപൂര്‍വം തങ്ങളുടെ വോട്ടവകാശം വിനിയോഗിക്കണമെന്നും ചെന്നിത്തല പറഞ്ഞു.

നരേന്ദ്ര മോദി സര്‍ക്കാര്‍ ഒരിക്കല്‍ കൂടി അധികാരത്തില്‍ വന്നാല്‍ രാജ്യത്തിന്റെ ഭരണഘടന തന്നെ അസാധുവാക്കപ്പെടും. മതാധിഷ്ഠിതമായ പുതിയ ഭരണഘടനാണ് ബി.ജെ.പിയും സംഘപരിവാര സംഘങ്ങളും വിഭാവന ചെയ്യുന്നത്. കഴിഞ്ഞ ഏതാനും ദിവസങ്ങളായി പ്രധാനമന്ത്രി നരേന്ദ്ര മോദി നടത്തുന്ന മതവിദ്വേഷ പ്രസംഗങ്ങള്‍ ഗൗരവത്തോടെ കാണണമെന്നും ചെന്നിത്തല ഓര്‍മിപ്പിച്ചു.

കേരളത്തില്‍ വോട്ടെടുപ്പ് അട്ടിമറിക്കാനുള്ള പല നീക്കങ്ങളും നടക്കുന്നുണ്ട്. ജനഹിതം എതിരാവുമെന്ന ആശങ്കയില്‍ ജനങ്ങളെ ഭയപ്പെടുത്തി വോട്ടെടുപ്പില്‍ നിന്ന് മാറ്റി നിര്‍ത്താനുള്ള ശ്രമം നടക്കുന്നു. അതിന് ഏറ്റവും വലിയ ഉദാഹരണമാണ് കഴിഞ്ഞ ദിവസം കരുനാഗപ്പള്ളിയില്‍ സി.ആര്‍ മഹേഷ് എം.എല്‍.എ അടക്കമുള്ള യു.ഡി.എഫ് പ്രവര്‍ത്തകരെ ആക്രമിച്ചു പരുക്കേല്പിച്ച നടപടി. കേന്ദ്ര-സംസ്ഥാന സര്‍ക്കാരുകള്‍ക്കെതിരായ ഭരണ വിരുദ്ധ തരംഗമാണ് കേരളത്തില്‍ അലയടിക്കുന്നത്. അതില്‍ വിറളി പൂണ്ടാണ് ബി.ജെ.പിയും സി.പി.എമ്മും അക്രമം അഴിച്ചു വിടുന്നത്. പക്ഷേ, അതുകൊണ്ടൊന്നും വോട്ടര്‍മാര്‍ പിന്മാറില്ല. റെക്കോഡ് പോളിം?ഗ് ആവും ഇന്ന് കേരളത്തില്‍ നടക്കുക. സമസസ്ത മേഖലകളിലും വന്‍ പരാജയമായ മോദി-പിണറായി ഭരണ കൂടങ്ങള്‍ക്കെതിരേ നല്‍കുന്ന ശക്തമായ താക്കീതും തിരിച്ചടിയുമാവും ജനവിധി. സംസ്ഥാനത്തെ 20ല്‍ 20 സീറ്റും യുഡിഎഫ് നേടുമെന്നും അദ്ദേഹം ആത്മവിശ്വാസം പ്രകടിപ്പിച്ചു.

Continue Reading

crime

കുടുംബ കലഹം: ആലപുഴയില്‍ ഭര്യയെ വെട്ടിക്കൊന്ന് ഭര്‍ത്താവ് ജീവനൊടുക്കി

കുടുംബ വഴക്കിനെ തുടര്‍ന്നാണ് സംഭവ മെന്നാണ് പ്രാഥമിക വിവരം

Published

on

ആലപുഴ: വെണമണി പുന്തലയില്‍ ഭാര്യയെ വെട്ടികൊലപ്പെടുത്തിയ ശേഷം ഭര്‍ത്താവ് ജീവനെടുക്കി. സുധിലത്തില്‍ ദീപ്തിയാണ് കൊല്ലപ്പെട്ടത്. രാവിലെ ആറേ മുക്കാലോടെയാണ് ദാരുണ്യ സംഭവം. കുടുംബ വഴക്കിനെ തുടര്‍ന്നാണ് സംഭവ മെന്നാണ് പ്രാഥമിക വിവരം.

Continue Reading

kerala

പാലക്കാട് ജില്ലയില്‍ ഇനി ഉഷ്ണതരംഗം; മുന്നറിയിപ്പുമായി കേന്ദ്ര കാലാവസ്ഥ വകുപ്പ്

പാലക്കാട് കുത്തനൂരില്‍ കഴിഞ്ഞ ദിവസമായിരുന്നു സൂര്യാതാപമേറ്റ് ഒരാള്‍ മരിച്ചത്

Published

on

സംസ്ഥാനത്ത് ചൂട് കൂടുന്ന സാഹചര്യത്തില്‍ പാലക്കാട് ജില്ലയില്‍ ഉഷ്ണതരംഗ മുന്നറിയിപ്പ് പ്രഖ്യാപിച്ച് കേന്ദ്ര കാലാവസ്ഥ വകുപ്പ്.ജില്ലയിലെ പലയിടങ്ങളിലും 26 വെരെ ഉഷ്ണതരംഗ സാധ്യതയുണ്ടെന്നും കേന്ദ്രകാലവസ്ഥ വകുപ്പ് അറിയിച്ചു.
ജില്ലയിലെ മറ്റു പ്രദേശങ്ങളില്‍ മറ്റന്നാള്‍ വരെ 41 ഡിഗ്രി സെല്‍ഷ്യസ് താപനില ഉയര്‍ന്നേക്കാം എന്നും വ്യക്തമാക്കി.

പാലക്കാട് കുത്തനൂരില്‍ കഴിഞ്ഞ ദിവസമായിരുന്നു സൂര്യാതാപമേറ്റ് ഒരാള്‍ മരിച്ചത്. ഇതിനു പിന്നാലെയിണ് കാലവസ്ഥവകുപ്പ് ഉഷ്ണതരംഗ മുന്നറിയിപ്പ് നല്‍കിയിരിക്കുന്നത്.

Continue Reading

Trending