Connect with us

Culture

യുപി തെരഞ്ഞെടുപ്പ്: ബിഎസ്പിയെ എഴുതിത്തള്ളരുത് – കാരണം

Published

on

ഉത്തര്‍പ്രദേശ് നിയമസഭാ തെരഞ്ഞെടുപ്പില്‍ മായാവതിയുടെ ബിഎസ്പി കറുത്ത കുതിരകളാവുമോ? അഭിപ്രായ സര്‍വേകള്‍ പാര്‍ട്ടിക്ക് വന്‍ പ്രതീക്ഷകള്‍ നല്‍കുന്നില്ലെങ്കിലും ശുഭപ്രതീക്ഷയില്‍ തന്നെയാണ് മായാവതി.

ഇതുവരെ വന്ന അഭിപ്രായ സര്‍വേകളിലെല്ലാം ബിജെപിക്കും എസ്പിക്കും പിന്നില്‍ മൂന്നാം സ്ഥാനത്താണ് ബിഎസ്പി. എബിപി- സിഎസ്ഡിഎസ് സര്‍വേയില്‍ ബിഎസ്പിക്ക് 22 ശതമാനം വോട്ടോടെ 93-103 സീറ്റുകളും, ഇന്ത്യ ടുഡേ 26 ശതമാനം വോട്ടോടെ 75-85 സീറ്റുകളുമാണ് ബിഎസ്പിക്ക് നല്‍കുന്നത്.

2012ലെ തെരഞ്ഞെടുപ്പില്‍ 25 ശതമാനം വോട്ടുകളാണ് ബിഎസ്പിക്ക് ലഭിച്ചത്. അതിനു മുമ്പ് 2007ല്‍ ഇത് 30 ശതമാനമായിരുന്നു. ഈ അഞ്ച് ശതമാനം വോട്ടുകളിലെ കുറവ് 2012ല്‍ സമാജ് വാദി പാര്‍ട്ടിക്ക നല്‍കിയത് 224 സീറ്റുകളാണ്. 126 സീറ്റുകളുണ്ടായിരുന്ന ബിഎസ്പി 80 സീറ്റുകളിലൊതുങ്ങി. 2009ലെ ലോക്‌സഭാ തെരഞ്ഞെടുപ്പില്‍ 27 ശതമാനം വോട്ടുകളും 20 സീറ്റുകളുമുണ്ടായിരുന്നു ബിഎസ്പിക്ക്. എല്ലാ തെരഞ്ഞെടുപ്പുകളിലും 25 ശതമാനം വോട്ടുലഭിച്ച പാര്‍ട്ടിക്ക് ഉറച്ച വോട്ടുബാങ്കുണ്ടെന്നര്‍ത്ഥം.

എന്നാല്‍ 2014ലെ ലോക്‌സഭാ തെരഞ്ഞെടുപ്പില്‍ ശക്തമായ മോദി തരംഗത്തില്‍ ബിഎസ്പിയുടെ വോട്ടിങ് 19 ശതമാനത്തിലേക്ക് വീണു. പാര്‍ട്ടിയുടെ ദലിത് വോട്ടുബാങ്കിലേക്ക് ബിജെപി കടന്നു കയറിയതാണ് ഇതിനിടയാക്കിയത്. ഇതിനു ശേഷം മായാവതിയുടെ പ്രവര്‍ത്തനങ്ങളെല്ലാം അണിയറയിലായിരുന്നു. പിന്നീട് നടന്ന ഉപതെരഞ്ഞെടുപ്പുകളില്‍ മത്സരിക്കാതെ മാറി നിന്ന പാര്‍ട്ടി പക്ഷെ തദ്ദേശ തെരഞ്ഞെടുപ്പുകളില്‍ ഏറ്റവും കൂടുതല്‍ നേട്ടമുണ്ടാക്കി. ബിജെപിയുടെ ദളിത് എതിര്‍പ്പും സര്‍ക്കാര്‍ വിരുദ്ധ വികാരവുമാണ് ബിഎസ്പിക്ക് നേട്ടമുണ്ടാക്കിയത്.

സമാജ് വാദി പാര്‍ട്ടിയിലെ പൊട്ടിത്തെറി ഏറ്റവും കൂടുതല്‍ നേട്ടമുണ്ടാക്കുക മായാവതിക്കാണ്. എസ്പിയിലെ തര്‍ക്കത്തില്‍ അഖിലേഷ് ശക്തനാവുമെങ്കിലും പിതാവിനെ പോലെ ജാതിസമവാക്യങ്ങള്‍ ഏകോപിപ്പിക്കുന്നതില്‍ മിടുക്കനല്ല അഖിലേഷ്. എസ്പി പിളരുകയാണെങ്കില്‍ തെരഞ്ഞെടുപ്പ് ഉച്ഛസ്ഥായിയിലെത്തുമ്പോള്‍ അഖിലേഷിന് എത്രത്തോളം ഓളമുണ്ടാക്കാനാവുമെന്ന് കണ്ടറിയണം. അല്ലാത്തപക്ഷം അത്‌നേട്ടമാവുക മായാവതിക്കാണ്.

2014ലെ ലോക്‌സഭാ തെരഞ്ഞെടുപ്പില്‍ 42 ശതമാനം വോട്ടു ഷെയര്‍ നേടിയ ബിജെപിക്കും ഇപ്പോള്‍ കാര്യം അത്ര ആശ്വാസ്യകരമല്ല. എബിപി സര്‍വേയില്‍ പാര്‍ട്ടിക്ക് 27 ശതമാനം വോട്ടുകളും ഇന്ത്യ-ടുഡേ ആക്‌സിസ് സര്‍വേയില്‍ 33 ശതമാനം വോട്ടുകളുമാണ് പ്രവചിക്കുന്നത്. 10 ശതമാനത്തിലധികമുള്ള ഈ വോട്ടുചോര്‍ച്ച ദളിത് വോട്ടുകള്‍ ബിഎസ്പിയിലേക്ക് തിരിച്ചുപോകുന്നുവെന്ന സൂചനയാണ് സര്‍വേകള്‍ നല്‍കുന്നത്. ചെറിയ വോട്ടുമാറ്റം പോലും സീറ്റുകളുടെ എണ്ണത്തില്‍ വലിയ മാറ്റങ്ങളുണ്ടാക്കുന്ന യുപിയില്‍ അത്‌കൊണ്ട് തന്നെ മായാവതിയെയും പാര്‍ട്ടിയെയും എഴുതിത്തള്ളുക മണ്ടത്തരമാകും.

Continue Reading
Advertisement
Click to comment

Leave a Reply

Your email address will not be published. Required fields are marked *

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Film

‘പ്രതിസന്ധികളെ മറിക്കടക്കാന്‍ ഖുര്‍ആന്‍ സഹായിച്ചു’: ഹോളിവുഡ് താരം വില്‍ സ്മിത്ത്‌

മക്കള്‍ക്ക് ഖുര്‍ആനിലെ വാക്കുകള്‍ ഉപദേശങ്ങളായി പറഞ്ഞു കൊടുക്കാറുണ്ടെന്നും അദ്ദേഹം വ്യക്തമാക്കി

Published

on

വിശുദ്ധ ഖുര്‍ആന്‍ വായിച്ചതിന്റെ അനുഭവം പങ്കുവച്ച് പ്രശ്‌സ്ത ഹോളിവുഡ് താരം വില്‍ സ്മിത്ത്. മാധ്യമപ്രവര്‍ത്തകനായ അമര്‍ അദീപിന്റെ ബിഗ് ടൈം പോഡ്കാസ്റ്റ് എന്ന പരിപാടിയിലാണ് വില്‍ സ്മിത്ത് ഇക്കാര്യം പറഞ്ഞത്. തനിക്ക് ആത്മീയത ഇഷ്ടമാണെന്നും ജീവിതത്തിലെ അവസാന രണ്ട് വര്‍ഷം ബുദ്ധിമുട്ടായിരുന്നുവെന്നും അതിനെ മറികടക്കാന്‍ തനിക്ക് ഖുര്‍ആന്‍ സഹായകമായെന്നും അദ്ദേഹം പറഞ്ഞു.

‘എനിക്ക് ആത്മീയത ഇഷ്ടമാണ്, തന്റെ ജീവിതത്തിലെ അവസാന രണ്ട് വര്‍ഷം വളെര ബുദ്ധിമുട്ടേറിയ കാലമായിരുന്നു, ആ കാലഘട്ടത്തില്‍ താന്‍ ഖുര്‍ആന്‍ ഉള്‍പ്പെടെ എല്ലാ വിശുദ്ധ ഗ്രന്ഥങ്ങളും വായിച്ചിരുന്നു. ഇത് സ്വയം ചിന്തിക്കാനും ആന്തരിക സ്വഭാവത്തെക്കുറിച്ച് ചിന്തിക്കാനും പ്രേരിപ്പിച്ചു’ അദ്ദേഹം പറഞ്ഞു.

ഈ റമദാന്‍ മാസത്തില്‍ ഖുര്‍ആന്‍ ഞാന്‍ പൂര്‍ണമായും വായിച്ചു. ഈ ഘട്ടത്തില്‍ ഏവരെയും ഉള്‍ക്കൊള്ളാനാവുന്ന വിശാലതയിലേക്ക് മനസിനെ വളര്‍ത്തിയെടുക്കുകയാണ്. ഖുര്‍ആന്റെ ലാളിത്യം തനിക്ക് വളരെ ഇഷ്ടമായി. എല്ലാം വളരെ ലളിതമായും കൃത്യമായും ഖുര്‍ആനിലുണ്ട്. യാതൊരു ബുദ്ധിമുട്ടുകളോ തെറ്റിദ്ധാരണകളോ ഇല്ലാതെ വളരെ എളുപ്പത്തില്‍ വായിച്ചു തീര്‍ക്കാമെന്നും അദ്ദേഹം പറഞ്ഞു.

‘ഞാന്‍ എല്ലാ വിശുദ്ധ ഗ്രന്ഥങ്ങളും വായിച്ചു, തോറ മുതല്‍ ബൈബിളിലൂടെ ഖുര്‍ആന്‍ വരെ. എല്ലാം ഒരു പോലെയാണെന്നതില്‍ ഞാന്‍ ആശ്ചര്യപ്പെട്ടു, അവ തമ്മിലുള്ള ബന്ധം തകര്‍ന്നിട്ടില്ല.’ അദ്ദേഹം പറഞ്ഞു. മക്കള്‍ക്ക് ഖുര്‍ആനിലെ വാക്കുകള്‍ ഉപദേശങ്ങളായി പറഞ്ഞു കൊടുക്കാറുണ്ടെന്നും അദ്ദേഹം വ്യക്തമാക്കി.

Continue Reading

Trending