More
പൊലിഞ്ഞത് 16 വര്‍ഷം കാത്തിരുന്ന് കിട്ടിയ കുഞ്ഞ്; ബാലഭാസ്‌ക്കറിനായി പ്രാര്‍ഥനയോടെ സാമൂഹ്യമാധ്യമങ്ങളും
തിരുവനന്തപുരം: കാറപകടത്തില്‍ പെട്ട വയലിനിസ്റ്റ് ബാലഭാസ്‌ക്കറിനും കുടുംബത്തിനുമായി പ്രാര്‍ത്ഥനയോടെ സാമൂഹ്യമാധ്യമങ്ങള്‍. ഇന്ന് പുലര്‍ച്ചെ തിരുവനന്തപുരത്ത് വെച്ചായിരുന്നു ബാലഭാസ്‌ക്കറിന്റെ കുടുംബം അപകടത്തില്‍ പെട്ടത്. അപകടത്തില്‍ ഏകമകള്‍ തേജസ്വി ബാല മരിക്കുകയായിരുന്നു.
തിരുവനന്തപുരം യൂണിവേഴ്‌സിറ്റി കോളേജില്‍ സഹപാഠികളായിരുന്നു ബാലഭാസ്‌കറും ലക്ഷ്മിയും. 2000-ലായിരുന്നു ഇവരുടെ വിവാഹം. നീണ്ട പതിനാറു വര്‍ഷങ്ങള്‍ക്ക് ശേഷമാണ് ഇരുവര്‍ക്കും കുഞ്ഞ് പിറക്കുന്നത്. കുഞ്ഞിനെയുമൊത്ത് തൃശൂര്‍ വടക്കുംന്നാഥ ക്ഷേത്രത്തില്‍ തൊഴുതുമടങ്ങുന്നതിനിടയിലാണ് അപകടം സംഭവിച്ചത്. കാറിന്റെ മുന്‍ സീറ്റില്‍ ബാലഭാസ്‌ക്കറിന്റെ മടിയില്‍ ഉറങ്ങുകയായിരുന്നു മകള്‍ തേജസ്വിബാല. അപകടം നടന്നയുടനെ തന്നെ സംഭവസ്ഥലത്തുവെച്ച് തേജസ്വി മരിക്കുകയായിരുന്നു. കുഞ്ഞിന് രണ്ടു വയസ് മാത്രമാണ് പ്രായം.
അപകടത്തില്‍ കാറിന്റെ മുന്‍വശം പൂര്‍ണ്ണമായും തകര്‍ന്നു. കാര്‍ പൊളിച്ചയുടനെ കുഞ്ഞിനെ ആദ്യം കണ്ടെങ്കിലും ബോധമുണ്ടായിരുന്നില്ല. ഹൈവേ പൊലീസിന്റെ വാഹനത്തില്‍ തന്നെ ആസ്പത്രിയിലെത്തിക്കാന്‍ ശ്രമിച്ചെങ്കിലും മരണത്തിന് കീഴടങ്ങുകയായിരുന്നു. ആംബുലന്‍സെത്തി മൂന്നുപേരേയും ആസ്പത്രിയിലെത്തിച്ചു. ബാലഭാസ്‌ക്കറിന് നട്ടെല്ലിനും കഴുത്തെല്ലിനും പരിക്കേറ്റിട്ടുണ്ട്. ഡ്രൈവര്‍ അര്‍ജുന്റെ രണ്ടുകാലുകളും ഒടിഞ്ഞുതൂങ്ങിയിട്ടുണ്ട്. അടിയന്തര ശസ്ത്രക്രിയക്ക് വിധേയമാക്കിയ മൂന്നുപേരും ഇപ്പോള്‍ തീവ്രപരിചരണ വിഭാഗത്തില്‍ ചികിത്സയിലാണ്.
വിവരമറിഞ്ഞ് തിരുവനന്തപുരത്തെ ആസ്പത്രിയിലേക്ക് സിനിമാ മേഖലയിലെ നിരവധി സഹപ്രവര്‍ത്തകര്‍ എത്തുന്നുണ്ട്. അപകടവിവരത്തില്‍ അതീവ ദു:ഖം രേഖപ്പെടുത്തി സാമൂഹ്യമാധ്യമങ്ങളും രംഗത്തുവന്നു. പന്ത്രണ്ടാം വയസ്സില്‍ സംഗീതജീവിതം ആരംഭിച്ച ബാലഭാസ്‌കര്‍ മലയാള സിനിമയിലെ ഏറ്റവും പ്രായം കുറഞ്ഞ പ്രതിഭയാണ്.
-
india3 days ago‘പകൽകൊളളയ്ക്കാണ് മോദി ഇലക്ടറൽ ബോണ്ട് എന്ന് പറയുന്നത്’: രാഹുൽ ഗാന്ധി
-
EDUCATION3 days agoസിവില് സര്വീസ് ഫലം പ്രഖ്യാപിച്ചു; നാലാം റാങ്ക് മലയാളിക്ക്
-
kerala3 days agoവീട്ടിലേക്കുള്ള വഴിയിൽ സിപിഎം കൊടിമരം സ്ഥാപിച്ചു; ആത്മഹത്യ ഭീഷണിയുമായി ഗൃഹനാഥൻ
-
kerala3 days agoഅബ്ദുൽ റഹീമിന്റെ മോചനം ആവശ്യപ്പെട്ട ഹർജി ഫയലിൽ സ്വീകരിച്ചു
-
kerala3 days agoഎക്സാലോജിക് സിഎംആർഎൽ ഇടപാട്; ശശിധരൻ കർത്തയ്ക്ക് വീണ്ടും ഇഡി നോട്ടീസ്
-
Education3 days agoകേരള ടീച്ചേഴ്സ് എലിജിബിലിറ്റി ടെസ്റ്റ് (K-TET): അപേക്ഷ ഏപ്രിൽ 26 വരെ
-
News3 days agoഇസ്രാഈലില് ഡ്രോണ് ആക്രമണം നടത്തി ലെബനന്
-
FOREIGN3 days agoഒമാനിൽ ശക്തമായ മഴ തുടരുന്നു; നാളെ സ്കൂളുകൾക്ക് അവധി