പ്രധാനമന്ത്രി നരേന്ദ്ര മോദിയുടെ ഭാര്യ യശോദാ ബെന്‍ വാഹനാപകടത്തില്‍ പെട്ടു

ജയ്പുര്‍: പ്രധാനമന്ത്രി നരേന്ദ്ര മോദിയുടെ ഭാര്യ യശോദാ ബെന്നിന് വാഹനാപകടത്തില്‍ പരിക്കേറ്റു. ഇന്നു പുലര്‍ച്ചെയായിരുന്നു അപകടം. യശോദ ബെന്‍ സഞ്ചരിച്ച വാഹനം രാജസ്ഥാനിലെ കോട്ട ചിറ്റൂര്‍ ദേശീയപാതയില്‍ വച്ച് അപകടത്തില്‍ പെടുകയായിരുന്നു.

പരിക്കേറ്റ യശോദയെ ചിറ്റോര്‍ഗഢിലെ ആസ്പത്രിയില്‍ പ്രവേശിപ്പിച്ചു. അപകടകാരണം വ്യക്തമായിട്ടില്ല. അപകടത്തില്‍ ഒരാള്‍ മരിച്ചതായാണ് റിപ്പോര്‍ട്ട്.

കോട്ടയില്‍ ഒരു വിവാഹച്ചടങ്ങില്‍ പങ്കെടുത്ത ശേഷം മടങ്ങുകയായിരുന്നു യശോദ. സഹോദരന്‍ അശോക് മോദിക്കൊപ്പം മെഹ്‌സാന ജില്ലയിലെ ഉന്‍ജാ നഗരത്തിലാണ് യശോദയുടെ താമസം.