Connect with us

More

സിസോ……………. ദി ഗ്രേറ്റ്

Published

on

മാഡ്രിഡ്: സന്തോഷം പരസ്യമായി പ്രകടിപ്പിക്കുന്നതില്‍ വിമുഖനാണ് സൈനുദ്ദീന്‍ സിദാന്‍. പക്ഷേ ഇന്നലെ അദ്ദേഹം ടോണി ക്രൂസിന്റെ ഗോളില്‍ കൈകള്‍ വാനിലേക്കുയര്‍ത്തി…. താരങ്ങളുടെ ചുമലില്‍ തട്ടി…. മഹാനായ ഫുട്‌ബോളര്‍ എന്ന ഖ്യാതിയില്‍ നിന്നും ലോക ഫുട്‌ബോളില്‍ അനിതരസാധാരണ നേട്ടക്കാരനായ പരിശീലകനായി മാറുകയാണ് സിസു. രണ്ട് കിരീടങ്ങളാണ് അദ്ദേഹത്തിന് തൊട്ട് മുന്നില്‍. സെല്‍റ്റക്കെതിരായ മല്‍സരത്തിന് മുമ്പ് നടത്തിയ വാര്‍ത്താ സമ്മേളനത്തില്‍ സിസു വ്യക്തമായി പറഞ്ഞത് ഞങ്ങള്‍ ചാമ്പ്യന്മാരായിട്ടില്ല, ആഘോഷത്തിന് സമയമായിട്ടില്ല എന്നാണ്. ഇന്നലെയും അദ്ദേഹം ആ വാക്കുകള്‍ ആവര്‍ത്തിച്ചു-ചാമ്പ്യന്മാരായിട്ടില്ല. അതിനാല്‍ വലിയ സന്തോഷത്തിന് നില്‍ക്കാതെ അദ്ദേഹം ക്ലബ് ആസ്ഥാനത്തേക്ക് പോയി. രണ്ട് ദിവസം കൂടി കാത്തിരിക്കാനാണ് സിസു താരങ്ങളോട് പറഞ്ഞിരിക്കുന്നത്.
യൂറോപ്യന്‍ ഫുട്‌ബോള്‍ ഭരിക്കുന്നത് വമ്പന്മാരായ പരിശീലകരാണ്. അനുഭവസമ്പത്തിന്റെയും കോച്ചിംഗ് ലൈസന്‍സിന്റെയും ബലത്തില്‍ ഹൗസേ മോറിഞ്ഞോ, ആഴ്‌സന്‍ വെംഗര്‍, കാര്‍ലോസ് ആഞ്ചലോട്ടി, പെപ് ഗുര്‍ഡിയോള തുടങ്ങിയവര്‍. സിദാന് ഇത്തരം ആഡംബരങ്ങളൊന്നുമില്ല. രാജ്യാന്തര ഫുട്‌ബോളറില്‍ നിന്നുമാണ് അദ്ദേഹം പരിശീലകനായത്. പക്ഷേ എല്ലാവരുടെയും കരുത്തിനെ ചൂഷണം ചെയ്യുക എന്ന സിംപിള്‍ ബുദ്ധിയാണ് അദ്ദേഹം പ്രയോഗിക്കുന്നതും വിജയിപ്പിക്കുന്നതും. റയല്‍ മാഡ്രിഡ് എന്നാല്‍ എല്ലാവരും സൂപ്പര്‍ താരങ്ങളാണ്. ലോക ഫുട്‌ബോളില്‍ വ്യക്തമായ മേല്‍വിലാസമുളളവര്‍. അവരെ ഒരു സംഘമാക്കി, ഈഗോ പ്രശ്‌നങ്ങള്‍ ഒഴിവാക്കി, എല്ലാവര്‍ക്കും അവസരങ്ങള്‍ ഉറപ്പാക്കി, ആരെയും നോവിപ്പിക്കാതെയുളള ഫുട്‌ബോള്‍ ഡിപ്ലോമസി….
ജയത്തില്‍ മതിമറക്കുന്നില്ല അദ്ദേഹം. പരാജയത്തിലോ തിരിച്ചടിയിലോ കൂറ്റക്കാരെ കണ്ടെത്തുന്നുമില്ല. വ്യക്തമായ മല്‍സര പ്ലാന്‍-കളിക്കാരനായിരുന്നപ്പോള്‍ മധ്യനിരയില്‍ കളി നിയന്ത്രിക്കുന്ന പ്ലേ മേക്കറായിരുന്നു സിദാനെങ്കില്‍ ഇപ്പോള്‍ അദ്ദേഹം പ്ലേ മേക്കിംഗ് കോച്ചാണ്. എല്ലാ താരങ്ങളുടെയും അഭിപ്രായം തേടുമ്പോള്‍ തന്നെ അമിതമായി പ്രതിരോധപാത പിന്തുടരുന്നില്ല. മുന്‍നിരയില്‍ കൃസ്റ്റിയാനോയും ബെന്‍സേമയും അസുന്‍സിയോയും ഇസ്‌ക്കോയും റോഡ്രിഗസുമെല്ലാമുള്ളപ്പോള്‍ ഗോളുകള്‍ തന്നെയാണ് ടീമിന്റെ ശക്കതിയെന്ന് മനസ്സിലാക്കിയുള്ള മുന്നേറ്റം. ഇപ്പോഴും സിസു ചിരിക്കുന്നില്ല. തന്റെ ചിരി അദ്ദേഹം ഞായറിലേക്ക് മാറ്റിയിരിക്കുന്നു. അന്ന് മലാഗക്കെതിരെ സമനില മതി. പക്ഷേ ആ ലക്ഷ്യത്തിലേക്കല്ല കോച്ചിന്റെ നോട്ടമെന്ന് വ്യക്തം. പിന്നെ സിസു പൊട്ടിച്ചിരിക്കും-കാര്‍ഡിഫിലെ ജൂണ്‍ മൂന്നിലെ രാത്രി അനുകൂലമായാല്‍.

kerala

മലകയറ്റം കഴിഞ്ഞ് മടങ്ങവെ കാട്ടുപോത്തിന്റെ ആക്രമണം; ഇടുക്കിയില്‍ ഒരാള്‍ക്ക് സാരമായ പരിക്ക്

ഇന്ന് ഒരു മണിക്ക് ശേഷമാണ് സംഭവം

Published

on

ഇടുക്കി: ഇടുക്കിയില്‍ കാട്ടുപോത്തിന്റെ ആക്രമണത്തില്‍ ഒരാള്‍ക്ക് സാരമായി പരിക്കേറ്റു. സ്പ്രിങ്ങ് വാലിയില്‍ മുല്ലമല എം ആര്‍ രാജീവനാണ് പരിക്കേറ്റത്. രാജീവിനെ ആശുപത്രിയില്‍ പ്രവേശിപ്പിച്ചു.

ഇന്ന് ഒരു മണിക്ക് ശേഷമാണ് സംഭവം. കൂട്ടുകാര്‍ക്കൊപ്പം കുരിശുമല കയറി തിരികെ വരുമ്പോഴാണ് കാട്ടുപോത്തിന്റെ ആക്രമണം ഉണ്ടായത്. ഏലത്തോട്ടത്തില്‍ ഉണ്ടായിരുന്ന കാട്ടുപോത്ത് റോഡിലേക്ക് കയറി രാജീവിനെ ആക്രമിക്കുകയായിരുന്നു. കൂട്ടുകാര്‍ രാജീവിന്റെ രക്ഷയ്ക്ക് എത്തിയതോടെ, കാട്ടുപോത്ത് പിന്മാറുകയായിരുന്നു.

കഴിഞ്ഞദിവസം രാത്രിയില്‍ അടിമാലി ഇരുമ്പുപാലം പടിക്കപ്പില്‍ കാട്ടുപോത്ത് ഇറങ്ങിയത് നാട്ടുകാരെ പരിഭ്രാന്തിയിലാഴ്ത്തിയിരുന്നു.

Continue Reading

More

ഗസ്സയിലെ വംശഹത്യ തടയണം; ഇസ്രാഈലിന് കടുത്ത നിര്‍ദേശവുമായി അന്താരാഷ്ട്ര കോടതി

ഉത്തരവ് പാലിക്കുന്നെന്ന് ഉറപ്പാക്കി ഒരു മാസത്തിനകം റിപ്പോർട്ട് നൽകണമെന്നാണ് നിർദേശം

Published

on

ഗാസയിൽ തുടരുന്ന ആക്രമണത്തിന് പിന്നാലെ ഇസ്രാഈലിന് കടുത്ത നിർദേശവുമായി അന്താരാഷ്ട്ര കോടതി. ഗാസയിലെ വംശഹത്യ തടയണമെന്ന് ഇസ്രാഈലിനോട് ആവശ്യപ്പെട്ടു. ഉത്തരവ് പാലിക്കുന്നെന്ന് ഉറപ്പാക്കി ഒരു മാസത്തിനകം റിപ്പോർട്ട് നൽകണമെന്നാണ് നിർദേശം.

ഗാസയിലെ സാഹചര്യം ഹൃദയഭേദകമെന്ന് യുഎൻ സെക്രട്ടറി ജനറൽ അന്റോണിയോ ഗുട്ടറസ് പ്രതികരിച്ചു. ഗാസയിലെ ജനങ്ങളോട് മാനുഷിക പരിഗണന അനിവാര്യമെന്നും അദ്ദേഹം പറഞ്ഞു. ഗാസയിൽ 10 ആശുപത്രികൾ ഭാഗികമായി പ്രവർത്തിക്കുന്നെന്ന് ലോകാരോഗ്യ സംഘടന അറിയിച്ചു.

അതേസമയം ഇസ്രാഈൽ സൈന്യം ഗാസ നഗരത്തിലേക്ക് പ്രവേശിക്കാൻ പോവുകയാണെന്നാണ് പ്രസിഡന്റ് ബെഞ്ചമിൻ നെതന്യാഹു മുന്നറിയിപ്പ് നൽകിയത്. ഗുരുതര സാഹചര്യമാണ് ഗാസയിലേതെന്നും പട്ടിണി തടയാനാകുന്നില്ലെന്നുമാണ് ലോകാരോഗ്യ സംഘടന മുന്നറിയിപ്പ് നൽകുന്നത്.

Continue Reading

kerala

കണ്ണൂരില്‍ ഒരാള്‍ക്ക് സൂര്യാഘാതമേറ്റു

ഇന്ന് പത്ത് ജില്ലകളില്‍ ഉയര്‍ന്ന താപനില മുന്നറിയിപ്പ് പ്രഖ്യാപിച്ചിട്ടുണ്ട്

Published

on

കണ്ണൂര്‍: കണ്ണൂരില്‍ ഒരാള്‍ക്ക് സൂര്യാഘാതമേറ്റു. ടെയ്‌ലറിങ് കടയുടമ കരുവന്‍ചാല്‍ പള്ളിക്കവല സ്വദേശി എംഡി രാമചന്ദ്രനാണ് പൊള്ളലേറ്റത്. രാമചന്ദ്രന്റെ ഇരുകാലുകള്‍ക്കും പൊള്ളലേറ്റു. രാമചന്ദ്രനെ ഉടന്‍ സമീപത്തെ ആശുപത്രിയില്‍ പ്രവേശിപ്പിച്ചു. ഇരുപാദങ്ങളിലേയും തൊലി നീക്കം ചെയ്തു.

അതേസമയം, ഇന്ന് പത്ത് ജില്ലകളില്‍ ഉയര്‍ന്ന താപനില മുന്നറിയിപ്പ് പ്രഖ്യാപിച്ചിട്ടുണ്ട്. കൊല്ലം, തൃശൂർ, പാലക്കാട്, പത്തനംതിട്ട, കോട്ടയം, ആലപ്പുഴ, എറണാകുളം, കോഴിക്കോട്, കണ്ണൂർ, തിരുവനന്തപുരം ജില്ലകളിലാണ് മുന്നറിയിപ്പ്. സാധാരണയേക്കാൾ രണ്ട് മുതൽ നാല് ഡി​ഗ്രി സെൽഷ്യസ് വരെ ചൂട് കൂടും. ഈ ജില്ലകളിൽ യെല്ലോ അലർട്ട് പ്രഖ്യാപിച്ചു.

Continue Reading

Trending